ذلك الشخص

السلام عليكم ورحمة الله وبركاته

رمضان كريم وكل عام وانتم بخير

شلونكم؟وشلون الصيام مع رمضان؟ ان شاء الله وضعكم تمام

ادري انه وقتي ماله داعي 7 ونص بالصبح بس ما علينا من هالشي

مو جايني النوم فقلت خلني افضفض شويه

بسم الله الرحمن الرحيم

زبدة الموضوع

اليوم ناوي اتكلم عن شخص او طالب تعرفت عليه بالمدرسة قبل سنوات كثيرة

وراح اتعمق وتكلم عن طبعه وتصرفاته واريد رأيكم به وتقولون لي اذا عشتم التجربة او لا

لما كنت بالمتوسطه -كان عمري يمكن 13-طالب ما راح اقوله اسمه عرفني عل نفسه وانا ما كنت اعرف عنه واجد بذاك الوقت ولكن حبنا للألعاب وحاجات ثانيه جمعتنا مع بعض فقعدت اتواصل معه خارج المدرسة عن طريق ال playstation بمعن اخر اللعب بأونلاين

ولكن بعد كم يوم لاحطت شي بالأنسان ما اعجبني بنوب ,تعلق بي بشكل غير مريح وغير طبيعي لدرجة انه صاير يسوي لي مشاكل بالمدرسة وبرا المدرسة وحاول انه يتحكم بي على كيفه يريد مني اني اسوي شغله فلانيه غصب واني اتجاهل المدرس واسولف معه

فأحيانا تخيلو لما اطلع من المدرسة ألقاه واقف قدام بيتي ينتظرني<<<طبعا هو كان غايب
واحيانا ألقاه واقف قدامي بالسيارة يبي يوصلني للبيت

فأنا حسيت انه هو يبي ينزل من مستواي فما ارتحت له فقررت اني اتخلص منه وحذفته من قائمة الاتصال وجيته وجه لوجه وقلت له بأسلوب محترم ومؤدب انه يحل عني لانه ما جاب لي الا المشاكل ووجع رأس.......ولكن ما نفع الشي هو ظل متعلق بي ويريدني غصب ان احبه واصير صديقه رغم كلامي له فصرت اتجاهله واعمل حالي ماني شايفه وصار تخيلو يشري لي هدايه بس علشين يكسب محبتي وارجع صديقه


فهذي الاشكال او الناس موجوده بكثره بمدارسنا حتى اختي حكت عن بنت زي كذا
كتبت اسم فلانه على يده رغم انه البنت تكره وما تطيقه بس هي تبيه تكسب غلاه

فبمعنى اخر انا اتكلم عن الناس اللي تتعلق بك وتريد غصب انك تحبهم علشين تتحكم بك على كيفهم
وشو اللي يخليهم يتصرفون بهالطريقه؟وكيف راح تتصرف معهم؟

فأعذروني لانه ما لقيت العنوان المناسب للمووضوع بس اتمنى انه الفكرة وصلت لكم واريد انكم نشاركون رأيكم بهالموضوع

والسلام عليكم..