سلع أرواح محرمة *مكتملة*

مــآلك كل نفس يآخده يخنقــه زيــآده , قـآم من مكـآنه ,خرج من الشقــه وركب سيـآرته
من شقتــه لبيت اهلـــه وهوا مابيفكر في شي
ألم يسري في جسمـه كلــه وخلاص ..
اخد حبــوب مهدئــه أتوقـع حيرتـآح بس زادت كئابتــه
زاااد إختنــآقه
كآن قبل لايخــرج من بيتـه في صرآع بين الهروب وبيـن ..؟
بين ...؟
بيـــن " مسميــآت كثير " وكلها مايقدر يسـويها
كلها ماتغفر لفعلتـه لكن حيكون قريب بس قريب
بس يشوفها
هوآ كآن في يوم مكـآنها فايبى يشوفها
يبـآ يتأكد بعيونــه
يعرف الألــم دا مزبــوط
لكن بمجــرد وقوفـه عند باب الغرفـه
لحــظظات طويله مرت عليـه وهوا واقف بدونن اي حركـه
بدون اي رة فعل
يده على مقبض الباب ..
دقيقـه
دقيقتيـن
ثلاثـه
ونـزل المقبض على اسفـــل , ودف الباب على الخــلف بشـــويش
دخل خطوات بسيـطه مالقاها في الغرفـه
كآن حيخرج إلآ لمــحها في الارض بين الدمار اللي سوتـه
خطوات متتاليـه ,نزل لمستواها : رهف !
غفــت من كتر البكى ..
فتحت عينها بذبول طالعت فيـــه
للحظــآت طويله
بدون ماترمش
بدون ماتبعد عدسـة عينها
بدون مايكون فيه اي ملامح على وجهها غير الإرهـآق
رخى عدسه عينه عن عينها بتوتر ,حط يدو تحت رقبتها : قومـي
جلســت لوحدها برغم تعب جسمها دفت اياديـه وقالت بحقــد: لاتلمممسني
سحبت جسمها بااتجاه الجدار الي وراها رفعت رجولها بااتجاهها
نزلت راسـها ورافعه عدسـه عينها عليــه
مـآلك مازال يحـآول مايطـآلع فيـها , بنبره عاديه وكأنو ماسار بينهم شي مسك شنطـها وكآن حيرتب الفوضى : ايش اللي سويتيـه إ
سحب اياديـه لما زحفت بعصبيـه اتجاهه وسحبت اغراضها : لاتلمممس اغراضي
رفع اياديه باستسلام : طيب ..طيب !
انفاسها سريـعه , حطت يدها على راسها : انا حٌره انا ابى كل اغراضي حوليااا
مـآلك حرك راسـه : طيب .. بس .. اكره الفوضى كنت.. حرتب ... بنفسي
دقـآت قلبـه زادت لما ماعلقت وبنفس الوقت مانزلت عينها من عليـه
من يومـه يشوف نظرة الحقـد بعينها بس دحيـن لها معنى تـآني كآن حيوقف الا هيا وقفت
وبدأت تشيل اغراضها وترميها وســط الشنط تتكلم باانفعال مٌفجع : اهم شي راااحتك _ شالت بلوزتين ورمتهم بعنف وسط الشنطه _ أأأهو _ شالت بجايمها ورمتهم _ أأأأهوووو .._ أخذت من الارض الفستان الاول والثاني واالثالث وهيا تتكلم بصوت مهزوز وبااستهزاء _ مااالك يكره الفووضى فلازم نرضيه عشان يرضى عننا _ رمت الاشياء وسط الشنطه بعصبيـه وبدات تلم كل الاشياء المنتوره ودموعها تنزل وانفاسها سريعه بس مابتتكلم بس ترممي _
وقف بشوويش , اتوجه لها وهيا مشيت من جمبـه ورمت الاشياء بشنطه :رهف
رجعت بتمشي الا مسكها : دقيقه
دفتو : اااابعد
ورجعت تكممل ترتب وهوا عينه عليـها
مشيـت بطريقه مو متوآزنـه , دايخه , مرهقـه
ماعرف ايش يســوي
اتحرك بااتجـآه بلايز فوق بعض شالها واتوجه للشنطـه
حيسـآعدها !
دا اللي قـدر يسـويه بس قبل لايحطها في الشنطه سحبتها بعنف من يده : أنـــآ إيش قلتلك , لاتلمممس اي شي يخصني_ وسعت عينها _ صعب الموضوع ! _ اشرت بعشوائئيـه _ ولا روح اسئل وديــآن إذا يحقلك تسوي دا الشي ولا لا _ رمت ملابسها في الارض_ يلا روح يلا اسئلها
بصوت مستسلم : رهف خلاص
رفعت حوآجبها بصدمـه لثواني وبعدها ضمت يدها تحت صدرها : انا اسفه , _ بنبرة سؤال وصدمـه_ ضايقتك ؟
مرر لسانه على شفايفــه , صدره يرتـــفع وينخفض بعٌمــق
" انـآ اسف "
كلمه تتردد في نفسـه من يوم ماشافها
صعب ينطــقها وحتجرح لو نطقــها
مٌحتــآج شخص يسـآعده
مٌحتـآج معٌجزه عشـآن تمحي انعكـآس ظلمه وجبروته في عينها
صمته مو غريب عليـها قالت بااختنـآق : شوفت كميـة الاسئله إللي كآن نفسي اسئلك هيــآ .. حاليا سؤال واحد في باالي بس سؤؤال _ رفعت يدها ورجعت شعرها القصير باارتباك ورى اذنها _ أرتحت ؟
عينها تستنــى إجابه
رهف : جاوبني يهمنـــي إنك تخرج كسبــآن من دا الموضوع لأنوو لو بعد دا كلووو إتا ماكتفيــت فاأ
قاطعها : رهف أرتـآحي
انفعـآلها مٌتعب , ملامحهـآ مرهقه يحسها حتطيـح من طولـها بس مو راضيه ترحم نفســها
جملتــه زيي الكــف , صوتـه الهـآدي
كأنها سرآب مو موجوده
كأنه مادمــرها
كأنه ماسوى شي !!!
باااااااااارد دا الشي اللي واضحلها
بااارد بطريقــه جننتــها ..
اتعمــت كليــآ
قدمت بااتجـآهه وضربــته
بقبضات يدها الصغيـره ضربت بعشوائيــه
تدفــه تضربــه اترمت نظارته في الارض
حاول في البدايه يرفع اياديــه عشان يمسكها لكن لو يعتبر تفريغ عن اللي في نفسـها فاحيستسلم
واستسلــم لهجوميتــها
وكآن إستسلامــه زيـآده لجنونــها
شتمتــه بين ضربـه وضـــربه
وجهها مآل للإحمرار , اياديها وجعتــها وردة فعله الوحيـده انو بيرجع للخلف لو دفعتــه
وبدأت تتثـآقل رفعـة يدها وهيا تضــربه
بدأ مايحس اساسا بالضربــه
مسك اياديـها : خلاص يارهف
تحاول تسحب اياديها بحركه خفيفه , جسمها مافيه اي طـآقه
حتى صوت بكاها اختفى من الإرهــآق : سيـ بني
بصوتها المبحوح ونظرتها المليـآنه دمووع
تــرك يدها
كآنت قويــه لدرجه انها تمشي بدي اللحظـه 7 خطوآت وتستنجد بالسرير
مو شـآيفه شي قدامها
جلست على طـرف السرير وميلت جسمها على المخدات
غمضت عينها وفي اقل من دقيقه اختفى الضجيج بداخل راســها ..

,,

[ في الكـــآفي ..]

تدور بالمكـآن على نظـآرتها وقصي آخد وضعيـة الجنــون : ايش بــك
منـآل مآزالت تدور : نظظارتي مو فيـه
قصي : اهاا المهم متأكده انك كويسـآ
منال : إيوا ..ابا نظارتي _طالعت في صبا _ شوفتي فينها ؟
صبا حركت راسها بنفي : لا يمكن جوا
منال : دورت برضو مافي
قصي : يمكن مو شايفه لأنك مو لابسـه نظاره
طالعت فيه بقهر وهوا ابتسم لاشعوريــآ بحقـآره
مستتتتتحيل يديها النظــآره
عيونها أوضــح , عيونها جميـله بدوون نظـآره
بذات لما ... وسوت الحركـه اللي يستنـآها
ضيقت على عينها وهيا تركز في ملامحـه البعيده : حلقاها فين حتكون
دارت جسمها وتفتح الأدراج
صبا ساعدتــها ووقفو تفتيــش لما جاتهم الطلبـآت
منـآل شاده على حواجبها بصداع : انا شكلي حرجع البيت
صبا : ليش
منآل : صدعت بدون نظـآرتي _ قدمت الطلب _
ورجعت تشتغــل لحد ماوقف الطلبـآت : انا ماشيــه طيب؟
صبا :طيب
مآرد قصي وماستنتــه يرد
دخلت للغرفـه ويدها على المريلـه تفتحــها ودخل وراها :خدي
طالعت فيه وبالنظاره اللي بيده :فين كآنت ؟
ماعلق قالت بشك من ملامحـه : معاك!
حرك راسـه : أبدآ
رده يقول ايوا ملامح وجهه نفس الشي
مـنآل قدمت بعدم استيعاب مدت يدها بتاخد الا سحب يده للخــلف : مين اللي بيهدك
رجعت راسها على الخلف بتعب : ياألله
قصي ببرائه يتكلم : صدقيني بس ابا اعرف
منـآل : والله انا مو عارفه اتعامل معاك بجد ترا توترني كل شويه
قصي : وليش تتوتري
منال : مدري بحاول اخد إحتياطاتي من ردات فعلك
قصي : هههههههههه انتي ليش زيي الأطفـآل
منـآل ضيقت على عينها وكآنت حتعلق الا هوآ ابتسم بطريقه واضحه انو انجذب لشي فيــها
ابتسم وعينه تعكس دا الشي شااافت دي النظره كتتتير بس لما يطـآلع في البنات مو لهـــآ
حســـــت بهببـــــوط بجسممهااا
نظرتـــه اللي ااتمنتــها شافتها حــآليااا
بس تأثيرها مو نفس الاحساس اللي كآنت تتخيلــه
نننبضات قللبها على وشك التووقف ..بدون استيعاب وعقلها مو معاها قالت بهجوميـه : إنتا الطفل
قصي : هههههههه , بحاول اتغاضى عن الموضوع _ حرك النظـآره _ ممكن نكمل تفاوض
منـآل تبى تشـرد ,حتفضح نفسها مررت يدها على شعرها باارتباك تتكلم باانزعـآج مصطنـع : أبا نظارتي
قصي يقلد نبرة صوتها : ابا نظاارتي _ وبصوته الحاد كمل _ تبيها اهرجي ولا مالك شي عندي
منال متوتــره من نظــره لدرجه انها على وشك البكى : خلاص انسى الموضوع
قصي رفع حواجبـه بنفي والعنــآد واضح بعينه دي المره
مننآل : خلاص خــدها مابى نظااره _ دارت جسمها بتشـرد منـه إلا وقفها بكلامـه
قصي: حجيكي الجامعه وتلقيني امسك عيـآل الناس واضرب فيهم وانسجن في النهايه ... انتي وضميرك
منـآل التفاصيل دي البسيطه , الإهتمام كل شي بتلاحظــــه : ماحتسويها
قصي جا لعندها وحرك راسـه بتحدي , مد النظاره بااتجاهها : نتقابل أجل بكرا
انفجعععععت وسعت عينها : قصصي أ
كآن حيمشي الا وقفت قباله : قصصي بجدي اتكلــم بــ
جا ليسارها رجعت وقفت قباله وفتحت اياديها الاتنين تمنعه : انا بتتتكلم ماحتروح
عينه على الباب : انتي اتحديتيني هيا نتقاابل _ جا ليمينها ورجعت وقفت قباله وتتكلم وهوا يتكلم بنفس الوقت بصوت عــآلي _ لاتحاولي لاتحاااولي انتهى النقاااس
منال : خلاص خلاص حقووولك
قصي : مآحسمعلــك
منال : قٌلت والله حقوولك
قصي : ها ! مين ؟
منـآل زفرت بتوتر : طيب اول شي قولي ليش تبى تعرف
قصي : نتفاهم من رجال لرجـآل بس !
منآل بملامح عدم تصديـق : حتجبلي مشاكل
قصي رفع حاجبـه اتنرفز انها شككت فيـه : وربي ماحيقدر يرفع عينــه عليكي
اتشابكت اصابعها بتوتر وقال بنبرته المخيـفه : دا لو خليتلو عين اصلا
وسعت عينها وفمها بصدمــه وهوا ضحححك : والله أمزح _ حط يدو على صدره_ ححاول, قصدي حكون لطيـف
منال ملامحها مالت للبكى : لا لا والله إنتا محد يثق فيـك
قصي السعاده باينه من عينـه وهما يتناقشه : قوليلي دحين مين هوآآ
منال لحظـه صمت وهوا مانزل عينــه
قالت عشان تبــعد عن نظراته الغريبــه : اسمو يـآسر """"
قصي : وايش يبـى
منال تلعب باأظافرها بتوتـر : يبـآني اخرج معاه هوا ونهى _اشرت على الباب _ دي اللي جات للكآفي وسارتلي مشكله معايا
قصي : آهآاا وهوا محامي الدفـآع !
منال: لا انا من البدايه سارتلي المشكله معاهم الإتنين حاليا كبرت بسبب موضوع الكآفي
قصي : وايش سوآلك
منـآل زادت حركه يدها وهوا عينه نزلت على اياديها وبعدها على ووجهها بااصرار : إيش ؟
صبا فتحت الباب : ممكن احد يجي يسـآعدني
منـآل بهروب : دحين جيه
انسحبت صبا على طول ومنـآل بكل طـآعه جات تمشي الا مسكها من ذراعها : ضربك مره ولا اكثـر ؟
منـآل انفاسها زادت سحبت يدها وشــردت منـه كآن جوابها بعينــها
خــرج وراها بس كآن ساكت , حــآقد , متنـــرفز
لبــكرا الوقت جدآآ طويــل ...

صبـآ رجعت تشيـك على جوآلها كل شويــه , تبى خبــر من فراس
للسـآعه 9 الليل وارسلها رسـآله
" انا خرجت من الدوآم
" راجع البيت "
حتنسحب شويــآ وتروح تطمن عليــه ,حتسسيب قصي ومنـآل يكملـو ..


امــآ فــراس خــرج من عند شـآدي , شفايفـه ماتباعدت عن بعضها لساعتيـــن ..
مدمــور جدآ مدمـــور .. اتصالات اهله شـآفها بس ماقدر يكلـم احــد
ارسلهم " انا في الدوآم "
وارسل لصبا " انا خرجت من الدوآم "
تعليقات جــآفه مو كعــآدتــه , دخــل للشقـه لقى صبـآ تستنـآاه
سلم عليـها , وااتحجج بالاستحمـآم
دخل الحمام قفل الباب وسند أيــآديه على المغســله
وغمض عينـه بتعــب , ماحيتردد دا قراره اخد من الرفوف المحطوطــهه في ركنيـة الحمام
مكينـه الحلاقــه وخــرج
اتوجـه للكنبـه ونـآدي صبا : تعالي شويه
جلست صبـآ جمبـه : ايش فيــه ؟
دار جسمــه لناحيتها مسك يدها لكن وجهه جدآ جدي : اباكي تسمعيلي للنهآيـه
حركت راسـها ووجهها مال للإصفرار
باارتبـآك : لو ..في ..يوم اتصلت عليكي ..قلتلك اخرجي من البيـت _ مد يدو بااتجاه مكينه الحلاقه وسحبها لطرف الطاوله بصعوبـه نطق _ مابى مٌخلق يعرف انو إنتي صبـآ
صدرها ارتفع وانخــفض بطريــقه سريعه عينها عليــه بس ماتكلللمتتت
وهوا ماكتفــى
سحب ورقه من جيبـو وحطـها قدامها : دا رقــم عمـي ... بمجرد ماأقفل منـك تتصلي عليـهم وتقوليلهم فراس مآت _ رخى عينه على اياديه وضغط عليـها وقال بتبرير _ اهل ابويـآ وأمي مرا كثير لو وصلهم دا الخبر الكل في نفس اللحظـه حيروحو لأهلي , وكدآ حضمن إنو محد يقدر يقرب منـهم
,
فتــح عينه وهوا قبــآل المغســله ..
بدري يعيشها دا الاحســآس !
بدري يقولها وهمـآ عنــدهم 3 اسابيـع او 4 اسابيــع يعيشــوها ..
حيقتلــوه في كل الأحوآل .. فماحيخلي لهم وسيلــه يهددوه فيــها
وبدآل التهديد حـيتــرفع السلاح عليــه وتنتهـــي القصــه ..



مقتطف صغنون

في المحـآضره رفعت سلك السماعه باتجاه شفايفها وقالت : نص ساعه وحخرج اقابلهم
قصي : خلاص انا دحين خارج , لاتشيلي هم
صوتها مرتبــك : طيب استنآك
قصي : أوك بس اوصل حتصل ولو سار شي اتصلي
قفل منــها ,خرج من الكآفي وقفلــه ,وفجأه وقف وآحد قبــآله
اشرله براسـه على السياره المركونه في نهايه الشارع : شـآدي يستنـآك
قلبــــه غــآص جوتـــه
لحظــه من الصدمـه طغت على وجهه لكن مشي بااتجــآه السيـآره

نهـــآية الفصــل

الفصـل الثاني والعشــرين ..]

[ منــآل ]
عشـت قصـة حب مؤلمـه ومـآزلت اعيــشها لكن سرت اكثر تحـكم في مشـآعري
شهـــور مــرت وانا ابكي كثيـر بسبب اعترافاتـه ليا
أنـآ " البنت اللي مآكآن حتى يلمحهـا " في الكآفي
لكن كآن حابب الصداقه معايا خلف شـآشة الجوال
زآد حبي لــه بسبب كلامنـآ المستمر لأنصـآص الليالي
زاد حبــي اضعــآف في كل مــره افتــح باب الكـآفي واشوفــو معصب او مبتسـم او بـآله بعيـــد اعشـق تأثير اول لمحــه
حــآجه جوتـــي تـغرق بااستمتـآع لثواننني
عشقتـــه , اتجاوزت مرحــلة الحب
وهوآ بادلني الحب تحت مسمى " الصدآقـه "
اترسلت ليـآ صور بنـآت كثيــر يمدح كل وحده فيهم
يقولي اديني رايـك
يحكيني عن مشـآكلـه معاهـم
كل بنـت اجمل من الثانيـه كل بنــت اشوف صورتها ابــكي لأني ماقدر اطـآلع في نفسي بالمرايــه
كــرهتني
كرهت كل شي فيــآ
الغيـره قتلتني , حطمتني
ثقتي بنفسي أنعدمـت , ارتباكي مع النـآس زآد
كآن تأثير حُبـه يضعف شخصيتي كثيــر ,
لكن ماقــدرت ابـعد , مآزلت ضعيــفه ومتعلقـه بفــآرس احلامي
باأميــري المكروه من ماما وبـآبا بسبب جرأت نظراتـه وشكلـه
بنيـت قصـة حب وماقدرت اتخلى عنــها برغم قسوتها على قلبــي
اكتشــفت دايما إني احب النـآس السيـئه
بابا وقــصي ..
بابا برغم صفـآته السيئه أتمسكت فيـه واتقبلتـه بكل عيوبـه ماكآن أقل من أي اب في عيني كآن شخص عظيــم بدون أسبــآب
قصي تأثيره سيئ على قلبــي ويدمرني انـآم بسبب البكى واصحى الصباح اول شي افكر فيــه " ابا اشوفـــو اليوم " مافكرت احط حد لألمي فكرت اتعايش مع ألمي
وجـآت اللحـظه اللي عرف انا ميـــن .. وهنا اختــلف الألم
لأنو ســرت ملحوظــه
شوفت كيف يطـآلع فيـآ وياريـت ماجات عينه عليـآ
شوفت الكره , الحقــد ... فكآن ألم لايحتمــل
إحساس قاااسي جدآآ .. الحٌب من طـرف وآحد , اشد انوآع الألم النفســي ..
بس
حاليـآ
او الـيوم
او بتحديــد دي اللحظـآت المجنــونه ..
خـرجت صبـآ من الكـآفي وانا بمٌر في حـآلة صدمــة
يمــكن يتهيـألي ماسرت عـآرفه
لا ...لا
أبدأ مايتهيــألي
بشوف انعــكآسـه في ابواب الكآفي وهوا يطـآلع فيــا
بشوف انعــكآسه في مكينة القهوه وهوا برضــو يطـآلع فيــآ
قُصــي ..!!!!!
قُصي يتأملني في اللحظه اللي يتوقـع انا مو شايفــته فيها ..!
دخلت الغرفه , روحت للمرايـه , ابا اشوف ايش الشي الغريب فيا اليوم .!
بس ...
انــآ زي ماأنا
نفسـها اللي مآكآن يلمحــها زمـآن !
نفسـها الللي تطلب ويجي لحد طاولتها يحط الطلب ومايطـآلع حتى فيها ..!
ماتغيرت شكليـآ ..!
انا اعـرف قٌصي لما يعــجب في وحده من عينــه
أفهــم نظرتــه , ابتسامتـه ولمعة عينـه
حـآليا بحسها إتجـآههي بس مو قـآدره استوعب السبب !
يمكن اليوم مو بعقلــو !!
يمكن فيــه شي ..!
أقنعت نفــسي إنـو قصي فيـه شي .. آبدآ مو انا السبب
وقفت قدام المكينـه قلت وانا احآول اعدل الاعدادت : قصي تعال سويـها
كآن باإمكـآنه يوقـف جمبي
لكن وقف ورايا , مد يدو بااتجـآه المكيـنه
ذراعه ممدوده بااتجـآه المكينـه وقريبـه من أذني اليسـآر
اتصلــبت
اطـآلع بالاعدادات , وقال بصوت خـآفت : ركزي عشـآن تسويها بنفسك المره الثانيـه
ماقدرت اركز
اباه يبــعد
اباااه يبعــد
انا متأكده لو دخل اي احد الكآفي ماحيدري انو فيه وحده قدآمــه
جسمـه مغطيني كليــآ
وبعدهـآ بعــد ..وانا مـآزلت تحت تأثير حركــآته
اتوقعت نهـآية اليوم يسيـر شي لقلبــي من كــتر انفعـآلي الدآخلي ..
إحســآس يخـوف , لأنو كل حـركه تعني ليـآ كثير
نظرتـه
ابتسـآمتـه
قُربــه
هيئتــه كلها مرسومـه شهــور في راسي
احلم فيــه واعــرف انو صعب الوصول له
صعــب إني اكون حتى شي في حيــآته
اقــدر اقول في أقل من سنـه بكيــت اكثر من 100 مره عليـه
غيــره
قهر
غيــره
غيــــره
غيــــــره
كيف الوحده تغـآر وتبكي على شخص مو شـآيفها اساسا ولا يدري عنهــآ ومستمره ..!
دي انــآ !
برغم إني حطيت اسباب لنظرآتـه لكن نومت وانا مبتســمه
نومـــت وكل شي افكـــر فيــه هوا وبــس ..


,.

فِــرآس ..]
كٌنــت راســم كل خطــوه في حيـآتي
كٌنــت اخطط بعد شهــر وشهريــن وعشره سنيــن انا إيش ممكـن اسـوي
حبدأ أحقق احلام أبــويآآ بدأت دراستي للأخصائيـه
ماشتريـت سيـآره , مافكرت اسكن لوحدي
ثلاث اربـآع فلوسي ارسـلها لأبويا يكمل بنـآء بيت احلامـه
ماهتميـت متى حتزوج , كيف حتزوج
اهلي هٌمـآ اولويــآتي ,أهلي هـآجسي إللي افكــر فيه في كل مره ابا انجح فيـها
حنتهي من حٌلــم ابويـآ في نهايـة إكمـآلي للأخصائيـه
وحكمـل للإستشـآريه وأكسي أمي ذهب من دبوس شعر راسـها لخلـخآل رجلـها
اخوآتي دنيتــي دايما تفكيري لما أكبــر وأوصل شي كبيـر في المجتمـع أبا اهلي يكبـرو معـآيا
اخوآتي يعيـشو بنفس الطبقـه إللي انا عايشـها , إيش مـآكآنت حياتهم
اتزوجــو انا حصـرف عليـهم
اطلقــو انا حصـرف عليـهم
مآكآن لهم نصيب انا برضو حصــرف عليـهم ..
أنـآ أخوهــم الوحيـد بدي الدنيـآ وحكون قد كلمــة أخ
بس
بين يوم ولليلـه
اختـلفت الموآزيـن
بعــد سنيــن عمري اللي بنيـتها وانا اخطط ايش ممكن اسوي
ســآر
عنــدي شهـر وآحد
ملاييييين الأفكــآر في كيـف اسعد اهلي سار تفكيري حاليـآ محصور كيف ماأأذيـهم
كيـف مأظلم شخص غريب مالـه ذنب
فــرآس أندفـــن , انا عـآيش بنٌص إحســآس
انا شبــه عـآيش
كٌنــت حــقول لصبـآ الخٌطــه الوحيده اللي خطرت في بـآلي
لكــن
ليش أرعبـها ...؟
في اخر لحظـه اتراجعت .. دآم تتوقع إنو انا كل يوم في الدوآم فاخليــها على نفس الفكـره
دآم بتحـآول تخرج من الجنون اللي سرلــها ليش ارجعها تـآني له
انا شايفــها بتحـآووول تكمل حياتها وتتغـآضى عن كل شي حوليـها
أعرف انه كوابيسها ماحتنتهي
اشوفها في كل مره تدخل الغرفـه ترفع البلوزه وتمرر يدها على العمليـه
احس فيها اخر الليل لما تبــكي ومشتـآقه لأبوهـآ
ليش ارجــع ارعبـها .؟!
أحبـها بجنون احبها واضعف كثير عندها , دايما نفسي اجي حدهـآ وابكي وأشتكيلـــها عن كل شي شوفتــه
لكن من كثر حبي لــها مو قـآدر اتكلم عشان اعرف اني حدمــرها واكتفي بالمزح والضحـك معـآها
بسوي مجهـــود مٌتعـــب بس تستـآهله
اعرف انها تستــآهل احسن من دي الحيـآه اللي مديـها هيـآ
اعرف انها اكثر انسـآنه مظلومــه وعندها قوة عشـآن تخرج توآجه العآلم
فآليــش اكون أنـآني ..؟
خـرجت من الحمـآم بوست يدها راسـها ,قلتلها إنو انتي اجمل انسانه شوفتها بحيـآتي
حاولت تقفـل الموضوع بااحراج قلتلها ارقصيلي وضربتني ومشــيت !


,.

اضائـه خفيفـه من الأبجوره اللي جمب سريـرها , الغرفـه بااارده , صوت منبـه جوالها مستمــر
خرجت يدها اليمين من اللحاف سحبت الجوال وقفلت المنبـه
اتثاوبت بصوت مسمـوع
مازالت مغمضه عينها , لحـظآت بسيـطه وجا في بـآلها كل شي سـآر في الكآفي
ابتســمت بجنـون
طآر النوم , طار التعب
جلست وسندت جسمها على المخدات فتحت الوااتس وزادت ابتسامتها وخدودها مالت للإحمرار لما قرات كلامـه
" ماقدرت انـآم المفروض تديني عنوانـه مو استنى لدوامك"
" شكلك في سابع نومـه "
قبل نص سـآعه راسل
" انا في الكآفي مري عليا قبل لاتروحي الجـآمعه "
قرات كلامــه 4 مرات
وكأنه راسل كلام حب وغرام
مررت يدها على شفايفها , عينها تنــطق حٌب
بعد تأمل طويل لكلامـه كتبت " دوبي صحيت شويا حجي "
صبـآآآآآآآآآح رآآآآيـــــق
صبــــآآآآح جميـــــل
شايفــه كل شي يجنن كل شــي له رونقـه الخـآص, حتى هيـآ تطآلع في نفسها بالمرايـه وتبتســم
خرجت من غرفتــها لقت امـها تفطــر
ابتسمت وملامحها كلها نوم: هلآآآ بعيوووني انا
ام منـآل كآنت حتقرب كوب الشاهي من فمها بعدتـه : نزلت درجاتك؟
منال بتحطيم : لا ياماما بتغزل بس فيكي بدون اسباب شخصيـه
ام منـآل شربت من كوب الشاهي وبعدها قالت : كذابه بنتي عارفتك المهم متى حترجعي اليوم
منـآل : مدري ممكن اتأخر
ام منـآل : ممكن اروح لخـآلتك تجي معايا ؟
منـآل مشيت بااتجاه الحمام : لا طبعـآ
ام منـآل : مدري متى _ قفلت منال باب الحمام_ طيب يااااوسخه
منال فتحت الباب بســرعه : والله ماكنت اقصد ماركزت إنك بتهرجي
ام منـآل : ادخلي ادخلي اساسا كلامي ولا يجيب فايده معـآكي
منـآل : وعد وعد المره التانيه اروح معـآكي
ام منـآل : بكرا ؟
منـآل سكت وقالت بصوت لطيـف : المره التالته ؟
ام منـآل شمقت في وجهها عارفه بنتـها مافي امل فيها كملت فطورها
ومنـآل دخلت استحمت , خلصت , خرجت بروبها الوردي
وأتوجهت لغرفتــها , جففت شعرها , , حطت كريم في جسمـها
لبست جيـنز , فتحت دولاب البلايز
بلايزها الرسميـــه معلقه ورا بعععض
شبـــه بعــض
بس لما حبت الحيـآه حبت نفسـها بدي اللحظـه
جاها فضول انها تلبس شي يعبـر عن نفسيـتها
حركت يدها لحد البلوزه الصفرا
درجتـها جدآآ فآآآآتحــه
لون صيفي , لون يليــق لبيـآض بشـرتها
ماسحبتها بثقـه
فضلت حاطه يدها على العلاقـه
وفيه صوت جوتها يقول
" مو حلو "
" خليكي على الشي اللي اتعودتي عليـه "
بس حبت تكسـر دا الصوت
وسحبت البلوزه , موديلها مايل للرسميـه لكن في لمسـآت انثويــه
ياقـه مرتفـعه وفتحه بسيطه على شكل حرف ال v من ناحيـة الصدر
قصتها من فوق مايله للموديلات اليابانيـه
ثلاث ازارير بيضـآ من ناحيـة الصدر
أكمـآم لحد كوعهآ البلوزه بارده , خفيفه على الجسم
اخدت الفرشـه ومررتها على شعرها البٌني رفعتو لفوق كالمعتـآد
رسمت حوآجبـها لبست نظارتها , روج وردي
مسكت خدودها وثلاث ضغطـآت كفيلــه انها تحـول بشـرتها اليبضـآ لإحمرار
لبست جزمتها البيضـآ , اخدت شنطتـها دخلت اغراضها ولبستها على ظهرها خرجت من غرفتــها : ماماااا ...مامااا فينك
امها بصوت عـآلي : بلبسسس
منـآل تاكل وهيا واقفــه : طيب انا ماشيـه
امها : انتبهي على نفسك
منـآل : اووك مع سلامــه
امها : مع سلامـه
منـآل اخدت توست وحطت عليـه شريحـة جبنـه كآنت حتخرج الا رجعت تـآني اخدت توست تـآني وحطت عليـه شريحـة جبن
سحبت منديل , غطت فيـه الساندوتش الثاني وخرجت من البيت
نزلت بســرعه وهيا تحاول تقلل من توتــرها
وصلت لحد الكـآفي , دفعت بكتفـها الباب ودخلــت
بروده , ريحــة القهوه , أغنيـه " مٌلهم " , وقــــصي
رفع عدسـه عينه بااتجـآه الباب ورفع حاجبـه وابتسامتـه تزيـد بتدريــج
ديييييييي هيـــآ النظره الغريبـه
عشان تخفف توترها اضطرت تحـط في بــآلها " ود " بدأت دقات قلبـها تخف
وصلت لحد الفـآصل بينــهم هوا في الجهه المقابلــه
المكـآن فاضي
قصي : صباح الخيــر
منـآل : صباح النـور _ مدت يدها بااتجـآهه نص التوست واضح والنص اللي ماسكته مغطى بمنديل _ خٌد
قصي واضح عليـه التفاجئ : شكرا ! _ اخد منـها _
وهيا رفعت يدها التانيه توريـه :ماحب أكل لوحدي
ابتسم : ليش فينها أمك .؟
منـآل : صحيت متأخر مالحقتها
اكل جزء من التوسـت وبعدها اتكلم :إن شاءالله دايما تصحي متأخر
منـآل !!!!!!!!!!!!!!!!!!!!
أتوتــرت
قصده واضح ولا هيـآ من كتتر مو هيمانه فيـه فهمت غلط !باارتباك واضح علقت : آآ .. شوفت كلامك في الواتس لما صحيـت
قصي : كنت بسئلك متى حينتهي دوامك ايش التفاصيل بزبـط عشان افهم
منـآل ضيقت على عينها وقالت بااحراج: لازم تجي؟
قصي اتحولت لملامح الشر : نعممم!!!!!
منـآل : لا يعني اقصد ماله داعي مشاكل انا احـ
قاطعها : منال هجديني انا امس احلامي كلها فيــه خليني اخرج اللي بنفسي
منـآل دقات قلبها اتسـآرعت بشكل مجنون : الموضوع ..مو ..مستاهل
قصي: مستفزني بشكل ماتتخيليــه
منـآل سكتت للحظـآت , حبت تذكر نفسـها باأسباب تصرفـآته ,لأنه عارفه فتره بسيطـه وحتجي وحده تذكرها بمكانتــها : قصي .. بجد ماأفهمك
قصي : ايش فيه !
منـآل قالت الجملـه اللي تقهــرها : أحيـآنـآ ووقت كثير احسك تكرهني واحيـآنآ بتعآملني زي أختك وتكون مره طيب
سكــت لأنه كلمـه اختـــك جدآ بشــعه
ثواني مرت وقال بصوت شك : تبيني استمر على إيش ؟
منـآل : اكيد معـآملة الأخٌت
قصي رفع حواجبه الاتنين بااستغراب وضحك
منـآل : ايش بك ؟
قصي رفع التوسـت : عشان كدا مسويتلي دا
منـآل بلعت ريقـها : ايوا
قصي حرك راسـه : حلوو حلو
استفزتـه ومو قادر يخفي نرفزتــه :المهم حردلك الفطور واسويلك كوب قهوه قبل لاتروحي الجآمعــه
جلست على الكرسي الطويلــه :طيب
منـآل اكلت التوسـت وترفع عدسـه عينها كل شويـه عليـه
قصي مديها ظهره ويسوي القهوه : متى حتخلصي
منـآل : تقريبا على 1 او 2
قصي : وفين يباكي تروحي ؟
منال : مدري يقولو مكـآن عام
قصي : كلميني قبل لاتخرجي بنص سـآعه وحستناكي عند البوابـه
منـآل حركت رااسها وماعلقـت ,خلص من كوب القهوه وحطه قدامها على الطآولـه : ايش تبي اكثر من كدا دلـع
ابتسمت بخجل وهوا ابتسم معـآها
اللون الاصفر على جسمـها مجننـه , سحبت الكوب ووقفت : بروح الجآمعه
حرك راسـه دارت جسمها وخـرجت وهوآ يطــآلع فيها وهيا شايفـه انعكــآسه في ابواب الكـآفي ...


[... قصــي ..]

