أيـام ملؤها اليقين . .

-


أنا ة مرررة ثانية! الحمدلله الحمدلله الحمدلله
ليا 4 ساعات أحاول أستوعب مسألة ! جربت وبحثت كثير ولا قدرت أستوعبها !!
ولما أوشكت عالإستسلام.. جاء الفرج حمدلله ~
أحس بشعور مرة سعييييد وختمنا اليوم بسجدة شكر فما توفيقي إلا بالله . .
< هالمسألة من المادة اللي قلتلكم مرعبة ودرجاتي فيها سيئة xD
يارب تتيسر كلهااا زي ما تيسرت هالمسألة وأشوف الدرجة اللي تطير قلبي من الفرح بنهاية الترم آمييييييييييين

الحين صار وقت النوم عشان الأحد عندي فاينل. . فيحتاج أصحى بكير بكرا -بإذن الله-
ويارب يكفيني اليوم لمذاكرة فاينل الأحد وشوية من المادة المرعبة xD
< أنا اللي أحشر 77 مهمة في ساعة وحدة وأزعل ليش ما يمديني أخلصهم ؟؟


+++ أبا أحكيكم شيء مفرحني كمان قبل ما أنام
أنا شخص مرررررررررة يحب تويتر ، إدمان فعلًا . .
وبالمرتبة الثانية يجي السناب < ما أحب أتابع فيه أحد غير المعارف والأصحاب بس أحب أتفاعل لما أكون رايقة فقط. .
أما انستا وباقي برامج التواصل.. ما أحبها ولا ليا فيها ~
وحساباتي بتويتر وسناب عامة وعندي حوالي 5 آلاف متابع . .
ومن أسبوعين تقريبًا كتبت بتويتر اني بعطل حسابي -يعني عطيت الناس خبر-
وقلت برضو اني يمكن ابقى موجودة بالسناب . .
وفعلًا عطلت تويتر وقعدت بالسناب يومين بعدين رجعت حذفته هوَ كمان ~
ليش ؟ الأسباب طويلة مرة . . بحاول أكتبها هنا لأن اذا الواحد ما سولف بمدونته، وين بيسولف؟
1/ حلقات التحفيظ رجعت، وعندي فاينل بنفس الوقت . . حسيت ما فيه وقت يكفي هالأمرين
وأنا ما أبا افرط بالحفظ ولا بدرجاتي، ويعورني قلبي إذا شفت الوقت ضايع بتويتر !
فقلت أبعد عنه لين أرتب وقتي
2/ نفسيًا ما أحس نفسي كويسة ، آخر فترة صار بحياتي كذا شيء مؤلم
وحمدلله على كل حال طبعًا بس عرفتوا اللي تبون تقعدون لوحدكم مع نفسكم
لين تصيرون كويسين ؟
هذا غير إن بتويتر صار فيه عاهات كثير يهبدون هبد زي الزفت !! ويتكلمون كلام معفن عشان يدورون تفاعل أو ما شابه
بالذات اللي ياخذون الدين محتوى ويتكلمون بشيء ما يرضي الله ولا رسوله !
وأنا لما أقرأ لهم.. مرة أعصب أو اتنكد ويأثروا علي نفسيًا فعلًا !
وتأكدت من هالأمر لما حذفت تويتر ولاحظت إني صرت ة وهادية ورايقة أكثر
< لما أرجع لازم أتعلم أسوي لنفسي كنترول أكثر أو أبلك كل المعفنين
3/ بصراحة نسيت ايش فيه سبب كمان بس شكله خلاص كذا ~

المهم ، فيه وحدة اسمها "سارة" زميلتي بالدفعة . . أتابعها بتويتر وكثير أعلق على تغريداتها وهي كذلك ، بس علاقتنا سطحية ~
أمس فجأة كلمتني واستغربت ! حكتني إنو فيه وحدة تسأل عنك بتويتر
أنا فورًا صارت عيوني كذا :
قلتلها تعطيها حسابي بالانستا وتكلمني هناك لو تبا مني حاجة
< حسابي بالانستا مهجور، بس مرة كُل 11 شهر أفتحه وأخذ لفة ~

كلمتني البنوتة هذي -وحدة تتابعني بتويتر بس- ما بيننا معرفة ولا حاجة ):
كلامها بكاني من الحُب والفرحة
من الفرحة صورت كلامها وبصراحة لو أقدر أحطه بجبهتي حأحطه
هذا هو : هنا1 ، هنا2 ، هنا3

مو عارفة أوصف شعوري ، بس أدري إنه فرح كبيييييييييييييير !
< طبعًا دموعي صارت قد البحر وأنا أقرأ كلامها . . والفويسات كلها شهقات من البكاء

*شيء يشبه الدهشة في تساؤل "هل لك سرٌ عند الله؟"
إنو يا الله شو عملت حتى أستحق هذه المحبة من شخص ما بيني وبينه معرفة أصلًا !
شخص ما يعرف مني غير تغريداتي اللي أكتبها بحسابي فققطططط ):
متأكدة إن هالأمر من ألطاف الله بقلبي في أيامه الصعبة فالحمدلله حتى يرضا ، الحمدلله حمدًا يليق بجلال وجهه وعظيم سلطانه

أستغفر الله وأتوب إليه ~