هل ستبكي عند موت من جرحك؟

المشاركة الأصلية كتبت بواسطة mimi

مراحب
حبيت بس اذكركم يا عزيزاتي انه الموضوع عباره
عن وجهات نظر وتجارب
كل واحد بيقول تجربته بناءاً على ما شاف في حياته.
ف فكره اني لما اقول الأخ هو الأخ مهما كان
ف دا راجع لتجربه مش واحده وإنما مع الأسف الشديد هم اتنين
ولكن هل معنى كدا انه كلامكم غلط؟
لا .. شفت ناس كتيره بيلاقو الاخوه والصداقه برا البيت
وانا في مرحله ما كنت عارفه معنى الشعور دا
ولكن نتيجه لأمور تانيه اتضح لي اني كنت غلط
غلط باني اعتبرت غريب اخ لي ، وغلط اني أديت غريبه مكانه الأخت لي.

والله للأمانه يا سراب اكون كذابه اذا قلت إنه إحساسك غلط
وانه مكنتش مضايقه ، كنت مضايقه لدرجه كتبت رد
لو كنت نزلته ما كان فضلت منبعده ساعه مشرفه على القسم
اللي ضايقني اني اخترت اجابه هي تلقائياً خطرت على عقلي لاجابه سؤالك
زعلت من نفسي انه اجابتي كانت كدا مش العكس.

موضوعك مؤلم بشكل كبير لو تعرفي
الكلام يكون سهل لما نتكلم عن تجارب الناس و مؤلم لما نتكلم عن تجاربنا.


اما بالنسبه لكلام ساره عن المسامحه فللامانه انا مش مسامحه
صحيح أحيانا بقعد مع نفسي واقول خلاص الدينا مش دايمه و انسى و صفحه جديده
بس الجزء التاني مني بيفكرني بكل لفظ او رده فعل حصلت تجاهي و بالتالي بتراجع عن فكره الصفح و المسامحه و احس بضيق اكتر و شعور أسوأ من الأول.
فقراري الأخير بيكون انه مفيس مسامحه ليوم الدين
و كدا كدا كلنا هنوقف على صراط و هنتحاسب على كل كلمه طلعت مننا
وحقنا هيرجع من كل حد جرحنا بكلمه
وقتها كمان هنكون مخيرين نسامح او نقتص .. وقتها هشوف هختار ايه.

عندك حق كلها وجهات نظر ولازم كلنا نختلف
كلامك كله صح
بس
يوم القيامه المتخاصمين هيقفوا قدام ربنا
ليه تبقي انتي عايزه ربنا يسامحك على اخطائك ومش عايزه تسامحي عبده؟
حى لو غصب عنك سامحي
حتى لو اتعرضتي للأذى
بس متنسيش واتعلمي
كفايه مرتين كده لكن متقعيش في التالته
يمكن اختيار الشخص كان غلط؟ منعرفش
بس لازم نتعلم من اخطائنا
اسفه لو اتكلمنا في موضوع دايقك بس كلنا لازم نساعد بعض نتخطى اوجاعنا