ألماسي | الإكتئاب

@لِيليث.;

السلام عليكم ورحمة الله وبركاته
كيفك زينب الجميلة، يارب بخير يارب على طول وسعيدة وقمر يارب
لفتني موضوعك وأنا بقلب في المنتدى، شوف ياأخي العين شافت كل العناوين في كل الأقسام ومسكت في الإكتئاب
كان عندي معاه تجربة في الكام شهر الي فاتوا وفضل فترة محترمة بس كان عند نقطة معينة كنت حاسة محتاجة مساعدة، المهم عدت من عند ربنا الحمدلله
الإكتئاب مرض بيخليك مش حاسس بحاجة أو حاسس بحزن جوه قلبك في الغالب ملوش سبب عارفة لو في سبب أو سبب حتى أقدر أحله أقولك تمام بس هو احساس انك مكسور ومفيش حل
بتبقى هش لدرجة أي كلمة ممكن تاثر فيك ..
للأسف في أدوية إكتئاب عقبال ما بتشتغل بتزود الاكتئاب مش عارفة ايه السبب بس سمعت كدا
ولما اتكلمتي على أمراض عضوية كلامك صح عشان مثلا القولون العصبي من أحد أعراضه بيسبب إكتئاب عشان كدا دكاترة نفسيين قبل ما يتكلموا بيطلبوا أشعة وتحاليل عشان ممكن يكون في سبب عضوي مسبب دا ..
ومريض الاكتئاب مش بيحس غير إنه عايز يمشي
بيحس إنه متكتف ودا مش مكانه ولطيف إنك ذكرتي إنه ملوش علاقة بضعف الدين عشان الي ممكن يزود الاكتئاب فكرة التقصير مثلا في الصلاة ف بيحس إنه كل حاجة غلط حتى الآخرة خسران
ف بيحس إنه كدا كدا هدخل النار ف خلاص
أو ناس بتحس إنه ربنا أعلم بحالهم وبيحسوا إنه هيسامحهم وبينتحروا وشفت دا في رسايل ناس قبل كدا على وسائل التواصل
وناس كتير مكملة ومش هتنتحر عشان حرام ودا الي مصبرها..

في الاول والآخر كلنا بنحزن الفرق بس إن الاكتئاب بيفضل لفترات طويلة وبدون أسباب أغلب الوقت وبيعطل الشخص عن أداء شغله بطريقة مظبوطة وكل الدنيا بتبهت في عنيه حتى ملامحه...
مش عارفة أكتب إيه تاني، للأمانة حاسة كتبت كلام داخل في بعضه بس حبيت أشارك
وبس حابة أقول ياريت نطبطب على بعض أكتر ونهوّن على بعض عشان بجد الدنيا دي متسواش أي شئ وبجد كل حاجة رايحة ومش هيفضل غير أعمالنا الكويسة ف بلاش نبقى جرح لناس تانية، كلنا بنغلط بس بقدر الإمكان منزعلش حد
وبس كدا زينب الجميلة حبيت أفرحك ولو حبه بسيطة بالرد المتواضع دا وربي يسعدك ويبعد عنك أي حزن يارب، مع السلامة