هذآ قڵبي ¬» ۈإڛئڵـہۧ ، ڪْم عذآ آ آب (نً) ٺحمڵـہۧ !؟

-




#فضفضة






أنا من النوع الي صج صجج يتحمل ويبلع ويبلع وووييببلع لين توقف البلعه ف الحلق !
يوم توقف ف الحلق هنا أأكس على هالشخص وما أكلمه أو أتعامل معه ببرود وأرد عليه بكلمة
طيب . . . طيب المشكلة مب هنيه . . المشكلة لو هذا الشخص يكون حد يعني معروف

وكبير عليك ف السن . . وعيب انك ترفض له طلب وتضغط عمرك "عشانه" . . طيب الموضوع
مب هنيه . . . صممت لها شهادة تقدير لطلاب من مختلف المدارس 46 طالب وكل مرة

أغيير الاسم وكل مرة أغير اسم المدرسة . . وفوقها طلبت من توأمي تساعدني ف كتابة الاسماء
عشان بس اسوي كوبي بيست ! مع اني طلبت من هالششخص انه هو الي يكتبها

لكنه سحب وارسلها بتصوير ع الورقة ! . . . طيب بلعناها ! خليت اخوي يسويه وانا رحت اسوي

له شغله بما اني اعرف أرسم ويوم خلصنا تقريبا نصف الشهادات قالت ارسلي نموذج أتاكد

تخيلوا دقت ع طول تقول انتي م تعرفين املاء ؟ احسج مب متعلمة

تعرفون الي ضحكت وانا بداخلي مقهوره! قلت لا ترا نسخت بالضبط الكلام الي انتي كتبتيه

الكلام مثلا "شهادة تقدير تقدمها ....ألخ" هي اصلا كتبتها !

فقالت أوه صج ؟ لا انا مب الي كتبتها وحده ثانيه . . بالله عدليه فديتج !

وعدلتها . . مسسسحت كللل الي سواه اخوي وعطيته الرسم قلت له لون لين اخلص هذا

قال بسويه قلت لا انا اسرع منك . . وصج سويته ع السريع وخلصته تماامًا

ويوم خلصته وارسلته لها ع الايميل تخيلوا دقت لي تحسبوني رديت ؟ والله م رديت !

شوي الا وترسل لي ع الواتس اب جي :-






والله اني تعرفون القهر م دخلت الواتس اب قلت والله م اسويه لين اخلص اشغالي
بكرا عندي تسليم للجامعه ولا سويت منه شئ !!!!!
فعليييييا ولا شئ ! والاستاذ صج صج بيزعل مني
المهم اختكم يلو الغبيه تبا تسكر الواتس اب من اللابتوب دخلت محادثتها

واضطريت ارد عليها وابرر لها اني م اقدر ! وان عندي تصميم للجامعة لبرنامج صعب وما اعرفه!
المهم بصراحة بررت لها . . قالت اوكي حبي تقدرين حد يسويه من اخوانج ؟

قلت لها لا انا الوحيدة الي اعرف أصمم .. وبعدين قلت لها برسلج الصورة وانتي بس ركبي الاسماء
يعني م يباله بس هذا وقت نومي ولازم انام . .

المهم ارسلت لها والحين قاعدة اكتب وخلاص مرة الضيقة فووووق !
وشكرا لحسن القراءة