مـآزلت متأكد من حــآجه " ليــآ سٌلــطه على مشـآعري "


,

السـآعه 11 الصبـآح , صحــي مـآلك , طالع بااتجـآهها نايمــه
زفــر بضيـق ... ساعـه مرت وهوا مـآزال جالس على السرير
مافراســه اي حــل !
قام من مكـآنه فتح بـآب الغرفـه ولقى كرتون
شد على حواجبـه بااستغراب
رفععــه كآن مكتوب عليـه " malk "
زآد استغرابــه , دخل لغرفـه الجلوس الموجوده في قسمـه الخـآص ..
سحب مفاتيـحه ومررها على اللصق في جوانب الكرتون . ترك المفتاح على الطآوله
ودخــل النــور لداخل الكرتون بعــد سنيـــن طويـله
ولآنت فيــها ملامحـــه , وأنقبـــض قلبــه
ثوآآآني مـــرت وعينـه على الأشرطه المسجله
دخل يده .. سحب احد الأشـرطه مكتوب على الورقه البيضـآ " عمري 12 سنــه "
نزلها رفع الشريـط الثاني مكتوب" 17 سنـه "
مجمــوعه كبيـره ممدونـه كل وحده فيهم عمره الحـآلي ..
حط الكرتون على الطاوله وجلس على الكنبه المقابـــله
عينه على الكرتــون
صوتــه وهوا يصرخ على " آني " مر في راســه
طلب منـها ترميــها بس احتفظــت فيها ..!
اســـوء شي سوتــه
التفــاصيل مو متذكــرها لكن متذكر انهيـآره وألمــه في كل مره يسجــل احد الأشـرطه
متــذكر انو اختـآر دي الطريقــه لأنو ماعنده احد يتكلم معـآه
طريقـه موجعــه , يفضفض لآلــه وينــآم نهـآية اليوم وهوا شابك السماعات في اذنه ومشغل المسجـل
ويسمـــع لنفسـه
يسمـــع الأشياء اللي تســرله مرا ومرتين والف مـــره
مـآكآن كلآم بسيــط اللي يقولــه , الجنــون بحــد ذاتــه
قام من مكـآته بردة فعــل سريـعه , خرج من القســم اتوجه لقسم الخدم وكآن بيسئلهم ميــن جاب الكرتون بس شافــهم ينظفو قسم المستودع
كل مره يرجعــو الكرتون لمكـآنه بس حـآليا ولأول مره صاحبـه موجود ...
طلب منـهم بطـآريـآت ورجع ثاني للقســم , رهف زي ماهيـآ نايمــه
دخل للغرفـه الثانيه , قفل على نفسـه بالمفتـآح
خرج المسجل إللي بحجم الكــف من الكرتون غير بطـآريتــه , شبــك السماعات
وسحب شــريط " عمري 10 سنوآت "
اشتغل الشـــريط من المنتصـف
صوت بكــآه الطفولي وصلـه وعترآفــآته
" ليش ماتحبني , انا اباهـآ مابى آني تلبسني مابى اني معـآيا , ماما دايما تصرخ عليا ماتكلم عشان تكون مصدعه سرت اجلس معاها في الغرفه سـآكت اباها تقولي شاطر وتحبني زي زمـآن بس سرت حتى لما اسكت تقولي خلاص روح غرفتك ايش بتسوي هنـآ " وقف التسجيـل
ورجـع بدأ في وقت ثاني وباانهيــآر ثاني
" انا كنت مو عـآرف ايش تسوي , دخلت الغرفـه اخر الليل , اتخبيت ورى الكنبـه ودخلت ماما مع صاحب بابا _ بكي دقيقــه كآمله وهوا يشهق ويبــكي بعدها قـآل _ شوفتهم ..شوفت كيف يسحب ملابسها منـها "
قفـــل مالك التسجيل
انفــآسه اتســآرعت
ســـرع الشــريط عشان يمر دا الكلام, مايبى يسمعه , متذكره , متذكر اصوواتهم لمساتهم متذكر كل التفــآصيل
شغل
واصوات انفاسه السريـعه المهتزه بتسجيل اعلى من الكلام
" انا خـآيف من سلوى انا خايف اخرج من غرفتي رجولي توجعني من الخوف مو قادر اوقـف "
سحب الشريــط , حط شريط بعمر الـ 16 سنــه
صوت عميــق مجرد اعترافات ..
" بدأت احب آني , تحاول تكون دايما جمبي راحت لمروى تعتذرلها لأني صرخت في وجهها كنت ابا اعتذر لمروى بس ماقدرت لكن آني تفهمنـي تعرف اني ماعرف اعبر او عتذر , لو احد فهمني غلـط مايهمني إني أبرر , حتى لو كنت مظلوم , يآمن أهبـل يمشي في البيت يكسـر الدنيا ودايما يقول انا السبب , ماعندي مشكله اتحمل اغلاطه , ليش أخليهم يهزأوه ويكسرو بنفسـه , عادي لو الكذب حيحميــه من بابا وماما فاخليـه يكبر وهوا يكذب عشان يكون مرتـآح , احيـآنا صح يتمـآدى بس اطـآلع فيه اشوف خوفـه واقول انا إيوا أنــآ , ايش حيسيـر يعني ! حنحرم من الخروج ! ايش كمـآن حتصرخ بوجهي وتقول كلام تقصــده " مابى اشوف وجهك " جملـة اعرف انها تتمنـى تدوم متأكد إنها ماتبى تشوف وجهي طول العمر لكن ربي بلاها فينـآ , ارجع لغرفتي ويجيني يآمن يبكي ويعتذر , ماحب دي اللحظـآت اقلو دايما لاتعتذر لا تبكي بس اهبل مايفهم لين ماسحبو من بلوزتـه وارميه برى غرفتي , اعرف ردة فعلي غلـط لكن الشي اللي مايعرفو اني انحرج , لما اسوي شي كويس والقى ردة فعل طيبـه إتجاهي ماعرف اتصـرف , انا ومروى مانتفق لأنه دايما ردات فعلـها مبالغ فيـها سرت اطلب منها ماتجلس جمبي عشان لاأتنرفز بوساتها واحضانها كلها ماحبـــها , سلوى كرهتني بدا الشي , سلوى كرهتني انو يد تمر على جسمي , أنـــآ أنا ماحب احد يلمممسني "
قفــل الشـريط مع إنو لسى في بدايتــه بس اخد شريـط " عمري 15 سنه"
" بصداقتـي مع حسـآم , يمكن لأني سرت ابعد عن ماما وبابا سرت مرتــآح , بجلس فتره طويله عند خـآلي عدنان بسببـه, طلب مني خالي اشياء كثير اولهم لاأجيب سيرة ماما وبابا قدآمـه وكآن سهل الموضوع لأنو مافي مواقف معايا تجمعهم لكن هوآ كل بعد موضوع يقول بابا كان يسويلي ماما كآنت تشتريلي ,مدري اذا فيه واحد متعلق باأهله لدي الدرجه وسرت مو عارف المواقف اللي بيقولها حقيقيه ولا لا ! كلامـه مرا كثير عنهم لدرجة احيانا الموضوع مايخص انو يجيب سيرتهم ويجيبـها, في البدايه طفشت , بس خالي غصبني اكون معـآه لكن بعدها اتعودت , خالي كآن دايما يناديني بالمزآجي لكن بعد حسـآم انسحب دا الإسم مني كآنت تجي مواقف استنى خالي ينفعل عليـه ويضــربه كآن يوقف قدام خــآلي ويستفزه عشان يخرجه عن طوره لكن خـآلي يجلس على الكنبـه ويطآلع فيـه وهوا سآكت ودا الشي مايهديــه يعصبـه زياده أتعودت مره ولا مرتين في الاسبـوع حسام يمٌر بدي الحـآله مافي شي يعجبه مافي شي يرضيـه مافي شي على مزآجـه , كأنه يدور اسباب عشان يبكي "
ســرع الشريـط ووقف
" اخدت اغراضي وروحت اجلس عنـد خـآلي ,كنـآ نستنى خالي يروح العمل عشان نشرد , نسوي اشياء تافهه بس نضحك من قلبنا ونرجع البيت , حياتي اتغيرت كثير دي الأيام "
وانسحب زر التسجيـل على فوق ..مالك كآن عـآرف انو بعدها وقف تسجيل فتره طويله
ورجــع كمل بعد وفـآة حسام
عارف لو قلب الشــريط حيسمع إنهيــآره
من ضمن الفجعـآت اللي سارت بحيـآته , يودع صاحبـه وسـآعه ويوصل خبـر وفاتـه ..!
مارضي يسمــع التسجيــل , مارضي يسمع شي , غم على قلبـــه , اثر فيــه كثير وهوا يسمع نبرة صوتــه بمختلف الأعممــآر
معـــآنـــآه مستمـــره ومتــوآصلــه ..

,.

مســدوح على السرير يطـآلع في السقـف , 34 دقيقــه على نفس الحـآله
موحاسس انها صحيت وبتطـآلع فيــه مو حاسس بوجود اي احــد
اما صبــآ مسدوحـه جمبـه , تطـآلع فيه مستنيـه يركزانها صحيت
مرت دقيقتين وفجأه نفخت بقوه وسط اذنـــه ...
اتتتتربشش
من وآحد مسدوووح لشخص انفعععل وكآن حيوووقف الا طاح في الارض وضرب راسـه بالكومدينــه
صبا مع الفجعه ثلاث مرات تنطـــق وي أول مرا لما فززز ثاني وحده لما طـآح في الارض ثالث وحده لما خبط راسـه بالكومدينــه : وي ...أو ويي ..ويييي
سحبت جسمها لطرف السريرتطالع فيه في الارض : حبببببيبي ...ههههههههههههههه ايش بك
جلس ورجلو ممدوده ويبـآ يستوعب اللي ســـآر , وجهه كأنو احد كابب عليه حبر احمــر
واضح الفجعـــه عليـه
صبـآ تضحك لدرجه انفاسها تنقطع : هههههههههههههه آآه هههههههههههههه
نظررره حقــد منــه , جات لحده جلست على ركبــها وخللت يدها بشعره : ههههه فين اتعورت حبيبي
بصوت راخي , صوت لسى واحد صاحي من النوم , مبحوحح مفجوع حـــآقد : تستهبلي ياصبـآ !!!
لأول مرا يكلمـها بدا الإســلوب , حطت راسها على كتفــه وكمملت ضحك
جا يبعدها إلا حوطت اياديها عليــه : هههههههههههه اسسفه ياقلبي هههههههههه
تضحك في رقبتــه , رجع راسه للخلف وابتسم : مستفزه وربي
صبــآ طالعت فيه كآنت بتتكلم إلا اتذكرت صوت القربعه وهوا يطيح وينصقع رجعت راسها ودخلت في هستيرية ضحك
فراس : هههههههه خلاااص
صبا بس قال خلاص كأنو قال نكتــه صوت ضحكككها زآآد
فراس رفع حواجبـه بعدم استيعــآب !! , مو شايف الموضوع يستاهل دا كلو !
وقــف وهيا مسكت في يده سحبها عشان توقف وبرضها مازالت مكملــه ضحك : هههههه آآه حبيبي والله شكرا على الطيحه من زمآن ماضحك كدا
ملامحـه مآلت للنرفزه : انا متخيل لو إنتي اللي طحتي ترا مستحيل تكون ردة فعلي زيك !!!
صبا قربت وحضنتــه : هههههههههه انا غير جسمي رقيق لو طحت اتعور إنتا رجـآل تهز الأرض ماشاءالله
فراس حط يده على ظهرها : لاتحـآولي ترقعي
صبا بعدت عنــه لقت تعابيـر وجهه جديــه مره حطت يدها على صدرها ومازالت مبتسمه : والله عندي مشكله نقطة ضعفي اشوف احد يطيــح قدآمي , مدري ايش يسرلي اقلب مجنونه وبس اضحك تخييل مرا جدتي الله يرحمها كآنت نآزله من الدرج ست كبيـره يعني لو طــآحت اتكسرت فاهم !
فراس ضحك على الوصف : ههههه ماتستحي إنتي
صبا : بجججد لا والله يعني عظامها توجعها المهم إنها طاحت قدامي والله يافراس ماقدرت اروحلها قعدت اضحك , طاحت على البطيئ , بطيئ لدرجة تحسو سلو موشششن انا اطـآلع فيها ومو قادره استوعب انها قاعده تطيـح بدا البطئ يعني لو قررت اساعدها كآن قدرت بس كنت اضحك
فراس يضحك بصدمممه : هههههههههه صباا من جدك ؟!
صبا بجديه : من جد ماأقدر اساعد احد يطيح او حتى احزن مستتحيل
فراس : ههههههههههههه ايش ساار فيها
صبا : ماتت
فراس من وضعيه الابتسامه لصدمه : نعم !
صبا : ههههههههه أمززح فرااس ايش بك
فراس : هوا ياأنا اليوم حساس ولا إنتي غريبه !
صبا : هههههههههههه
قدرت تغيـــرله موده , قدددرت تنسيــه شويـآ بدي اللحــظآت ايش حيسوي بعد ســآعات
مسكت يدو وسحبتو بااتجـآه المطبـــخ : ميييييته جووع
ابتسسملهــآ , كآنت تتحرك في المطبـخ وتتكلم تتكلم وهوا يطــآلع فيــها
ويتمنـى إنو قـآبلها في مكـآن مختلف وظرووف مختلفــه

,’.
في المحــآضره ..]

بدأ التـــوتر وحركه رجلـها تزيـــد ,رفعت جوالها اكثر من 15مــره تشوف الوقــت
الرعٌب طـآغي عليـها
حطت سماعه في اذنها اتصلت على قصي .. رفعت سلك السماعه باتجاه شفايفها وقالت : نص ساعه وحخرج اقابلهم
قصي : خلاص انا دحين خارج , لاتشيلي هم
صوتها مرتبــك : طيب استنآك
قصي : أوك بس اوصل حتصل ولو سار شي اتصلي
: طيب
سحبت السمـآعه ودقـآت قلبـها تزيـــد
حــآسه بضيــقه مو طبيعيــه ...تمرر يدها على فخذها عى شعرها على كتابها
وصلت لمرحله مو عارفه تجلس مو عارفه ايش تســـوي
تبا الوقت يمٌر وماتباه يمٌر ..
أتمنت دي اللحظـه إنها ماحضرت الجـآمعه

,’

,خرج من الكآفي وقفل الأبواب , سحب المفتاح ,وفجأه وقف وآحد قبــآله
اشرله براسـه على السياره المركونه في نهايه الشارع : شـآدي يستنـآك
قلبــــه غــآص جوتـــه
لحظــه من الصدمـه طغت على وجهه ...
ممكن نقـآش بسيـط في السيـآره ...!
مشـي بإتجـآه السياره ...فتح الباب الخلفي والرجال فتح الباب الأمامي : أركب !
قصي : فين شـآدي !
الرجال: حتروحلــو دحين _ ودخل وقفل الباب !
وقصي مازال ماسك الباب وواقف في الخـآرج
كل تفكيـــره حاليا محصور في منـآل والمصيبــه اللي ورطها فيـها ..!
ركب السياره وقفـــل الباب ..
حيقــدر يتكلم بصووته في السياره !
شٌبــهه
فتح الواتس كتبلها
" منآل حاولي تبعدي عنهم أنا ماحقدر اجي "
اترسل الكلام بس ماوصل غير إشاره صح وحده "
اتصل نص رنه وقفل ورجع فتح الواتس , رجع اتصل عليـها تاني وردت
رفع الجوال وقال بحده : معليش حبيت اديك خبر إني ممكن اتأخر
: تكلمني !
قصي : إيوا لو خلصت حكلمك
منال بصوت خافت ومايل للبكى: قُــصي !
قالت إسمه وماعرفت ايش تقــول بعدها
بس وصله خوفــها
إسمو كرهه بدي اللحظــه
يبآ يعتذر
يبا يقولها طمنيني
يبااا يخرررج من السيـــآره
جوتــه إنهيــآر رفع عدسـة عينــه على الرجال اللي بيسوق وكآن يطـآلع فيه بالمرايـه الأماميـه قال : مع سلامــه
استنى على الاقــل وداعها بس سمـع اصوات اللي حوليــها وبعدها قفلــت
ردها فيه الف خيبــه منــه ..
نزل الجوال من اذنــه
قلبــه وجـــعه , ضاغط على قبضـة يده بقهــر, بحقــد
ضغط على اسنــآنه وبرز فكــه
أفكــآر كثيــر بتجي براســه
أفكـــآر مجنــونه زي جنــونه
ضرب على الكنبــه اللي قدآمــه لما وقـف فجأه بسبب السيارات وكأنه اداه حق العصبيـــه : يخخخخي ركزز في طريقك

,

وفجأه قــآمو كٌل اللي حوليـها
ازعــآج الكراسي
الاصوات المتداخله
قفلت كتـآبها , وقفت , ماسكــه بكاها بالقوه
على قد خوفها أول لكن كآنت تطمن نفســها انو حيساعدها
حيوقــف معـآها
بس دحيـــن .!!!
لحــظآت مخيفــه تستشعر فيها باأدق التفاصيــل..
خرجت بصعوبـه
تمشي في الممر ووقفت فجأه لما وقف قدامها وهوا ياخد انفاســه : تعبتيني وانا الحق وراكي
شدت على كتابها : ماشوفتك
ابتسم لكذبها : غريبـه ! _ عقد حوآجبـه _ ايش بك خايفه !
حركت راسها بنفي : مو خايفه !
ياسر طالع حوليـه , الممر مزدحم , جا لحدها حط اياديـه حولين اكتفاها ومشي : يلا ماعلينا خايفه ولا مو خايفــه ماتفرق كثير
منال تمشي بسبب حركته : شيــل يدك
ياسر: نهى تموت وتشوفك
منـآل : شييل يدك
ياسر عينه على الناس ويمشي : ساير اسلوبك غريب ونبرتك غريبه ! ايش سايرمعاكي ناقشيني عشان نهى متحامله عليكي بشكل مجنون فايمكن اقدر اروضهـآ
منـآل : شيل يدك وانا حتكلم
ياسر : ههههه على فكره انا للي قدمتلك العرض ماتبي بكيفك
منـآل حاولت تبعد يدده لكن فضل ماسكها وماااشي , استسلمت
مشيــت وانفاسها تزيـــد
ماتبى تخرج من المبنى
ضوء الشمممس بيزيـــد
وهيا بتقــرب
وهوا يتكلم كلاام عـآبر ماله معنـى
وضيقت عينها لما اشعة الشمس حجبت عليـها الرؤيه لثواني ...وبعدها بدأت توضح ملامح النــآس
نزلو الدرجـآت الـ 9
مشيــو في الحديقــه المخصصه للجـآمعه وخرجو من البوابــه وعينها بدأت تـــدور عليــه ...
كآن عندهآ أمل انو بيكذب ..ليش ؟ ..ماتبى تفكككر بالأسباب بس تتمنى إنو يكذب تتمنى انها تشوفــه حاليــآ
بس لمحــت نهـــى واقفـه عند احد السيارات وابتســــآمه فيها ألــف وعيـد على وجههـآ ..
سارت مٌسيـــره
ماقدرت تسحب نفسـها
ماطلـع معاها اي ردة فعـل
ووقفــت قدآمها
ياسر : وجبتلك هيا لحدكك أي طلبات ثانيـه ؟
نهى نظرة دلع امتنـــآن : شكرا حبيبي ممكن تشيل يدك من عليـها _ نقلت عدسة عينها لمنال واختلفت كليـآ نظرتها _ بيني وبينـك موضوع مانتهـى
ياسر سحب يده من منـآل اما منـآل قالت : مابيني وبينـك اي شي انتي غلطي عليـآ وانا رديت عليـكي
نهى بتفاجئ طالعت في ياسر وكأنها منـآل طفله المفروض ماتعرف تعلق ! : أأأوه طيب مو مشكله _ فجاه مدت يدها ومسكت كف منـال فتحت باب السياره منـآل كآنت حتسحب يدها الا يـآسر جاه وراها
وفي أقل من ثانيه انسحبت جوت السيـآره وياسر ركب قدام وفي الكرسي اللي جمبـه " كَرَم "
وورى نهى ومنـآل حاولت تفتح باب السياره مقفــل طالعت فيهم : إيششش تبببو
نهــى فتحت شعرها وبدأت تحركــه يميـــن ويسار : حنحتتتتفل
كــرم شغل الاغــآني بصووت عــآلي , فتحـت نهـى الشبـآك وخرجت نص جسمــها ويـآسر خرج من النافذه الأمــآميــه وتسمعهــم يغنو ويصرخو
انفججججججعت !!!
خافت احد فيهم يطيــح !!
تطـآلع فيهم الإتنين قالت لكرم بخوف : لاتتتسرع
كارهتــهم بس خـآيفه يسـرلهم شـي
دخلت نهــى والسعاده طاغيــه عليــها فتحت شنطتها خرجت المرايـه والروج , حطت روج
وسحبت نفسها بااتجـآه منـآل : دووورك
مدت يدها الا منال قال : مابى
نهـى كأنها ماسعت كآنت حتسويلها الا منال دفت يد نهى وطار الروج لعند رجول كـرم !
نهـى دارت بااتجاه الروج وبعدها طالعت في منـآل حاولت تتمـآلك نفسـها : كل شي في وقتـه حلو
سحبت جسمهاا بااتجـآه الكنبه ضمت يدها تحت صدرها ووآآضح انها حاسه بصعوبـه تمسك اعصــآبها ..
اما يــآسر دخــل وهوا مو داري عن الدنيــآ : الجووووو اليوم خٌراااافي _ على صوت الاغاني وهوا يتحرك على انغآمها دار جسمـه بااتجاه نهــى _ ايش بببك
نهـى ولا ردت اما كـرم حركلو راسـه بتحذير يعني سيبــها ..
منال رفعت صوتــها : فيين رايحين
مــحد رد عليــها
: قولووو اللي عندكم هنــآآآ
نهى فجأه قالت بعصبيـه: أأأأنكتمي
منـآل ماعلقت مع الفجــعه بس مانزلت عينها من عليـها
كأنو ادت كـــف لنهى هجممت عليــها : لاتتتتتطــآلعي فيااا كددددا
كــرم عينه على الطريــق : هيييي
منــآل صرخت
ياسر دار جسمه ومد اياديــه وسحب نهىىى بالقوه رفع صباااعه : أههههجدي يانهى شوويا
نهـى وجهها احمر تتنفس ورا بعــض , ضمت يدها تحت صدرها : شوووفت كيـ
ياسر قاطعها بنفس صوتها العــآلي : قلتلك اااهجدي شوويا
اما منــآل ظهرها ملصق بااتجـآه الباب نظارتها ممرميــه على فخذها , رفعت يدها وهيا تعدل شعرهاا
شعرها نزل على اسفل بس مآزال ممسوك بالربطــه
بيدها االلي تتنـآفض اخدت نظارتها ولبستها
حابســـه دموعهـآ بعينها , سندت جسمها بشويش على الكنبـه
18 دقيقـــه ووقف االسيـآره جمب احد الفلل المشابـهه لبعض نزلو ومنـآل مازالت في السياره
فتح كرم الباب : هيا تعــآلي
استنجدت فيه بعينها , طالع في ياسر وانسحب من قدآمها
ياسر جاها وقال بحده : أأأمشي يلاا _ ثانيتين وسحب ذراعها
خرجت وهيا تصرررخ : أأأمـــآنه سيبووني
نهـى دقت الجرسس وانفتح الباب واصووات الأغاني وصلــتها والإزعــآج مشيت منـآل وروجلها تتنافض بس وصلت عند الباب الحديد
انفجعععت
25 شخــص من الجـآمعه في الحديقه الخارجيــه
في الركنيــه دي جي , طاوله عليـها مشروبات واكككل , مسبـــح
وقسم داخلي للفلـــه شايفــه مجموعه برضو من االابواب القزاز المطلــه كلها على القسم الخـآرجي
الكل جــآت عيونهم على اللي داخليين ونهى صرررخت بجنننننون : ههااااي
اترفعت ايادي المقربين منـــهم
منـآل عيونها تنتقــل على الكل , قلبها حيووقف في اي لحظـــه
مو عارفه ليش جايبينها مرت عشره دقــآيق
ربـــع سـآعه
20 دقيقـــه
وفجأه نهــى رفعت اياديــها وصفقت وقالت بصوت جدآ عـــآآآلي : قااااايز ادوني شويه من وقتكم
الكل بتدريــج يطآلع فيها وهيا ابتســـمت ....

’,

امــآ قُـــصي وقفت السيـآره قدام نفس المستودع اللي تقـآبلو فيه اخر مــره
قبل لايتكلم الرجال فتح هوآ الباب ونزل من السيــآره
وصل لعند البوابـــه الرجال طلب يفتشو رفع اياديــه وقال : أخلللص عليــآ
الرجال بعد التفتيش سحب جوآلــه واشرلو يدخل بدون مايكلمو ..
حوآجبــه معقـده , متنرفز وواضح عليـه
دخخخخل لحد ماوصل لشـآدي سحب الكرسي باازعـآج وقال : مره ثانيه تديني خبر قبل لاتجيني
وجلس بوقـآحه على الكرسي وعينه على شادي
شــــــــــآدي !!!!!
رفع حـآجبـه بتفاجئ قال : أأوف ليش خبصنا جدول اعمـآلك ياباشا
قصي أخلاقـه صفــر : تقدر تقول ..بس خلي في بالك شي انا اشتغل معاك ماشتغل عندك
شــآدي ابتسم بتدريــج , مرر اسنانه على شفته السفليه وعينه تتفحص قصصي
دآخل وكأنه المكــآن مكـآنه مو متوتر مو خايف
ويتشــرط !: شكلك ناسي اخر مره ايش الكلام اللي سآر بيننـآ
: لاتشيل هم متذكر
شـآدي من البدايه فصصصل , مرر كفوفه في بعض : انا ماأمشي بدا الإسلوب
قصي رفع حاجبه المشطوب : خبرتي بدا المجـآل ماتختلف عنك قلتلك اديني خبر قبل لاترسلي احد ... لك قوانينك وليا قوانيني
شادي وقـف وقصي وقف بنفس اللحظــه , صدى اصوات الكراسي كآن مرتفــع
شادي قد لحد قصي , اشر لأحد من رجـآله
جا الرجــآل لحد شادي , شادي عينه على قصي بس رفع يده بااتجآه الشخص القريب منـه
فهمــه
سحب مسدســه وحط بيد شــآدي
شادي رفع المسدس لتحت ذقن قصصي
اتغيرت نبضـآت قلب قصي لكن ابتسم : حلولك سهله
شادي رفع حاجبه : ماحب اوجـع راسي
قصي زمم على شفايفه بتفهم وبعدها قـآل: حلو
شـآددي: أديني عرض يخليني اتنـآزل عن قراري
قصي أتوتـر بس مو قادر يرضـخ مو قاادر لدحين في نفسـه الضرب اللي اخذه منـهم وحاليا منـآل , اتذكر اللي يبـآه حاول يتغاضى عن كبريائه لثوآني وقال : أسلمك سليـم
شـآدي فجأه دفع قصي لصناااديييق وثبتــه , ذرااعه ممدوده على رقبــة قصي قال بحقــد : إنتتتتا بتلعب على راااسي !
قصي رافع راســه بسبب ضغط ذراع شـآدي : لا .... بس كلمني امـــس
شادي ضغط على اسنـآنه وبحقــد قال : إيش يبــآ !
قصي : مــآلك
شادي شد على حوآجبــه : مين مـآلك !
قصي : مــآلك ولـد اخت اعدنـآن
شادي بدأت تليــن ملامحــه , خف ضغط ذراع شادي لثواني وبعدها شد عليــها واترفع راس قصي : ليش !
قصي : قٌلتلك انا أسلم واستلم التفاصيل ماتعنيلي
شـآدي : ولو قلتلك احتــآج التفاصيـل
قصي : خٌد سليم بكبــره
شـآدي سحب ذراعــه , قصي مرر يده على رقبتــه
شادي حرك المسدس بعشوائيه : مو دا مآلك صاحبك !
قصي اتفاجئ من التفــآصيـل : صاحبك كلمـه كبيره مو موجوده في قـآموسي تقدر تقول جـآري
شادي : وليش ماسلمتــه _ قلده _ جارك
قصي : مو أهبل اخطف ولد سلطـآن ! دي يبـآلها مبلـغ جـآمد عشان حتى لو طحت وقتها كم سنه سجن واخرج وانا ضامن مستقبــلي
شادي : يعني المسأله ماديـآ مو تعـآطفا مع جارك
قصي فتح كفـه : هات مليــون اجيبـه لعند رجلــك
شادي : تتوقــع لو عندي المبلغ حتنــآقش مع اللي زيــك
قصي حرك راسـه بقلة حيــله : عاد دا ثمنــه
شـآدي أتوجه للكرسي وجلس : متى تقــدر تجبلي سليـم !
قصي: اردلك في الليل
شـآدي حرك راسـه : لاتتأخر
قصي بعنـآد : وإنتا لاترسل رجـآلك في أي وقــت
شادي مرر لسانه على اسنـآنه العلويـه وهوا يطـآلع في قصي
كاااااااااارهه
فييـــه شي جوتــه مانعه من القتــل , حاسس انو ورآآه موضوع كبيــر
وقوفــه بدي القوه مو من فرآآغ : أفكر في الموضوع _ اشر بالمسدس _ خلاص كت اباك في مصلـحه واتغيرت لمصلحـه ثانيــه تقدر تمشي
قصي يكره اسلوب التحقيـــر .. حاول يعـــدي
انسحــــب
يبـآ جوالـــه , يبــآ منــآل
سلمــوه اغراضه , ركب السيـــآره , بعد دقــآيق قدر يفتح الجوال
ماقدر يتصـــل عليــها
ماقدر يسمع شي ممكن يخرجــه عن طوره وهوا في السيــآره
عشــره دقــآيق : وقفني هنـآ
جنب السيـآره ,وقصي نــزل مشي على الرصيــف وبدأ يتصــل مره ومرتيــن
وثآلث مــره ردت عليـــه ..وقف مشـي
مافي اي صوووت , قال بخوف : منـآل !
حس باانفــآسها زادت نبرة خوفـه : منــآل إنتي معايا ؟
بصوت منهــآر : حياتي ماتخصك

الكــل طـآلع في نهـى , نهى المجنـونـه إللي محد يدعسلـها على طــرف :حخليـكم تكمــلو البارتي لكن عندي شي صغغير اباه يسيـر عشان نفسيتي تتعدل
اشرت على منـآل وبدأت تقرب منها : دي البنت رمتني في الشــآرع - بااسلوب تكسب تعاطف اللي حوليـها _ تخيــلو انا اترمي في نص السكه ! وماقدر اقوم بسبب الألم وهيا تهددني وتكمل طريقـها !!!
منــآل انفـآسها سريــعه ..
شايفــه الكل بيطــآلع فيـها
نهى وقفت قبــآلها ووجهت كلامها لمنـآل : زي ماهنتيني قدام الكل حتعتذريلي قدآم الكل
مريضــه !
مجنــونه !
نهى ررفعت اكتـآفها : كٌل الي اباه مجرد اعتذار _ طالعت في البنات والشباب _ كثير اللي اطلبــه !؟من حقيي ولا مو من حقي !
اصوات متفرقـــه : من حقــك ...اكيــد .... مشاكل البنـآت يخي
فيه شبـآب دخلو وماهمهم اللي بيسير اما نهى مدت كفـها بااتجـآه منـآل : اعتذرري
منال مو قادره تطـآلع بنظرات الناس , عينها على نهى وبــس , تبا تبرر تقولها انتي اللي غلطي انتي اللي جرحتيني وذليتيني قدام الكل
بس نظرات النــآس رابــطه لســآنها بصوت خـآفت بس وصل للكل : ماحعتذر
اصوووات التشيجــع : أأأأأأأأأأأأأأأأأأأأأأأأأأأأأأأأأأأأأأأووووووووووو ووووووووووووووه
نهى نزلت يدها وقالت : اعتذررري
منال ماعلقت اكتفت بالنظـــر
نهى قربت اكتــر وقالت بحقــد : اعتذذذذري
منـآل : ماحعــ
وقبــل لاتكممل الكلمــه نهى رفعت يدها وادتــها كف صدااااه في المكـآن كللو
الكل انفــجع
وبعد التعليقات الجانبيــه عم الصمـــت فجأه
منـآل برغم الكــف اللي طبـع في خدها طالعت في نهى وانفاسها زادت قالت بصوت كلو بكـى : ماحعتــذر
كـــف ثاني من قوتــة طاحت نظارتها في الأرض ...
الكل بدأ يحس بعدم راحــه
: احد يتدخــل
: انا حمشي
: خلينا ندخل
جا واحد متوجه لهم الا ياســر وقف قبـآله : خيــر ! موضوع بين بنتين انتا ايش دخلك

امـآ نهــى مصــره : آخر مـــره بقووولك اعتذرري
منــآل دارت جسمــها بتخــرج الا نهـى مسكتها من شعرها ودفتها في الارض وقبل لاأي احد يكون له ردة فععل كلام نهــى وقفهم : مو إنتي كدا رميتيني في الــــشااارع هااا مو إنتي كدا سووويتي فيــآ هيا لو ماتبي تعتذري استحملي الشي نفســه اللي سويتيــه فيـــآ
مسكتــها من شعــــرها وقفتـــها , منــآل كآنت تصـــرخ من الألم مو شــآيفه لفين تسحبها شعرها مشعتتتر , بس فجأه سمعت الكل يـــصرخ
الولد اللي قدآم يــآسر دف ياااسرقبـل لايوصلـها نهى رمتــها في المسبــح
الولد طالع في نهــى : انتتتتي مجنونــه !
: مممالك صلاااح
صرخه وحده من البــنــآت خلتهم يستوعبــو إنو منـآل ماتعرف تسبــح
يترفع جسمـها وينخفض في المويــآ يترفع جسمها وينخفضض
كآن الولــد حينط في المسبــح الا كــرم سبقـــه ,
رمى نفســه كرم وســط المسبــح أتوجه لها سحبــها من المويــآ
ثلاث بنـآت قربـو من طرف المسبــح ورفعوها
اترمت على العشب الأخضربدأت تككح بشكل متواصل وتخرج المويـآ من فمهاا
نهى تطـآلع فيها من بعيـــد
الكل يتفـــرج مفجوووع
منـآل تسمع انتي كويسـآ
ها كيفك
بعدو عنــها
,
عيونها حمرررررررا
ملابسـها لاصقه بجسمــها
شعرها نفس الشي
رفعت عينها وهيا تطــآلع في الكل
انتبهت لنظرات الشفقــه , التعــآطف
ضغطت على اياديـها في العشب ووقفت بجسم يتنــآفض ,اتوجهــت بخطوات مهزوزه بااتجـآه الباب
فتحتــه وخـــرجت واصوات الكل واصلتها
: مسكيـنه
: أوووه
: ياألله احد يسـآعدها
: نهى وقحــه
كــرم اتوجــه لها نهى قالت بحده : ككككرم
كرم طالع فيـها بحقـد وخــرج وراهااا ...بخطوات سريـعه وصل لمنـآل خارج المكـآن : تعالي اوصلك
منـآل تمشي ولا تطـآلع فيـه
الإتنين يقطرو مويــآ : الدنيا برد والشوارع فاضيه خليني اوصلــك
منـآل مكمــله مشي وعيونها الحمرا بسبب المسبح كلها دموووع , انفاسها مسموووعه
كرم مازال يتكلم : قالتلي انها حتخليكي تعتذريلها قدام الكل بس م
فجأه صرررخت عليــه : انننننقلع من وجهي
كرم وقف مشـي وهيا كممملت بخطوات متتتاليــه فين بتمشي ماتدري بس بتمشــي
امــآ كرم بعد لحظـآت اتوجه لسيـآرته , اخد شنطتــها ورجع مشي وراها وقبل لاتتهجم رفع شنطتــها بتبرير : شنطتك شنطتك
سحبت الشنطـــه وشافت قروب خــآرج وبيطـآلعو فيـها
مشيـــت تبا تبعـــد
مشيــت مشيـــت
مشيــــت دخلت احد الاراضي الفاضيــه . تبا تخرج لشارع ثاني عشان تبـعد عن نظرات اللي تعرفتـهم
خرجت للشـآرع الثاني الدنيــآ فااااااااضيـــه
استرااااحـــآت او اراضي فاضيـه
تطـآلع يميــن ويســآر وتمشي
الهوى يدخل بعظـــآمــها
مـآزالت مابكيــت
مو قــآدره تبــكي
من كتتر الإهــآنــه كابتــه جوتــها
نظرات الكل تمممر بعينــها
همساتهم
كلمــآتهم
انتبهــت لموآقف انتظـآر الباصات , مكــآن فاااضي , كرسي طووويل وفوقـه قزاز
جلست على الكرسي ورجولــها تتنافض سامعه صوت جوالــها بس مو قادره تخــرجو
تنتفــض بطريقــه واضحه ..من البرد ولا من الخوف ولا من القهر !
كل شي مجمــع في بعضــو
فتحت سحـآب الشنطـه بصعوبـه
خرجت جوالـها
شـآفت اسمو ونزلت دمعتــها
مافكرت , ردت
سمعت اسمها ماقدرت ترد دموعها نزلت اكثــر
عتب
فيه عتب جوتها
بس مو عارفه كيــف تصيغه
كل اللي جا في بــآلها : حيــآتي ماتخـصــك
غمض عينه ومرر يده على جبينـه بتوتر :رجعتي البيت ؟
بكيت
قصي : منال ساار شي
منـآل : مع سلامه ياقــ
قصي بردة فعل سريعه : ماكنت حسيبك مآكنت وربي حسيبك طيب ! سار شي غصبا عني ..انتي فينك سار شي قوليلي
منال ماقفلت وبنفس الوقت ماعلقت كانت تبكي وبـس
قصي صوته يشفعله صوته وهوا مرتبــك وخـآيف كآن مخليـها ماتقفــل : منال الله يسعدك فهميني ايش سار
منـآل قالت بصعوبـه وبين شهقاتها : أنــآ ...أستـآهل ... أستـآهل كل شي
قصي زفر بتوتر : رجعتي البيت ؟ بس قوليلي رجعتي ولا لا
منـآل : لا
قصي : فينك
: مدري
قصي : كيف ماتدري ! انتي خرجتي معـآهم !!!
ماعلقت
قصي : منننال لو عندك نت ارسليلي موقعـــك
مـآزالت تبكي قالل باأعصــآب تالفه : منننننال بقولك ارسليلي موووقعك
مسحت دموعها شهقاتها تطلع غصبـآ عنها قالت بصعوبـه : طيب
قفلت منـه والجوال يهتز بيــدها , فتحت البيانـآت , ارسلت الموقع له
وكتبلـها : 14 دقيقه وانا عنــدك

