الذهبي: تفوق الغرب على العرب في القراءة والمطالعة

المشاركة الأصلية كتبت بواسطة بَحر

اكثر رد اسعدني بجد
حبيت طريقه النقاش جدا وتوضيح الأفكار
بالنسبه النقطه اللي انا تعايشت في الغرب ولا لأ
انا معشتش هناك بس في احصائيات كتيره بتتكلم عن الموضوع ده
انا بالنسبه لأسعار الكتب
ده مش سبب
انا بتابع صفحات على الفيس بوك بتبيع الكتب بسعر رخيص جدا جدا
ممكن في العرض الكتاب ب 12 جنيه
تمن بسيط اوي اوي
وفي كمان حاجه انا بعملها انا واصحابي
لما يبقى مثلا الكتاب غالي ب 100 جنيه بنشترك كلنا ونجيبه مع بعض وبنقرأه
لو الواحد اشترى كتاب واحد في الشهر حوش من مصروفه هيجيب
مش سبب حقيقي
اما بالنسبه للاهل ف مش كل العائلات
ماما دايما تقولي ثقفي نفسك واقرأي وخلي عقلك يكبر
ف برضه مش كل العائلات ذي بعض
شكرا لردك

المشاركة الأصلية كتبت بواسطة z a i n a b

السلام عليكم ورحمة الله
كيف حالك ياجا ؟
إن شاء الله
تكونين بأتم الصحة والعافية
موضوع جميل ويستحق المناقشة
بالنسبة لما ذكرته عن حب المطالعة في الغرب فأنا أتفق مع بحر في رأيها هل بنيت فكرتك عنهم من المسلسلات أو الواقع لان الواقع يختلف عن المسلسلات
لا يمكنني إنكار أن نظام المدارس هناك أحسن من عندنا فهناك الأطفال فعلا يدرسون ويقومون بنشاطات ينمي مواهبهم على خلاف ثقافتنا وقت الدراسة والمدرسة كما قالت بحر فقط للكتب المنهجية حتى يحصل الطالب العلامات العالية وهذا طبعا في الحالة المثالية فاليوم معظم الاطفال والطلاب كل وقتهم على أجهزتهم الألكترونية حتى الكتب المنهجية مهملة
الدور الأكبر يقع على عاتق الوالدين لجعل القراءة روتين للطفل "فتعلم في الصغر كالنقش على الحجر"
الأمر المضحك أني من محبي الكتب لكن دائما ما أتكاسل عن القراءة لأن لم أجعله جزءا من روتيني تصوري أشتريت مجموعة من الكتب في2019 ولحد الان لم أنهي قرائتهم
وذكرت بحر نقطة مهمة وهو المال فعلا شراء الكتب ليست من أولوياتنا
والدي كان في شبابه يصرف كل مصروفه على شراء الكتب ولحد اليوم محتفظ بهم برغم أنه لم يعد يقرأ الكتب
بعض من كتبه لون أوراقه شبه بنية

أصبت كبد الحقيقة فعلا الناس هذه الأيام تعيش في غفلة كبيرة وتفتخر بذلك
بالنسبة إلي فأنني أرى أن العرب يقرئون أكثر من غيرهم فمثلا في بلد متعدد القوميات كالعراق
وجدت أن العرب يقرئون أكثر مقارنة بغيرهم
المطالعة يجعلك تعيش التجربة بدون ما تخوضه
أذكر قبل فترة أخبرتني صديقتي أنها بدأت بالمطالعة فكتشفت أن المشاكل التي واجهتها كان سيسهل عليها حلها لو كانت تطالع من قبل
أكتشفت مؤخرا أن الأشخاص الذين يحبون المطالعة لهم حتى هنا بالمنتدى أسلوب مختلف ومميز في كتابة الردود
وفي الختام أحب أن أشكرك على الموضوع الجميل والمفيد
في أمان الله

اهلا زينب
اسعدني ردك فعلا
حلو اتفاقك مع بحر بس انا رديت على النقطتين دول قبل
وفعلا انا حتى نفسي بدأت أقرأ متأخر جدا
واكتشفت اني عملت حاجات لو كنت بقرا مكنتش عملتها
وغلطات وقعت فيها مكنتش هقع فيها لو كنت قرأت روايه مثلا بتتكلم عن نفس المشكله
في كتب كتير عن التنميه البشريه كانت هتفيدنا لو كنا قريناها بدري
حبيت نقاشك جدا
شكرا لردك

