الذهبي: ميني سويسرول

السلام عليكم ورحمة الله وبركاته
@باران;



ميني سويسرول ❤

٤ بيض
كوب الا ربع سكر
فانيليا
نضربهم سوا لحد مايفتحو والسكر يدوب تماما
ونحط عليهم معلقتين ماية سخنة ونضرب
وننزل عليهم بكوب الا ربع دقيق
معلقة كبيرة نشا
معلقتين كباركاكاو خام
نص معلقة بيكنج باودر
ونقلب لحد مايختفو
هنجيب صاج مقاس ٣٠ في ٤٠
ونحط فيه ورق زبدة ونثبت طروفه بس بنقطة زيت
ونسيب ورق زيادة طالع عشان نبقي نشيله بيه
هننزل بالخليط ونساويه في الصاج
وبعدين ع فرن ١٨٠ لمدة ربع ساعة تابعوه واختبروه بخلة مبياخدش وقت نهائي
اول مايطلع هنشتغل فيه سخن لااازم عشان لو برد هيتكسر مننا مش هيتلف




اول حاجة هنطلعه من الصاج هيلا هوبا بورق الزبدة
تاني حاجة نقطع ورق زبدة ونحطه ع الوش عشان لما نلفه ميعجنش في بعضه وكمان هتشيلنا اي حاجة ناشفة في الوش
تالت حاجة هنقلبه ع الوش التاني نسلك منه ورق الزبدة اللي تحت ونسيبها عليه يعني نسلكها بس
ونرجعه ع ضهره تاني وتحته فوطة نضيفة
يارب تكونو فهمتوني
وهنلفه وهو سخن كده بالفوطة وورق الزبدة نعمله رول
ونسيبه ساعة يبرد تماما
بعد مايبرد بقي هتفكوه وياتحشوه ويبقي سليم يا تقسمو من ٦ ل ٨ قطع ويبقو ميني جميل

حشيت كريم شانتييه ودخلته الفريزر نصاية لحد ماسيحت شوكولاتة مع معلقتين زيت وخرجته حطيت عليه الشكولاتة وسيبتها تجمد بتمسك بسرعة
وحطو طبقة شكولاتة خفيفة اووي عشان مضايقكوش في الاكل
لو عايزين الطبقة اللي فوق طرية ممكن تحطو جناش .

وبالهنا ❤❤❤