مــآقدر يتــصل تـآني ماقدر يسمع صوت بكـآها
وقــف سيــآره , ارسلو اللوكيشن , ومشي عليــه
دقــآت قلبــه سريــعه بشكل مجنــون , جسمه من جوه ينتفــض
خــآيف على شخــص ! ... حاسس بخوف مفجججع يتسللل لكل خليـه بجسمــه
الإحســآس اللي بيمــر فيـه حاليا أصعب من إنو يــرجع يسمع صوتها ثاني
يباها تهدى عشــآن هوآ يقدر يقــدر يهـــدى ..!
وصـل للموقــع بس مالقاها , طالع يميــن ويســآر
طلب من السيـآره توقـف واتصل عليــها
صوتها غريــب , صوت يرجف اكثر من البكى
قالتلــه ماتحركت , في مكـآن انتظار البـآصات
نزل من السيــآره ..بدأ يمشي بعشوائيــه
الدنيـــآ فااااااااااضيــه
سياره ولا سيارتين تعدي بطريقـه سريعه
لمحـــها !
وقف
وبصعووبــه كمل طريقـــه
كل مايقــرب , كل ماتوضح لــه ودقـآت قلبــه توجــعه
ضامــه اياديها تتحت صدرها , أكتافها شويـه مرفوعه
شعرها مفتوح ونــآشف من كثر الهوى , وجهها شاااحب
خدودهـآ مٌحمــره
دموعها تنزل بس بدون صوت
اترفعت عدسـه عينها لما طلع الرصيـف قبـآلها
لسانه مو قادر ينطــق بشي
بعدت عدسه عينها عنــه هنـآ هوا قرب
جلس جمبـها مـآزال مو عـآرف ايش حيقول
شايف ملابسـها في بعض المنـآطق مـآزالت مبلبله ,
مـآكآنت له ردة فعل غير انو جــآلس جمبـها وعينه عليـها
دقيقه مـــرت , اصابعها مايله اطرافها للون الأزرق
مــد يدو وغطى كفــها ...
كأنها قطـعة ثلج , رفع يده لذقنهـآ ودار راسـه لناحيته نزلت دموعها ومارضيت تطـآلع فيـه
وجهها بااتجـآهه لكن مو قادره ترفع عينـها : انـآ ...اسف
رفعت عدسـة عينها عليـه بس شافت نظرتــه بكيـــت

وقــفت تبـآ تبعـد عنـه الا وقــف معاهـآ ومسكــها سحبت يدها , بتحاول تداري وجهها
بس رجـع تاني مسكها وسحبها بااتجـآهه : فين حتروحي
: سيبني شوويــا
ضغط على يدها , ملامحـه القاسيـه مايله للضعف : أبكي هنـآ
حركت راسها بنفي , قصي : ماحخليكي تروحي
حاولت تسحب يدها بس برضو ماسكــها
استسلمت اترفعت اكتافها وانخفضت
شهقـآت متتـآليـــه
ماسك يدها وبتـــرجف
حاسس ببرودتها
باألمــها
مو قــآدر يســيططر على إحساســه
حــآجه جوتــه يبــآه يضمهــآ
حتدفــى , حتبكي عنده أقــرب
رفع يدها اليميــن اللي ماسكـها وقربها من صدره
ويده اليســآر ورى راســها
دخلت بحضضنه واتخبت من الكــل
بكككيت , حاسه بحرارة جسمـه تغطيـها
مــحد فيــهم أتكلــم لدقـــآيق , صوت بكـآها سيــد الموقــف
بدأ يخــف بكـآها , بدأت تستوعب مكــآنها
سامعــه دقـآت قلبــه السريـعه
انسحبت للخلف والهوى يحـرك شعرها على وجهها وهيا ترجعه بشكل متكرر ورى اذنها
بس مارفعت عدسـة عينها عليـه
تحاول تمسـح دموعها لكن شعرها مو مديـها فرصــه
يدو امتدت ورجع شعرها ورا أذنها رفعت عدسه عينها عليــه
ماعلق , مسحت دموعها
وكآن الصمت برضو بينـهم
سحب يدو لما هيا مسكت شعرها
بلع ريقــه يرتب الفوضى اللي جوتــه : ايش سـآر
حركت راسها بنفي وقالت بصوت مخنوق : ابى ارجع البيت
: زعلانه مني !
طالعت فيه بعدم استيعاب ,ماعرفت ترد
نبرتــه , نظرتـه كأنه مو هوآ
بتتألم وبتعيش حٌلمهـآ بنفس الوقت لكن مو قادره تحس فيــه
قصي مرر لسانه على شفايفه قال : ايش جـآبك هنـآ
مرت يدها على خشمها ,اشرت بعشوائيـه : همـا جابوني
قصي ملامحــه بدأت تميل للحقــد : جابوكي ومشيو !
حركت راسها بنفي : لا في الإستراحه هـ
بردة فعل سريــعه وصوتــــه قللب لحده فجأه : همـــآ هنـــآ !!!!!؟؟؟
ملامح وجهها طغى عليـها الخوف : ابا ارجــع البيــت
رفع حآجبـــه :جاوبنيني اول فيـــنهم
منـآل بترجي : خلاص الله يخليك والله تعبت مآبـ
وسكتت لما شافت الشر بعينـــه : وررربي ماحمشي من هنـآآ إلآ لو قلتيلي فين المكـآن
: وحكون التـآفهه اللي بعينهم جابت احد يدآفــع عنها !
قصي: كلامي مع ياسر رجآل براس رجآل اكيــد حتجيبي واحد يدافع عنــك
لحظــه من التوتر ملامحها مالت للضعف : اخاف من ردة فعلــك , قصي ماحب العنف ماحب الضرب والله
يحاول يتمـآسك شايفها خايفــه : أوعدك إنو ماسوي شي يفجعك طيب !
مو قادره تثـــق فيــه , نظرتها وهيا تطـآلع فيه خلتــه يتنـآزل ويرجع يقول : انا قد كلامــي ... وعــد يامـــنآل
ثانيتــين مــرت
ومشيت بتردد , ضامه اياديـها من البرد لتحت صدرها
كآنت لحظــة دفــى ورجعت للبروده الي تسري لداخل جسمها
يطـآلع فيها كل شويــا , قرب مره مو قــآدر يقرب ثـــاني
ماشي بــس جمبـها
وجو لحد ثلاث استراحات بنفس الشكل
كآن واضح فيــن التجمـــع
وقفت مشــي بس سحبــها لما مســك يدها غصبا عنــها ومـــشي
عــآرف انها ماتبــى لكن مو بكيفـــها ...
الباب مردود , فتحـــو والكل مشغووول بس لما وحده لمحت منــآل
بدأ الكل يهز الثاني لحد فجأه ماوقفت حتى الأغـــآني
منـآل قربت من قصي بخوف كتفها اتغطى بذراعه ...
نهــى شافتـــها
بس مــآتحركت
انفجعت من صاحب الكآفي اللي معــآها , من ملامحــه اللي مايله للعصبيــه
شكلـــه الخــآرجي يــدل بشكــل كبير على عدوانيتــه
قاال بصوت عـآلي : فيــــن يـــآسر !!!
يـآسر مع الفجعه ماعــلق لكــن بسبب نظرات النـآس اتجـآه ياسر عرفــه
طالع في منـآل : دا هوآ ؟
منال عينها عليــه شايفه الرعٌب بعيــن ياااسر
حست بحـآجه تبرد قلبـها , حركت راسها باايجـآب
سحبت يدها من قصي وقصي أتوجــه له وياسر بصوت مرتبــك : خيـــر إنتتتتا خيــر جاي تتهــج_ وفي نص كلمــته
انسحـــب من بلوزتــه دار جسمــه ولصق وجهه على طــآولــه الأكل فوووق الأكللل
ياسر يحاول يرفع راســه وقصي ضاااغط عليــه وسط الحلــى , رخى راســه بااتجـآهه وقال : أتوقعت القى رجآآآل قدامي
ساب يااسر وياسر رفع راسـه وقال بتهديد : والله لو
وفي نص كلامــه رجع قصي يمسك وجهه ويحطو وسط الحللللى
وفلتـــه
جات يتهجم على قصي برضضضضو قصي مسكو ودخل راســه في الحلىىى وفجأه انقلب المكــآن ضحــك
هـــآنه !
هـــآنه بدون اي ضـــربـه
: تستقـــوي على بنت دآ أخرك
ياسر مـآزال راســه في الحلى ويد قصي ضاغط عليــه بضرب باأياديــه اتجاه قصي بس ولا تزحزح
قصي طـآلع في منـآل : تعالي
منـآل مشيت بااحراج اتجاهه وشايفه الكل يطـــآلع ,
الكل مايبـــى يدخــل جايبــه واحد بينــهم لو مسكهم كلــهم ماحيرحم أحد فـيهم
الوشم اللي ف يده وحاجبــه كآن اكبر تنبيـه بكميـة الخطر اللي دخــلت
امـآ هوآ عشـآن منــآل مايبى عنــف
مايباها تخــآف منـــه
مع إنو بيفرك راس يــآسر في الحلى بكل قوتــه
اشر براسـه : هاتي علبه البيـره
منـآل رفعت حاجبها وياسر يصرخ : بقووولك سيبني
قصي رفع رراسه ورجع ضربه بالطآـوله : لما اقولك اتكلم اتكلم _ طالع في منـآل واتغيرت نبرتـه _ هاتي البيره
منـآل بتردد اخدت من قسم المشروبات
قصي قلها : فكيـها
فكتـها
قصي: كبيها في وجهه
منـآل وسعت عينـها
قصي : شوفي انا قاعد أعلمك كيف تدافعي عن نفسك دي اول خطوه يلا
قــــــآعد يديــها دروس بيـــن الكـــل ...!
يــآسر : والله لو
واترفع راســه وانخبط تــآني
قصي : لما يجي دورك اتكلم _ طالع في منــآل _ يلا
منـآل : مابى
قصي : ماحمشي وحفضل ماسكــه لحد مايصدع ويغمى عليـه
منـآل ضحكت وياسر وجهه حمر بنرفزه
منـآل بسبب نظرة قصي اللي قاعد يحركلها حاجبـه ويشجعها
رفعت البيـــره وبدات تكبها على وجهه
وهوا يفتح عينه وفمــه ويقفلها يفتح عينه وفمــه ويقفلها
يفتح عينه وفمــه ويقفلها كأنه بيغرق بس بملامحه
سابت البيــره وهيــآ تضحكك وقصي يضحــك
ســـآب ياسر واترمى في الارض ويمرر يده على عينه وووجهه
اما نهــى جات بتوتر : إنتوو ايش تبــو _ اشرت على برا _ بسرررعه اطلعو
قصي عرفــها : شوفي انا ماحتجرأ ألمسك لكن _ قبل لايكمل طـآلع في منـآل _ دي هيا صح ولا
نهى ضمت يدها : ايوا انااا مايحتاج تتكلم و
قصي عنيه على منــآل ويسمعلها
مو داري ايش سار لمنــآل لكن عارف انو كل شي بسبب دي
طــآلع فيـها ...مـآكآن هوا يبـآ يتجرأ على البنت ..يبا منـآل بنفســها
لكن منــآل واضح عليــها الخــوف والتعــب ,بتخــويف رفع صبــآعه : أنا وإنتي بيننــآ الأيـــآم
مع نبــرة صوتــه وشكلــه خلتها تنفجــــع
وفجأه اتحرك لقدااام هيــآ صرخت بخوفورفعت يدها لوجهها حسبت حيجيها
الا اتوجه ليــآسر اللي دوبـه قدر يشوف بعينــه عدل
رجـــع سحبــو زي اللعبــه من قفــآه
مسك وجــه ورجــعــه فووق الحلـــى قرب منـه وقال بتهديد مايوصــل لمنـآل : والله لو مامسكككت صحبتــك لاأدفنك إنتا وهيــآ لاتخلوني اطلع جنان حياتي فيــكم
ورمــآه بس دي المره بعننننف كبيـــر
مشي بااتجـآه منـآل دار ارسـه بااتجــآه ياسر
ياسر انفجــع وزحف بالارضضض وبعدها استوعب انو ماهجم بس طــآلع وقف بشويــش لحد ماخــرجـه الإثنيــن
ماشتغــلت الأغــآني بعد كذا
نهــى انسحبت للدآخل
ياسر طــآلع في اصحــآبه بس محد دآفع عنــه لسبب اخر برضو أنهم ضد اللي ســـوه ...
بدأ الكل يمشـــي وهمـآ يتكلمــو على يــآسر كيف اتهــآن


امــآ قصي و منـــآل خرجو يمشـــو مبتسمه برغم البرد وملامحهـآ المآيلــه للإحمرار
يفتح يده ويقبض عليــها ..يحس جوتــه نــآر وماطفــآها
سامعه صوت طقطقه اصابعــه .. : احتـآج اروح اضرب يـآسـر عشان ارتـآح
منـآل غصبا عنها ضحكت : هههههههههه مو قادره اخرج من راسي شكلو وانا اكب فوقو البيــره بالعكس مرا ه
ابتسم : فخور بنفسي لأني عرفت كيــف العنف اللي تحبيــه
منال : هههههههههههه لو اتضاربتـو بالايادي كنت حبكي
سكت فضل بس مبتسم ماتدري انو جـآي من عند وآحد كآن حاتط السلاح عليـه والحيـآه مستمــره
وقفت مشي قالت بتعب : خلاص عظآمي مرا توجعني من البرد
خرج جوآلـه : دحين اطلب سيـآره
ضامـه اياديـها ثواني وقلها : فين نظارتك ؟
رفعت اكتافها : مدري
: طحتي في المسبح ؟
ماحبت تقول الحقيقه : إيوا كنت بحاول ابعد عنها وطحت
كــآره استسلامــها لما تكون لوحدها بس حــب حركتها لما اتخبت ورى ذراعه منــهم
إحساس مٌتضــآرب جوتـه
اشرلــها : تعالي هنـآ
جلسو على الرصييف , حاطه اياديها على ركبــها وتضغط على قبضات يدها
عدسة عينه تتحرك عليـها وعلى الطريـق
احيـآنآ سهل تطلـع منه ردة فعـلأ
واحياناا تكون ثقيــــــله لدرجة انو يفكككر كثيــر
اتكلم : حتمرضي_ مد يدو بااتجاه قبضات يدها بيــد وحده غطى اياديـها وسار يحرك يده ويتكلم عشان يخفف توتره قبل توتــرها _ حننطرد كلنا من الكآفي اليوم
وجهها مآل للإحمرار ضحكت بتوتر مماقدرت تنطق باأي حــرف
: اكتشفت إنو صبري كآن ماسك المكـآن بذمـه
منـآل حاولت تجمع نفسه حاولت حاولت تقول شي : صبا كويسا
: مبتدئه زيك صبري له 6 سنين بدا المجـآل
مركزه مع حركـة يده عينها على الطريــق قالت بعد صمت : إيش اللي خلاك ماتجي ؟
يفكر في الجملــه , يحـآول يكون حذر , بنفس الوقت مايبى يقلل منهــآ , مايبى يجرحها او يحسسها انو تركها بدون سبب
لكن مالقى جواب ينصفــه قال بااستسلام : جيتــك
عـآيشـه مشاعر متضــآربه
التوتر مخلي كل وآحد فيـهم يطـآلع قدآمــه وماتتلاقى عيــونهم
اياديهم المتشـآبكه عن ألــف حوار ونقــآش
وصــلت لحدهم السيـآره
اتبـآعدت اياديهم بتوتــر
وقفـــو بتــوتر
فتحلها باب السيـآره رجعت شعرها ورى اذنها بتوتــر
اتوجه للمقدمـه وجلس في المقعد الأمــآمي ..
وعــم الصمــت
فتحت شنطتها لما استوعبت احتمال فيــه ربطـه لشعرها لمت شعرها على ورى ونازل لنهاية ظهرها
ضمت الشنطه لصدرها , قفل قصي التكيــف واعتذر للرجال لما قلــو : معليش بردآن
زمت شفايفها تخفي ابتسامتــها


’,

سحب نظــآرته ضغط على عيونــه بصدآآع
السـآعات بتمــر ومـآزالت نـآيمه بشكل مو طبيــعي !
الصدآع بيـــزيد من كتر التفكير , من صعوبــه انو يكسر الحـآجز وتكون له ردة فعــل
يحتــآج حبــوبــه , يحتـآج شي يهدي الصوت المتكرر وســط رااســه
قام بصعوبــه , أتوجــه لها , وقف حد السرير وعينـه تتأملها
كآن ينـــآم بدا الشــكل لما يدخــل في اكتئــآب قوي
في كٌل مره يكون متخبــي ورى الكنبــه ويشــوف كل شي تســويه امــه
كآن يرجــع ينـآم بعدها اكثر من 12 ســآعه ويصحى بصعوبــه بسبب آني
يحـآول يتحرر من قيوده الي صنعهــآ بنفســه
التعبيـر , النــدم
رفع يده وهوا يضغط على رآســه
صعــب
جدآ صعـــب
مو بســآهل بعد 15 سنــه من الصمــت يعرف يعبــر
جلس على طـرف السرير بجآنبـها
3 دقـآيق وعينـه عليـها
الشي الوحيـد اللي يقــدر ينطقـه بسهولـه إسمــها : رهــف
استنى للحظـآت وناداها مرتيــن
شدت على عيونــها , فتحتها بشويــش وأكتملت صورتـه بعينــها
مانفعلت , ماتغيرت ملامحـها
: ماحتقومي ؟
رمشت بهدوء
ردة فعـل وحده لقاها منــها
: طيب كٌلي وارجعي نــآمي
غمضت عينها اتوقعها حتصحــى لكن دخلت في النــوم ثاني
الصدمـه طاغيه عليـها لدرجه انها غمضت عينها تــآني تحتـآج تشــرد من واقعها
قام من على الكنبــه ...
قادر يســوي شي ثاني ؟؟
لا طبــعا
صعب جدآ صعععععب كل شــي حاليا بيسويــه
النقاش معـآها يوتـــره , الكلام محسوب عليـه
أتــوجه للكنبــه وجلس , سـآعات متوآصلــه مــرت
20 ســآعــه !!!!!
فتحت عينــها مآيدري من متى مـآكآن شايف وجهها
بس ماتحركت عينها مفتوحــه
جا لحدها يصحيها لقاها صاحيـه , وقــف حدها
ماعرف ايش يســوي .. نظرتها خـآليـه من اي شــي ملامح حتى الحقــد والقهر اتمحت منهــآ
رجع جلس على الكنبــه وشايف هيئة جسمها على السرير
صمـــــت طـآغي عليــهم
صمــت مفجع
الوقت بيمـر وهيا على حالـها , سلب من عينها كل شــي
وصـــل لآخره في التحمل لما سمع صوتها تبكي بصوت خـــآفت
ارتـــكب جريــــمه بحقــها ماتغتفـــر
فتح بــآب الغرفــه
محتــآج أحـــد
ماحيقــدر يتصــررف
وماحيقدر يتفــرج عليـها اكثر من كدآ
وصــل لحد بـآب غرفتــها , دق الباب مرتيـــن لحظـآت وفكت الباب
اتفاجئت من شكلـــه , كآن واضح عليـه انو تـآيه مو عارف يتصــرف : ممكن نتكلم ؟
مروى فتحت الباب : ادخــل

,.

دخــلت : الكـآفي لدحيــن مقفــل
لبس بلوزتــه : يلا ارتاحي ياقلبي اليـوم
صبا جلست على السرير : احس ساير دوامك على كيفك تخرج متى ماتبى وتـ
قاطعها : مافي ضغط
صبا سكتت وعينها تتأمله وهوا ياخد الفرشه ويمررها على شعره
سحب العطر وبخ عليـه وبــآله بعيــد
انتقلت عينه على المرآيه وانتبه لنظرت صبـآ عليــه
دار جسمــه , مد يدو : تعـآلي
قامت من مكـآنها جـآت بااتجـآهها : إيش بك ..؟
صبا : انتا اللي ايش بــك ؟امس الليل حاستك صاحي طول الوقــت
فراس : لأنك يمكن نفس الشي صاحيـه !
صبا : انا اشتقت لأهلي انتا ايش ؟
فراس : وانا نفسي تكوني عند اهلك , ونفسي ارجع اخدك من اهلك برضاهم , ونفسي بحاجات كثيـــر كلها تخصك
صبـآ بسؤال صـآدم : تتـوقع حيجي دا اليوم ؟
وتـــــرته
مسك أيـآديـها وقال بكذب : فكرت باأبعــد من كدآ بكثيــــــر
صبـآ ابتسمتلـه : في ايش فكرت
فراس يلعب بالخوآتم إلي في صباعهـآ : فكرت واتمنيت إنو لو جبت بنت اسميها ملاك فكرت إنو حنعيش في بيت اكبر من دآ في مكـآن أأمن من هنـآ مكـآن بيــن اهلي واهلك يسير اسبوع هنـآ واسبوع هنــآك فكرت إنو حتكوني جدآ جميلــه لو كآن لكي مكـآن تصممي فيـه ديكوراتك الخـآصه
ابتسمت غصبا عنها
فراس : فكرت برضو إنو اسوي صــآله كبيره مخصصه للرقص يمكن تحنــي و
وقبل لايكمل بدات تضربـــه وتتكلم : يخخخي _ تضرب _ انتا متى _ تضرب _ تبطل _ تضرب _ تحشر دا الموضوع
فراس رفع اياديه : هههههههههههههههه ماحبططططله عندك اسبوعين ولا حشـرد من البيت
صبا : ههههههههههههههه خييير !!! هوا إنتا كمان إللي حتشرد مو انا
فراس : مو عارف كيف اعاقبك خلاص طفشششت ماسارت
صبا : هههههههههههه
وخــرج من البيــت على ضحكتــها ...خرج برضو من العمـآره وهوا مبتســم
مشي ..مشي ...مشي ...مشي
وبدأت الإبتســـآمــه تتلآشــى , ركب السياره المخصصه من شـآدي
واليـــوم المحدد للعمليــآت ..ايش مستنيـــه مو عـآرف ..!
لكن طول الطريـــق طغــى عليــه التبـــلد ...

,,.

دخـــلت بيتــها والحقــد طاغي عليـها , فتحت الباب بشويش , عينها اترقبــت الممر
وبعدها قفلت الباب ومشيت بخطوآآت بشويش وقبــل لاتدخل غرفتها فزت بصدمــه : هلا والله
نهـى بخوف : إنتا هنـآ
: فين حكــون يعني !
نهى طالعت يمين ويسـآر : فين ماما واخواتي
قرب منــها : راحو السوق
نهى حطت يدها على مقبض الباب : طيب انـ
ومسكها من شعرها وجابها لعنـــده : ليش اتأخرتي
نهى حطت يدها على راسـها باألم , صرخت : قلت لماما روح اسئلها والله اديتها خبر_ اتحولت ملامحـها لقرف من انفاســه _ انتــآ تشرب ومـ
وضربـها بدون سبب وبدون عقــــل طاحت على ركبها زحفت بصعوبه اتجاه غرفتها وهوا جاي وقفت
فتحت الباب وسكــته بسرعه دارت المفتاااح مره ومرتتتين وجلست في الارض تبـــكي وهوا يرفــس الباب ...صرخت بصوتها : الله ياااخدك ونفتك منــك

,,,,’

وقفــت السيـآره , نزل هوآ ويــآها مشيــو على نفس الرصيـف بينهم مسـآفه بسيــطه
كل وآحد بيفكر في تفــآصيــل اليوم
قصي كل تفكيــره في مشاعره اتجاهها
منــآل تفكيرها نفســه ,في تصرفات ومشـآعر قصي مو مشاعرها
وقــف عند ابواب الكـآفي وهيا وقفــت قال بااسلوب هـآدي : اطلعي ارتـآحي
حركت راسـها وقالت بنبفس نبرتـه : شكـرآ
: ماسويت شي
كآنت حتمشي الا قـآل : منــآل
بمجرد ماجات عينـها بعينـه قال بتردد : طمنيني عليـكي
واضح الصدمـه على وجهها , حركت راسها بصعوبه بدون ماتنطق بكلمــه
دارت جسمها لما شافت قصي يطـآلع بااتجـآه عمارتهم
باارتباك حركت شعرها ورا اذنها وراحت بااتجـآه امــها : منـآل تقرب منها وامها تطـآلع في قصي
شـــآيف بععين امــها ايش يعــني إنتا منحـــرف وابــعد عن بنتــي
خرج المفاتيــج وفتح ابواب الكـآفي , وبعــد عن نظراتها
امها نقلت عدسه عينها عليـها وقالت بااستغراب : ايش بك كدا !
شعرها نااشف بطريقه غريبـه
ملابسـه ناشفــه برضو بشكل غريــب !
منـآل : حكايه طووويله بعدين احكيكي رايحه لخالتي ؟
امها: إيوا وانتي حتروحي الكـآفي !
منـآل حركت راسـها بنفي : لا مره تعبــآنه ابا انسـدح وانام

[ أقدم بشكل سريــع الوقت شويـــه ]

بشقـــة قصــي ...]
مجموعيــن من بعد فتــرة طويلـه كل وآحد بهمـــه , كل وآحد مايبا يفكر بالمصايب اللي فوق راســه
بعــد نقـآشات متنوعـــه وكلام متوآصـــل , ضحك وفصلات غريبــه
قصي كآن وآقف انخنــق من الضحك سحب 3 منـآديل ورا بعــض وحطها على فمــه واتغطى خشمــه
ويكــح ووجهه طاغي عليــه الإحمرار وفراس ومـــآلك يضحكــو
طالع فيــه مـآلك ووقف ضحكتــه ابتسـآمه بسيطـه على وجهه
رمى قصي المناااديل : بطططل اسلووبك الغبي دا
فراس : ههههههههههه
مـآلك : قصي تصدق من يوم ماشوفتك دي ثالث مره اشوف فيك إنسـآن كنت اعرفــه من فتره طويــله
قصي انفـجع : اشباهي في كل مكـآن
فراس : أمي ماتقول دي الكلمـه إلا وتطلـع ماشاءللله تقربلهم من سابع جد
مالــك : ههههههههههههه ماتوقع _ شد حوآجبه _ تعرف واحد اسمو حسام مجدي او أبوه كآن دكتور لقبهم اتوقع *****
قصي حرك راسـه بنفي وجا بااتجـآه الطـآوله اخد مشروب البيبسي ورجعه انقلب على الطاوله , وقف العلبه قبل لاتطيح من الطاوله اخد الولاعــه وجلس , رجع قام سحب علبـةة السجـآير وجلس
فراس كآن مو مركز
تشتت قصي خلاه يطــآلع فيه
وفجأه اتذكـــر البواب لما مشي ورا قصي وناداه " حـٌـــســـآم "
مازال مو مستوعب انو هوآ نفس الشخص لكن قصي مو اي شي يخليــه يرتبك بدا الشككـــل !
ركككككككزز بكل حـــركه تصدر من قصــي
اما مالــك مرر يده على جبينــه بتشتت موضوع رهف مخليــه مو على بعضــه قال : اساسا الولد واهله مــآتو _ حرك يده بعشوائيـه _ على العمــ
قاطعه فرآس بصدمـه : العيله كلها !
مـآلك : إيوا
قصي سحب السجاره وولعهـآ , يحتــآج يقوم قبل لايدخــلو بالتفــآصيــل
مـآلك ماحيتكلم إلا لو فيــه وآحد يسئـــل
وفراس ماقصــر : حادث !
مـآلك : امـه وابوه في حريـق وولدهم بعدها بسنـه في حـآدث
فراس : أوووف يقربولك ؟!
مـآلك : لا أصحاب خالي عدنان
قصي سحب بقوه نفس من السجــآره وعينــه على مـآلك
ملامحــه طاااغي عليـها الجمــود يطـآلع في مـآلك ويستنــآه يسكـــت
كآن حينتهي الموضوع إلا مـآلك سحب علبـه البيبسي اللي قدآمه وقال بنقــآش عشان يشرد من التفكير برهـف : بالأصح انقتلـو
فراس سحب نفسـه لطرف الكرسي ..وقال : كيــف !
مالك بتبسيط واسلوب استفز قـــصي , بتأثير صوتي وكأنه رصـآصه : بو بووو رصاصتيــن وولعو فيهم المكـآن وانتهت القصـه
دق جوآل مـآلك لما شاف الاسم وقف: دحين اجيكم
وكآنت عيـــن قصـــي تلحــق ورآآآه , بقـــلب يشتعـــل
" بو بووو رصاصتيــن وولعو فيهم المكـآن وانتهت القصـه "
" بو بووو رصاصتيــن وولعو فيهم المكـآن وانتهت القصـه "
" بو بووو رصاصتيــن وولعو فيهم المكـآن وانتهت القصـه "
السجــآره بيطيح رمـآدها على الكنبـه وهوا يطـآلع في مــآلك البعيـــد يتكلم وصوتــه مو مسمــوع
فراس : قصي .!
: قصي؟
:قــ
وسسكت لما انحرق صبــآعه ورمى السجاااره في الطفـآيه وقــآم باتجــآه غرفتــه وقفل البــآب
ماركز في فراس
ولا ركز إنو بيطــآلع فيــه
الجممممله حرقتــه انتشلللللته ورمتـــه من جديـــد وســط الحريـــق
الجملـــه رجعت فييه كل شي من البدايه اصوووات امــه وابوه العــآليــه في البيـــت
ابوه سحـــبه من سريره وهوا نـــآيم
نزل بخطوات سريعه الدرج
رمـآه وســط الدولاب وحـذره لايفتتتح فمــه
اصوات نــآس دخلــو , اصوات نقااااش متوااااصل
قصي جلس على سريره وجسمــه يقدمــه ويرجعه على ورى بشـــكل متووواصل
الجملــه رجعت في راســه استنجــآد امـــه , صوت طلقــه النــآر , صرخة اببببوه , وارتطــآم جسمــه امه
ومـآلك بكل استهزاء قــآل
" بو بووو رصاصتيــن وولعو فيهم المكـآن وانتهت القصـه "
لأول مـــرا بعــد دي السنيـــن يسمع عن مقتـل امـه وابــوه بلسـآن احــد , معــآنــآة سنين عمــره نطقـها بكلها استهزآآء

نهــآية الفصــل ...]

السلآم عليـكم ...]
طفـــوف سعيــــده بشكل مااتخيليه لرجوعك وتعليقــك عشان كدآ
سبت ردي على تعليقــك لوقــت ثاني ...


الفصــل الثـآلث والعشرون ..]

[ تألمت كثيرآ بطفولتي فاصنعت درعآ يقيني من كل شيئ
درع يحميـني كثيرا من المشاعر العـآبره , والأحـآديث اللتي تكشف هشاشتي
الآن أو في هذه اللحظـه فقـط
اريــد ان أرمي درعي قليــلآ لكنه أصبــح مصقولآ على جســـدي
لاأستطيــع نزعـــه , لاأستطيــع ان أعــود كمـآ كــنت سـآبقـآ ]

ونـــرجع للوقت الطبيــعي ..]