@Assassin queen;



السّلام عليكم و رحمة الله و بركاته
كيف أنتِ عزيزتي؟


أودّ البدء بعدم موافقة كلّيّة مع فحوى العنوان
بدأنا فورا بعدم الموافقة
حسنًا بجدّية...من يدري أحقًّا تفوّق الغرب كلّه بالقراءة؟ أم أنّها فكرة يتمّ إقناع العالم بها بشكل أو بآخر؟
بعض الشّعوب الغربيّة نعم, لكن ليس كلّ الغرب-و ليس على كلّ العرب.

أنا معكِ أنّ الغرب-بشكل عام-مدارسهم الابتدائيّة تشجّع الطّفل على القراءة بشكل ملموس,أكثر ممّا في المدارس العربيّة...
لكن في البيوت-مثلًا- من يستطيع التّأكّد أنّ الأسَر الغربيّة فعلًا تطبّق ما نسمعه,
بينما هنالك أمور مغَيّبة!

لكنّني أتّفق في كوننا كعرب مقصّرون-خاصّة كمسلمين
و أنّ هنالك تصعيبًا للوصول إلى الثّقافة الإسلاميّة الحَقّة, يحصل بطريقة ما عمومًا
-الثّقافة الإسلاميّة=ثقافة حياة بكافّة مجالاتها-
نعم... هنالك أخطاء.

كذلك يهمّني التّعليق على نقطة مهمّة جدًّا ذكرتِها...مادّة القراءة نفسها,
فحتّى عشّاق المطالَعة قد يقعون في شَرَك الاختيار الخاطئ...
تجدين الرّوايات الغربيّة المنتشرة-مثلا-باهِرة الغلاف و المحتوى, لكن لا بدّ أن يتسلّل السّمّ فيها بالدّسم كما يُقال.
أسمع عن روايات أجنبيّة إبداعيّة, لكن يجب أن تجدي فيها تلك الرّسائل التي تجعل الفساد مقبولًا
و الذي أراه أنّ هذا هو المنتشر, لا الكتب التّثقيفيّة.

ولعلّه هنا يأتي دور الكُتّاب, و هذا يذكّرني بكلام دار بيني و بين صديقة
عن كيفيّة توظيف التّراث في الرّوايات,
و عن كون الكتّاب الغرب يتفوّقون في هذه النّقطة على العرب
فلربّما لو أحسن الكتّاب العرب في استخدام تراثنا في كتبهم لاجتذبوا القارئ العربي أكثر,
ليس فقط في الرّوايات بل في شتّى المجالات.

عزيزتي...أرجو المعذرة إن سهوتُ عن أيّ نقطة
أحببت أن أتكلّم على راحتي و حسب
و قبل أن أمضي أودّ الإشادة بطريقة طرحكِ الجذّابة
خاصّة قد ذكرتِ عناوين كتب

