. ✿ 𝚂𝚙𝚛𝚒𝚗𝚐 𝚋𝚛𝚎𝚎𝚣𝚎

و أنا بعمل بحث الإقتصاد أكتشفت إني أفشل حد ممكن يدير عمل في العالم.
المفروض اني أعمل خطه لمطعم و لازم أحسب كل حاجة بدقه كأنه هيتفتح على أرض الواقع بالضبط ، بس أنا في حياتي مشفتش رسم بيعمل Negative slope زي Chart الـBenefits بتاعتي حرفياً XDD.
ده أنا حتى شلت كل الموظفين و علشان أخصم مرتباتهم و أقدر أغطي التكاليف و تقريبا هقدم الأكل من غير أطباق بس لا حياة لمن تنادي، الي هو صفيت كل حاجة تقريبا و تنازل أكتر من كده هلم زبايني و أقعدهم على الرصيف و هوريهم المنيو و أروحهم .
حضرتك أنا كنت داخله الكليه علشان أمسك المايك و ألف الكاميرا و مش عارفه إيه إلي جابني هنا.

التدوينه إلي فوق ظاهر فيها كلام!!!

جيت من الفيسبوك / تويتر / الإنستاجرام على أساس أهرب من
الـK-drama و الـK-pop بس فجأة و من الـNo where لاقيت معظم
المُنتدى بدأ بالفعل يتابع الـK-Art و أنا بجد مش عارفه أروح من ده فين،
و من ساعة ما بقيت كيبوب/كيدراما فان في 2015 و أنا حاسه إنها لعنة
و أتصبت بيها و إنه لا مفر .
دلوقتي اتأكدت إنها فعلا لعنة و هتطاردني لنهاية الأرض، و شكلي أتحشرت فعلا في الموضوع ده و طيف دوهوان و سيجونغ و فرقى هيظل يطاردني لأبد الأبدين

.

الظاهر اني علشان أوصل المرحلة ديه من حياتي أستنفذت بالفعل كل شغفي، و شكلي هكمل بقية حياتي بالعته و البلاهه ديه .
إحنا هنحسبن على الكورونا كأنه مثلا لو مفيش كورونا كان زماني مثلا بعمل حاجة مفيده في حياتي...!

هقفل لفترة تاني و هرجع أتعرف و أدور على الأعضاء إلي كنت أعرفهم و أكتب ردود و مواضيع جامد أوي أوي أوي