مــآدد يــده على ذراع الكنبــه يحرك اصـآبعه وكأنـه بيعــزف على البيــآنو , دليل كبيـر على توتــره
مروى اخدت كوب قهوتــها من على مكتبـها وجات جلسـت في الجلسـه المزويـه في غرفتــها
ثلاث كنب منفرده طاولـه دائريــه في للمنتــصف : إيش ساير .؟
مـآلك: فين أبـويآ ؟
مروى : يعني ماتوقع احد عنده جواب للسؤال
مآلك عدل نظـآرته يحاول يخفي توتــره : ويآمن؟
مروى : إيش فيه يامالك؟
مـآلك : بسئل لو
قاطعتـه مروى : لك هنـآ قد إيش ماجتمعنـآ على طاولة اكل ولا سئلت عن أحـد فينـآ !_ سكتت وقبل لايعلق قالت _ إنتا جيت لكن لدحين بتشرد مننا
مـآلك : حاسه راحـه بوجودنـآ ؟
حركت راسها بنفي : لا ..كنت اتــمنى ترجعو بس لما رجعتــو أتمنيــت إنو امنيتيي ماتحققت , أتوقعت كل شي حيتصلح برجعتكم
مـآلك : لقيتي جوآبي في كلامك
مروى ابتسـمت : انا كنت اباكم ترجعو حٌبــآ فيكم انتا رجعت لأسباب شخصيــه
مآلك : وايش هيا اسبابي !
مروى : مالك انا اعرفك لدرجــه حاسه انك مشتاق وبنفس الوقت تبى تكسر عينهم انتا رجعت لكن مو عـآرف تميل لأي اتجآه
مآلك : ودام عارفتني لدي الدرجه ليش ماعذرتيني
مروى : لأنو صعبه كل مره اديــك مبرر وانتا مابتفسر اذا كلامي صح ولا غلــط في مرحله يوصلها الوآحد يششتري نفسـه ويبعد عن الكل , راحة بالي كآنت في لحظـه من اللحظات اهم منك ومن يآمن
مـآلك : كلنا اشترينـآ رآحة بـآلنـآ , اديتك خيـآر تجي معايا ولا تعيشي معـآهم إنتي طلبتي تجلسي , دا اختيارك يامروى
مروى : ومو ندمـآنه عليــه انا مرتـآحه جمب ماما حتى لو هيا غلطـآنه بس خلاص بدأت اتعود سار مايفرق معايا تصرفاتها لكن يـريحني وجودها
مـآلك كآن بطرف لسـآنه العتــب
بطرف لسـآنه انتي سمعتي ماشوفتي بعيــنك
انا شوفتها مره ومرتيـــن وثلاثــه مع وآحد غير ابويـآ
شوفت تفاصيــل لدحين تدور برآسي
اتنهـد : في النهـآيه الحيـآه ماشيــه
مـروى : الحمدالله _ شربت من كوب القهوه ورجعتـه على الطاولـه _ اتوقع ماجيت من هنـآ عشان نتكلم بدي المواضيـع
مـآلك بتوتر يحاول يخفيـه لكن واضح بحركـة يده : لو ..قلتلك ..موضوع يخصني أنـآ ورهف..._ سكت للحظـآت طويلـه حاسس بصعوبـه الكلمـه
غير طريقـة جلسـتـه باارتبـآك
كآن حينسـحب لكن شكل رهــف المرسوم في بـآله خلآه يقول بصعوبـه واضحه : تقدري تسـآعديني؟
الدهشــه واضحه على ملامــح وجههـآ
توتره وطلبــه ولأول مرا انو احد يوقف معـآه
تركت كوب قهوتها بااهتمام وخوف : اكيــد ..ايش سـآير
حرك نظارتـه الطبيـه ...عينه على مروى بس لسى صـآمت
30 ثـآنيـه وقالت مروى : مآلك !
رفع حوآجبـه الإثنيـن ..ثواني مرت وبعــدها وقـف
نادتــه لكن مشــي باإتجـآه الباب
قامت من مكـآنها
مشيــت وراه
مسكت ذراعه ووقفت قدآمــه كآنت حتتكلم إلا انصدمت لما شافت دموعـه بعينـه
بصوت حـآد ومـآزال يتمـآسك : نتكلم في وقت ثاني
خــرج من غرفتــها ...وكل اللي في راســه
كلامــه وهوآ صغيــر
مشــآعره وهوا صغيــر
لكن حـآليا مو إتجـآه سلوى
اتجـآه نفســه
كره سلوى لدرجهة ســآر نسخــه منــها
فاهم كل مشاعر رهــف لدرجة يخجل إنو يتعـآمل او يتصـرف معـآها
رجـع لقسمــه سمـع صوت بكـآها ماقدر يجلس ثانيــه في المكــآن
خرج من البيــت بكبـره , ركب سيـآرتـه , اتوجه لشقـتــه
جلس على الكنبــه , ورجولــه يحركــه بطريقــه سريــعه
يحتــآج حــل
يحتــآج شي يخرجه من الجنــون اللي يعيشـه حاليـآ
حآليــآ أتذكر كيــف كآنت اياديــها حوليـن جسمــه
تبــعده
تضـــربه
رجـع البيت ورقبتــه مشوهه من اظافرهـآ
حاليا استشعر بلمسـآتها كيــف كآنت
بكل قوتــها عـآرضت , بكل قوتها صــرخت
لكن حـآليا بــس بدأ يحس بتلك اللحظــآت
أمـها كآن حـــله ..
حيوقف قدآمها ويتكلم ماعنــده قوه
يحتـآج قــوه تخليــه يتكلم , قوه إنــو يعتــرف بغلـطه
هوآ مو نفــس سلــوى
دي الفكــره حتقتــله
اتــوجـه للحمـآم حبوبـه مرمى في الأرض
ماكان دا المهدئ الوحيـد اللي عنـده
فتح الدولاب سحب باأيادي تتنـآفض علبتيــن
دخل المطبـخ خرج قاروره مويا من الثلاجـه
واخد حبتيــن من كل علبــه
كثيــر لكــن يبـآ ينسى نفســه
دا الدرع مــحد يقدر ينتشلـــه غيــر حبوبــه
مشي بااتجـآه الصـآله , جلس على الكنبـه , وحــركة رجولـه مستمــره
دقـآيق وبدأت تخـــف ,حط نظارته على الطـآوله
وجهه شـآحب
اخد جوآله , فتح الواتس وكتب لمروى "اطمني على رهف "
ودقــآيق واتصـل على ام رهف ..
ردت .. فز قلبها ..خافت إنو يكون ســآر شي فاردت
: الو
مـآلك وقــف :هلا
من ورى قلبها : خيرر !
مآلك مشي بتوتر ,يمرر يده على شعره وذقنـه كل شويـآ
ايش يقووول
كيف يبـدآ !
للمره المليون الإعتذار اسووء
: أنا ورهف حننفصل
كآن الصمت طويل من ناحيتها بعدها علقـت : وأنا إيش دوري بزبـط !
: حتـرجعلك
: ماشاءالله مين قرر إنتا ولا هيـآ
مـآلك : ممكن تسمعيني ؟
: لا سمعتك مره وماحسمعلك تـآني قرارها تتحمل نتايجـ
قاطعهابدون مقدمـآت طويله : أنـآ أتبليت عليـها _ ماسمع صوتها فاكمل _ مقاطع الصوت انا ركبتـها هيا مانطقت ولا حرف , خرجت معايا عشان تقولي مابى اكمل معآك لكن انا سحبتها من السياره ودخلتها البيت وسويت كل شي غصبا عنها ... ماكان باإرادتها ,حاولت تبعدني لكن خلصت اللي اباه ورميتها لكي, اتصلت عليا بعد فتره قالتلي انا حـآمل و
قاطعتــه بصوت مهزوز : إنتا ايش بتقول !!!
كمــل وكأنه ماسمعها : مآكفـآني اللي سويتــه قررت اتزوجهـآ وماحقدر اتزوجها برضاها لكن برضاكم حقــدر
خلص !
انتهى بكل سهولـه سرد معاناه أم وبنتــها بكل دم بــآرد !
ماكان فيه تفــآصيل مـآكآن فيــه ندم , مآكآن فيه اي شي يخلي الوآحد يستوعب إنو كلامــه صح !
ام رهف ضاعت الكلمـآت منها : إنتا ... لو .. ايش ايش بتقووول ...انتا بعقلك !! ... الكلام اللي بتقوله انتا سامعه ولا لأ
كآن يبــكي
كآن يبكي لكن صووتــه على وتيــره وحده ولا أتهز
مآلك جالس على الكنبه ضاغط على عيونه بيده اللي ترجــف: تبا ترجعلك
: شووف ...لو ...لو دا فلم إنتا وهيــآ مس
قاطعها : من البدايه حآولت تفهمك لكن سمعتيلي ماسمعتيلها
صرخت : صددقت الشي اللي سمعته باأذني صدقت الشي اللي شوفته بعيني بنتتتي حامل وكآنت تقولك بصوتها تعال لللبيت ايش
مـآزال يقاطعها : إحنا في زمن حتى الصوت ماسار دليل قاطع على صحتـو
باانفعـآل : هوآآآ إنتا لللليش بتتكلم بدا البرووود
مآلك : كلامك حيكون مع بنتـك اليوم حتجيكي
:أسسسمع والله والله لو كلامك اللي بتقولـه طلع صح صدقني ماحيسكتني غير سجنـك
مـآلك : أقرأي الإسم اللي بعد اسمي مزبــوط بعدها فكري بكلامك
: والله لو إنو ابوك حــآكم البلــد لو بنتي أكدتتتلي كلامك ماحرحمكم كلــكم
: عندك شك بكلامي ! مع إنو رهف اكدت كلامـها قبل كدآ ليش دحين حتصدقيها ؟ حتستقبليها وتقوليها حكيني كل شي ! ولا حتستقبليها وتعتذريلها لأنك ماسمعتيلها !
عـآرف امـها قاسيـه
حتفــهم الكلام منهآ اول ورهـف مو ف وضع انها تعيـد وتتكلم ..
ام رهف مو قـآدره تستوعب اي كلمـه , جسمها ينتفض ..ازعـآج سار فجاه حوليـها قالت بصوت يحاول يتمـآسك : انا ححجز اليوم حشوف متى رحلتي واكلمها
: كلميني انا
زادت الاصوات حوليـها قفلت من غير اي كلمـــه
اما هوآ ارسلها اسم برنـآمج الصوت وكتبلها " ابحثي عنـه "
صورلها اخر محادثاتــه كلها مع رهف وكتبلها "دا اخر كلام بيني وبينها قبل لاتخرج من عندك "
ورمـى جوالـــه
سنــد جسمــه على الكنبـه , مسـح دموعـه
وفضل بجمــود وألم داخلي لحــد مالحبـوب اتمكنت منــه ونآآم بنفس الوضعيـه
,.
دخــلت منـآال العمـآره وقبل لاتطلع الدرج امهـآ دخلت وراها ونـآدتها : مننال
منال طالعت فيـها : ايوا ؟
امها : فين نظارتك !
منال : مو قلتلك بعدين احكيكي خلاص روحي لخـآله
امها : شكلك مو عاااجبني ليش ملابسك وشعرك بدي الطريقـه
منـآل : ياماما خرجت عند وحده اعرفها وطحت في المسبح بس !
امـها بنظرة شك : مين دي ؟
منـآل : شهـد
امها حركت راسها : طيب بعدين نتكلم
منال ماصدقت تطلــع بيتها , تغير ملابســـها
وتنـآم , ابتســآمه ودخلت في سابع نومـــه
,

ومــرت 6 سـآعــآت على الكـــل ...]
فــراس بيــن شـآدي ورجـآله وارتـآح نفسيــآ لما اتكنسلت عمليـة اليوم وحيأجلوها لبكـــرآ
قصي مــآزال في الكـآفي وصبـآ معــآه

مــآلك فتح عينـه , حرك رقبته باألم , دقـآآت قلبه سريــعه
خمول وتنـآحه للحظـآت عشان يستوعب كل شي يمر فيـــه
سحب جوالـه , قرا كلام مروى "انا خرجت من البيت فيه شي؟ "
قام بردة فعـل سريــعه
يطالع يمين ويســآره بيا سويتش السياره
انعمى للحــظآت ...
مرر يدو على جبينــه , موطبــعه يرمي بعشوائيــه
لكن لما وصل كآن بدون عقــل
ودور في البيت كلو لحد مالقـآه في المطبـخ ..اخد النظـآره علب حبوبــه
خرج بخطوات سريــعه ركب سيارته واتوجــه لبيت اهلــه
صدآع , زغلله بعينـه , دقات قلبــه على نفس الســرعه , غثيـآن , كئااااابــــــه
يضغط على طـآرة السياره عشان تخف رجفــة اياديـه
الحبوب لاعبــه بنفسيــته لعــب
وصــل ...
اتـوجه لقسمــه على طول , لمح امــه , لمح يااامن
لكن كمــل طريقــه بااتجـآهها
الباب مفتــوح
دخل بردة فعل سريــعه ولقى مرووى جالسه على طرف السرير
ورهف مغطى باللحـآف
مروى دارت راسها لما حست بدخول احد واول مالمحــت مآلك وقفت وعينها تنطــق عتب , قهر
صدره يرتفع وينخفض بطريقـه ملحوووظــه , جات لحـــده قالت بهمــس وعدم استيعـآب : ايش سويت في البنت !
مروى اشرت على الباب : يااامن جابها كآنت تصرخ تحت تبــآ تخرج _ دفتــه بقهر _ انتا مجننننون !!! قووولي هااا
ارتفــع صوتها ومـآلك بتشتت اترفعت عدسة عينه على رهف : اطلعي برآآ
مروى : إنتا اسووووء من باباا بمليووون مرره احمد ربــك البيبي اللي في بطنــها نزل ولا كآن حيعيش اسوء من حييياتتتك
مـآلك :مروى انكتتتتمي واخرجي من
مروى انفجرت اكتفت منــه : إنتا اللي نباك تخرج من حياتنــآ , قبل لاتجي تتتتلوم احد من اهلك طـآلع وحاسب نفســك , شوف قد ايش انتا سيئ , انتا سبب تفكك العيله كلــها , لاتحط اللوم في ماما وبابا انتا لو سكت وخليت كلامك لنفسك كان كلنــآ مازالنا هنــآ ويــن إذا انتا ماكنت مرتــآح دي مو مشكلتنآ إذا انتا كنت محتاج ام واب زي اي عيلــه مو مشكلتنـآ إنهم مو على مزآجك إحنا رضينــآ وإنتا مارضيت فاليش فرقتنــآ_ اشرت على سرير رهف _ هاا إنتا كنت حتبدأ عيلــه بطريقــه ابشــع من ماما وبـآبا
صدمتــه !
كآنت تبــآه يحتفــظ بســر يامن !
كــآنت تبى اخوهــآ يكبــر وهوا مو عـآرف انو دا مو ابــوه !
تدور السعـآده حتى لو كآنت كــذب
وجــآت تلومــه !
بعد معـآنــآته كلــها سار هوآ السبب !
باعد عن شفـآيفــه وقال بصوت شبه متمـآسك : قولي للخدم يلمو عفشــها , لما أمهـآ تكلمني حديكي خبــر
اترفعت عدســة عينــه بااتجـآه السرير , شايف بس هيئة جسمــها
قلبــه قبضــه
كآن دا ودآعــه لهــآ
دي آخر مــرا حيشوفــها فيها ..
دار جسمـه حيخــرج إلا مروى وقفتــه بصوتـها : لاترجع يامـــآلك
مشــي ...خرج للمــر الطويــل زي اخــر مره خــرج فيـها من دا المكــآن
كـآن يتوقــع انو ماحيرجع لكــن اشتــآق ورجــع
اتوقــع لو خرج اللي في راسـه وعــآقبهم حيرتــآح
لو جننهم شويــآ زيي ماجننوه حيرتتتتاح
لكـــن خرج اسوء من اخــر مرآ
نزل الدرج ويـآمن طــآلع
مــحد جات عينــه على الثــآني , كل وآحد راح باإتجــآه معــآكس
خرج دي المره وهوآ مجــرم بعيــن الكــل ...

,’,

في الكـــآفي ...]
يُمــر الوقــت ببطئ مو طبيـــعي ,,يحتـــآج يتكلم معــآها
له 7 ســآعات مخـه مو راضي يخرجها من راســه
تفاصيــل اليوم واللحظـآت االلي بينــهم اول ماتتعـآد براسه يبتسـم ويحـآول يتذكر انو حوليـه نـآس وتختفي ابتسـآمتـه
حضنــها لوحده شي اخده لـعـآلم آخــر ...
حيحــآول يوقـف الهــوس دآ كآن قانونــه وآضــح
لأنــه مشـتاق ماحيتصــل عليـها ... ولا حيسئــل
وكآن فيه جانب لطيف جوتــه يديـه مبرر لعدم اتصـآله ويقول " خليها ترتــآح "
والجــآنب الثـآني اإللي مآزال لدي اللحظـه متمـآسك "اساسا ماحتصــل "
وبـــدأ الصرآع الدآخلــي لمشـآعره ..
أغآني ... اصوات همسـآت ... المكـآن بدي يميـل للهدوء
أنفتــح بـآب الكـآفي ودخـــل .. اتوجه لحد صبا وقصي وهوا يدور بعينــه عليـها ...
قصي غير الاغنيــه حط الجوال على جنب وشــآفه !!
رفع حاجبــه
ماطلــب شي يامن رفــع جوالـه واتصـل ..: هلا منـآل ...كيفك ... ايش بو صوتك ! ...أووه سلامتــك ..لا جيت الكافي مالقيـتك قلت اشوف فينك ماتوقعتك تعبـآنه _ طالع في قصي واشرلو بيده على قطعه الحلى وأشر بصباعه يعني قطعه وحده واندمج بالمكالمــه _ كآن نفسي اشوفك بس يلا ماعليـه ... عادي نتكلم هنآ .._ شد على حواجبـه وطالع في قصي اللي ماتحرك وسار يأشرلو تـآني بنفس الحركه _ روحت شوفت الموقع اليوم ماعجبني ..مدري قلت مو خسران يمكن يكون ليا نصيب فيها لكن برضو على نفس موقفي _ بنرفزه _ دقيقه دقيقه يامنــآل _ طالع في قصي _ هييي انا بهــرج معـآك !
قصي عـآد كلمـه هيي بصدمــه : هيييي !!
يامن : مرتين بقولك الطلب
قصي علق على نفس الكلمه وكأنو يدور حرش : هييي !!
يامن : يخخخي لو سمممحت المهم فكني وجبلي طلبي
قصي : قوول للسنيوريتا المريــضه تنزل تديك طلبك يمكن تفهم لغة الإشاره احســن مني _ سحب جواله بنرفزه حاول يشغل نفسه بقدر الإمكان عشان لايتمشكل معاه _
صبـآ سلمت طلب القهوه وعينها كل شويا على قصي ويامن
قصي لو ماسك الكآفي حيشــرد نص النـآس جات لحد يامن بااعتذار : معللليش ايش هوا طلبك ؟
يامن مآزالت عينه على قصي بحقـــد , رفع حواجبه عدم استيعاب وطالع في صبــآ وقال طلبــه
امــآ منــآل
وقف قلبـها لما سمعت صوت قصي , ماصدقت يـآمن يرجع يقولها : ايوا
منـآل : ايش فيــه
يامن خرج من الكـآفي وهوا متنرفز : دا الي يشتغل معاكم مرا وقــح
منـآل ابتسمت عارفه طبـعه وحاليا كل عيوبـه حابتها : ايش بـو ؟
يامن حكـآها بتفاصيـل وهيا ضحكت : طيب عيب يعني تتعـآمل معانا كدا
يامن : انتي بصف ميـن
منـآل : انا بصفك وصفـه يعني في النص فاهم هوا اوفر وانتا المفروض ماتسوي كدا
يامن:ههههههههه دحين سؤالل هوا ليش حشرك في الموضوع !وإيش عرفــو اصلا اني بكلمك !!
منـآل :مدري
يامن : المهم خليا فينا , مافكرتي في الموضوع
منـآل غمضت عينها بتعب وفتحتـها : لا .. انسى يايامن موضوع إني اخرج معاك ولو فتحتو تـآني بجد حتضايق
يامن : ايش مشكلتك ؟
منال : مشكلتي اني ماحب دي الحركـآت ومالها داعي
يامن : ايش فرقت عن جيتي للكـآفي ماكلها وآحد
منال : انتا جيت مو انا اللي جيتك
يامن : اهاااا
منـآل : تفرق كتير
يامن : بنسبه ليا ماتفرق دام بنجلس مع بعض في النهايه
منـآل : مآقد جلست معاك انتا بتجي تسلم وتمشي
يامن : ههههههههههه عشان تعرفي اني طيب لدرجه اني مافكرت بحركاتك
منال : ههههههه بجد يعني مالها داعي انا اتوتر ترا
يامن : طيب عشان كدا احب اشوفك
منال سكتت وهوا قال بتبرير : اسمعي خلاص انا فهمت عقليتك وإنتي فاهمه عقليتي لما اتكلم زيي كدا مو معنـآته ابا شي منك او حب او
قاطعتـه : طيب لاتقولو خلاص دام مالو هدف
يامن : ماعلينـآ حكبت احسـآسي
منال : كويس برضو
يامن : انتي ليش شايفه نفسـك !
منال بتفاجئ : انااا !!
يامن : ايوا ماتفكري تكلميني إلا لو انا كلمتك
منآل :على فكره انا ماحب امسك جوالي كثير
يامن: هههههههه يعني ماتحبي تمسكي الجوال ولا تحبي تخرجي الواحد كيف يتواصل معـآكي
منـآل : هههههه مدري ,,اهو اتصلت رديت عادي
يامن : وبعدين تقوليلي مو شايفه نفسي
منال مستغربه من الانطبـآع الي تركتـه لكن حبـته
هيـآ جميلـه جدآ بعين دا الشخــص
هيا شخصيتــها معقــده ويحـآول يتقرب منهـآ عشان يفهمهــآ
كل الاشياء اللي كـآنت ماتحبها بنفسـها يامن يعلق عليـها وتلفتـو
دايما نقاشاتـه عن مسلسلات او افلام او عملـه الخـآص
حيــآته مستحيــل تعرف شي عنــها وماعندها فضول تعــرف
فيــه شخص غيره اخد حيـز كبيـر في تفكيـرها
قفلــت من يـآمن , سحبت منـآديــل ومررته على خشمـها
حولينها كلو منــآديل مرمى في الارض على الكومدينــه
الزكمــه قاتلتها
اتربعـت على سريرها ورفعت اللحـآف على راســها واتغطت وكأنه جاكيــت
وجوالـها بيـدها , ابتسمت لما اتذكرت كلام قصي
نرفزتــه كآنت غيــره , اسلوبـه انو عـآرف يامن يكلمها على إنو فجعها لكن واضح إنو متنرفز
اتصــلت عليــه مارد!
فضلت جالسـه وتستنـآه يرجع يتصـل
طالعت في الوقت , حيكون انتهى من نص سـآعه
لكن برضـو استنتــو يتصـل ..

قصــي أتوجــه لشقتــه ,قفل الباب إلا دق جوالــه ,شاف اسمــها رمى الجوال بنرفزه على الكنبــه : خليــه ينفعــك
دخل لغرفتــه شغل لاب توبــه واتصل على سليم عن طريق احد برامج الإتصـآل
لبس السماعات , ووصلـه صوت سليــم : إيوا ؟
قصي : جا دورك
سليــم : فين ومتـى ؟
قصي: بعد يوميـن في نفس مكـآن التسليـم
سليـم : طيب
قفــل من سليــم , اتصفح مواقــعه المهمـه , ماكان فيـه شي ملفت وجديد
خرج للصـآله اخد جوالـه اتنرفز لما لقى بس إتصـآل وآحد
اتصل على شـآدي واداه خبــر ... وبدأ تحت صـرآعه الآخر
منـآل
يتصـل
يطنــش
وفجأه سار عيــب يطنش وحيتصل بس لأنــه هيا اللي بـآدرت
اتصـل ..ووصلـه صوتها المريـض : الو
ووصلـها صوتــه المتنرفز : هلا ...كيفك
: تمام وانتا كيفك
: كويس
سكــت
غمضت عينها بااحراج وقـآلت : انا افهم لغة الاشاره ؟
رفع حاجبــه وقدم جسمه لطرف الكنبه سحب بكت السجــآير من على الطـآوله وماعلق عليـها
سحب السجـآره من البكت , رمى البكت على الطاوله ولع السجـآره وببببببببببعدها قــآل : جيبيه تــآني وشوفي ايش حسوي فيـه
فجعها كآنت اخده الموضوع ببلاهه : ترى موضوع سخيـف حتى هوآ اخده بسطحيـه م
قاطعها بنرفزه لما جابت سيرته : إيش دخل أمي فيـه , قلتلك لو جــآ ثاني شوفي ايش حسوي فيــه
يحــرك رجولــه , اتمنى ماتصــل , مو قادر يتحــكم بنفسـه مو قادر يتحكم باأفكــآره وهوا عــآرف انو داك الشخص متجنن عليــها
يبــآ ينهي الإتــصــآل
لا يبــآها اوول تعــرف إنو هيـآ مالها صلاح , نفس الشخص مو عــآجبـه كآن حيتكلم إلا هيـآ قالت : مو فاهمـه ليش دآ كلو
قصي قرب السجاره من فمو وسحب نفس , شي يديــه شويـة كنترول على تصرفــآته لكن كآن جدآ صعب بعد تعليقـها الثاني : يعني إنتا بتشتغل في المكـآن وهوا جاي يشتري ماتبى تتعامل معاه لاتتعـآمل
بااسلوب تحذيــر بنبرة صوت فجعتـها : عيدي كلامك ثــآني
قلبــها فجأه دق بطريقــه سريــعه , غيرت جلستها بتوتر : ماحبك تدخل في مشـآكل مايستاهل تعصب عشان شي تافه
قصي :واضح إنو اشتكى كثيــر
يبـآاها تقولو لا , ماتكلمنا اساسا كثيــر اي شي يهجده شويــآ
منـآل : قـآل عنك عصبي وترى دافعت عنـك
قصي بااستهزاء : ياااشيـــخه
منال ابتسمت وهيا تتكلم بنفس النبره وعارفه انو بيتنرفز : كنت للأمـآنه حياديه غلطك وغلطتــو
ماعلـــق
مــــآعلــــق
بتلعب في منطقــه غلــط
منطقـه ابدآ مو منطقتــها ... حاول بقدر الإمكـآن يمسك اعصـآبـه : لما نتقـآبل بكرا يسيـر خيـر
منال وسعت عينها بصدمــه , تبا تضــحك على خوفها من بكــرا لكن تبا تضحك حاليـآ
قفــــل منها لأنه قــآعد يجيب العيــد معـآها
مو قــآدر يتحكم بااسلوبـه ونبرة صوتــه
طفى السجــآره بدون مايخلصــها , مررر يده على وجهه
إللي قـآعد يسـيــر معاه غلــط جدآآآ غلــط
ايش اللي سـآر في المنتصف مايدري فجأه وصــل لدي المرحلــه ..كيف مايــــدري
قرآره اليوم ..
بكرا ماحيفتح الموضوع
كويس فيه شخص بينـــهم ..
زفر بتــوتر
خرج من شقتــه ..يحتـآج شويــة هوى
وصــل لحــد باب العمـآره
انتبـه لسيـآرة مـآلك في الشارع المقـآبـل .. جلس على الدرجـآت
وأخدتــه الأفكــآر لبــعيـد ... 20 دقيـــقه جالس ويفكر بالكل
فراس , شادي ,عدنان , اهله ,همــآم
مو خــآيف من أحــد , بس خـآيف مايقدر يآخد حقــه
دا رعبــو في حيـآته ..
رفع عدســة عينـه على سيـآرة مـآلك , مـآزالت الكشـآافات الأماميـه مفتــوحه
رفــع جوالـه واتصـل على مـآلك بس مآرد ..
مو عـآرف هوا وسط السياره ولا ناسي السياره مفتــوحه !
قرب من سيـآرته
مضللــه مستحيل يبـآن ششي جوتــها جـآ لحد مقـعد مـآلك دق على النـآفذه
كآن حيمشي بس بتردد حط يدو على الباب فتحــه وفجأه انددددفع الباب بكل قوتــه
شد بذراعه الباب دخل يده ومســك جسم مـآلك , فتح الباب لما حس إنو مـآلك اتحرك بصعوبه وسنـد جسمـه على الكرسي
كآن قصي حيتكلم بس انصدم من علب الادويـه اللي في الكنب اللي جمبـه واحد مكبوب والثـآني مقفـل
نقل عدسـة عينـه على مـآلك :إنتا كويس؟
مالك : كويس
قصي مـآزال يطـآلع فيــه وهوا يفتح عينـه ويغمضهـآ , يتنفس بشكل متوآصــل
مد يدو بااتجــآهه : تعــآل ادخل
مآلك : لا ...مافيا ..شي
قصي مسك ذراع مـآلك : قووم
كآنت القوه حــل إنو مايعــآرض , وقف ومسك في الباب المفتــوح , دخل قصي جسمــه واخد المفاتيح وجوآل مـآلك
وقبـل لايخرج مسك علبـة الدوآ المفتــوحه وقرأ إسمــها وسحب جسمــه ... قفل الباب مسك ذراع مـآلك بس مآلك صمم انو يقــدر يمشي
وفي نص الطريــق قصي مسكــه لما قال مآلك : مو شايف طريقي
اتوجــه لشقتــه فتح الباب ودخلــو , فتح الاضائــآت
مـآلك مد ذراعه بااتجـآه الجدآر , كآن يبـآ يهدى الحبه والحبتين متأثر ماتتتسوي شي 6 حبــآت اخدها مره وحده
وحاليا كل شي يحــس فيــه مو طبيــعي , مشي بصعوبــه ورجع قصي مسكه , مشي معـآه لحد الحمام شغلــو الإضــآءه
ووقــف قصي مصدوووم !!!
اتوجــه مـآلك يحاول يستــفرغ ويخرج الحبوب
اما قصي عينــه على الدولاب المفتوح فوق المغسله وفيـها 7 علب ادويــه
على المغسله االلي فيها برضو حبــوب مرمى , علبه فاضيه مرميـه في الارض !
ياأللــه كيف مظهـــره خدآآع
شقتــه المأثثه باأفخــم الاثاث , سيـآرته , لبســه ومظهره في النهــآيه دي الحــآجات ماتعكس شخصيـة مـآلك
الجزء دا من بيتــه الدولاب الصغير المليئ بالعلب المهدئـه هوا فقط الشي الوحيـــد اللي يعبــر عن مـآلك
مــآلــك مــآزال مــآلك ..!

في المـــآضي ...]

السـآعه 3 الليل في شقــة عدنــآن ..
مـآلك قـآم من على الســـرير خرج من الغرفــه وعينه تبحــث عن حسـآم
يدخل غرفـه غرفــه , اتوجه للمطبـخ , للحمـآم
وبعدها لمــح باب الشقـه مفتـوح
مشي بخطوات ســريعه ااتجـآه الباب نزل من الدرج وشــآفه يمشي : حسسسسسام
حسام جا بااتجـآه مـآلك وقال بصوت واطي : إيششش جابك
مالك بعصبيه : فيين رايــح
حسـآم : حعرف كل شي بنفسي
مالك : طيب حجي معـآك حندور على كل شي مع بعض , انا مصدقك بس لاتخليني وتمشي
حسـآم بتردد : بس اهلك حيزعلو عليـك
مآلك : كم مره اقولك محد حيحس
حسام طـآلع برجول مـآلك الي بدون جزمـه وببجـآمتـه : مايسير تخـرج كدآ
مـآلك : اصلا مايسير تخرج بدون فلوس واكل
حسـآم رفع حاجبه : مو لازم اكل
مآلك : اسمع انا عندي فكـره بكرا حرجع البيت حجيب فلوس ونــروح مــع بعض
حسام : ماحتشتـآق لأهلك ؟
مآلك حرك راسـه بنفي
حسام بصوت مهزوز : حتسـآعدني حتى لو خوفت ؟
مآلك : إنتا خـآيف؟
حسـآم اشر راسـه بالإيجـآب ودموعه بعينــه
مـآلك بلع ريقــه وقال بكذب : انا مو خــآيف ..خلينا نرجع دحين وبعديـن حسوي كل شي تبـآه
وطلــعو الدرج مــره ثانيـه , ورجعـو لغرفتــهم ...
7 شهــور مــرت وهمـآ بنفس البيــت
مسدوح كل وآححد على ســريره ويطـآلع في السـقف
حسـآم : مآلك
مآلك : نعم
حسـآم : ليش خال عدننان كذب عليـآ
مآلك : مدري بس أنا متأكد إنو الرجال مايشتغل في الشرطه
حسام: هوا خلاني أحكيه كل شي وقال خلاص سيب الموضوع عليهم
مآلك : مدري بس خالي عدنان يحب امك وابـوك هوا كمـآن يبا يعرف الحقيقه
حسام جلس على السرير : انا لو شوفت الرجال اللي دخل بيتنـآ حعرفــه وحجيبـو بنفسي ماححتاج احد
حسام فجأه اترمت عليـه مخده بالظلام : هههههههههه اقصد بس إنتا
مـآلك : ايووا
حسام قام بسـرعه من على سريره وجلس على سرير مـآلك : مـآلك ليش انتا ماتحب أهلك
مآلك دار جسمـه وغطى نفسـه باللحـآف : ابا انـآم
حسـآم سحب منــه اللحـآف : كيف حنروح مع بعض واانا ماعرف اسرارك
مـآلك رجع اتغطى باللحـآف : ماعندي اسرار
حسـآم سحب بقوه اللحـآف : والله احلف بعدين امشي بدون ماتدري
مـآلك مااخد اللحـآف وحسام مســكه : قوم اجلس خلينا نتكلم
جلس مـآلك بتردد : ماعندي اسرار ماعندي شي اقوله
حسام : كذاب حتقولي ولا
مـآلك : خلاص طيـب
حسـآم :ها !
اضائه خافتــه , جالسين قبال بعض على السرير عيونهم بااتجـآه بعــض
ويترقب حسـآم قصــة مـآلك
كـيف يقــول لمرآهق زيــو شغالتنـآ تتحرش فيـآ ... او أمي تدخل صاحب ابويـآ البيت بغيابـه , أو موضوع يـآمن ! .. ولا إنو ماعندي اساسا ام واب يسئلوني كيفك او حتى يعبروني
كل موضوع يجي في راســـه ويحس بصعوبـــه إنو يقولو
يحس انو حرااام شخص بعمره يعــرف دي المواضيــع
بـــكي
غطى وجهه وبكي
حسـآم انصدم قال بتوتر: مآلك ايش بك
مـآلك بين انهيـآره قال : لا تقــولي ثاني حكيني ...انا ابا اشــرد من بيت اهلي ..حروح معــآك فين ماتــروح
حسام جا لعنده : خلاص طيـب لاتبـكي مابى اعرف اسرارك
مآلك مسح دموعه وقال الشي اللي يقدر عليـه : انا احس بخوف هنـآك , احس إني مخنــوق ومو قادر اتنــفس لو عشت هنـآك زيـآده ماعرف ايش حيسير فيـآ



الآن ..]

خــرج قصي من الحمام وانتظــره في الصــآله
يطـآلع باارجـآء البيت , منــظم ومهووس نفس نظـآفته وهوسـه وهوا صغيــر
محد فيــهم اتغيــر ..

قبـل ســنــه ..]
في بيــت همـآم
جالس حسـآم على الكنبـه ومادد رجولـه لنهايتــها ومعـآه ريموت التلفزيون
جـآه همـآم جلس على الكنــبه إللي قبــآله : حسـآم
بدون مـآيطـآلع فيـه : هممم
: لقيتلك شقـه قريبه من الكـآفي
: طيب
همام : قفل اللتلفزيون واجلس بتكلم معاك في موضوعع
نبــرة همام دي تخليــه يرمي كل شي بيــده و لا يفكـر
جلس بردة فعـل سريـعه : هلا
همام : اخترت دي العمـآره بذات لسببين الاول إنتا عـآرفه الثـآني في دي العمـآره سآكن مآلك
شد على حوآجبـه : مين مآلك !
همـآم : مآلك سلـطآن ولد اخت عدنان
أتوسـعت عينــه بصدمـه , رفع صباعه بتحذيـر : أصحك تحطني قدآمه أصحححك
همـآم : أسمعني مآلك دكتور , تخصصـه قريب من تخصص خـآله ماحيككون اختاره من فرآغ لـ
وقف حسـآم : انا قلتلك ماحوقف قدام اي شخخخخص كنت اعرفـه زمـآن
همام : لاتعصب قبل لاتفهم الموضوع مآلك حاليا مو نفس مآلك اللي كنت تعرفــه
حسام : ماهمني ايش ســآر كنسل اوم الشقــه
همام : استئجرتها خلاص انا مابخيرك لاتفكر بعــآطفتك كم مره اقولك دا مو طريقـك
حسام : تتوقع ماحيعرفني ! تتوقع في يوم ماحيوقف قدامي ويسئلني اذا انا حسام ولا لا
همـآم : فاهوآ مجنــون مو مشكلتك ! حسام مـآت وسؤآلــه يدل ل
حسام قاطعـه بعصبيــه : يدل على ايش !! سيبك منـــو انا ايش تتوقع درة فعلي لو سئللني دا السؤال , كيف حررد على وآحد عارف اني ميـــت لكن شافني في شخخخص قدامــه فكر فيا على الأقل
همـآم باإصرار :اعرف انو صعب كل شي بتسويــه مقدره ياحسام لكن مآلك قريب من خـآله , خلينـآ نفترض إنو يشتغل بدا المجـآل معـآه أفرض انو هوا الشخص الوحيـد اللي ممكن يسهلك الموضوع !
حسام حرك راسـه بنفي : حسوي كل شي إلا إني أقرب من اشخاص كآنو يعنولي في يوم
همام : ليش عدنان ايش كآن بنسبه لأبوك !
حسام اتحرك بقلة صبـــر في الغرفــه ,حرك يده على شعره بتوتر : مآلك ماحيشتغل مع
همام قاطعــه ورفع صوووتــه : إنتتتتا ليش تحسسني إنو مآزلت عآيششش معــآه كل النـــآس نسو وجووودك كل النـآس اتغيرت لاتكون زي ابــــوك و
حسام بعصبيـــه صرخ بكل صوتــه : خلآآآآآص ابوووك اببببوك ذلللليت أمممي في ابببوك _ اشر على نفسـه _ يخخخي انااا ماااقدر, انا مشتـــآق لكل النــآس اللي كآنو حوليــآ هما نسوووني بس انا لسى مانسيت احدد هما ماحيتذكروني لكن انااا حتذكر كل تفاصيلي معــآآهم , تتتوقع انك حاقد اكثر مني ولا تبى تجيب حق اهلي اكثر منــي !!! تتوقع ماتجيني لحظـآت نفسي اوقف قدام عدنان واقتلــــه وانتهي من كل شي انا اخترت دا الطريق بنفسي انا اختترت اجيب حقـــهم واقول لكل النـــآس ميــن قتلـــهم انا ماشي بدا الطريق باإرادتي عشان اكشـــف ايش ذنب امي وابـــويا في التجــآره الوسخــه , لكن مآلــك الشخص الوحيــد اللي وقف معايا بعد وفاتهــم ماحقدر ببسـآطه اوقف قدآمه واكذب عليــه
همـآم ضاع االكلام منـه وحسام جلسسس ودموعه بعينــه قال بصعوبــه : انا بتعــب وربي بتعــب بس بحـآول اوصل للي أباه لكن مو بدي الطريقــه
همآم بصوت خـآفت : اللي يرضيــك _ قام من مكـآنه حط على الطـآوله مفتـآح _ دا مفتـآح الشقــه لو قررت تفكر بعقــل خد المفتـآح لو تبا تمشي ورا راحتك خليــه على الطـآوله
وانسحــــب همــآم ...
ومن متــى كآنت راحتــه طريقــه ..!؟
3 دقــآيق وقـآم من الكرسي ودموووعه محبوسه في عينــه سحب المفتـآح ودخــل لغررفتــه ...