دمتِ مفكِّرةً مبدعة
سلامي

@Assassin queen; السلام عليكم سراب عامله ايه؟!. سراب صح ولا انا غلطانه؟! ان شاء الله تكوني كويسه وبخير مبدائياً كدا عندي ليكي سؤال وهو : ينفع طفل صغير عاش واتربي لحد عمر مثلا 15 سنه علي ان اكل الحلويات بكميات كبيره من متع الحياه و الشكولاتات اساسيه في نظامنا الغذائي ، وهوووب بعد 15 سنه نمنعه عن العاده الصحيه الغلط دي و نقوله مره وحده لا ستوب انت بتتبع نظام غلط و بيدمر مناعتك؟! ينفع؟! مظنش .. ورد فعله هيكون حاجه من اتنين ملهمش تالت. الاول انه مش هيسمع و هيستمرر في الغلط. التاني انه ممكن يسمع لكلامك ومع الوقت هيستجيب شويه شويه و يبدا يغير من عادته. طيب ايه علاقه السؤال بالموضوع؟! علاقته تتلخص في جمله مشتقه من مثل مصري " إبنك على ما تربيه.." ملناش دعوه بباقي المثل مشكله كل الاجيال اللي طلعت و اللي هتطلع إنه الأهل نفسهم معندهمش الحرص او فكره ان أولادهم يقرأو ، وان لقيتي حد بيعلم لان طبعا زي ما قلتي مش كل الأهل واحد فالناس دي جزء بسيط اوي اوي من ملاييين كتيره ، الناس دي تتعد بارقام صغيره مقارنه بغيره. وانا هنا لا اقصد القراءه اللي منتشره حاليا من روايات فانتازيا و رعب والخ .. اقصد القراءه الدسمممه اللي فعلا فعلا تبني اجيال و مجتمع و تطلع لنا جيل راقي و مثقف و فاهم. لكن لو ضمينا الفئه اللي انتشرت حاليا من حب للقراءه في مجال الروايات اللي تخص المغامرات واللي تنزل مثلا علي المنتدي وغيرها فهم مجموعه كمان لا يستهان بها .. يب اعترف انه لسه في ناس وان اختلف التصنيف فهم يقراءون. اسباب انعدام الثقافه يا سراب مش بس في المطالعه والكتب ولكن في امور كتيره زي الاخلاق و غيرها ، الدنيا و الزمن و الامور كلها انعدمت وانخفضت عندنا كعرب نتيجه الموضه اللي تطلع كل شوي من افلام و اغاني فأصبح الوضع مختلف عن زمن فات. الاسباب صدقيني كتيره ولكن حلها في الاول و الاخر هو التعود ، التعود من الأهل او التعود من المجتمع من خلال المدارس و التعليم و هكذا .. الطفل لو تربي من الاول انه المطالعه شي مهم و بالغ الاهميه و قتها هنلاقي الاجيال اللي طالعه لا تترك الكتب و محبه لها مهما كانت الاسباب والامور اللي شقلبت الاحوال انا اشوف انه عندنا تطور جميل كعرب في تصنيفات وأنواع الروايات اللي انتشرت حاليا من حيث تنوعها و طريقه سردها و العرض ، اصبح عندنا مجموعه من المؤلفين والكُتاب المميزين اللي انتشرو حاليا .. مستواهم و افكارهم جذبو عدد كبير من الشباب انهم يرجعو للقراءه و يعيشو بين صفحاتها. لو جينا شوفنا الجهه دي وركزنا عليها حرفيا هتلاقي عددد مش قليل من الشباب مهتم بالقراءه و عنده ثقافه ولو كانت قليله لكنهم موجودين ، فينا كتير بيحاولو يستمرو علي المطالعه و خاصه من ذاق طعمها وحلاوة وجودها في الروتين اليومي .. مهما شغلتنا الحياه و اخدتنا في دوامتها بنحاول نرجع لها ونستمتع لاكبر عدد من الكتب اللي تنزل. القراءه هي حرفيا غذاء للروح و شخصيا متعلقه بيها بشكل كبير و لا أنكر اني باخد فترات طويله لا اقترب علي اي كتاب ولكن ان هفت الروح لها برجع. في جزء كتير من الشباب وان كانو لا يشترون الكتب فهم بيتابعو بي دي اف و بيستمتعو بالقراءه. معنديش وجهه نظر ازيدها في الموضوع الا دا واشوف الشباب فوق مشاركاتهم قالت جزء كبير من رائي فاوافقهم فيه طبعا.. وخاصه جزء انه الغرب مش متفوقين عننا و لا ايه حاجه بالعكس تماما ، تعرفي لو هنتكلم عن قبل كم سنه لما كنا متوهمين اننا اقل منهم كنت وافقتك، مجتمعهم كان بيدعي الفضيله و الاخلاق و الحريه والثقافه و هم عكس كدا تماما احنا كعرب ومسلمين اللي صدرنا لهم العلم و العلوم والثقافه مش العكس، هم مجتمع النادر فيهم انه تلاقي ثقافه وتعليم والاغلبيه للخمور و الفواحش. احنا تلاقي عندنا مهما زاد الفساد لكن عندنا نماذج بالاغلبيه تشرف و ناس قمه في العلم والأخلاق. ختاما شكرا لموضوعك الجميل سراب دمت في امان الله