لا نخسر بعض !

[COLOR=RoyalBlue @V E L V E T; [/COLOR] السلام عليكم ورحمه الله وبركاته كيف الاحوال ؟ يارب كل حاجه تكون بخير الموضوع مهم جدا فعلا الناس بتخسر بعضها جدا بسبب سوء. المعامله أو الكلمات القاسيه بالرغم أن مفيش داعي لكل ده .. لان من وجهه نظري أن الدنيا مش مستاهله تجرح بعض أو نأذي بعض بالكلام بالنسبه ليا خسرت صديقاتي بسبب كلام جارح من ناحيتهم مقدرتش اسامح صراحه وبعدت من ناحيتي كنت اقدر ارد بكلام جارح بس بقول مينفعش اكسر قلب حد لاني هلاقي اللي يكسر قلبي كسره الخاطر وكسره النفس وحشه جدا وبعدين كمان مينفعش نرد غلط بغلط لو حد غلط في حقنا نقله الله يسامحك وخلاص على الاقل اخد من ذنوبنا واحنا احتسبنا الوجع وكسره الخاطر عند ربنا افضل من أننا ناخد حقنا من البشر ونقول كلام جارح الكلمه الطيبه صدقه ... يعني فعلا لو غلطنا في حق حد من غير م نلاحظ ايه المشكله لو رحنا وقولنا ليه انا اسف ؟ حقك عليا ؟ مفيش مشكله خالص في ناس بتحس أنها بتقلل من نفسها لو اعتذرت ! النوع ده من الناس هيخسر كتير في حياته عندنا طفله في البيت عنيده ولما بتغلط في حد متعتذرش كنت قاعدين في يوم وهي قالتلي انتي مجنونه قولتلها اعتذري حالا رفضت ومشيت اشتكيت لماما وكان ردها صادم ماما قالتلي أن انا كنت كده وانا طفله .. كنت صغيره وعنيده ولما اغلط ارفض اعتذر حتى لو أذيت الناس بكلامي كنت مصدومه وانا بسمع منها لاني حاليا متغيره 180 درجه بخاف أذيه الناس جدا حتى لو بكلمه وبعمل حساب الكلام اللي بيخرج جدا نقطه التصنع كمان اكرهها .. يعني ليه اتصنع عشان أظهر للناس اني كويسه .. يعني ليه مكونش انا نفسي كويسه واتعامل بحريه اكره الناس المتصنعين جدا جدا للأسف انا بعرفهم من مجرد نظره وبتجاهل جدا بصبر لكن مش لفتره طويله .. يعني لو حد غلط في حقى هصبر كتير بس في وقت بييجي بيبقى خلاص ضاقت ومش قادره استحمل ضغط كبير فبضطر اوقف الشخص ده عن أذيتي وبرضه بالعقل ومن غير غلط في حقه بقول لازم اكون انا الافضل .. بصبر نفسي بكده ما رأيك بالشخص الذي دائما يتفوه بالكلام الجارح وهل هو جهل من الشخص أو وقاحه ؟ بيعتمد على الشخص نفسه والموقف نفسه لاني اعرف الاتنين صراحه حصلت مواقف كتير مع أشخاص بيقولوا كلام جارح بس بسبب سوء تفاهم وبعد التوضيح الموضوع بينتهي وممكن موقف تاني لنفس الشخص يكون مش عايز يتقبل التوضيح او مش بيقتنع بيه وبيتحول تصرفه لوقاحه زايده عن الحد وكمان أشخاص بيتصرفوا بوقاحه لأنهم بس عايزين يأذوا الشخص اللي قدامهم هل الاعتذار يمحي الجروح ؟ او جزء منها على الأقل ؟ احيانا .. برضه على حسب الغلط بالنسبه ليا في غلطات اقدر اسامح فيها وفي غلطات مقدرش فيها اني اسامح وفي غلطات مع الوقت بتعدي وبننساها الموضوع فعلا كبير مش سهل الكلام فيه اشوفك في موضوع جديد في امان الله