,.’


فــي غرفـه رهف , إثنيــن من الخــدم يلمــو كل الأغراض في شنــط رهــف
ومــروى وأم مــآلك جمب سرير رهــف ..مروى جلست جمبـها : رهــف شوفيهم بيلمو أغراضك عشان ترجعي لأهلك أمك تبـآكي
من بــــعد ماكلموهــآ الف مره ,حركة عدسـه عينها لما جـآت بااتجـآه مروى كآنت اول ردة فعـل
مروى ابتسمت باألم : انا ومــآمآ نباكي تقومي تآكلي وتغيري ملابسك مانبآكي ترجعي بدآ الشكل
رهـف وجهها شــآحب , سواد تحت عينها , شعرها نآشف , ضعف , ألم , نســآنه منكســره
شكلــها يٌقــتل مو قـآدرين يخلــوها تــرجع كدا
أم مـآلك ضمت اياديها بتوتر لبــعد : لو مو عشـآنك عشان امك لاتفجعي قلبــها
عدسـه عين رهف اتوجهت بااتجاه ام مـآلك الواقفــه
مروى كآنت على وشك البكى : اسمعي مآلك خرج مستحيل يرجع تـآني طردنـآه من البيت إحنا بجد اسفين ماكنـآ عارفين ايش بيسير معـآكم
رهف ماطالعت فيها ماتبى تسمع إسمــه ...
مروى : تبي تروحي ؟
رهف واخيــرآ نطقت بصوت مٌتعب , متقــطع : انـ آ ..تـ عبـآنه
مروى نبرة صوتها أهتزت : انا اسفــه لو كآن ليا يد بالموضوع , الله يخليكي قومــي كٌلي عشان ترتـآحي وتقدري ترجعي
رهف كل اللي سوتـه بعدت شويا اللحـآف لتحت صدرها
ماقــدرت تقوم ماقدرت ترفع نفسها عن المخدآت
مسكت مروى يــدها وقومتـها , نزلت رجولها من السرير وجلست للحـظآت
الدنيـآ كلها تدور فيــها
مو شايفــه غير اضائات بيضــآ وسط الظلام
قامت بمسـآعدة مروى , ماتدري لفين بتمشي , كآنت بتمشي معاهم وبس
تبــآ أمها وحتسوي اي شي عشان تروحلـها
قبل لاتخرج من القسم الخآدمه سئلت مروى : دا كلو احطو بشنطه
مروى طالعت في الارض, كلها اغراض رهف : كل شي في الغرفتين حقتها
وخـــرجت ودخلت الخـآدمــه للغرفه الثانيــه وكآن الشي الوحيـد الموجود فيـها
اشرطة التسجيل مرميـه على الكنبــه
شالتها وحطتها في شنط رهف ...


امـآ في الغرفه المجـآوره .. جلست على الكنبه وقدامها اكل
مالها نفس تآكل شي
شفايفها جااافه , عيونها تحتـآج الرآحه , يدها ثقيله ومافيها حيل ترفعها
وسدت اياديها بين فخذها وعينها عل الاكل
مروى جلست جمبـها وأم مـآلك قربت صحون الاكل منها : كٌلي الله يسعــدك
حركت راسـها بنفي : ماليا نفس
مروى: اغصبي نفســك لو ماأكلتي والله ماحتفوقي وحتمرضي زيـآده
ام مـآلك : لو مو عشــآنك عشان أمك لاتفجعيها فيــكي
طالعت فيـها رهــف , الجملــه حركت شي جوتــها
مو قادره تبــكي لأنها انهـآرت داخليـها لدرجة الجمود دا حـآليا
بس امــه جدآ مهتمــه ونظرتها فيها خــوف وقلق
لو كآن مـآلك موجود كآن فسرها كـآلعـآده " خايفه من كلام النـآس , خايفه تمشي وتفضحهم "
لكن الشي الوآضح بنسبه لرهف غير كدآ تمــآمآ
حـآولو معـآها لحد ماأكلت اول لقمــه , وثاني لقمــه وثالث لقمـه
وخــرجت ام مـآلك وسابت مروى مع رهــف
اتوججهت لغرفتـها بخطوآت متتآليـــه قفلت الباب بكل قوتــها
مررت يدها على شفايفــها بتوتــر وكل اللي يدور برآســها " سٌمــعتــهم اتلطخــت "
حتحــآول بقدر الإمكـآن تودع رهف بااسلوب لطيــف
حتحــآول بقدر الإمكــآن تقولــها تحتفــظ بكل شي سمعتــه وشافتــه بدا البيت لنفسـها
" ولــدها مريــض نفسي دا اللي لآزم تعرفـه وهمـآ متعاطفيـن وخجلانيــن منــها "
تحاول ترتب كلآمــها الي المفروض تودع فيــه رهف
تحـآول بقدر الإمكــآن تحـآفظ على مكـآنتها وتبررلها بدون ماتقلل من نفسـها
قطعت اظافــرها باأسنــآنها
ومــآزالت تختـآر جملـها بعنـآيــه ....


,,,.


سحب المنشفـه الصغيره ومررها على فمـه وذقنــه , خرج بخطوات ثقيلـه من الحمـآم
أتــوجه للصـآله ولقــآه جـآلس على الكنبــه ..
وقبل لايتكلم مـآلك قال قصي : كيفك دحيـن ؟
وجه مـآلك كآن يعبــر عن الإختنـآق , حرك راسـه بدون تعليــق
قصي وقـف : أنـآ ماشي لو احتجت شي كلمـني
بصوت أقرب للهمس : شكرآ
انسحــب قصــي من الغرفــه ومـآلك مـآزال واقــف عند باب غرفتــه
دقيقــه دقيقتـــين واتوجـه للكنبــه ونـآم عليـها
مـآكآنت الوحيــده رهـف تحـآول تشـرد من واقعهـآ
كآن قرار النــوم شرود من نفســه , شي صعب إنك تعيــش وانتا عـآرف انك جبروت
النقــآش النفسي اللي بيسيــر جوتــه ماكفتــه الحبوب المهدئـه
حس بلحظـآت من الجنون وهوآ في السيــآره
حبتيـــن وحـآول يهدى
حبتيـــن ثانيــه والوضــع بيـزيــد
حبتيــن ثالثــه ومآزال مخنــوق من نفسـه
كيـــف يصلــح غلـطـو , رجعتها لأهلها ابدآ ماحيغفرلــه فعلتــه ..

[ في المــآضـي ]

في غرفتــه اخد محفظتــه وخرج الفلوس على السرير وبدأ يعدها للمره الرابــعه
جدآ سعيــد بالمبلـغ اللي عنــده
حيكفيــه هوا وحســآم ,
طالــع في السـآعه المعلقـه , رجع الفلــوس في المحفظــه دخلها في جيبــه
وقـآم من مكـآنه آندي دخلت عليه الغرفـه وهوا مبتســم
ابتسمت غصبـآ عنها من النـآدر تشوف الابتســآمه اللي من قلبـه : ماتصـل خالي ؟
آندي : لا
: أوووف مرا اتأخر خلاص انا حروح استنـآهم قولي للسواق يجهز السياره
آندي : إنتا يتأخر ولا ممكن يجي دا اسبوع
مـآلك كآن مبتسـم نفسـه يقولها بس يعرف مزبـوط يحآفظ على اسراره الخـآصه : مدري انا حكلمك
اندي حركت راسـها أخدت شنطتــه اللي في الأرض وخــرجت ...
امـآ هوآ طـآلع بغرفتــه , حيودعها اخيــرآ , مايبى يرجعلــها
ســـلوى آخيــرا حتخرج من حيــآته
اخيرا لمســآتها ماحيحس فيــها
اخيرا حينــآم مرتــآح , اخيــرآ كوابيــسه حتوقــف
أتــوجه باتجــآه الباب ولأول مــرا يكون الأمل بعينــه
فتــح الباب ولقى ابــوه قدآمــه
ارتبـآك طغى عليـه وهوآ يحـآول يحافظ على ســره وخطتــه لاتنكشــف
لكن كآن الطرف الثاني مرتبـك اكثر منــه , قرب لنـآحيتــه وحوط يده حوليـن كتفـه ودخلـه ثاني الغرفـه : تعآل بتكلم معـآك
قٌربــه ماحبــه , رافع اكتـآفه بتوتــر ويدعي جوتــه إنو يبــعد
جلســو على الســرير وانسحبت ايادي ابوه من عليــه ..سكت للحظظـآت وغير جلســته ودلت على اهتمام اكثــر : خآلك عدنان دوبـو كلمني .. _ رجعت سكت _
مآلك كمـل: هوا لما يتصـل انا اروحلو بس اليوم اتأخر من الظهر استنـآه ودحين الساعه 9 الليل
ابو مـآلك مد يدو وحطـها على ذراع مـآلك بااهتمام وحرك يــده : أنا ابا اتكلم معاك في موضوع أعرف انو حيضايقك ويبكيك لكن قبل كل شي فكر إنو دا القطـآر كلنا حنمشي فيه يوم من الأيام
دقـآت قلبـه اتسـآرعت ليش مايدري مو فاهم اساسا المقدمـه الغريبـه لكن ابــوه مايمسكه بدي الطريقــه
ابوه مايتكلم بدي النبره معـآه
قال مـآلك بصوت خـآفت : إيش فيــه
ابوه الإرتباك طفى على وجهه رفع يده لكتـف مآلك وقـآل : الفتره الأخيره علاقتـك سايره كويسـآ مع حسآم لكن انتا عارف انو مشتـآق لأمه وابــوه صح ؟
حرك راسـه بدون تعليــق
ابــوه : حسـآم .... أتوفى في العصـر ... رآح لمـكآن أأمن راح لأمــه وابوه
ابوه سكت ومـآلك مـآزال ملامحه طاغي عليـها الصدمـه ..
ماعلق .. ماتكلم... ماستوعب
ابوه بهدوء وتفهم قـآل : لو إنتا تحبــه فكر فيـه وفكر إنو هوآ حاليا في مكـآن احسن من هنـآ جمب اكتر شخصيـن كآن يتمنى وجودهم
مآلك بصوت مهزوز : ماحشــوفو ..تاني ؟
ابوه : في الجنـه حنتقـآبل كلنـآ تاني تتوقع انا مو مشتـآق لأمي وابويآ بس بصبـر نفسي للحظه اللي ربي يآخد فيها امانتـه واقآبلهم ثاني
مـآلك انفاسـه تزيــد وخشمـه يميـل للإحمرار
مرر يده على جيبـه , ضغط على المحفظــه
وأحـــلامــه وأحـــلآم حســآم كلها رآآحت
حســآم سابــه بعد مارسم بعينــه الأمل
اسئله كثيـر جات براســه بس خانتـه دموعــه
نزل راســه على فخووذ ابــوه وبككي فجأه بكل صوووتــه

,.’
أكـلت , استحمــت , غيرت ملابسـها , لكن برضو كل شي واضح على وجهها
التعب , الإنكسـآر , الإرهـآق , الألـــم
كلها اترسمت في تعــآبير ملامحـها ...
نزلت من الدرج والخادمـآت قدامها شايلين شنطــها
دموعهـآ بعينــها
ماتخيلت انها حتخرج بدا الشكــل !
مافي فرحه بقلبــها لرجوعها لأمها وبنفس الوقت ماتبى تجلس هنـآ ثانيــه
كدآ تتأمل كل شي حولــها وتكمل مشي
اتذكرت اول لحظـه دخلت البيــت
شافت مآلك في كل الأمـــآكن
شــآفت اللي سلب روحهـآ برغم عدم وجوده !
بكل ســهوله اختفــى!
انتهى منــها واختفى !
هيا دي لعبتــه بمجرد ماتكتشـف سر وجودها ينسحب ..!
دا اللي كآنت تسمعه من اهله يبـآ يستفزهم يحرقهم يأذيهم ..!
قلبــه من إيش مصنــوع ..!
خـرجت للحديقــه , شنطها دخلت في السيــآره
ووقفــت قدآمـها ام مـآلك مسكت اياديـها الإثنين ووجهها طغى عليـه الحزن : قلبي يوجعني انك خارجه من بيتي بدي الطريقـه , اسمحيلي اعتذرلك اول شي لأنو مافكرت اتدخل في حياتكم الخـآصه لكلن شوفتي بعينك علاقتنـآ مع ولدي , _ سكتت وقالت بتوتر _ أتمنى إللي سـآر مع مالك يفضل بينك وبينـه , إحنا اللي بنشوفه منـه يكفينا فلاتظلمينـآ بسببه فاكره لما اتجمعنـآ وكآن يباكي تسمعي كل شي هوآ مؤلفه عشان لما تخرجي من هنـآ تنقلي الكلام لاتديه الشي اللي يبا يوصلــه , ردة فعلك
قاطعتها رهـف بتعب : مالكم صلاح بللي سـآر
سحبت رهف يدها مالها خلق تسمع كلام تــآني , مالها خُلق تشوف اللطـآفه سواء طبيعيه او ومصطنعه لكن متأأأخره جدآ
مشيت وهيا عارفتـه إنو امـه مازالت تبا تتكلم لكن مادتــها مجـآل
السواق واقف فاتحلــها الباب
اتذكرت الجنتل مـــآن مآلك لما يفتحلـها الباب
مشيت وقلبها يوووجعها زيـآده وزيـــآده ركبت وانقفـــل الباب
اتحركت السيــآره ودموعهــآ تزيــد
شايفـه البوابــه تقرررب وتقـــرب
اااخيــرا حتخرررج
مسحت دموعها قبل لاتنزل
تبــآ تشووف السياره وهيـآ تعدي البوابـــه
وععععدت البوابـــه ...
ااااخيرا عددت
دقـــآيق مرت
وبرضو ماحست بسعـآده
كيـــف حتحس بسعـآده وهوا المنتصــر ..!
هوا رمـآها في اللحظـه اللي اكتفــى منــها
في اللحظـه اللي سارت ماتقدر تصــرخ او تضــآرب
كآن يقولها ردات فعلــك أتوقعها
تعببببت كثيـــر عشان تكون ردات فعلها غير متوقعــه
لكن ماجا في بـآلها انو حيكون السبب في تغيــرها
حاليا هوآ ماحيتوقع ردات فعلـها ..!
حاليا هيـآ مو عـآرفه ايش الجمود اللي تمر فيـه ..!
أنتــصر مآلك ..
سانده جسمـها على الكرسي وتطـآلع في الطــرق , لو أحد سئلها ايش مــر عليكي ماحتعرف
بتطـآلع بس مو شـآيفه شي
بتفكــر بس حاسه بنفس الوقت فراااغ وسـط راسـها
بتتألم بس مو قــآدره تعبــر ..
كآت عـآرفه إنو لحــظه انهيـآرها لما تشـوف امهـآ فاكتفت بالجمود طول الطريــق
وحست بهبــوط قلبها لما وقفت السياره قدآم بيتــهم نزلت
مدت يدها المهتزه اتجـآه الجرس , وفتحت امها بضغطة زر من الداخل الباب
دفت الباب قلبها عصـــرها من الألم
خـــآلد هنــآ شالها وسلمـــها لشخص اسوووء منـــه
هنـآ اتنــآقلوهــآ غصبــآ عنها
فجاه اندفع جسمها للخلف لما امها جررررت وحضنتها
ماشافتها لما خرجت ماشافتها وهيا تجي لناحيتها
فجأه فاااقت من افكـآرها بحضن امـــها
امها بكككيت بكل صوووتها
بس هيـآ مابكيت ...! دموعها مجمعه بعينها بس مابكيت !
,.’

ويــوم جديــد ..
مــر بنــوم رهف المتقــطعع على سرير امهــآ , وأمها ماغفت عينها من الفجعه على بنتها , عيونها مورمـه من البكــى
منــآل زآدت عليــها الزكمـه والتعب وماراحــت الجـآمعه
مـآلك حبيـــس شقتــه ...


في الكــآفي ... وبتحديــد في العصــر ... هوآ وصبــآ موجوديـــن
راســه صدع من التفكيــر مو قادر يفكر في موضوع شــآدي بسبب موضوع منـآل
ليش ماجات الصبـآح
ليش مانزلت لدحيــن
ايش قصــــدها امس بكلامهــآ
عمره مـآكآن بدي السطحيـــه ... يفكر في اسئله سخيـــفه لكن اخده حيز كبيــــر في راســه ومشاعره
يسئل السؤال بقهـــر وكأنه يتقــآرن بسؤال لو شـــآدي رفع سلاحـه ثاني عليـآ كيف اخليـه ينزلــه
بدأ يخــآف من نفسـه لأنه حاسس انو الكفتين متســآويـه
السؤاليــن متســآويــه !!!!!!
دخل بااتجـآآآه الحمام فتح المويـآ البارده وغسل وجهه مرتيــــن
يبـــآ يفووق من جنــون افكـآره
مافي شــــي ممكن يســآوي سنين عمــره اللي ضيــعها للإنتقــآم
مـــآفي
طالع في نفسـه بالمرآيـــه وحــآجبـه المشطوب تذكـــآر لأسوء لحــظه مرت فيـه بحيـآته
مانخلقـــت لســى اللي ممكن تـــهز أفكـــآره , تشتتــه عن هــدفــه
قفــل المويـآ , زفر بتوتـــر , وفتــح الباب وخـــرج
وشــآفهاااا
وفـــز قلبـــه
أنسلب مخــه في ثـــآنيــه
وقف للحظــآت زي المخـــدر يطــآلع فيــها
دي اللحظـه بذات
مـــر في رآســـه كل تحذيـــــرآآآت همآآم
لكن دقــآت قلبــه أعـــلى بكثيــر من صوووت همام
يبــآ يتـــرآجــع لكن مو قااادر يرخي عينــه من عليــها
يبــآ يحط حـــد لكن حاسس إنو مو بيــده !
لو اتحاشى وجودها ماحيغيــر من إحساســه إتجـآهها !!
دي البـــنت اللي استـهـــون بوجودهآ
مـــرعوب بدي اللحظـآت من قوة تأثيرها عليــه

مشي بخطوآت ثقيـــله إتجــآهها , وقف في مكـآنه وهيا طالعت فيه وابتســمت : مسـآء الخير
: مسـآء النور بدري !
عكس كل إحســـآســه بنبرة صوت حــآده , جــآفـه
منـآل : دوبني فكيــت ولــ _ وفجاه رفعت المنديل بااتجاه وجهها وعطست _
قصي : الله الله على البكتريا ليش ياماما جايه روحي انسدحي
صبـآ : هههههههه ماعليكي البسي كمامـه واجلسي انا طفشت لوحدي
منـآل : اساسا جايه عشـآنك
قصي رفع حاجبه , ودارت جسمــها وادتو ظهرها وكملت هــرج مع صبـآ
صبا فتحت شعرها ورجعت تلمو وتتكلم بملل : والله بجد طفــش ماسرت عارفه ايش اسوي
منـآل : طيب ايش رايك بعد الدوآم تجي عندي البيت
صبا بااحراج : ماحيكون الوقت متأخر ؟
منـآل : عادي اكون صاحيه
صبا : شويا اتصـل على فراس واردلك
منـآل حركت راسـها : طيب
صبا : فين نظـآرتك
منـآل : ضاعت ممشيـه حالي بعدسات نظر
صبا ابتسمتلـها : بدون نظـآره شكلك احلى
ومالحقت تعــلق من القروب اللي بدأ طلبــآت ورى بعــض .. واستمــر المكـآن بالزحمــه لمده سـآعه ونــص وبدأ الهدووء من جديد
ومنـآل كل شويـآ تكتب بالواتس وتنــزل يــدها
وقصي كل تفكيـــره محصــور في " يـــآآآمن "
ملامحـها مايله للتفكير الشديد قبـل لاتكتب اي تعــليق
وآضــح الموضوع جدآ جدي ..
ودخلت للغرفـه وبشكل ملحوظ جدآ لحقــها وقبل لاينقفل الباب حط يدو ودخل
طالعت وراها لما حست بوجوده , ابتسمتله وبعدها جلست على الكرسي ورفعت جوالـها وبرضها بدأت تكتب
اتوجه للدواليب الحديد اللي قبــآلها, فتح دولابــه ورجــع قفــله ونقل عدسـة عينــه عليـها ومـآزالت ناسيه نفسـها وتكتب
: ايش اللي شاغلك ؟
طالعت فيـه : ايش !
حرك راسـه بدون مايعلق باتجـآه جوالها
: اها _ مررت يدها بااحراج على حاجبها قفلت اضاءه الجوال وحطتـه جمبـها على الكرسي _ اول شي بقولك شكرا مرا تانيه على امس
: ماسويت شي
منـآل وجهها طغى عليـه الخجل : برضو شكـرا بنسبه ليا سويت شي مستحيل انسـآه
قصي يباها ترد على سؤاله : وتاني شي ؟
منآل رفعت كتفها : هوآ مايخصك الموضوع لكن يخص احداث امس
قصي : ايوآ ؟
منـآل : كلمني وآحد اسمو كرم دا مع نهى ويـآسر, هوا اللي ساعدني لما طحت في المسبح حتى لما خرجت جا ورايا وكان يبا يوصلني لكن مارضيت فادحين من اول يكلمني وبيعتذر حتى اتضارب مع ياسر _ رفعت اكتآفها _ المشكله بحاول اقفل الموضوع وهوا مازال يعتذر _ اتنهدت براحه _ المهم ه لأنه كآن دا بس يضايقني وافتكيت منـه
قصي ساااااب كل الكلام وقـآل: كيف سـآعدك لما طحتي في المسبح !
منـآل رفعت حواجبهاا الإتنين ..ماعلقت الا لما صمتــه طول وكأنو مستني جواب : نط في المسبح وسحبني !
حرك راسـه بتفاجئ : اوه .. وكيف مسكك لما سحبك ؟
نظرتــه , نبرتــه , فجعتــها
دقات قلبها بدون سبب زادت : كنت حغرق !
: جاوبي على سؤالي
سحبت جوالها ووقفــت : أسئلتك غريبه ..حروح لصبآ
كالعاده ماوقفها بكلامــه وقفـها لما وقــف قدامها : كم مره اقولـك لاتخرجي وإحنا بوسط نقـآش
منـآل باارتباك : إنتا تبا اجوبـه لأشياء واضحه ..قصي بجد مو فاهمه ايش الغرض من اسئلتك لكن عارفه انو في النهايه حتنقلب مشكله بيننا وانا مآبـى
حـآول يقفل النــقآش , حـآول يتنــآزل
في نفس اللحظـه دق جوآلهـآ وطلع في الشـآشه " كـرم "
عينه من جوالها عليـها اترفعت , لاشعوريـآ قالت : ايش بك كدآ تطـآلع !
: ليش ماتبي تردي ؟
منـآل صمتت الجوال : لأنو مابى اتكلم معآه خلاص اعتذر يروح بحـآله
: بس هوا مايبى ؟
منـآل مافهمت : مايبى ايش؟
: يعني يبـى يدور اي هرجه عشان يتكلم معآكي صح ؟
منـآل : تقريبآ
رفع حاجبـه وعينه مانزلت من عليـها ورجع جوالها دق للمره الثانيــه , قرب منها وقال بنبرة تحذير : لاتلعبي باأعصابي يامنـآل , لاتخليني ادخل في منطقه ماضمن فيها ردات فعلي !
خــرج بااتجـآه صبـآ
وهيـآ مازالت واقفـه !!!!
حراره تسري بكل جسمـها
مشاعرها مختـــلطه لو فعــلآ دا حٌب فاحتى حٌبــه مجنــون ويخــوف !
خرجت وكآن الوضــع متــوتر بينهم
هيا خايفــه تتعـآمل معـآه وهوا ملامحـه مايله للعصبيــه ...



فــي مكــآن بعيــد عن عيــون النـآس , بعيــد عن الإنسـآنيــه
بدأت اول مجــزره
فراس عقــم اياديـــه لبستـه الممرضـه اللبس المعقـم والقلوفز , ورفع الكمـآمه على فمـه وخشمــه
ممرضتيـن دكتـور تخديـر , دكتور فريـد وفراس ...
صوت جهاز القلب طـآغي على المكـآن..
فريــد وجه كلامـه لفراس : افتح مكـآن العمليـه
جمـــود !
تبـــلد !
بدأ يهدي نفسـه بكلمـه دي برضـآها حتسوي العمليــه
وأخد المشـــرط من يد الممرضــه , يده اهتــزت
شــد على قبضـة يده وآتحكم بمسكة المشـرط
وبـــدقـــه ضغط على المنطقه المعقمــه بشكل متقطــع
اول طبقـــه جلـــد وخرج الدم
وفتــح طبقــآت الشحــم بحــذر طبقه طبقـــه
لما انتهـى رفع عدســة عينــه على الدكتـور فريــد وبدأت عمليـة الاستئصــآل ...
نســي فراس نفسـه للحــظـآت , نسي انو اللي يسويـه غير قانوني وكآن كل تركيزه في العمليـه
ودقــآيق طويـــله بتعدي فراس يرفع عدسـه عينه كل شويـآ على فريــد
اكتشـــف إنو دكتور مجنـــون , حركـة يده سريــعه لكن دقيقه جدآ
طول الوقت مــركز معــآه بتوتــر مو طبيعي
وتم استئصآلها وكآنت لحظـآت بسيـــطه وسلم فريـد الحـآله لفراس : خيــط
واتــوجه للكلــى على الصحن الحديد وعقمهـآ قبل لايتم نقلها للحـآفظــه
فراس خيــط طبقــه طبقــه
اخد وقــت طويــل منـــه , وبــعد عن السرير بتعب واضح على ملامحــه
سحب القلوفز ورمـآه في السله , وبعدها البلوزه الصفرا البلاستيــك
غسل اياديـه , وخرج بردة فعل ســريعه وكآن باب غرفه العمليـه الثانيـه مفتــوح
السرير فاضي , كل شي يدل على إنو سـآرت عمليـه بدا المكـآن
لكن الشخص مو موجود
وصلت اصووواتهم المحتفلـه لعندو فتح الباب ودخــل عليـهم وكلهم واقفيــن
والإبتســآمه طاغيه على وجوههم
انفــآسـه متســآرعه
قرب بخطوات هاديه برغــم جنون دقات قلبـه
حآول يكون طبيعي , حاول يكون يشبههم بدي اللحظــه وقال : ايش سار على المريض الثاني
شـآدي علــق قبلــهم : اخدو جزء من الكبد واستئصلو الكليـه
سلممــآن جلس على الكنبـه وقال بتعمــد : قصدك الكليتين
ملامح الصدمـه في وجه فراس واضحــه , فريد وحـآتم طالعو في سلمــآن وكأنه يبـآ يأكدلهم على موضوع سار بينــهم
فراس جلس على الكنبـه , حس بخطر نظرآتهم , حس بتهديد غيــر مبـآشر وكأنهم خايفيــن منــه
حـآول يكون طبيعي .. يضغط على قبضــه يدده وعينه تتفحصـهم
سلمـآن مآزال يعــلق تعيقات تخرج فراس عن طوره : بكرا حالتين حتستلموهآ وضع البنات شاردين من اهاليهم يقولك يبو فلوس عشان يعيشو بعيـد عنهم
فريـد : انا ماتهمني التفاصيل سلموني الحـآله وكل وآحد يروح في حآلــه
همـآ يتكلــمو , وفراس كل تفكيــره سارت عمليـة قتــل ثالثـــه
ثالث شخــص ينقتــل وهوا أختـآر الصمت
قدم جسمـه لطرف الكنبـــه , يحتــآج شي يخفي احساســه حاليــآ
اخد قارورة الشراب اللي على الطــآوله , صب في الكـآسه الفاضيـه
شـــرب من غير محد يقلــو اشرب
خــآيف يبكي
ينهــآر
وكملــو حوارهــم وهوآ كل بعد دقــآيق يميــل القاروره بااتجـآه الكـآسـه ويشــرب
مشــروب خفيــف لكن كفيــل إنو يشتت تفكيـره عن الإنهيــآر حاليا
انتهت اول عمليتيــن وكل وآحد راح في طريقــه
شغل فراس جوالــه في الطريــق اتصـل على صبـآ كآن حيقولها حسهر اليوم عند قصي إلا سبقتــه بطلبـها
قفــل منـها ومرر يده على جبينــه , مصددددع
كــتب لقصي " رايح شقتـك "

مــآزال الوضــع في الكـآفي متــوتر
ووصـل التوتر لصبـآ .. الوقت ثقيـــل جدآ ثقيـل على الكل
ماااصدقــو ينتهــي الوقت خرجت صبـآ ومـنـآل مع بعض ..
صيـآ بس دخلت عمارتهم بدأت تخـآف
قشعريره سرت بجسمها كلووو
خايفه من الدرج من الشقق الكثيره حاولت تبتسم بتصنــع
وتخفي خوفها جوتــها .. فتححت منــآل الشقــه وكآن شعورها كليـآ غير عن صبا
شعــــور فرحـــه لأول مره تدخل احد بيتها بدون ماتنحرج
ماتخــآف احد يلمح قوارير ابــوها , ريحــة بيتهم المعروفـه وتشمها من قبل لاتدخل الشقــه
قفلت باب الشقــه وجلسـو في غرفة الضيــوف في البدايه
كآنت صبـآ مو مرتــآحه , عكس وجودها في الكـآفي كل شويا تطـآلع بااتجـآه الباب
حاسه إنو ممكن احد يدخــل غريـب
حاسه بمشاعر غريبــه بس بتحـآول تهدي نفسها
لحد مامنـآل قالتلها : نجلس في غرفتـي ؟
كآن خيـآر ثاني ممكن يريحها قالتلها طيــب
ودخلت لغرفــه منـآل قفلــو الباب جلست صبا على الكنبـه ومنال على السرير
غرفتها مريحــة
الوانها مريحــة
سندت جسمها على الكنبه والباب مقفــل مريحها نوعآ مآ
اسئله عن بعــض بيتعرفو على بعض اكثر
اغلب الاجوبـه صبا كذبت فيها
لأول مرا تكتشف انو ماتبى تتعرف على احد جديد لأنو حتقضي حيـآتها تألف كذبه ورى كذبـــه
ووصل العشـآ خرجت منـآل تستلمه , دفعت الفلوس ودخلت تـآني لصبـآ ادتها وجبة البرقر والبطـآطس وهيا ادت وجبتها
صبـآ من الجوع فكت العلبه وقالت لاشعوريـآ : اساسا طول الوقت في الكآفي ابا اقولكم حخرج اشتريلي عشا لكن وضعك إنتي وقصي مايساعد _ رفعت البرجر بتآكل إلا انتبهت لنظرة منال المصدومه قالت بااجراج صبـآ _معليش بجددد _ رجعت البرجر في علبته واعتذرت تاني _ مو قصدي والله اتدخل لكن جلست اليوم مرعوبـه منكم يعني بجد علاقتكم سارت توترني
منال رجعت شعرها باارتباك ورى اذنها :عادي
صبا : اسفه
منال حركت راسها بنفي وجهها طاغي عليـه الإحراج : والله عادي _ اخدت البرجر تخفي توتــرها _
وصبااا كرهت نفسـها ندمت انها جــآت
منـآل اكلت شربت شويـة بيبسي ,حطت الأكل من يدها وسئلت بتردد: ايش اللي شايفتـه ؟
صبا بااستغراب : مافهمت
منآل : يعني ... بتقولي علآقتكم ... ايش العلاقه اللي شايفتها وموترتك !
بلعت ريقها وقلبها يدق بجنون , اتعدت حدودها بالكلام ,,,لكن قصي حيجنننها تبا تشوف احد شايف اللي بتشوفـه !!! ولا هيا وصلت لحد الجنون معـآه
صبا: من ناحيتك ولا ناحيته ؟
منـآل ضحكت بخجل : من ناحيته
صبا : الواضح بنسبه ليا إنو يحبـك
منآل الكلمــــه قلبت مشااعرها , غيرت جلستها باارتبـآك وقالت : ايش اللي خلاكي تحكمي؟
صبا وسعت عينها وكأنه خطرت في بالها مواقف كتير ومو عارفه تقولهم , حاولت حاولت تتذكرت رفعت يدها : فاكره اول ماتوظفت جا واحد يعرفك عيونـه ملونـه
وصفـــه دايما " عيونــه ملونـه "
منـآل : ايوا ؟
صبا : اامس جـآ كنت متوقعه في اي لحظـه حينضرب من قصي ,ههههههههه والله كآن يطــآلع فيه بنظرة مرعبــه سرت ابا احصن الولد عشان يخرج سليــم
منـآل : ههههههههه
صبا: يعني في مواقف , فيه نظرات واضحه جدآ جدآ واضحه
منال تضحك والإحمرار طاغي على وجهها , سعيــــده بكلام صبــآ بشكل محد يقدر يتخيــله
تحس انها تحلـــم ....
منـآل : طيب وانا ؟
صبا عقدت حوآجبها : إنتي ثقيله
منـآل لانت ملامحهـآ بصدمـه وقالت بعدم استيعاب : انا ثقيله !!!
صبا : إيوا يعني كل ماتدخلي الغرفه احس مايصدق يدخل وراكي عشان يقدر يتكلم معـآكي ولما تخرجي بس تشتغلي وبالك مو معـآه هوا طول وقتــه باله معـآكي
منـآل ضحكت بصدمــه ورجعت تقول : بلله دا اللي انتي شايفته دحيــن !!!
صبا : إيوا !
منـآل ثاني مره تــعرف انو هيا بتترك انطبــآع قوي برغم ضعف شخصيتــها !!!
منال بصوت وحده دوبها تكتشف : يعني دحيــن انتي تشوفي قصي يحبني بس انا ثقيله ومو مديته وجه
صبا : إيوا
منــآل ضحكت حست باانتصــآر مو طبيعي : هههههههههههههههههههههه بلله دا تفسيرك !
صبا : هههههههههه هوا انتي ليش بتضحكي
منـآل : مدري فاجئتيني
صبا : انا معـآكم نص يومي غصبا عني سرت اتفرج عليكم واشوف ايش جديدكم اليوم
منال : هههههههههههههه صراحه حبيت نفسي بعينك

كآن كلام صبــآ لمنــآل قوووه مو طبيعيه , قصي يحبها ومكشوف قدام الكل إيش تبــآ اكثر من كدا
مو قادره تتخطى دي الجملــه غصبا عنها مبتسمــــه طول الوقـــت وتحس انها تبا تطلع فوق سريرها
تصرخ وتنطنط لكن كات سعادتها بتنعكس في حواراتها وضحكها مع صبـــآ

ام منــآل في غرفتــها صوت ضحك صبـآ ومنــآل واصل لعندها , بيلعبـو " سيكونس "
ــه إنو منـآل اخده راحتــها

,,’.

