اسباب عدم التركيز والنسيان

@جلنار | Gulnar;


السلام عليكم ورحمة الله وبركاته



اسباب عدم التركيز والنسيان ؛:

1(عصبيتنا علي اولادنا من صغرهم...

بترفع هرمونات الغضب عندهم التي من ضمنها الكورتيزول و الادرينالين وكلاهما من دوره..ان يقوم باغلاق الذاكرة..لانه هرموت نجدة..وانقاذ..مش هرمون تذكر.....يبقي خلوا بالكم اول سبب عصبيتنا علي ولادنا...هتقولولي..ما هم مستفزين...يا حبيبات التربية مش لعبة....التربية اني اطول بالي واصبر....وان معرفتش اتعلم....مش اني ادفع ابنائي لفقدان تركيزهم بالغضب والاهانات..يبقي لازم نهدا احنا وناخد الامور ببساطة شوية ولو احتجنا مساعدة عشان نهدأ نزور متخصص

2(الالكترونيات...

من اهم اسباب تحويل التركيز عن الاهداف الحياتية للخيال. ...يعني الالكترونيات بتزود تركيز الطفل اوي لكن للخيال مش الواقع...بمعني ان السبب 1 اللي هو العصبية علي الطفل بيقلل التركيز والتذكر...فعلا..

لكن السبب 2 الابكترونيات بيعمل اعادة توجيه للتركيز الي الخيال...يبقي انا مركز اوي بس مش مع الواقع ....مع اي خيال....مع احلامي ...مع مخاوفي ...مع ..ابطال الكارتون...
لازم ومليون لازم تفرملوا وتسيطروا علي الالكترونيات وبقوة..اما المراهقين لازم تودوهم يتعالجوا من ادمان الالكترونيات

3(البرمجة الخاطئة

دايما ترددي للطفل انت نسّاي
انت مش بتركز...
بطلوا الكلام ده..
خالص
وابدئوا برمجوا
انت اتغيرت انت اتحسنت ..لان ده هيساعد العقل علي التركيز...

4(التغذية السيئة ....

وطبعا فيه حجات بتزود التركيز زي ...المكسرات غير المحمصة.....وبعض الفيتامينات...وده ممكن تقراوا عنه كويس علي النت بس خلوا بالم ...ان تضبيط التغذية من غير تضبيط الاسباب اللي فوق مش هيكفي

5(عدم الاهتمام بالمواهب.....

=طفل بيرسم او بيكتب اورياضي نهزأه ونهمل موهبته فتكون النتيجة انطفائه...لان الحجات التي نحبها هي من اهم اسباب تركيزنا ...ازاي؟ ؟ تعالي نتخيل انك قاعدة وسط ناس مش بتحبيهم وفجاة جات صديقة عمرك...هتنتبهي جدا...وتفرحي.....
اهي المواهب بالنسبة للابن زي اهتمام بصديق عمر...
ولما هيركز فيها هيحب الحياة
المواهب مش بسبب ادمان زي الالكترونيات ...

6(البيئة المشحونة...

خناقات وتهزئ
لان الطفل منتهي امله في البيئات المشحونة النجاة بنفسه ...فهو ليس في مجال تذكر وانما في مجال الامان النفسي يعني شاغله دايما ازاي يحس بالامان مش ازاي يركز....لازم تشوفي حل للصراعات الاسرية ولو بتجنبها

7(موضة تشتت الانتباه...

التي اصبحنا دوما نرددها وهي لا تنطبق علي الاطفال كلهم...بس اهي موضة وخلاص

حددي الاسباب وخدي خطوة لله.