قصي بمجــرد ماقفــل الكـآفي اتوجــه لشقته ,فتح الباب , لقى فراس جالس على الكنبـه
راكز آكوآعه على فخذه وضاغط على راســه , علبــة حليب قدامــه على الطـآوله
قفل الباب : ايش ساااير
رفع فراس راســه وكآن احمرار وجهه دليل كبــر على سوء حالتــه: مــو قادر اكمل.. مو قآدر
قصي اتوجه للكنبه اللي قباله جلس وقـآل :فهمني ايش بيسير
فراس بجــنون يهرج : عندي شهر وآحد ياأتحمـلــه وانقتل في النهايه يامن دحيـن تكون عندي ردة فعـل واحمي ناس مالهم ذنب
قصي شد حواجبه : ايش الهرجه فهمني
وفراس سردلــه الموضوع كآمل : شادي عمره مآكآن دا طريقــه , اللي بيسويه حاليا جنون
فراس : إللي معـآه كٌلهم شراكــه أنـآ الوحيـد اللي بسوي كل شي غصبا عني ودا الشي مو عاجبـهم شايف بعينهم التوتــر حاسس باأي لحظـه حيترفع سلاح واحد فيهم وينهيني انا مو ضامنهم ولو ضمنتهم مو ضامن شادي
قصي اتذكر ردة فعل أم فراس واتوتر
شكل ولدها وصوووتها خلى قصي يضرب الف حسااااب لكل شي بيسويــه حاليا
قصي سنــد جسمـه على الكنبــه , يحاول يفكر في اي شـــي , باأي حل
فعلآ وضع فراس مخيـــف
لو فــعــلآ سلـمـآن اللي يشتغل مع شـآدي فـ ذا اكبــر جزآر
مــرت ســآعه ,, وقصي كل اللي جا في بـآله : مافي غير انو يتقدم بلاغ على المكـآن
فراس : وكيف حعرف الموقع , فكرت من كل النوآحي , ياقصي انا روحت مركزالشرطه وبلغت على شادي بكبـــره ووصل البلاغ لشادي !
قصي : انتا بتتفتش صح ؟
ففراس : ايوا
قصي سكت للحظـآت وبعدها قـآل : بكرا قبل لاتروح مر عليا في الكآفي
فراس : ليش
قصي : بكرا نتفــآهم دحين حنزل انادي مآلك وحـ
قطعه فراس : وربي ماليا خٌلق اجامل احد
قصي : مآعليــك خلي كل شي عليــآ
ونــزل قصي , رفض مـآلك إنو يطــلع لكن بعد إصرار قصي طلــع معـآه
كآن لابس تيشيرت رمـآدي وشورت رمـآدي خطوط بيضـآ في طرف الأكمـآم وطرف نهايه الشورت
نظارتـه الطبيــه , سـآعه في نهايه ذراعــه
أجتمعــو حوليــن الطآولــه علب مشروبات غازيـه , شبســآت , علبة السـجـآير ولاعــه كل شي فوق بعضــه
مرت 20دقيقه وهما يتكلمــو ورهـف مو راضيه تخرج من راســه
كيفــها ..؟
تعبـآنه ..؟
اعتذرلها ..؟
نقاش هادي , هادي , هادي ووصلــه كالعـآده للحظـه اللي يتكلم فيها مـآلك ببرود , وتبـآن فرق الطبقـآت بشكل مجنـون
مآلك : المشكله يافراس اول اختبار ضاع عليـآ لأنو اليوم اللي بعده زوآج عمي وكآن صعب اني ماحضره
فراس : طيب قبلها بيوم , يعني كآن قدرت تضغط على نفسك
مـآلك : لا الزوآج في رومـآ حاولت اتحجج لكن كآن حاجز التذكره والفندق ماسبلي مجـآل اعترض
فراس : أووف وربي ورطه , هوا عايش هنـآك
مآلك : لا
قصي فتح علبـة البيبسي وقال وهوا يستنتج حيـآة اهل مـآلك وبذات اعمـآمـه : طبـعا مجرد مناسبه ورجعتو ؟
مآلك : إيوا
فراس : ههههههههههههههههه بس ؟! انتا ضيعت اختبارك عشان تحضر زواج في رومـآ ورجعت !
مـآلك على نفس النبرة : عمي عنده اجواء معينه في راسـه
قصي يطـآلع في فراس : هههههههههه احتفظ بتعليقك لنفسـك
فراس مو قادر : ههههههههههه لا المووضوع يبـآله نقـآش انا لو حجزت القاعه بعيـد عن بيتنـآ بساعتين محد يحضرلي .هوا مين بزبط إللي حضر لعمك ؟
قصي : ههههههههههههههههههههههههههه
مـآلك : هههههههه كٌل المقربيـن
فراس: انتو ميــن بزبـط ؟
مآلك بااستغراب : ماتعرف ابويـآ !
فراس :طبعا اعرفـه اقصد اهل ابوك بشـكل عآم
مآلك : فيه من التجـآر للوزرآ
قصي باستهزاء : ويجيك مـآلك يقولك انا بنيت نفسي من الصفر
مـآلك : ههههههههههه والله مو عـآرف ايش مشكلتك
فراس : ياولدي انتا فاهم دي الهرجه غلط _ اشر على صدره _ انا أعتبر شخص بنى نفسـه من الصفر _ اشر على قصي _ حتى دا الأدمي مشكوك في أمره بس برضو نقول تقريبآ بصفي
قصي : هههههههههههههههههه لآزم النجـآسه مايسير تركز في وآحد
فراس حط صباعه في طرف خشمـه : لما اخلاقي تكون هنـآ سيبوني افصل على الكل _ رجع طـآلع في مآلك _ اتمنى اعرف كيف بنيت نفسك من الصفر
مآلك : هههههههه يخي والله تعبــت في حياتي
فراس : حكيني ابا اعرف
مآلك : حاليا اتعوودت
قصي ضحك لأنو مـآلك يمـآطل في الرد عارف انو حينحش : هههههههههههههههه تفاااااصيل
فراس : ههههههههههه مكسوف حتى تقول معاناتك
مآلك : والله مو مكسوف بس بعينك حتكون شي سخيـف لكن كآنت كبيـره بعيني
فراس : احتاج اسمعها
مـآلك : طيب خدلك اسوء شي واول شي إني استأجرت شقــه وناس ماعرفهم يشاركوني نفس العمـآره !!! اخرج واشوف اكياس مرمى في الدرج اضطريت اخد شقـه في دور ارضي عشان ماركز واسيـر اخرج بسـرعه على الشارع
كآنو مستعــدين يسمعــو اي شــي
اي شي في الحيـآه غير دا التعــــليق ..
مـآلك : غير اني ادور موقف لسيارتي طول الوقــت , معاناة الملابس ووالأكل دي كلها تعبتني
قصي : ههههههههههههههههه _ سحب نفسه لطرف الكنبـه وبااسلوب جدي _ هوا إنتا كنت اول مرا تعرف انو فيه عماره يشاركوك فيها ناس ماتعرفهم
فراس: هههههههههههههههههههههههههههه
مآلك : هههههههههه ياسامج إنتا وهوا متعود على الأنظمه الفندقيـه مايكون كدا بعشوائيـــه
فراس وقصي ميتيــن ضحك لأنو العمـآره جديده وبعينهم جدآ جميــله
مآلك بتبرير لعل وعسى يفهموه : ترى لما تكون في مستوى بيئي معيــن وتنزل مو مرحله ولا مرحلتيــن تنزل بشكل مههوووول فجأه تستنى راتب نهـآية الشهر وتصرفه في اسبوع شي صعب لكن أقلمت نفسي عليــه
قصي : انتا لوحدك مو مكفيك ولا بتصرف على احد !!!
مآلك : لا لوحدي ! حاليا الحمدالله وضعي تمـآم
قصي طالع في فراس وقال : فراس باأول راتب عزمني على عشره مطـآعم
فراس : ههههههههههههههه حسيت إني غني اللعـنه مو عارف كيف اصرف الفلوس
مآلك : هههههههه انا وإنتو في دي النقااشات ماينفع نكمــل فيها
قصي : هههههههههه انا مستمتــع صراحه ماعندي اشكـآل نكمل
قصـي وقــف إلا فراس من كتر مو فاصل على مــآلك قلــو : مـآلك لو انتا اتزوجت ايش تتوقع افخم هديه ممكن توصـلك ؟
مآلك عقــد حوآجبـه مرر اصابـعه على طرف اذنه وهوا يفكر وبعدها قـآل : مدري لكن لما اتخرجت من الطب ابويـآ اهداني شاليــه
قفراس بين ضحكتـه قال : وفين الشاليه دحين ؟
مـآلك :ههههههههههه أجرتـه
فراس : لاتقولي انو راتب المستشفى والشاليـه هوا اللي اقلمت نفسك عليك وعايش بصعوبـه
مـآلك رفع حاجبه وكآن جوابــه بنظرتـــه
خلاص قصي وفراااس انقتلــو ضحككك
مآلك : هههههههههه لازم ادور احد يقدر معاناتي
فراس : ههههههههههههههههههه آآه يااقلبي أنا مو عارف الموضوع اوفر ولا انا فاصل اليوم
قصي : ههههههههههه
مـآلك سار يضحك لضحكهم قال بصوت متقطــع بين ضحكتتــه : ترى عندي دخل ثالث
فراس قام من مكــــآنه ورفع اياديــه : خلاااااص قفل الموضوع ههههههه رجائا قفل الموضوع
قصي كآن وآقف انخنــق من انفعال فراس , سحب 3 منـآديل ورا بعــض وحطها على فمــه واتغطى خشمــه
ويكــح ووجهه طاغي عليــه الإحمرار وفراس ومـــآلك يضحكــو
طالع فيــه مـآلك ووقف ضحكتــه , ابتسـآمه بسيطـه على وجهه
رمى قصي كومةة الممناديل في السله ووجه كلامـه لفراس : بطططل اسلووبك الغبي دا
فراس : ههههههههههه
مـآلك : قصي تصدق من يوم ماشوفتك دي ثالث مره اشوف فيك إنسـآن كنت اعرفــه من فتره طويــله
قصي انمحت ابتسامـه : اشباهي في كل مكـآن
فراس : أمي ماتقول دي الكلمـه إلا وتطلـع ماشاءللله تقربلهم من سابع جد
مالــك : ههههههههههههه ماتوقع _ شد حوآجبه _ تعرف واحد اسمو حسام مجدي , او أبوه كآن دكتور لقبهم اتوقع *****
قصي حرك راسـه بنفي وجا بااتجـآه الطـآوله اخد مشروب البيبسي ورجعو انقلبت العلبه واتدحرجت لنهـآيه الطاوله ومسكها قصي , اخد الولاعــه وجلس , رجع قام سحب علبـةة السجـآير وجلس
فراس كآن مو مركز
تشتت قصي خلاه يطــآلع فيه
وفجأه اتذكـــر البواب لما مشي ورا قصي وناداه " حـٌـــســـآم "
مازال مو مستوعب انو هوآ نفس الشخص لكن قصي مو اي شي يخليــه يرتبك بدا الشككـــل !
ركككككككزز بكل حـــركه تصدر من قصــي
اما مالــك مرر يده على جبينــه بتشتت : اساسا الولد واهله مــآتو _ حرك يده بعشوائيـه _ على العمــ
قاطعه فرآس بصدمـه : العيله كلها !
مـآلك : إيوا
قصي سحب السجاره وولعهـآ , يحتــآج يقوم قبل لايدخــلو بالتفــآصيــل
مـآلك ماحيتكلم إلا لو فيــه وآحد يسئـــل
وفراس ماقصــر : حادث !
مـآلك : امـه وابوه في حريـق وولدهم بعدها بسنـه في حـآدث
فراس : أوووف يقربولك ؟!
مـآلك : لا أصحاب خالي عدنان
قصي سحب بقوه نفس من السجــآره وعينــه على مـآلك
ملامحــه طاااغي عليـها الجمــود يطـآلع في مـآلك ويستنــآه يسكـــت
كآن حينتهي الموضوع إلا مـآلك سحب علبـه البيبسي اللي قدآمه وقال بنقــآش عشان يشرد من التفكير برهـف : بالأصح انقتلـو
فراس سحب نفسـه لطرف الكرسي ..وقال : كيــف !
مالك بتبسيط واسلوب استفز قـــصي , بتأثير صوتي وكأنه رصـآصه : بو بووو رصاصتيــن وولعو فيهم المكـآن وانتهت القصـه
دق جوآل مـآلك لما شاف الاسم وقف: دحين اجيكم
وكآنت عيـــن قصـــي تلحــق ورآآآه , بقـــلب يشتعـــل
" بو بووو رصاصتيــن وولعو فيهم المكـآن وانتهت القصـه "
السجــآره بيطيح رمـآدها على الكنبـه وهوا يطـآلع في مــآلك البعيـــد يتكلم وصوتــه مو مسمــوع
فراس : قصي .!
: قصي؟
:قــ
وسسكت لما انحرق صبــآعه ورمى السجاااره في الطفـآيه وقــآم باتجــآه غرفتــه وقفل البــآب
الجممممله حرقتــه انتشلللللته ورمتـــه من جديـــد وســط الحريـــق

في الخــآرج ..]
مآلك بااستغراب يتكلم بالجوال : ميـن ؟
صوت خافت , مايل للخوف: انا سليـم
مآلك عقـد حوآجبـه : ايش بك ؟!
: احتـآج اقابلك دحيــن
مآلك : خليها بكــرا طيـ
قاطعه : ماقدر ماعندي وقــت طويل ..
مـآلك زاد استغرابـه وتوتــره : طيب فين اجيك ؟ولا إنتا حتجي ؟!
: لا لا إنتا تعــآل
مــآلك قفــل منـه دخل للصـآله : انا لازم امشي , فين قصي ؟
فراس : دخل غرفتـه
مالك سحب جوالـه من على الطـآوله : طيب اديـه خبــر لأني مستعجل واعتذرلي منــه
فراس حــرك راســه ومـآلك خــرج ...وفراس زادت مدت جلوســه لوحده في الصـآله
مرر اياديـه في بعضــها وافكاره محصوره في الموقف اللي سار من لحظـآت
قصي في الغرفــه مو قادر يخــرج
العصبيـه تســري في جسمــه , وجهه فاضـــحه , يفتح قبضة يده ويقفلــها
دقات على باب غرفتــه ووصلـه صوت فراس : قصي حتتأخر ؟ مآلك خرج
قصي فتح الباب ودخل بااتجـآه الاب توب وشغلــه : اتذكرت عندي موضوع ابا اخلصــو
فراس شايف بس ظهر قصي سكت للحظــآت وبعدها قال : طيب اجل انا حمشي
قصي حرك راســه , وجلس على الكرسي وماعلق على فراس


,,

في مكــآن مظلموبالتحديد في الحارات العشوائيـه سليم مدخل اياديـه في جيبــه , لابس كاب على راســه
مـآلك وقــف سيارتــه وعيون النــآس تراقبــه من يوم مادخل الحـآره
سيارتــه وجودها جدآ غلـــط هنـآ
سليــم فتح الباب وقال باارتباك : امشي
مـآلك حرك السياره وزاد توتره : على فين
سليـم : اخرج بس من الحاره ابا اتكلم معـآك في السياره
مآلك : ليا فتره احاول اوصلك مو قـآدر
سليـم : أسمعني رجـآل عدنـآن قريبين منــي , لو عشت دا الاسبوع ماحعيش الاسبوع الجـآي
مـآلك : قلتلك اللي بتسويه غلـط
سليـم : عشـآن كدا حسلم نفسي لشـآدي
مـآلك فجاه طالع فيه بصدمــه : نععم !!!
سليـم : انا وصلت للنهـآيه يامـآلك حوآجهه لو حمـوت , حموت وانا رافع راسـي مو خـآيف
مـآلك : دي مو موآجهه انتا ماشي للمشنقــه فكر بعقــل
سليــم : شـآدي ماحيقتلني على طول شادي حيآخد كل جزء فيا وبعدها يقتلني
مآلك : مافهمت لإيش حتوصــل !!!
سليــم : حيكون عندي وقــت اقدر اهرب منـه او احد ينقذني لكن حخرج بدليل , حجيب حق أبويا واروان وامــه
مآلك : ونسبة نجـآتك 3 % انتا مو متأكد اذا حيقتلك ولا لأ وبرضو مو متأكد
قاطعه سليـم : ولو كآن 1% خلاص تعبت
مـآلك معقـد حوآجبـه : جايبني لهنـآ عشان ايش ياسليــم !
سليـم : أروان مـآت وانتا مصمم إنو خـآلك كآن بريئ وحمــوت وانا برضو ابا اثبتلك دا لشي عشان اضمن إنو فيه شخص حيحاربه حتى لو انا مو موجود
مآلك ملامحه مايله للعصبيــه وعينه على الطريـــق
سليــم : عدنــآن حيقتلك حيجي دورك بس لأنك شككت فيـه كيف لو كنت متأكد !
مـآلك : أبـوك ايش كآن وضعه مع خـآلي
سليـم : شريـكه
مـآلك طالع فيه بصدمــه : نعم !
سليـم : اعرف انو غلـط عشان كدا ماتكلمت لك ولأروان عن اسبابي , خـآلك في لحظــه من اللحظـآت قتل كل شركاءه وبدأ من جديد لوحده ! بكل بــرود ! لمجرد انهم قررو الخروج من الموضوع
مـآلك : سئلتك اكثر من مره ايش مصلحتك من قصة اروان لكن مآكآنت عندك اجابه ليش دحين اتكلمت
سليــم : إنتا الوحيـد اللي تعرف ســري ولو حموت حيندفن ســري معايآ انا اسمي محمــد فوآز الـ **** خـآلك قتـل ابويـآ وقتل شريكتــه عبيـر ومريـم وقتل برضـو زوج عبيـر لأنو عرف بكل الموضوع
اتوسسسسسعت عيــن مـــآلك بصدمـــه ,فجأأأأه اندفع جســم سليـم للأمــآم بسبب توقف السياره
وقف سيـــآرته مالك في نص الطريـــق
طالـــع في سليــم وقـآل : ايش تقووول إنتــآ !!!!!!
سليـم : امشي يامـآلك دحين وانا ححكيك
مـآلك اشر بيد مهتزه على نفسـه : خالي قتــل اصحـآبـه !!! خالي قتل أهل حسام وحــرق فيهم البيت !!!!
سليم عقد حوآجبـه : ماعرف مين تقصـد لكن قلتلك كلهم كآنو شرآكـه أبويـآ ومريـم وعبيـر وكلهم انقتلـه بطريقـه بشعه
مـآلك : إنتا بتستنتج ولا متأكد !!!
سليـم : يوم مقتـل عبيـر اتصلت على ابويـآ وقالتــله عدنان مو بعقلـو اتوقع سار بينهم سوء تفاهم حاولت تحذره لكن ابويا ماتوقع يوصل الموضوع للقتـل
مـآلك مرر يده على شعره
سليـم : انتا تعرفهم !
مـآلك حرك راســه ومـآزالت الصدمـه طاغيـه عليـه
قال سليـم بصوت مهزوز: ابويا سارلو حـآدث سيـآره كآن متعمــد جدآ واضح انو مخطط
مآلك جسمــه ينتفـــض , الفكره لوحدها راعبتــه قتــل مجدي وعبيـر واخد ولدهم يربيــه !
لما ولـــدهم بدأ يتمـــرد ويجيــب اسامي ويبحــث سارلو فجأه حـآدث ! هل الحـآدث اللي ســآر لأبو سليـم نفسـه سار لحسـآم !
مخـــه بدأ يربــط كل شي في بعضــه لكن يوصــل لمرحلــه " لا كيف قدر يقتــل بدا البرود ! "
ســآعه كــآملــه مع سليـــم , سليــم قال كل اللي يعــرفه لمــآلك
اتكلم ودمــوعه تنــزل وفي النهــآيه اداه اســم " قصي " شخص حيسـآعده مقـآبل الفلوس ..
كآنت صدمـآته في النـآس مازالت مستمــره !!! ...
,
رجــع مآلك , اتــوجه لشقتــه لكـن ماقدر يدخــل , طلع الدرجــآت , دق باب شقــة قصي
قصـي فتــح الباب , مابتســم , قال بحده : نسيت شي ؟
: ممكن ادخـل
فتح الباب قصي , مــآلك دخل , والاشتعــآل يزيــد في قصـي
قفل الباب واتوجه للكنبـه جلسو مقــآبل بعض ونظرة قصي مانزلت من على مــآلك
مـآلك : عرفت انك تشتغل مع سليـم !
قصي انصدم لكن رفع حاجبـــه وقال : طيب !
مآلك سكت للحظـآت وبعدها قال : اعتبرني معـآك
شد على حواجبـه : ضد خـآلك !
مآلك مآزال تحت تأثير الصدمـه من كلام سليــم : ابا اعرف الحقيقــه
: حقيــقة إيــش !
مـآلك بيد مهتزه حرك يده على جبينــه : اباك تعرف اذا خـآلي قتــل حسـآم مجــدي واهله ولا مجـرد كلام فاضي سمعتـه , حديك المبلغ اللي تطلبـه
مــآنســآه ..!
حتـى وهوا متأكد انو حسـآم ميــت مـانسي الوعــد اللي بينــهم ..!
سنــد جسمـه على الكرسي وحاول يتمــآسك : حيكلفــك كثيــر
مـآلك : ماحنختلف _ماقدر يدخل بالتفاصيل حاليا وقف _ بيننآ كلآم .
محتــآج ينسحب حاليا " اندي , حســآم " خسـرهم من نفس الشخص !
وخــرج مــآلك ووصــل لقصي صوت باب الشقـه لما انقفــل
جسمــه متصلب على الكنبــه , مو قـــآدر يتحـــرك
دمـــوعه أتجمعت بعينــه
كلمتيــن لكن خنقــه الحوآر
خنقـــه منظر مــآلك

نهايه الفصل

السلام عليكمورحمه الله وبركـآته..

sag..! مشكوووووووووره ياقلبي على تسجيلك وتعليقك اللي يفتح نفس
ليا رجعه لكي لكن حنزل الفصــل حاليا ان شاءللله يعجبكم ...


[... الفصـل الرابع والعشــرون ...]

مرآهـــق .. إقتــربت منـه واحتضنتــه , وانخمــد بشكل مفاجئ ذالك الحريــق
تمســك بها جيــدآ , أغمض عينــيـه بشـده
سمع ضحكــآت والده من مكـآن بعيــد
همســت بصوتها الدافئ : لا تفتح عيونك يآحسـآم
لكن لم يستطــع اشتــآق لها , اشتـآق لوآلده وفتـــح عينـــآه
ودفعتـــه بعنف للخــلف , سقط بالارض وصرخت بشكــل مفجـــع , لم يحتــرق المنزل بل احتــرقت هيــآ
وبدأ والده بالنحيـــب كآنو يقتربـــو منــه وهوا يزحــف للخـــلف
والده مغطى بالدماء وهيا يشتعل جســدها
صرخـــآتهم ازدادت
توقف عن الزحف ورفع اياديــه على اذنـــه , واغمض عينيـــه بشده
لم يشـــعر بشيئ
وقــف مجددآ ومازال مغمض العيــن ويده لم يبعدهــآ عن أذنــه
احس باأنفــآس حاره على رقبتــه , أبعــده يده عن اذنــه وهمست مجددآ : لاتفتــح عيونك ياحســـآم _ وصرخت بصوت حااد وعالي جدآ _ لاتتتتفتح عيونك ياحســآم
.
رفــع جسمــه العلوي من على السرير وانفــآسه تتســآرع وعيونه جاحظــه , يطــآلع حوليــه بكل خــوف , رمى اللحـآف على الأرض
وقــف بطريقــه سريــعه , خرج من غرفتــه وهوآ بيحاول الهروب لفيــن مو عـآرف بس ضــآق فيه المكــآن
شكل ابــوه وامـــه كل بعــد فتــره بيزيــد تشووه في كوآبيــسـه
وقــف فيي الصــآله وجسمـه ينتفــض , ماقدر يجلس ثانيــه في الشقــه ..
لبس الكروكس في رجــله
وخررج من الشقــه نزل للشــآرع , مشي بعشوائيــه
الساعه 5 الفجــر ...
يحــآول يهدى برغم دموعه بعينــه
يحاول يخرج من حالـة الخوف لكن دقات قلبـه وانفـآسه مازالت سريـعه
ومــرت 3 سـآعات ...رجع لشقتـــه , رجــع للمكـآن الكئيـب مرآ ثانيـه


,’

صحيـت من نومــها , مازالت مسدوحـــه , تبتســم وتزيـد ابتسامتـها كل ماتتذكر كلام صبـآ ..
الحٌـــب يخلي الحيــآه بعيــنك لها طعــم وللون كل شي حوليكي يسير له رونــق مختــلف
جلست على طــرف السرير , استشعرت حتى بنعــومة السرير
تحس فيه موسيــقى كلاسيكيه راااايقه وســط راســها
عشان كدا مبتسـمه وعشـآن كدآ بتتجهز للجـآمعه وهيا برضو مبتسمـــه
خرجت فطرت مع أمــها , دخلت لغرفتها سحبت شنطتــها ونزلت
وحتمر أكيـــد عليه , فتحت باب الكآفي مقــفل , لكن الأنوار مفتــوحـه شايفه الاضائه من بين الستايــر , دقت على الباب كدا مرا
الستاره ابتعدت لمحها , فتح الباب ومشـــي
دخلــت وصوتـه الحـآد قال : اقفلي الباب
الوقــت لسى بـــدري , قفلت الباب بالمفتـآح
كآن يمشي بااتجـآه مكـآين القهوه وهيا مشيت باارتباك وراه
بدأت تخــمن انو زعلان بعد اللي سـآر أمس بينــهم ...
لكن من يوم ماشافت وجهه , عيونــه الحمــرا , وجهه المرهق من السهــر والتفكير ..
وقفت وبينــهم الفــآصل قالت بصوت خـآفت: إيش بــك
مــآعــلق ,ولا طــآلع فيــها , يشيــل الكـآسات يحطها في الرف المخصص , علب الحليب
يعدل اشياء مالها دآآعي
عـآدت سؤالها : قصي إيش بك
ماكان فيه جوآب , زاد عنفــه للأشياء وحدة ملامحــه
وجهه في دي المرحلــه يـبــعد عنـه اي شــخص
ملامحــه حـآده وشــرســه
ملامحــه تدل على خطــر التعـآمل معــآه
على خوفــها منـه لكن فتحت الباب الخشبي الصغير ودخلت لعنــده
اتوجــه لمكينـة القهوه شغــلها وفضل واقف قدآمهـآ وهيا جـآت لحده
ماكان يبــآها تقــرب
نـدم إنو فتحــلها اساسا البــآب
وقبــل لاتتكلم اندفع جسمـها للخـــلف لما مــر من جمبــهاا واندفت بذراااعه
ماوقــف, دخل للغرفـــه وهيا واقفـه مكـآنها مفجوعــه
تحذير لهــآ
تحذيــر لها انها تخــرج
ماستوعــبت ردة فعلــه !
واقفــه مكـآنها مصدومــه لمدة دقيقــه , رفعت اكتـآفها بخوف لما دق جوالها فجأه خرجتو من جيبـها وشدت حوآجبها بااستغراب " قصي "
ردت ورفعت بشويش الجوال على اذنها كآت جدآ مرعوبـه إلا وصلــه صوتــها : أخــرجي ,أخرجي من الكآفي
دقــآت قلبها اتسـآرعت بشكل مو طبيعي ماقدرت تنطق بولا كلمـه
هيا قفلــت
هيا نزلت الجوال وقفلت بدون مآتعلــق
كل شي بدأ يتحطم بعيـــنها
مشيت 4 خطوآت
باب الغرفــه يميــنها , الباب الخشبي الصغير يســآرها
ليش يدفعها بدي الطريقــه اتألمت ..!
مافي شي منطقي براسـها غير إنو وجودهــآ مايبـآه !ليش , ايش ســآر ماتعرف !
انقهــــرت
اتوجهت للباب وفتحتــه بقهــر , كآن واقف عند الدواليبـ الحديد .... قفــل الدولاب
شايــفـتــه من الخــلف , مرر اصابــعه على الارقـآم الموجوده على الدولاب الحديــد بطريقـه مزعجه , يرفع صباعه الابهـآم وتتغير الارقـــآم مره ومرتيــن
ومنال اتكلمت بصوت مهزوز وعصبيه : لو أنا زعلتك في شي اتكلم معايا ماتعاملني بدا الإسلوب
مـآزال يغــير في الارقـآم وهيا اتنرفزت زيـآده : إنتا ماتقدر تكون طبيعي زي البشـر يوم كويس ويوم تعاملني على حسب مزآجك
الضٌعــف بيــزيد فيه كل ماتزيـد نبرة صوتها
مو قــآدر يطـآلع فيــها , اختفــى صوتـها , سمع صوت الباب انفتح وانقفــل
مآكآن يباهــآ تمشي على إنو حـآول يبــعدها لكن كآن يبـآاها
من بعــد الكآبوس اللي شافــه كآن محتـآجها
رفع جوآلــه 14 مره كآن حيتصل عليـها خلال دا الوقت كلــو لكن حآرب احتيــآجه
بس جــآت حاليا بنفســها وقلبت موآزيــن صبره
قدر يبــعد عنها لكن ماقدر يكون طبيعي بوجودهــآ
مآزآل يحرك اصابــعه على الأرقــآم ومو شااايف ولا رقــم من كثر دمــوعه
بعــد يدو , كآن حيخـرج إلا شافـها واقفـه عند الباب ..
,
فتحت الباب , حقــدت من صمـته بس قبـل لاتخــرج
استوعـــبت انو قصي مايسكت
قصي لو عصــب يتكلم كلام يجــرح , قصي لما يعصــب ماحيديها ظهره بالعكس نظرآآتــه دايما تعبـر عنـه
رجعت للغرفـه والباب اترد
طالعت فيــه , انتظرت لحـد ماتشــوف وجهه
وشـــآفتــه
دمــوع محجره ماتنزل على أي شــي ...رفع يده بردة فعل سريـعه ومررها على عيونـه
مشي ومآزال يبـىى يبـعد عنهـآ لكن وقـفت قدآمه وقالت بهدوء : فين حتروح
عينه على الباب اللي وراها , ضيق على عينـه : بعدين نتكلم
: ماحروح
نزلت عدسـة عينه عليـها , أكتفى بالنظر ومر بمرآآآآحل كتير من الضعف وهوا بس يطـآلع بعيونها
ارتبكــت من نظراتـه : تعال اجلس
حرك راسـه بنفي
ضمت يدها تحت صدرها : ماحتحرك ولا حروح مكـآن
: منـآل والله لو
قاطعتـه : لاتهددني ماحتحرك
زفر بتوتـــر , مشي في الغرفــه وبعدها جلس على الكرسي ويحرك رجولـه الإثنين بطريقـه سريـعه ..
ثواني وجلست جمبـه ووقـف حركـة رجلـه
بينهم مسـآفه بسيـطه
: لو ماتبى تتكلم لاتتكلم خلاص بس حجلس هنـآ
ماعــلق
جلســت 20 دقــيقــه وهو سـآكت
اتحمــل لأخر لحظــه , أتوقعها حتنسحب لكن مـآزالت جالسـه
أنخنـــق
انخــنق
بعد صمـــت طوووويل , بعد ماوصلت لمرحلـة إنو مستحيل يتكلــم قال : أمي و ابويـآ مو مرتـآحين في قبرهم
اتكلم بهدوء وصوت مهزوز وعينه بعيده كل البعـد عنها : أحيآنآ اقول من كثر تفكيري , واحيانا احس كل ماأقرب من شي لهم احلم فيهم يبـو يبعدوني لكن لو يبو يبعدوني خوف عليـآ مو مشكله , بس لما تحسي انو همـآ مازالو يتألمو , مازالو عايشين برغم انهم ميتيــن , شي باقي لهم هنـآ بيوجعهم ومو عـآرف كيف اوقفــه _ اشر على صدره بيد تتنافض _ وربي أحس باألم كل وآحد فيهم أصحى اخر الليل ماقدر انـآم , أفكر كيف اقدر اريحـهم ! بس مالقى حـل , أوصل لمرحله مابى أنـآم ثاني عشان لاأشوفهم بنفس المنظر , اضطر اخرج من البيت امشي لمسافات طويله , استنى الشمس تطلـع واحس بوجود النآس حوليا حتى لو مايعرفوني لكن انا اطمن _ رفع يده مررها على عينه قبل لاتخونـه دموعه _
بصوت تحاول تتمـآلك نفسـها : ليش ماكلمتني ؟
: أكلمك 5 الفجر ايش اقولك ! تعالي ؟ حتقدري تجي !
: حقدر اتكلم معاك بالجوال
: كنت محتـآج اكثر
منـآل : إنتا ايش بتسوي عشان تحس انهم بيحاولو يبعـدوك
لأول مرا تسئــل
لكـن ماعلــق
منآل : طيب يمكن دا سببهم يمكن يتمنوك تعيش حيـآتك
حسـآم : لو فعلآ دا السبب حرتـآح
منـآل : أبعـد وحتعرف
حسام حرك راسـه بنفي , منـآل بخوف من تصرفاتـه : اللي بتسويـه غلط , انا مو عارفه تفاصيل حياتك لكن متأكده
حسام قاطعها وقال بحده : شوفي مافي حاجه بدي الدنيـآ تخليني اتراجع عن اللي بسويـــه, قلتلك لو اعرف انو دا الشي الللي مخليني احلم باأهلي بدا المنظر برضو ماحبطل , لووو اعرف انو دا الطريق نهايتي برضو حكمل فيـــه
دقـآت قلبها اتســآرعت , نظراته , الحقــد اللي بعيــنه
هل حبت الإنسـآن الغلــط .؟
منـآل بتوتـر سئلت ثاني : إنتا ايش بتسوي ؟
شاف الخــوف بعينـها , هوا مو قـآدر يبــعد عنها , لكن يمكن هيــآ تبــعد : تبيني اقولك انا مع ميــن اتعـآمل ؟
ماعلقــت بس مارخت عينها من عينــه
الخوف يزيــد ويــزيد , صدرها يرتفع وينخفض تستنى جوآبـــه
قال بصوت هـآدي وهوا يراقب كل ملامحــها : عآرفه ليش اتأخرت عليكي ؟ _ رفع حواجبـه وصوته ارتخى اكثر _تتوقعي ايش كٌنت اسوي ؟
قشعرلها جسمــها مع إنو مانطق ولابـحرف , مازالت عيونها معلقــه فيــه
اتأمل لحظـآت رٌعبــها , تباه يتكلم وبنفس الوقت لأ
قصي : إنتي عارفه انو فيه شي غلط بحيـآتي لكن ولا مره حاولتي تبــعدي , ليش مو خـآيفه مني!؟
منـآل بصوت مهزوز : خايفه منـك دحين
قصي : بس لسى واقفه قدآمي
منآل : لأني احاول اثق فيك دايما
قصي : يعني عايشه في صراع بين انك تمشي من قدآمي وبين إنك تثقي فيا ؟!
منـآل : أحيآنآ مابى افكر انتا ايش ممكن تشوف بحياتك عشان عارفـه اني ماحعيش في صراع بعد كدآ , عارفه اني حخـآف منك لدرجة حتى الكآفي ماحدخلــه
قصي : ممكن الحقيقـه تخليكي تختـآري الطريق الصح ؟
منـآل : مو ممكن أكيـد , علاقتي في بابا لو كنت منطقيـه فيها كآن انفصل عن ماما من زمـآن كآن ممكن أدمـن زيـآده كآن ممكن مـآت بجرعه زايده من سنين لكن _ ضمت اياديها لبعض وهيا تحركها بتوتر ومابتطـآلع فيه _ لكن ربنـآ يزرع جوتنـآ الحٌب والصبر عشان يعمينـآ احيانا عن اغلاط غيرنـآ ممكن حبآ فيهم ممكن حٌبـآ لنا إحنا _ بصعوبـه طآلعت فيه ,ونطقت كلمـآتها _ مو إنتا قلتلي اعتبريني اخوكي ؟دا أنا اسلوبي لما اعتبر احد من عيلتي
قصي: تخليه يغرق زيـآده ؟
منـآل حركت راسها بنفي : لو جآتني القوه اللي اقدر اوقف فيها قدآمك حوقـف بس حاليا اعرف انك حتعدي من جمبي
ابتسم برغم ارهـآق ملامحـه , حب كلامــها وثقتــها : وتتوقعي قوتـك حتخليني اوقف في يوم ؟
منـآل ابتسمت بااحراج : لايغرك صٌغر حجمي
ضحك , سكت للحظـآت وبعدها قـآل : انا من ضمن عيلتك ؟
رجعت شعرها ورا اذنها ووجها طاغي عليـه الإحمرار : انتا اللي اقترحت وانا وافقـــت
: كنت غبي لما اقترحت
نــظره منـه بوسـط نقاشهم الهـآدي وهيا لعبت بساعتها بتوتــر وشتت عينها عن عيــنه , قالت باارتباك وباستغباء : انتا ماعندك أخت وانا ماعندي أخ عادي يعني
ابتسم ومـآزال يراقب ارتباكهـآ : ترى كل شي ماعندي يعني مو شرط تختـآري دا الخيـآر
طالعت فيه مفجوعـــه وهوا ضحـــك , رفع اكتـآفه واياديه ببرائه وضحكتـه تزيـد : مـآليا صلاح شوفي مخك ايش كان يبا واختــآر
وقفت بصدمـه زياده من تعليقــه
انحرجت , قالت ووجهها طاغي عليه الاحمرار : انتا ماتستحــي
ضحكتــه زادت وهيا مشيت , وقف بســرعه ومسك ذراعها وسحبها : ههههههه خلاص بمزح
سحبت ذراعها بسرعه منـه وضمت يدها تحت صدرها : مستفز
رجع يضحــك وكآنت حتمشي الا قال بردة فعل سريــعه : خلاص وربي خلاص
وقفت بس مازال الإحراج واضح في ملامحـها , وهوا مـآزال مبتسم بحقـآره برغم إنوماعلــق
مرر يده على عيونـه واتنــهد وكأنه اخيرا احد غيرلــه موده ...
اشرت على الخلف : لازم اروح الجآمعه
: طيب
ابتسمت باارتباك , دارت جسمـها , دفت الباب وقبل لاتخرج قال : منـآل
دارت بس راســها اتجاهه ومـآزالت ماسكه الباب : لو سار شي كلميني اجيكي
حركت راسها باايجـآب بدون أي كلمـه
بس بعدت عنـــه , زادت ابتســآمتــها
خرجت من الكآفي وكأنها مخدره بكلمـآته ونظراتــه
واختفت ابتسـآمتها بتدريـج لما اتذكرت جملـتـه
" ترى كل شي مآعنــدي "
قالها باسلوب مزح لكن حاليا حست بمعنـآهآ
ومشيـت طول الطريـق وكٌل كلامـه يتعـآد براســها

,’

رفعت جسمــها على المخدآت , الفطور على طرف السرير وامها جالسـه جمب الأكل : يلا قومي
رهف حركت راسها بنفي وبصوت مبحوح: مو جيـعآنه
امها سكتت للحظآت وبعدها قالت بصوت مهزوز : انا حروح اتفـآهم مع الـ
وقبل لاتكمل رهف قالت بنفس هدوءها وبدون ماطالع فيها: لاتروحي
امها : والله واللي خلقني ماحسكت عن اللي سواه لو ماجبت حقـــك
رهف رفعت عدسة عينها على أمها وقالت : قلتلك لاتروحي
امها قربت الاكل : كٌلي دحين وبعــدها حنتكلم
رهف : ماحتكلم عن شي موضوع وانتهـى
امها وقفــت : طيب يسير خيــر
رهف شفايفها جافة ,وجهها شاحب بتحذيـر اتكلمت : ماما ماباكي تتواصلي مع احد فيهم
امها تحـآول تمسك اعصابها وتتكلم بطريه هاديـه : ليش؟! بعد دا كلو اللي سرلك المفروض نتقبل اللي سواه لمجرد إنو ولـــد سلطـآن الـ"""
رهـف بعدت اللحـآف عنها نزلت رجولـها واتكلمت بطريقه أهدى من أمها بكثيــر: لو ححاسب احد ححاسب اهلي اول
أمها رفعت حوآجبها بصدمــه قالت بعدم استيعــآب : ليش اللي سمعتــه شويـآ !
رهف بيد تتنـآفض رجعت شعرها ورى اذنهـآ : وليش نتكلم من هنـآ خلينا نتكلم من البدآيــه
ماستوعــبت اسلوب بنتــها
ماستوعبت البرود والصمت اللي عايشتــه من امــس
رهف قـآمت من مكـآنها مشيت لحد امها ومـآزالت صامتــه
وقــفت قدآمها , قالت بدون ماترمش : عمي خآلد كآن يتحرش فيا , عمي في كل مره يكون عندك مناسبه وتوصليني عندهم كآن ينومني في حضنـه , عمــ
امها صرخت عليــها : رهـــــف أسككككتــي
رهف ماهتــزت
رهف مـآكآنت رهــف بدي اللحظـه
ومن الصمـــت للإنفعــآل المبـآلغ
رهف : لأني سكت وانكتمت وكنت غبيـه سار دا كلو في حيـآتي, انا الغبيـــه انا ,_ قالت بجنون لما قربت اكتر من امها _ ابا اروح لجــدي واقولو ولــدك أتحرش فيـــآ_ شدت حوآجبـها _ لأا لا ابا اجيب العيلـــه كلـها واقولهم شووفوووو دا عمممي دا اللي المفروض يكون مكـآن بابا اتحرش فياااا راضاني اول مره في ايسكريم , راضاني المره الثانيه بعروسة باربي , راضاني المره الثالثه بجوآل _ بكيــت _ لكن مححححححححد فيكـــم حس بشي محـــــد فيـــكم فكر ولو مجــرد فكره انو البنت المفروض يكون لها حدود حتى مع عمهــآ _ اشرت بعشوائيــه _ عاااادي عندكم يقفل الباب بالمفتــآح ومحد يقولو ليش !!! _ بااستهزاء _ وي البنت قاعده مع عمهــآ يلعبو بلايستيشن وي البنت مع عمهــآ يذاكرلها _ رفعت اكتـآفها وصوتها يفجع امها زيــآده _ عادي يعني لما يجي الغريب ويلمسني غصبا عني ايش يعني ! ماهوآآآ الغريب عرف انو انا رضيت في عمي ماحرضى فيـــه !!! يخي الناس عرفوووو واهلي ماعرفو _ غطت اياديها على وجهها بسرعه وكأنها اتراجعت وبعدها نزلها _ لا معليش ماححط الغلط عليــكم انا اللي غلطت لأني ماتكلمت وانااا اللي حصلح غلطي , مـآلك انا ححاسبــه تبي تحاسبي احد معـآيا عندك عمــي
عينها جـآت على جوآل امهـآ سحبته ويدها تتافض _
ماكانت عيون بنتــها بدي اللحظــه
ماكانت نبرة بنتــها
امها جسمهـآ مو شايلها من الصدمــه
ماكان عندها ردة فعــل
لسانها ثــقل , الكلام يتعــآد براســها , عدسة عينها تتحرك على بنتها وكأنها مو بنتـها
كأنها تبا تستوعب ميـــن دي !وايش اللي بتقـــوله !!
رهف تفتح الجوال وتتكلم مع نفسـها: سوا دا كلــو عشان يكسرني بس انا رهف , محد يكسرني _ تبكي والإنكسار واضح بعينها وتعيد الكلمـه _ محد يكســرني _ حطت الجوال على اذنها وعينها جات على امها ومـآزالت تتكلم _ الوآحد ينظلم ويتحاسب في يوم من الأيام لأنو انظلم ! تخيلي انو دي فكرتـه !!! ألو
امها سحبت الجوال وقفـــلت , بصوت متقــطع ووجهها متغيـر لونـه : خـ آلـد ..خآلد ..إيـش سوالك !
رهف سكتت للحــظآت
لثانيــه ماقدرت تعيـــد الكلام
بس أتذكككرت كل شي سواه فيـها مـآلك
أعطــآها الدرس مزبـوط
سكتت عن حقــها من البدايه , دفنت ســرها وكأنها هيا الغلـطـآنه
حاليا حتقــولو بــصوت عــآلي
حتحــآسب كل شخـــص فكر يأذيهــآ وماحتسكت عن حقــها حركت شفايفها بشوويش ونطقت بمعانــآتها مره ومرتيـــن وصوتها مااايل للبكــى : اتحرش فيـــآ ...اتحــرش فيــآ .. أتحــ
امها دفتـــها بقهــر وبكيــت باانهيــآر : ليش ماقلتيلي للللليــش مــ
قاطعتها رهف : لاتتتتسئليني لاتسئليني انا انضحك عليــآ انا كبرت وفهمت اني اقدر اتكلم بس اتوقعت حتلام لو اتكلمت بس ماهمني , حاليا مااااهمني حاليا أبا ارد كرآآمتي
امها مشيت بااتجـآه السرير تبا تشررد من صوت بنتـها لكن رهــف مـآزال جنونــها واضح عليـها : ابا جدي واعمــآمي يجو اليوم اباهم يجــو وانا حتكلم انا ححكيهم بتفصيل _ حركت راسها بنفي ورا بعض _ والله ماحستحي من أحد والله حخليهم مايقدرو يرفعو عينهم عليــآ من كثر الخجل _ اشرت بعشوائيـه وصوتها يعلى بجنون _ الرميــه اللي اترميتها لووولد الكلب مـآلك والزوآآآجه اللي زوجتوني هيا حخليهم كلهم يندمو عليــها
امها بكيت بهستريــآ جلست على السرير وتضرب على فخذها
ايش حتقـــول لبنتها ..!!!
ماتبى تسمع تفاصــيل تــآنيه
الكلام دا كآن يكفيـها انها تنـــهــآر
اما رهــف اخيرا خرجت من غرفــه امهــآ
اتوجهت لغرفــتها فتحت اللباب والاضائــه
ريحــة الغبــره ..
دواليبــها مـآزالت مفتوحـه وفاضيـه
اللحـآف على نفس وضعو من اخر مــره سابتــه
شنطــها مرمى في الارض
قفلت باب غرفتها
اتوجهت بخطوات متتاليــه للطاوله الخشبيـــه
سحبت كل اوراق الرســـم وقطعتــهم بكل عنــف
قطعتــهم لقطــع صغيــــره
المراســـم , المحايات كل شي شالتهم ورمتــهم من النافــذه
الاوراق لمتهم من الارض ورمتــهم
طاولتها اللي كلــها ادواتها الخـآصه في 7 ثواني ساااارت فاضيــه
ورمـــت الشي الوحيــد اللي كآنت طول دي السنين تعبر فيــه عن ألمــها
لأنها قررت تتكـــلم ...

كآن على كنبـــته في شقتــه الخـآصه يقلب في حسابها بالانستــآ
يتفرج على الصــور اللي ترسمــها
كلــها حزينــه ..!
عــرف حاليا ايش الشي اللي كآن يعبــر عنها , رسومــآتها ..!
رسومـآتها الشي الوحيــد اللي شـآف فيها رهــف

مو قـآدر يخرجها من راسـه
من موضوع رهف لحسام لآندي وأروان
رفع جوآلـــه , فتح جهات الاتصـآل يدور على رقمــه
ووصـل لإسـم " qusai"
مو قـآدر يستوعب لدحيـن وظيفتــه ..!
علاقتـه فيه سطحيــه لكن برضو مصدوم
أتصــل ...
ورد عليــه وبعد ماكان لازم يبتسـم لما يكلمــه
حوآجبــه معقــده , صوتــه جـآد وحـآد : متى اقدر اقـآبلك... طيب أستنـآك .
انتهت بكل بسـآطه المكـآلمـه ..
وبدأ يحلل مـآلك
كيـــف بدأت دي التجـآره من الاساس بينــهم ..!
فوازومريـم ايش علاقتــهم مع عدنان ..!
سحب صورة آندي المشوهه من أحد الجرآيـد ,وفضل يطــآلع فيها لدقــآيق طويــله
ميـــن بزبــط اللي قلبــه منـزوع منـه الرحمــه عشان يقدر يسوي عمليـآت بذا الشكــل ...

في العمــآره اللي جمبــه كآن الجوآب ..
مآسك ريمـوت التلفزيون ويقلب في القنوآت , بـآله مو معـآه
مـآكآن بس هوآ في عآلم ثاني
حتى صبـآ كآنت في عآلمـها
عفـآف وأختها , الطرق المظلمـه , ممرات المستشفى , غرفة العمليـآت
طـآلع فيــها بعد صمت موحش بينــهم
مايحتـآج يسئلها ايش بــك
مد يدو لذراعها : تعــآلي
سحبت نفسـها لحضنـه : ايش فيه
: خليكي هنـآ
ابتسـمت وهوا محوط يده حوليـها ويلعب بشعـرها وعينه على التلفزيون
: فراس تحبني ؟
رفع حاجبه بصدمـه , بعدها عن حضنـه وقال بعدم استيعـآب : ايش السؤال دا !
مسكت سلسلتها بتوتر : مو خـآيف من بكرا ؟
فراس : تبيني اجاوبك على اي سؤال ؟
صبا رفعت اكتـآفها : مدري كلها ابا اعرف اجوبتها واعرف انو اجوبتها في يوم من الايام ماحتفيدنآ
: ماحتفيدنـآ من اي نآحيـه ؟
صبا : من كل النوآحي , حٌبـنا دا ماحيوصل لمكـآن قٌلتلي انك مقرر حتى بنتك ايش تسميها لكن انتا عارف انو ماحيجي دا اليوم
فجعتـــه
وبان في ملامح وجــهه
غيرت جلستها باارتبــآك وقالت : انا مو متشائمــه ,أنا بديت اتقبل واقعي وارضى بقراري , انا رضيت ابعد عن اهلي عشآن حنقتل بالوقت المن
قاطعها : صبا لاتتكلمي بدي الطريقـه
صبا : مآفي غيرك يسمعني , امس خرجت مع منـآل حسيت انو مو دا عــآلمي , كذبت يافراس كثيير حاولت اكون طبيعيه لكن كآن صعب لأنو ماقدرت اتكلم عن اي شي يخصني ولا قادره اتكلم عن مستقبلي لأني ماسرت احلم
فراس : إحنا بنعيــش أيـآم سيئه بس ماحنعيش طول عمرنا بدا الشكل , لو ماعشنا على الأمل ماحنعيش ياصبــآ لو مافكرنا انو عندنـآ مخرج حنموت من الهــم
صبا : مافي مخــرج يافراس
فراس بتوتر مسك اياديــها وضغط عليــها : أنـآ عارف انو كلامك دا بسبب كل شي مريتي فيــه ماححاول اقنـعك بكلامي لكن حخليكي تشوفي بعينــك
صبـآ : وأنا اتمنى اشوف دا الشي وأعرف انو كل بعد فتره اعيد نفس كلآمي لكن غصبا عني , بحاول اكون زي الناس الطبيعيه واعيش يومي بس عشان اعيش دا الاحساس لازم اتكلم وأقول إنو إللي جوتي عكس دا
خنقتــه بكلامــها
سحبها لحضنـه عشان يهرب من نظرآتها
اخيــرا وصــل لقناعتـها
لكن مايقدر ينطقــه قدآمها بصوت عآلي ..

حـآول يكون طبيعي معـآها ويتمسك بكلامــه المعتـــآد , دخلــو الغرفــه وكل وآحد غير ملابســه لمكـآن عملـه وخرجه
يمشو على الرصيــف وأياديــهم متشابكـــه ...
حـآولو بقــدر الإمكــآن يكونو زيي اللي حولهـم
دخـلو الكـآفي , فراس عقــد حوآجبـه اول مالمح قصي , امـآ قصي نادآه بدخل الغرفه المخصصه للعـآمليـن
انقــفل الباب , فراس : ايش بك
قصي مرر يده على عينه بتعـب : مانومت من امس المهم _ دخل يده في جيبـه خرج علبـه صغيره وفتحها قال بصوت راخي _ دا جهازيـن وآحد تتبع والتـآني تنصت , مو عارف كيف النظـآم هنـآك بس حاول قبل لاتتفتش تصرفهم حاول برضو ماتخليهم ابدآ في السياره ماتضمن بعد نزولك مايفتشو السياره
فراس : اجل فين ححطها !
قصي : مدري لو ماحتعرف تتصرف قولي وبلاهه دي الخطوه
فراس سكت للحظـآت ودقات قلبـه تتسارع مد يدو وسحب الجهاز مرريده على الاجهزه بحجم نص صباع يده الصغير
قصي : ثاني لو اتمسكت قولهم انك كنت تحت تهديد مني
فراس طـآلع فيه مفجوع
قصي : على الأقل ماحتنقتل في لحظتــها حاول دايما تمـآطل وتوصل الموضوع لشخص ثاني , حتـقل ثقتهم فيك لكن حتكسب وقــت
فراس اسلوب قصي البارد في الكلام رعبــه زيـآده ..
قصي : فراااس !
فراس مرعوب , خــآيف لكن المجـآزفــه حلـه الوحيـد عشان يعيــش : اشرحلي اكتــر
قصي قرب منــه وسحب الاجهزه وبدأ يشرحلـه كل وآحد ايش وظيفـته وكيف حيشغلها ..
اعطى العلبـه لقصي ودخل الاجهزه في جيبــه
قصي ماكان بــآرد كآن خــآيف على فراس
خايف يســرله شي وماحيســآمح وقتها نفســه, قبل لايخــرج فراس قصي مسك ذراعه : فراس دي فرصتـك
ودع صبـآ وخــرج ,وبدأ توتــر قصي يزيـــد كل بعد لحظــه


فراس ركب السيـآره الموجوده في نهــآية الشارع , ماقدر يكون طبيـعي بدي اللحظـآت ,سحب مناديل ومرره على جبينــه
دقات قلبـه متتاليه , اتمنى انو كلم امــه قبل لا يركب
مجــرد دعوه منــها حتخفف كثيــر عنـه
طريـــق طويــل من التوتر النفسي
بس وقــفت السيــآره قلبــه ماحس وقتها بنبضــآتـه
انفتــح باب السيــآره
12 خطوه وحيوصـــل للرجٌل المسلح وبيده جهازا لتفتيــش
12 خطـــوه لكن فجأه الرجـآل اشر لوآحد من اصحــآبه 4 خطوآآت بااتجـآه فراس
8 خطوات يميــنه ويسـآره عبـآره عن ارض قااحلــه مجرد صخور صغيــره
رجولــه ثقيــله
خطــوه
خطوتيــن
والرجفه ســرت في جسمــه كلــه
3 خطوآت
4 خطوآت
والرجال طـآلع في فراس وبعدها في صاحبــه وقـآل " بس افتشو واجيــك " وقبل لايطــآلع في فراس
فراس فتح قبضــة يده وططـآحت الأجهزه في الارض
بين الصخووور الصغيره
مشي فراس
5 خطوآت
6 خطوآت
7 خطوآت
وجـآه الرجـآل وفتشـــو
والاجهزه بعـــز الشمــس بين الصخور
دخل لمقرهم لكن بدون عقـــل
لو أحد شافها الكل حيشــك فيــه
قريبــه من السياه اللي نزل منــها
دخل وزي اخر مره كل شي جــآهز لكن ماكآنو لبنتيــن زي مـآقال سلمـآن
لرجـآلين وآحد بسن الثلاثين والثاني الأربــعين
باإرادتــهم وكالـعـآده الفقــر هوا السبب الرئيسي للجؤهم لدا الحــل ..

في الكـآفي ...]
قصي على أعصــآبه ,مستني بس يجيــه تنبيـه على جوآله ويعــرف انو الأجهزه تم تشغيلــها
3 ســآعات مـــرت
رابـع كوب قهوه يســويــه لنفســه ويحـآول يركز بالعمل ..
انفتــح باب الكـآفي ودخــلت وجـآ بااتجـآهها بخطوآت ســريعه : منـآل انا حمشي طيب ؟
منـآل حركت راسها وقبل لاتتكلم هوآ مشي , مجرد انو سلمــها المكـآن مع صبــآ
رجــع لشقتـه , اخد الاب توب من غرفــته واتوجه للصـآله شغله , حمل الابلكيشـن على الاب توب
واتوتتتتر زيــآده لما ماوصـل أي اشعار
المشكله مو من جــوآلــه , المشكله مو من جــوآلــه
دي الفكره حتجننــه زيــآده
بس بيــدعي إنو فراس ادارك الموقـــف
6 سـآعات , وخلص بكت السجاير كلوو , الجنـــون طـآغي على وجهه
صووت أم فراااس الشي الوحيــد اللي في راسـه حاليــآ
ووصل اشعار على جوالــه ولاب توبــه بنفس اللحظــه , ضغط الأبلكيشن وبعدها اعلى الخـآنه اللي جمبـها مايك
ووصلــــه الصوت
اصوآت قربــعه وكأنه الجهاز بيتحــرك في مكـآن ضيــق
ودقــآت قلب قصصصصصي ورا بعضهااا
اختفى الصوووت وقرب قصي بااتجــآه الاب توب ورفع مستوى الصصوت على اخر شي
عدســة عيـنه على الارض لكن مستني اي همســه عشان يسمعهــآ : أنتــــهى فــراس من البدآيــه قلت ماينفــع
وبعدت اصواتــهم
صوت الباب انقــفل
وقــصي جالس , جهـآز التتبــع ماشتغـل
سحب جسمــه للخــلف , سنـد نفسـه على الكنبــه
وعينه على الاب توب
مايبـى يفكــر لأول مره مايبــى يفكر
مايبــى يفهم الجملـه اللي سمعهــآ .!
رجع سحب جسمــه بردة فعل سريعه اتجــآه الاب توب ودموووعه تزيــد بعينــه
يحــرك رجوولــه بســرعه
حيسمــع شي تــآني
ممكن يرجعو يتكلمو
ممكن يفـــهم
مو بدي البســآطه ينتهــي فراس
يمرر يده على عينه يمســح دموعه ويرجع يطـآلع في الشــآشه اللي مافيها اي شي بيتغيــر !
بدأ يلوم نفســه
يتعــآمل مع النـآس وكأنهم عـآشو الجنــون اللي شافــه بحياته
بكل بلاهه ادآه اجهزة تنصــت ورمـآه وســطهم !
شي طيبعي ماحيرفض , شي طبيعي بعد الجنون اللي وصلــه فراس حيجازف لو حتى بروحــه
ســآعه مـــرت وقصي مـآزال يشكك في الجملـه وكأنه ماسمعها
وكأنها مو واضحــه
ودق جـــرس البــآب , ارتفع صدره وانخفــض بطريقــه سريــعه
وقــف بحــذر
اتوجـه لغرفتــه وسحب سلاحــه من تحت ملابســه
خـــرج باتجــآه باب الشقــه دق الجرس مره ثانيــه
قرب عدسـة عينــه من الباب وهوا يسترق النظــر وشــآفه

فتـــح باب الشقــه بردة فعــل سريــعه , وسحبــه من بلوزتــه لنص البيــت وضـــربه
صرخ بكل صوووتــه : يااااحماااار اتتتتصل اتتتتتتتصل
فراااس بعدم استيعــآب دفـــه وقصي رجع اتهجم عليــه ودفـه باتجــآه الجدار ورفع مسدســه وقال : وووووربي لو فجعتني ثاااني انا لأقتــــلك انا يااافراس
عروق وجهه واضحه , احمرار وجهه , ورجع للخلف وهوا يتنفس بصوت مسموووع ويحاول يتمـآلك نفســه
فراس واقف مصـــدوم ..!!!

قبـــل5 ساعات ..]

أتعقــم وأتـوجه بااتجـآه الشخص المبــنج
دي المره ماكان حاسس اي شي اتجــآه الرجٌل ... ماكان خـآيف ماكان متوتـر من العمليــه
كل أفكـآره محصـوره في الأجهزه
خوفــه يدور حول دا الموضوع فقــط
مســك المشـرط وضغط على الجلـد المكشوف وفتح جزء من الجانب الأيمـن
الدقـآيق تمر بشكل بطيئ , صوت الاجهزه جدآ عالي ومو قادر يفكر بحـآجه
بس انتهـى حآتم وجه كلامــه لفراس : خيــط
وكـآلعـآده فراس يفتــح ويكون مساعد طوول فترة العمليه وبعدها يخيـط وينهي كل شي
عينه لحقــت حاتم لمآ خرج ودقات قلبـــه على وشك التوقف
مسك الخيط والأبره وحاول يخيـــط , حاول يكون انســـآني مع دا الرجٌل
يدو بدأت تهتـــز لما سمع اصواتـهم بالخـآرج
سحب الخيــط وشد الجلــد ورجــع كمممل وهوا يقــآوم الأفكـآر المجنــونه اللي تحرضـه على انهاء الخيـآط وانقـآذ نفسـه من الموقف
لكن كآن يحـآرب نفسـه , ويشتغل على مهل , كل الأدعيــه قرأها بدي اللحظـآت
اكتســآه جمووود وبـرود مو طبيــعي
انهــى الخيـآطه بعد وقت طويــل
اتوجه للسله , سحب القلوفز من اياديـه ورمـآهم , الكمـآمـه واللبس الي على ملابسـه ورمـآه وسط السله وخـرج
مـآكآن فيه احد بالممر , اتوجه للباب المؤدي للخـآرج , فتح بس الباب واحد الرجـآل المسلحــه طـآلع فيـه
مايقدر يخــرج ويدخل بدون تفتيـــش
ماقدر يتحرك من مكـآنه , لمح الأجهزه بين الحجر ماكان شكلها ملفت " من بعيــد "كأنها جزء من الصخور السودآ
اعتذر من الرجال لما قلــه اتوقعتهم خـرجه
ورجع دخل بااتجـآه غرفه جلوسـهم
الإحتفــآل والإنتصار طاغي على وجوههم
دخل وشـآدي ضرب على ظهر فراس بتشيجيـع : ها ياوحـش خلصت ؟
فراس جلس على الكنبــه : تمآم
دخلــه في احاديــث وفراس يحـرك رجولـه بتوتر , وجهه شاحب
كل وآحد حيروح لسيارته
كل وآحد حيمشي من نفس طريـقه
عينه تجي على كل وآحد فيـهم
الجنــون والتهــور احيـآنآ حل
لو قصي مادخل الكوخ بجنون كآن ماقدر يمسك دليل عليــهم
ولو حاليا ماتصــرف بجنــون حينتهي هوآ وصبـآ بكل سهولـه
" انا مو متشائمــه ,أنا بديت اتقبل واقعي وارضى بقراري "
"ولا قادره اتكلم عن مستقبلي لأني ماسرت احلم "
" مافي مخــرج يافراس "
كلام صبـآ المحبـط , المكســور يدور في راســه
وعشــآنها وقـف بدون تفكير وقال : حروح الحمـآم
الحمــآم خـآرج دا المكـآن ..
مشي بااتجـآه الباب فتتــحه وخــرج وقف في الممر ويميـنه ويسـآره غرف العمليـآت وقدآمه الباب الآخر
كيـــف حيخـرج ويدخل بدون تفتيـــش !
يقبض على يــده ويفتحــها ..
افكار
افكــآر
افكــآر
كلها ماحتدي نتيجــه
خرجت الممرضه من غرفه العمليـآت واتوجهت لغرفه العمليآت الثانيــه وهوا اتحرك بااتجـآه الباب وقبل لايخرج
وســــع عينــه
الفكره بتكبــر وتكبـر وسـط راســه
دخل بخطوات سريـعه لغرفه العمليـآت الفاضيـه
كآن المريض الشخص الوحيـد المتوآجد ولسى تحت تأثير البنج
اتوجه باارتباك للدولاب الحديدي في ركنيـه الغرفـــه
فتحـه , وعدســة عينه مرت على الأدويـه المخصصه للتخديــر
يده انتفضت من الجنون اللي يعيشــه بدي اللحظـآت
طالع بااتجـآه الباب , وسحب احد الأدويــه , اخد الابــره , رفع كوم بلوزتــه
اخد احد الحبال المطاط ولفـها حولين ذراعه , دخل الإبره وســط الدوآ وسحب
يفتح قبضه يده ويقفلها يفتحها ويقفلها لحد مااااوضــح العرق
وقبل لايدخل الإبره اخده نفســه بصوت مسمووووع
العرق مغطي جبينــه
الرعب واضح بعيــنه
غرس الإبـــره , وكتــم شهقته , عينه جات على الباب وبعدها ضغط على الابره
وأطلق الدوآ في جسمــه
بررررررووووده يحسها تدخــل لذراااعه
سحب الإبــره , اتــوجه بخطوات مهـزوزه اتجـآه السله رمى الدوآ والإبره , رجع الحبــل وقفل الدولاب
نزل كٌم البلوزه
وبعد دقــآيق بدأ كل شي يتحرك قدآمــه
حيحــآول يخــرج , ممممشي بخطوات سريــعه , مشي وهوا حافظ طريقــه
فتح البـآب المؤدي للخـآرج , غمض عينــه وفتحها
نزل الدرجـآت بصعوبـــه , الرجآل المسلح شايف فراس مو على بعضــه يحاول يركككز وكأنه حيطيـح في اي لحظـه من طولــه
أكتفى باأنه يراقبــه
وجهه قلب بلحظـآت لإصفرار
مشي بااتجـآه الأجهزه , انفــآسه ثقلـت , طــآح على ركبــه , سند باأياديــه الارض وضغط بقبضـه يده على الأجهزه
مـآكآن شايف شي بدي اللحظـه
لكن حاسس , حاسس انو بيده الأجهزه
دخل بيد تتنافض الأجهزه بجيــبه وهوا سااامع صوت خطوات جري بااتجـآهه
خـآف من للحظـآت الضعف اللي بتمر في جسمـه , حاول يقـــآوم , لكن اترمى جسمــه على الصخور
اصوووات بعيـــده , وصلـه لحــده كلمــوه لكن مافي اي استجـآبه منــه
رفعــوه من الأرض ودخل فرآس من غير اي تفــتيش
انتـــصر بدي اللحظــه
فتــحو الباب المؤدي لغرفه جلوســهم والكل انفــجع
شــآدي : ايش ســـآر !!!!
حطو فراس على الكنبــه : طـآح فجأه
قرب منــه فريـد وكـآن انخفــآض ضغطه شفيــع له بدي اللحظـه
حـآولو يفوقوه لكن استجـآب للحظـآت ودخل بمرحلـة نوم عميقــه
كآن استنتـآجهم الوحيـد لحـآلته والإغمـآء
بسبب الضغط اللي بيعيشــه هنــآ
سـآعه مــرت وفــتح عينــه بشوويش
اصواتتهم عــآليــه وكأنهم عند اذنــه يتكلمو
شد على عينو باألم , رفع جسمــه العلوي وطـآلع فيـهم وسلمـآن ضحك : اخيرا فوقت
فراس مرر يده على وجهه ورفع حوآجبــه , مـآعلق اكتفـى بالصمـت
شــادي : يعني لو تعبان لدي الدرجه كآن كلمتني حخليك ترتـآح يوم
فراس نزل رجوله من على الكنبـه وجلس بااستقامـه وحوآجبـه مشدوده وقال بصوت يادوب طلـع : يوم !
حاتم : ههههههه هيا خدلك حتى يوم مو راضي مو مشكله اهم شي تسوي شغلك واحنا هنا معـآك ماحنقصر بس صراحه عجبتني خياطتــك
فراس واحد دوبو فاايق وهوا يتكلم عن الخيــآطه ..!
مرر يدو على جيبــه وحس الأجهزه موجـــوده
شـــعوره لايــوصف بدي اللحظــآت
شادي جلس جمبـه ومررلـه كآس : خوفتني يااشيخ عليك اشرب اشرب بمناسبه صحتك
!!!
فراس معدتــه مقلوبه من آثار الدوآ : دايخ لسى
فريـد : خلينا نمشي واشتري شي في طريقـك تاكلـه
وبدأ حاتم وفريــد يدوه نصـآيح عشان يهتـم بصحتــه وهوا حاول يجــآريهم
وسلمـآن الوحيـد اللي يطآلع فيه بصمت , بحقـد , بنظرة موتره فراس
لما خـرج سلمـآن قدر وقتها يدخل يده في جيبـه شغل الجهـآز وماقدر يشغل الثاني
دخل يده تحت الكنبه بشكل سريـع وحطه بين الخشب ووقف
خرج ورى شـآدي
حاتم عينه على فراس لحد ماخرج وقـآل : أنتــــهى فــراس , من البدآيــه قلت ماينفــع
مشي حاتم وفريــد وهمـآ يتكلمو
حاتم فتح الباب وفريــد قال : سلمـآن حـآقد لأننا اتدخلنا
خرجو , حاتم : لاحظت مشكلتــه مايعرف يتعامل مع نآس مايثق فيهم يعني انا ضامن شادي وضامن كلمتــه دام قال حنخلص عليه في النهايه يعني حنخلص عليــه

في شقـــة قصي ..]
جلس فراس على الكنبــه ومـآزالت عينه على قصي اللي مازال يحرك رجولــه الإثنين ووجهه طاغي عليــه العصبيـه
اتحرك عدسـه عينه على المسدس الموجوده على الطاوله وبعدها على قصي من جديد : ايش بك !
قصي رفع حاجبـه : ايش بي !! ...يخي ا نتا ايشششش سويت قٌلت الآدمي انتهى اتوقعتك موت
فراس سكت للحظـآت وبعدها ضحك بااستفزاز : أأوه ههههههههههه كٌنت خايف عليـآ
قصي طـآلع فيه بحقــد سحب جسمـه لحد الكنبه وقال بطريقتــه المفجعه : لاتستهبل معايا في الشٌغل
فراس رجع يضحك لأنه ردة فعل قصي ابدآ مـآكآنت تخص الشغل : هههههههههههههههههه ايش مشكلتك إنتا في التعبير ؟!
قصي زفر بقلــة صبر وفعليـآ استفزه فراس : قووولي ايش سار معـآك
فراس : والله لدحين مو قـآدر استوعب اللي سـآر
وحكــى قصي كل شي .. وقصي ماقدر يستوعب جرأة فراس !
رمش بذهول وفراس رفع كٌم بلوزتــه ويمرر اصابعه على مكـآن الإبره , كدمـه زرقــآ : يخي ربي نجاني الدوآ دا لو جرعه بس زيـآده كآن روحت فيـها
خـآف من جراءه فراس , دايما اول خطوه للجنون تتبعها الف خطوه
كآن خوف فراس وتردده بكل ردة فعــل تطمن قصي كثيــر
قصي باارتباك واضح : والله مو عارف ايش اقولك
فراس سحب كوم البلوزه ونزلها : ايش بك !
قصي رفع كتفـه واكتفى بالصمت وفراس اتوتر زيــآده : اهرج فيه شي !
قصي : لا لا بالعكس يعني ماتوقعت حتجـآزف بدا الشكل
فراس: اهم شي كنت في المضمون حتى لو في يوم شافو الأجهزه ماحيشكو فيا
قصي مرر لسانه على شفايفــه وقال بتعليق مختصر وعقله يفكر في حااجات كثيـر : إيوا
فراس : وحقـدر الجهاز الثاني اشغله المره الثانيـه انا اساسا مو عارف ايش اللي اشتغل
قصي : تنصت
فراس : سمعت شي ؟
قصي : لا
فراس عقد حوآجبــه : يخخخي انتا ايش بك دحين
قصي وقف : ولاشي دحين راجــع
دخل للمطبــخ فتح الثلاجـه اخد علبـه بيبسي باااارد
فتحــه وشـرب
شي باااارد نزل عليــه
مو مـرتاح او حاسس بذنب لأنه خلاه يتجرأ
مو عــآرف بس مخنــوق
صوت من وراه : ايش بك
فجججع قصي , انخنــق وهوا يشـرب واندفع جسمـه لقدام ضرب في الثلاجه طاح البيسي من يده ويكككح بنفس الوقت
فراس : ههههههههههههه
قصي مازال يكككح وجهه طغى عليـه الإحمرار , ركع يحاول ياااخد انفــآسه وصوت ضحكـة فرااس صداها ترجع في اذنــه
بس وقف في ثانيه اتهجممم على فراس ودفااه على الثلاجـه : إيششش بي أممممك إنتتتتا يااااكلب
فراس :هههههههههههههه يخي دخلت بطمـن عليـك
قصي وجهه مازال احمـر ومعصب: مرتك انا عشااان تهمس في قفايا
فراس بس اتخيل المنظر رجع يضحك : هههههههههههه ماهممست بس مطبخك فاضي فجأه طلع لصوتي صدى
قصي : والله يافراس انتبه على نفسك ترا بجد حقتلك في يوم
فراس خرج من المطبــخ وهوا يضحك جا في بـآله موقفـه مع صبــآ حاليا حس بفصلتها: هههههههههههه الموت على يدك حيـآه
استفز قصي
ضحكتــه والتعليـــق : وربي لاأطررردك يافراس هجد اهلي
فراس جلس في الصـآله ومآزال يضحك
اما قصي اخد ممسحــة البلاط وهوا معصب ومسح البيبسي وشال العلبـه رماها في السله وشرب مويـآ وعينه على الباب
خرج وشـآف فراس من مود الضحك لموود وآحد دخل في التفكير باأمور مصيريـه
جلس في الكنبه االلي قبـآله
فراس : ماسمعت شي؟
قصي : لا
فراس : انا ماعرف متى بزبـط هـما يجتمعو , اليوم جيت والكل موجود وواضح لهم فتــره
قصي : ماعليك مسجل كل شي حتى لو فاتني حرجع اسمع لكن _ سكت للحظـآت وبعدها قال بجديـه _ انتبه على نفسك وفكر مليون مره قبل لاتتصرف
فراس حـرك راسـه : تمآم


,’.

بعـد اعترافها لأمها جلست بصمت لمدة ساعتيـن , جالسه في الارض وسانده ظهرها على سريرها
وقامت من غير سابق انذار
وكأنه في لحظـه واقل من ثانيه اتجسدها شخص غيرها
لاتسكتي
لاتتنـآزلي
اتكلمي
صرخي
خلي الكل يعـرف
دا كل هوسـها وهاجسها يسير
دخلت لغرفـة امها , ومـآزالت امها على سريرها ماسكه راسـها باألم والصدمه طاغيه على ملامحهآ
رهف رجعت شعرها ورا اذنها واشرت على امها : ليش دحين جاللسه كدا
امها رفعت عدسة عينها عليـها وخشمها احمممر عيونها ذبلانـه ماقدرت تعلق
ورهف تتكلم بطريقه سريعه : ماحينتهي اليوم إلا وانا جامعتهم هنآ , ابا اتككككلم حقول كل شي والله ماحناام
امها بين الصدمه بين الذهول بصوت خافت ومهزوز :مو اليوم يارهف مو اليــوم
رهف اتقدمت لحد امهاا وبااسلوب طاغي عليه الصدمـه : ماحقدر انام , حروح بنفسي لو ماجبتيهم , لا لا انا اباهم يجو ويجلسو بنفس المكـآن اللي جابو الشيخ فيه زي ماكسروني هنـآك انا حكسرهم بنفس المكـآن
أمهـآ نزلت دموعها مافيها قوه حتى توقف
عضلات جسمها توجعها
راسـها حينفجر
ماحتسكت عن حق بنتها لكن مو دحيــن , مو اليــوم
رهف : للليش تبكي انا ماغلطت انا ماااغلطت
امها وقفت بصعوبـه مسكت رهف : روحي ارتاحي رو
رهف سحبت جسمها من حولين امها وقالت : انا ارتحت كتتتير وفكرت كثيررر وعشت ايام وساعات طويله وانا لوحدي
ام رهف اشرت على نفسها وبصوت كله ضعف : اديني بس شوية وقت عشان اقدر اوقف قدامهم والله حاخد حقك قبلك بس
قاطعتها رهف : ماحقدر ماحقدر انا حتجنن لو جلست ماسووي شي ابا وديان ابا عمي وجدي ااباهم كلهم قدااامي
ام رهف مصدومه من الكلام مصدومه من حركات رهف واسلوبها لما تتكلم
رجعت جلست بتعب على السرير وبكييييت و بكيت لأنه حاسه بذنب يقتل كل شي فيــها
رهف اخدت جوال امها ورجعت اتصــلت على جدها امها بس سمعت صوت رهف : جدي ...انا رهف
زاد بكــآها
بكيت بصوت مرتــفع يمكن يطغى على الألم اللي تحسه جوتــها
تسمع بنتها تكمل كلام ومو قادره تمنعها ومو قادره توقف معـآها
ماكتفت رهــف اتصلت على وديــآن
وماكتفت اتصلت على عمتـها وبعدها عمها وارسلت رسالـه لخـآلد " تعال على بيتي بســرعه " ومارتاحت الا لما شاف كلامها وكتب " خير فيه شي "
رجعت كتبتلـه "تعال وحنتكلم "
ماشـــك إنو مرت اخوه عررفت بشي ,كلهــم جايين ولا أحد عـآرف انو الشخص الثاني ممكن يجي
اما رهف حطت الجوال .. وخرجت على صوت بكـى امها
جمـــود برغم الألم اللي يسري جوتــها
ماتبى تفكر لو حتنــدم على قرارها دا بيــوم
ماتبــى تفكر غير بشي وآحد
الكل يعــرف بالحقيقــــه , هيا بريئــه من كل التهــم وصمتـها ماحيثبت دا الشي
دخلت غرفتها , جلست على كرسيـها الهزاز , وانتظـــرت

انتـــظرت ... انتظرت لفتــره طويلــه
تدخل الخـآدمـه تقولها ميـن وصل وترجع تقولــها لو احد جا ثاني اديني خبــر
مــآنزلت لحد ماعرفت انو الكل وصــل
وقفت اخدت ربطة ولمت شعرها على ورى جزء صغير ظاهر من خلال البكله بسبب قُصر شعرها
خرجت من غرفتها
مشيت في الممر
نزلت من الدرج
دخلت لغرفـه الضيـآفة , ووجوههم اتغيرت ملامحـها لما دخلت
جدها اول وآحد بان عليــه الإشمئزاز منـها
: ماما ماجات ؟
كأنها كلمت نفســها , مازالت واقفــه ماكان فيه مجـآل انها تسلم على احد فيــهم وكأنها شي مقـــرف دخل الغرفـه
جلست على الكرسي عينها انتقلت على وديـآن عمتها , جدها عمها , والمقزز خـــآلد عينه كل شويـآ تجي على وديــآن
جدها : أتوقعت انو امك تتمسك بكلامها وتمنعك من دخول البيت
رهف كآنت مستسهله الكلام لكن ونظرات الكل عليــها
مو عـآرفه كيف تتكلم مو عـآرفه كيف تبدأ
الغصــه تزيــد بلعت ريقــها عشان تتمـآسك
باعدت بين شفايــفهاا وسكتت لما حست بصعوبـه الجملـه
دموعها تزيـد وســط عينـها
اكتشفــت انو استنزفت قوتــها قدآم امــها
اعترافها لأمهــآ كآن دا اكتر شي تقــدر تسويــه
هيا أنثى في النهــآيه , وقفت وعينها جات على خــآلد
جااااااااالس بكل ثقـــــه , وكأنـــه متأكد إنو مــآله علاقه في الموضوع
زادت انفــآسها بقهـــر , بغـــل , بحقـــد
عمها :رهف ايش ساااير انا جاي لهنـآ عشان
قاطعتــه بصوت خـآفت : اسئل اخوك
خــآلد انفجع طالع في رهف وفي اخوه وبعدها برهف ثاني : انا! .. ايش فيه !
اياديـــها انتفضـــت, ضمت يدها تحت صدرها بضعف : إيش قلت لوديـآن عني !
خـآلد الفجعه وضحت في ملامحــه ودا اللي خلى الكل يستنى جوآبــه : ايش قلتلها !؟
رهف رجعت طالعت في وديـآن : لما لقيتي صوري في جوالـه ليش ماتصلتي عليا وواجهتيني !؟_طالعت في جدها وبصوت مهزوززز وكأنها تنتفض من جوآ _ زوجتوني لوآحد عشان انا حـآمل منـه لكن محد عارف كيف سار الموضوع محد عــآرف كيف جبرني وكيف اهانني انا بنت ولدك اللي راااح كٌنت امانه عندك لكن رميتني لولدك وبعدها لوآآآحد زبـآله
خــآلد وجههه صفـــر
جدها مافهم شي
عمها برضو مافهم ,اتكلم بحده : قلتيها حــآمل ايش تبينا نستنى لحد ماتولدي ول
قاطعتــه لما رفعت يدها : دقيقه بس خلينا نتكلم من البدآيــه
عمها خالد وقــف وحاول يقلب الموقف: ااااقول انتي جمعتينا دحين عشان تحاسبينا على سواد وجهـــك
عمتها : لا حولا ولاقوة إلا بلله
رهف عينها عى جدها :خليه يسكت ابا اتكلم
خالـد اشر عليها : شووووف قلة الأدب كمـآن
جدها : احترمي نفسسسك دا عمـــك
عمها سالم بحقــد : يعني سترنا عليكي وزوجنـآكي وبرضو مو سالمين منــك
خـآلد : انا لو ادري انو انتي الللي جمعتينا ماكان جيت من الاساس يافاجره
" يافاجره "
الكلمــه هزتــتها
كأنهآ صفـعه
وجاها كلام جدهـآ وراه : وتقوليلي امــآنه عندك وإنتي اللي اهنتينــآ ابوكي لو يدري عن اللي سويتيــه والله مـآكآن رضي حتى بالزوآجه
رهف عيونها تتنقل على كل شخص يتكلــم
عمهـآ سآلم : احنا حشمنـآ أمك وسوينا اللي طلبته وبــس ولا لو كآن بيدنــآ الموضوع مانهينهآه بدي الطريقـه
خـآلد مايبى يديها مجآل للنقـآش اتوجه لأبوه مسك ذاعه : قوم قوم اوصلك بطريقـي
دخلت الغرفــه ام رهــف
الكل جات عينه عليــها الا رهف عينها على خـآلد بحقـد بس حرقولها قلبها
مشيت ام رهف بخطوات ثقيلـه , بملامح مافيها اي تعبير
وصلت لحد خــآلد وخـآلد ساب ذراع ابوه بتوتر: هلا مـ
وقبل لاينطق الكلمـه صفعتـــه
وديــآن واختـه اول ناس شهقو بصوت مسمـوع
رهف مانصدمت مازالت على نفس النظره
امـها صفعتــه تاني ونزلت كلمــآتها زي الصاعقه على الكل : لمست بنننتي ياااوسخ _ ضربت بعشوائيه بقهر بحححقد وبكيت باانهيـآر _ لمستها واناا إللي وثقت فيكم
خالد بسبب الكرسي جلسس ورافع اياديه يحاول يتحاشى ضرباتها , اخت خـآلد قامت بسـرعه ومسكت ام رهف : استهدددي بلله ايش بك
جد رهـف وسآلم مصدوميــن
ام رهــف دفت اخت خـآلد وصرخت بهستريـآ : داااا الحيوآن دا الللي ماعنده ضمير كآن يتحرش في بنتتتي
رهـف أدتـهم ظهرهــآ ومشيـت بااتجـآه الباب وصوت امهـآ واصلـها : الله يحرق قلبك زي مااحرقت قلبــي _ اندفعت له ثاني واختــه مسكتها _
رهـف خرجت مشيت بااتجـآه الدرج وجلست على ثالث درجـه واصواتهم مـآزالت توصلـها
جلست في نفس المكـآن لما زوجوهـآ مـآلك , لما كانت منهـآره ومحد يسمعلها ,سندت راسـها على الحدايــد
خـآلد بعصبيـه : ايش هيا خلصت من هرجة الكلب اللي معاها جات تحط بلاها فياا
امها : لاتنكككر ياووســخ لاتنننكر
وديـآن تضغط على اياديــها بتوتر وعينها على خــآلد وكيف يتكلم بكل قوه
خـآلد : أقـــوووول لاتحطي غلط بنتك علينا جات تباكي تعطفي عليـها قامت ألفت هرجه من راسـها
سالم : خااالد أههجد
خــآلد : لا ماحهجدد إنتا ترضى على نفسسك احد يتكلم عنك بدا الإسلوب لا وكمان ترفع يدها عليـآ انا محترمك لأنك اكبر مننني لكن مو معنـآته حرضى بدي الإهانه واسكت
ام رهف : ارفععع يدي عليك وادووس على راسك كمــآن
خالد اترفع صوتـه بشكل يفجــع : هييييي انتي ايش بكككك
ابو خـآلد : خاااالد اسسسكت _ طالع في ام رهف وقال بحده _ ألززززمي حدك وإنتي تتكلمي
رهــف بالخـآرج ماتحركت
تنزل دموعها بصمــت
تسمـــع
تسمـع باألم
ماحتبرر
عمها أتحرش فيــها , ومـآلك اغتصبها
جملتيـــن ماحتقــول زيـآده عليـها
وامها نطقتها بدآلــها
أم رهف : حدودي اعرفها مزبــوط ومحد حيجي يعلمني هيـآ , بنتي ماحتتتكذب
خـآلد : شكلك نسيتي الكلام اللي قلتيلنا عنها لو نسيتي لسى نقدر نذكرك فيــه
ام رهـف : كٌل شي قلته اول حرجع اتكلم فيــه لكن مو لك مو لوآحد نجس زيـــك _ صرخت على اختـه _ شيلي يدك عننني
اخت خالد مو قادره تسيب ام رهف : اتعوذي من الشيطـآن دا عمها , فكري شويـة بس قبل لاتتكلمي
سآلم : وطبــعا اثباتك كلام بنتــك !
ام رهـف : انا ماجيت اثبت لأحد انا ححااسب بنفسي
وقفــت بينهم وقالت بصوت مهزوز وهيا تقاطع خالتها : جوال خـآلد كلـه صور رهف , كآن يجمع صورها غصبا عنها
خالد طـآلع فيها مفجوع : قلتلك هيا كآنت ترسلي انتي مجنــونه كل يوم لكي كلام
وديـآن ماطالعت فيــه دموعها بعينها : رهف كآنت تبكي يوم زوآجي لأنه اتحرش فيـها لكن مافهمت ماعندي دليل على كلامي لكن دا كلام زوجها ليـآ , انا روحتلـه قبل لايتزوجها وقلتله انو رهف على علاقـه مع خـآلد _ نزلت دموعها _ شوفت الصور ولقيت محادثات مع وحده ربطت المواضيع في بعض ماتوقعت انهم اشخاص مختلفين ماتوقعت انو رهف موضوعها منتهي من زمــآآن وصوورها كلها قديمه لكن مازال محتفظ فيـها , ماكنت اتوقع اانها بتعاني وبيتحرش فيها غصبا ع
خــآلد اندفع لوديان ومسكككها من شعرها وهيا صرررخت : ااااسكتي يااكذااابـه
ســآلم اتددخل اصوات الكل اتعـــآلت في المكـآن
سـآلم دف خـآلد وام رهف جلست على الكنبــه تبكي بصووت عـآلي
ووديـآن انفعلت : إنتتتا الكككذاب , اعرفك من عييونك لما تكذب اذا همـآ مافهموك انا افهمك _ طالعت في ابو خـآلد _ حينكر ويطلع الكل مجـآنين وهوا الوحيـد الصادق
,
رهــف كل اللي فهمتــه إنو مآلك يتنـآقش مع وديـآن في موضوعهـآ .!!!
كدآ اكتفــت
ماهمها حاليا احد يصـدق ولا لأ
وقفت بصعوبـه
تضغط بيدها على الحديد وتطلع الدرج بخطوات ثقيــله
لحد ماوصلت لغرفتها
قفلت بالمفتـآح مره ومرتيــــن
الاضاءه جدآ خافتــه
جلست في الارض وسندت جسمـها على السرير
ودخلت في حـآلة صمــت أخرى ..
,.’
[ شقـه قصي ]

فتــح الباب ققصي ومـآلك دخــل , جلسـو في مكـآنهم المعتـآد
لكن النفــوس اتغيــرت
,
,
قصي يلف محفظتـه بين يده : بس انا اديت كلمـه لشادي والمفروض اسلم سليـم
مآلك باسلوب بـآرد: أنا قلت ماحتسملــه , مشكلتك مع شادي إنتا حلــها
قصي ضحــك , رمى المحظه على الطـآوله : حاول تقنعني لاتتكلم معايا بدا الإسلوب
مآلك : سليم لما عرفني عليـك قال حط المبلغ قدآمـه واديه طلباتك , وانا ماعندي مانع احط اي سعر لك
قصي : مسأله الفلوس تهمني اكيد لكن برضو عندي مبادئ يارٌجل
مآلك بتحقيـر : طريقــك الي يمشي فيه مالهم اي مبادئ لاتدخلنا في نقاش عقيم وانهي موضوع سليـم
قصي عينه مانزلت من على مـآلك
يحـآول يتمـآلك نفسـه
مـآلك من صغره مستــفز لما يتكلم
اتذكر كل مره كآن يبدأ مـآلك دا الإسلوب حسام على طول يبــكي , كآن حساس ويعــآند ومـآلك يعــآند بااسلوب باارد مايقدر يستحملــه
كلهم فيهم طبــع العنـآد
لكن وآحد ببروود
والـثاني جدآ حـآر
قصي : لما أقولك انا عندي مبادئ فلاتثني كلامي لو ترمي كٌل ثروتك قدآمي ماحرضى فيـها لحد ماتقنعني
مـآلك رفع حـآجبـه : حلللو يعني تبـآنآ ندخل في نقـآش انتا بغنى عنـه
قصي وقف : دام فيها نقاش دقيقه اجبلي شي اشربــه , تبى شي ؟
مـآلك ماعلق وقصي دخل المطبــخ وضحك فتح الثلاجـه وقال : كلب بارد
اخدلو مشــروب غـآزي وخرج ,جلس على الكنبــه , فتح العلبـه , شرب بطريقـه مزعجه وبعدها قال : هيا تقدر تبدأ
عدل نظـآرته :فراس ايش علاقتــه بدا كلو
لحظــة صمت من قصي وبعدها قال : ايش دخل فراس في موضوعنـآ !
مـآلك بتفاجئ مصطنـع : موإنتا تباني اقنعك ..! معنـآته خرج الموضوع عن مسأله الفلوس وانا محتـآج انك تقنعني بكدا موضوع بيدور حوليك ومو قادر افهمـه لسى
قصي : واضح إنك مستني الزلــه
مآلك : كل إللي ابا اعرفـه هدفك من دا كلـو , ايش مشكلتك مع عدنان , ايش دخل زوجـة فراس وفراس في عدنان
قصي مازال صامــت ومـآلك رجع اتكلم : عشان لاتظلـم سليـم كآن محتفظ بسـرك ومـآقال انو انتا بتساعده لأسباب شخصيـه إلا لما شككتـه بكلامي معـآك
قصي : أجل أحفـر جملــة " اسباب شخصيـه " في رآســك مزبــوط وحاول ماتتعدآها
مـآلك : سليم طلب مني اثق فيك لكن لازم اعرف ميـن إنتا عشان اعرف مع مين اتعـآمل
قصي : وماسئلت نفسـك في يوم سليــم مين ؟! مقتنع إنو صاحب أروان وماله اي هدف ثاني !
مآلك : ومين قـآلك ماعرف مين هوآ
قصي : انا مو عارف انتا لإيش تبا توصل
مـآلك : اسمعني مزبـوط , فراس بدون سبب راح اشتغل في مستشفى عدنان ! المشكله مو هنـآ المشكله انو زوجتـه عندها ملف في نفس المستشفى ومسويه عمليـه نقل كلى ! على اساس انها متبرعه ,الغريب في الموضوع انو فراس كل يوم يروح للدوآم بس محد يعرفه هنـآك وحضر بزبـط ايام لاتعد على الاصابع , لو حتغاضى عن دا كلو امس ركب سيـآره اعطيت لشخص رقم اللوحـه وطلعت بااسم وآحد اسمـه _ رفع حاجبـه وقصي كمـل
: شادي
مـآلك : وكلنـآ نعرف مين شآدي ماتوقع احتاج دليل عشان اثبت كلآمي
قصي : طيب ؟
مـآلك : سؤالي لك حاليا علاقتك مع فراس على ايش مبنيـه ؟
قصي : تتوقع اني بتجسس عليـه عشان اوصلهم؟
مـآلك: دا اللي خطر في بـآلي
قصي بجديـه : إنتا تبا تسجن خآلك؟
مآلك : طبعا , واعرف انو عندك دليل
قصي عقـد حوآجبـه : ماعندي اي دليل!
مآلك : بس انتا قلت لسليم انك صورت مكـآن تجمعهم وكآن فيه
قصي قاطعه : مافي شي يدين عدنـآن , رجآله اقدر اسجنهم اليوم قبل بكرا لكن عدنان حيخرج منها
مآلك : احتاج اشوف المقاطعع
قصي رفع حوآجبـه بنفي : قولي اول ميــن سليـم
مآلك :ماحيهمك
قصي: التفاصيل كلها تهمني
مآلك : بحاول اسئلك من اول وبتنهي كلامي قبل لاتجـآوب
قصي : إحنا الإثنين بيننا سليــم وكلنـآ واثقين فيــه لكن أنا إيش يضمنلي علاقتك مع خآلك مو مجرد مشآكل عائليـه وحتنتهي في أي لحظـه
مآلك : عدنآن قتـل أم اروان وقـتل صاحبي واهلـه , علاقتي فيـه ماحتنتهي إلا بسجنــه
قصي :أمس اتكلمت بشك اليوم بتتكلم وانتا متأكد ايش اللي غير كلامك !
مـآلك : وميـن تتوقع سليـم ؟
قصي دقات قلبــه اتسـآرعت كآن يبا مـآلك يجـآوب لكن قال : حنرجع نعيــد كل كلامنــآ من البدايــه , سليــم ماحتسلمــه
قصي مازال سؤال مـآلك " مين سليــم "
يتعـآد وسط راسـه , كآن متأكد إنو وراه قصـه غير موضوع اروان
موضوع فراس وحاليا سليــم خلى قصي يتنـآزل بسـهوله : ماحسلمــه لكن حتقـولي كل شي تعـرفه
مآلك: حقولك إللي تبـآه لكن حينتهي كل دا بسجنــه
قصي : أكيــد
مآلك : روح حاليا صرف شآدي واعتبر موضوع عدنان كآمل بكرا عندك
قصي حرك راسـه , مو عـآرف ليش ماأصر يعـرف دحيـن
نفســه ضاااقت , مآلك وقــف
قصي : خلي فراس في حــآله
مـآلك : ليش !
قصي : بكرا نتفـآهم ..
كآن محتـآج يفكر في موضوع فراس قبل لايتكلم عنــه
مآلك خــرج , وقصي مـآزال جالس
نص سـآعه وخرج من البيـت , اتـوجه للكـآفي ,
صبـآ ومنـآل ينظفو المكـآن عشان يقفلـو الكآفي , دخل ماتكلم مع احد , واضح عنده هرجه لكن متردد يقولها
يروح ويجي
يحووس ويمسك اي شي لحد ماوقف عند منـآل ,وقال بتردد
: منـآل
نفسها تبتسم بكل مره ينطق اسمها لكن حاولت تتمـآسك بملامح الناس المشغولـه وردت :نعم ؟
: تقدري بعد ماتخلصي تجي للحديقـه
: ليش ؟
بتردد : ابا اجلس معاكي
ارتبــكت , كآن مختفي طول يومـه اتوقعت ححينتهي يومها بدون ماتشوفــه , حركت راسها باايجاب : طيب بس ماحطول
: طيب
وخـــرج من الكـآفي , غريب اليـوم .. خلصت هيا وصبـآ , قفلـو الكآفي
صبا اتوجهت للعمـآره , ومنـآل للحديقـه
دخلت للحديقــه ماكان فيها احد , مشيت بااتجـآه الشجرتيــن وشافتـه جالس في الكرسي اللي بينـهم
ابتسمت : أحب دا المكـآن

,
صبا فتحت باب الشقــه , دخلت وشـآفت فراس مجهزلها الأكل ومولـع شمعتيــن على الطـآوله
الأكل بكراتيــنه مافي شي منسـق لكن حـآول برضو يكون لطيـف رفع يده وكأنه مسوي مجهود جبـآر : ايش رااايك
واكيـآس الأكل في الارض جمب الطـآوله .!
قربت منـه وضحكت : وااو حبيبي
حضنها : وحشتيني
: وإنتا كمـآن
فراس :كنت حجي اقروشك في الكآفي بس اتوقعت انك _ اتذكر وفي نص كلامـه مسك يدها _ تعااالي شوفـي ايش سويت
سحبها للمطبــخ فتح الثلاجــه : ايش رايك فيا ونا اقضي وارتب بنفس الوقت
صبا : هههههههههه حركات نفس ترتيبي
فراس رفع صباعه ولسى يبا يبهرها : مو بس هنـآ , شووفي
فتح دواليب المطبــخ وكل شي مرتب
قبل لاتكون معـآه في البيت كآن يرمي بعشوائيــه فوق بععض الدواليب كلها فاضيه ودولابين مليانه كل العففش
صبا بفخـر : ههههههههه تعال تعال تستـآهل بوســه
باستـه في خده واتكلمت بزعـل : ترا انا جيت وكنت حتضارب معـآك بس
مسك ذقنها وقاطعها : عـآرف انك زعلانـه عشان كدا بحاول اراضيـكي ....لاتفكري بشي
صبا : مو عاجبني وضعك مع قصي بحاول ماتدخل لكن اليوم زاد الوضـع
فراس : صدقيني مافي شي تخـآفي منـه , قصي طيب
صبا : بس شغلو مو طيب يافراس
فراس : حآخد مصلحتي منـه , ماحيضرني
صبا : ايش هيـآ مصلحتك
فراس مسك يدها ومشي : تعالي نآكل دحيـن
صبا مشيت بسبب حركتـه : لاحظ انك مابتعلق على كلامي
فراس : جوي اليوم روقان ورومنسيـه كوني قد جوي ولا حروح انام
صبا : ههههههههههه تهددني انتا
جلسو وفراس : إيوا ياقلبي اعتبريه تهديد وحاولي تكوني لطيفـه لأنه مشاعري دي الفتره تحتاج ترميم
صبا : هههههههه ترميم !!! بحاول اتعاطف لكن الجملـه ابدآ ماتساعد
فراس لانت ملامحـه بقلة صبـر وقبل لايتكلم ضحكت وقالت بتراجع : اسفه اسفه هههههههه ححاول _ بااستهزاء _ أرمم مشاعرك انا خبره بدي المواضيــع
فراس نفخ على الشمعه : اساسا انتي وحده مو حق دلــع
صبا مدت يدها بااتجـآه الشمعه الثانيـه قبل لايطفيـها : ههههههههه والله خلاص خلاص

,.
في سيـآرة مآلك ..]
مـآلك قفـل من وديـآن ونفسيته اكتئبت زيـآده
قالتله رهف حالتها تحزن , محد كآن مصدقها , كلهم هاجموها , لو ماتكلمت انا ماكان احد عبرها
أتوقع انو رهـف حترتآح شويه لو اخذو حقها من خآلد
لكن فهم من وديآن انها ماجلست بمجرد دخول امها هيا راحت وماشافوها بعد كدآ
سليــم اتهجم على خآلد وضـربه
ابوهم تعب
الوضــع كآن سيئ لكن رهف ماكانت موجوده ..
اتصـآلها حطمـه زيآده , مرر يده على عينه بتعب
فتح الباب سليـم ودخل ..كالعاده مرتبك , خايــف
مآلك : انتا تعرف قصي اكثر منـي لو اتكلمت معاه بالتفاصيـل حندم ؟
سليـم : أهم شي ماتقولو انا ميـن لكن الآدمي دا مجنـون معلومـه وحده تديـه هيا يجبلك اضعافها , قٌلتلك انا بعد تصويره لشـآدي ورجآله ضمنتـه وعرفت محد حيقدر يجيب حقي غيره
مآلك : بس انتا لدحين مو عآرف ليش هوا بيسوي دا كلو
سليـم : ايش حيفرق دام حيديني اللي اباه , يامالك انا تعبت ووصلت لمرحلة دام ضامن دا الشخص 80 % فحاجازف واثق فيـه
مآلك حرك راسـه
وسليـم رجع كمل : اساسا دا الطريـق ماحتلقى فيـه شخص تثق فيه كليآ حط دا الشي في بآلك
مآلك اقتنــع لأنـه مافي شخص بحياته يثق فيه اصلا ...

,

السـآعه 12 الليـــل , جلست على الكرسي , اضاءه خافته من الإنارات البعيـده
هوى خفــيف
هدوء
:ماقلتيلي كيف دوآمك في الجامعه
تلعب بالخاتم اللي في صباعها وتتكلم : تمام ماشوفت نهى , وياسر سوى نفسه مو شايفني
: كويس
منال : فيه شي ؟
قصي : إنتي عارفه اني اثق فيكي صح ؟
منال حركت راسها باايجـآب وتوتـر
قصي يطـآلع في ملامح وجهها , بسبب قلة نومــه بسبب ارهـآقه وسهره ليوميـن متواصلـه
مافي شي جوتــه يمنعه او يشجعه
مُسيــر حآليـآ بمشاعره فقـط
الشي اللي يحسـه حيسويـه , الشي اللي يبا يقولــه حيقولـه
: اليوم قابلت وآحد يعرفني , ماعرفني لكن أتكلم معايا عن حسآم _ رفع اكتـآفه بعدم استيعاب _ صدمني لأني مآزلت في بآله
منـآل : كآن يعرفك لفتره طويله؟
حسام : عشنا في بيت وآحد 7 او 8 شهور لكن كنا طول الوقت مع بعض
منـآل : انتا من النـآس اللي لو أحد شافك مايقدر ينساك
حسام رفع حاجبه المشطوب وهيا انحرجت : اقصــد تأثيرك قوي , يعني شخصيتك وانتا صغير ماتتنسي
حسام : ودحيـن ؟!
منال انحرجت زيـآده رجعت شعرها ورا اذنها : كمل كلامك
حسام ضحك : خلصت انتي جاوبيني
منال مازالت تستهبل : ليش ماجيت الكآفي
حسآم : جاوبيني
منـآل : ههههههه ايش تبا
حسام مستمتــع بخجلـها, مبتسم من قلبــه ويتأمل تعابيرها : اباكي تجاوبيني
منآل : حاليا عادي
حسام : هههههههههههههههههههه
ضحك من قلبببه وكأنها كذابــه
منال بنرفزه واضحه : ايش بك !
حسام : ولاشي , عشان اكون صريــح معاكي انتي صدمتي الأولى ومستحيل احد يقدر ينافسك
ابتسمت : من اي ناحيه
حسام: إنك عرفتيني !!
منال : ههههههه ماما وبابا ينفجعو ترى من ذاكرتي انا مستحيل انسى مواقف كثير احكيهم عنها مايتذكروها لكن انا متأكده منها ومتذكررتها مزبوط
حسام : برضو الموقف يهون جمب شخص كآن صغير وكبــر وعرفتيه
منال بااسلوب تخويـف : انتبه مني
حسام : ههههههههه مو لايق
منـآل ضحكت لعبت بااصابعها بتوتر , عينه جات على يدها لفتـه الخاتم , مو عوايدها تلبس شي بيدها ولا اساور : حلو الخـآتم
مررت يدها عليـه ورفعت عدسة عينها على قصي : لما رجعت من الجامعه فتحت شنطتي لقيت وسطها علبـه صغيره فيها الخاتم وورقه مكتوب فيها انا اسف _ رفعت يدها وهيا تتامل الخاتم_ عجبني شكل الخاتم
دايما يفكر كثيــر قبل لايمســك يدها
لكن حاليا مد يدو بااتجـه يدها المرفوعه ومســكها
طالعت فيه مفجوعه وقصي سحب الخاتم وفي نص صباعها " ثنت " صباعها عشان لايخرج الخاتم : ايشش بك
: أرفعي صباعك
حركت راسها بنفي : مابى _ حاولت تسحب يدها منـه بس ماسكها بقوه _ قصي سيبني
بصوت هادي وجديــــه : ارفعي صبـآعك
عينها بعيـــنه , تبا تشوف نهايته
رفعت صباعها وسحب الخــآتم وفجأه رممآه بكل قوتــه
طالعت بصدمــه فيه وهوا وقــف وقال : راجع البيـــت
مشي خطوه خطوتيــن ثلاثــه واربعــه
ووقفت منـآل وقالت بعدم استيعاب : انتااا ايش بـــك
كآآآن مستنيـــها تعلق
دار جسمممه وجا بخطوات سريعه اتجاهها رفعت اكتافها مع الفجعه : انتـــي اللي ايش تبـــي , كل ماشوفتيني تعكريلي اوووم مزآجي بكلامك
قالت بصوت خـآفت :ماسويتلك شي !
رفع حآجبــه وقال بنرفزززه واضحه : منننال لاتستهبلي لاتستهبلي يامنننال
دقات قلبها اتسـآرعت بجنون
مـآزالت تستفزه مازالت تعلق بااسلوب هـآدي : ليش رميت الخـآتم
مشي 3خطوات وهوا يحاول يتمـآلك نفسـه ورجع وقف تــآني قدامهـآ وأشر على راســه : اناا وآآحد مجنون أرتحتي
كآنت خــآيفه منــه لكن اسلوبها الهادي مايعكس ابدآ خوفها : وانا ابا الخـآتم
لحظـــه صمـت بينهم ومشي من قدآمها وبدأ يدور على الخــآتم
حــآقد
حــآقد
حيديــها الشي اللي تبــآه لكن ماحتمر دي اللحظــه بسهولــه
اتوجه بااتجـآه المراجيــح ,لما رمى سمع صوت ارتطـآم بحديده
3 دقــآيق ولقى الخــآتم وجا بااتجــآهها
معععععصب
شكلــه يفجع
مااتتمنـآه يوصل
لكن مازالت ثابتـه في مكـآنها
فجاه سحب يدها بعنف وحط الخـآتم بكفــها وقبل لايتكلم , سحبت كفـها منــه ,ورمت الخاتم على العشب قالت بااسلوب مازال هادي : أطلب مني وماحتخسـر شي
لحظــه ذهول من ردة فعلــها
ماعلــق
ملامحـه بتليــن وتخف العصبيـه
لحظـة صمت اخرى لكن مو حاسي ن فيــها
دقـآت قلبـهم هيا السريــعه , نظراتهم تعبر عن الحوارات الداخليـه
حسـآم : ماعرف اطلب بس لاتخليني اشوفهم حوليكي ..

نهــآية الفصــل ..]