M i r a i ™ مِيـرآي

بدايتنا كانت مع عيون العرب ، أصبحنا عائلة كبيرة متماسكة و شاءت الأقدار أن ننتقل إلى منزل جديد هو وندر لاند و كبرت عائلتنا أكثر ~ في رحلتنا لتكوين هذه العائلة كلٌ منا تعرف على عدد من الأعضاء و أسسنا عديد علاقات الصداقة و الأخوة عضو كنت تراه بصورة و عندما تعرفت عليه عن قرب أصبحت تراه بصورة مختلفة تماما ، حدثنا عنه و عن ما خلفه داخلك ~ - من أين أبدا؟! نبدأ بالشخصية اللي كانت اكتر تأثير من هذه الناحيه ، بالنسبه لي اكتر شخص جدياً من بعيد كنت اشوف مستحيل نتكلم في يوم من الايام او يكون بيننا سلام طول تواجدي بالمنتدي ، كنت اشوفه من بعيد شخص مش بيحب الكلام و شخصيه صعبه xD لذالك كانت صدمتي فيه لما تعرفت عليه تحت المجهر من قريب اني كنت 100٪ غلط في مره من حوالي 6 سنين رحت للينا " شيشيكو" اسألها عن شي يخص عيون قالت روحي له قلت لها لا والف لا اروح اتكلم معه ، هو صعب و مليش كلام معاه مينفعش روحي انت ، قعدت تمدح فيه جدا " و تسبه باسلوبها xD " ياخي وسام طلع شخص بسيط و لطيف و صاحب شخصيه مرحه و اكتر ما فيه انه يتعامل مع الأمور برحابه صدر ، صاحب صاحبه ، والأهم انه مدير رائع و صاحب مقالب من الطراز الاول " لن انسي لك لقب ضفدع صايع و شعشبونه ما حييت " والله يا وسام حقيقي انت شخص كفو ، وشاكره للايام انه تعرفت علي اخ رائع مثلك ، كلامنا قليل جدا ويكاد يكون منعدم و لكن يا صديقي لك بعض المواقف التي لا تنسى للأمانه يعني كل الشكر عليها. " باقه من الورود ". بدأنا بالثقيل ندخل علي الاثقل xD اسبادااااا ، الله علي اسبادا و صدمتي فيه كنت الأول اشوفه شخص قليييييييييييييييييييييل الكلام جدا و مش بيحب يتكلم ، لحد هنا عادي اللي مش عادي اني كنت بشوفه مبيحبش الناس معرفش ليه ، هو فعلا طلع هادي بطبعه بس كمان والله طلع مناقش سياسي من الدرجه الفخمه ، من حوالي سنتين او اكتر دخلنا بكذا نقاش جد استمتعت بالحوار معه ، يعرف يقنع الشخص و يوصل فكرته بطريقه ممتازه .. واو افتكرت انه اخر كلام معه كان من سنتين وشوي ، اتمنى تكون بأفضل حال اسبادا. ولا أنسى مسابقه عيون اللي دخلناها سوا و الله رغم طلوع الروح اللي كان فيها بس جدا استمتعنا بوجودك في الفريق ، و الذكريات معك ومعهم لا تنسى. ميس كنت اشوفها شخصيه صعبه جدا جدا و حد كدا منعزل و بشوفها مش بتدخل و لا مكونه اي صداقات الا قليل ، بعدين لما دخلت جروب ال عيون الأصلي تعرفت عليها شوي شوي ، صرراحه نسيت كيف و ليه و متى قوينا العلاقه بس ممنونه للأسباب انها عرفتني ع شخصيه مثلها، شخص حنون و صديقه وفيه ، وطيبه القلب و هي اكتر صفه لاحظتها فيها الفتره الاخيره ، بتسامح بطريقه هبله والله ، كوني بخير ميس و اشتقت لك وللكلام معك جدا سنو و فيو صح قلت لهم كتير دا بس ميمنعش نكرر لانها حقيقه ، كنت اشوفهم من الأشخاص اللي مستحيل نكون علاقه صداقه معهم ، شخصياتهم من بعيد تحمل الكبرياء و الغرور معا xD من قريب الله علي الفرفشه و الجمال لطيفين جدا و أصحاب مقالب رهيبين ، و جديا هم اتنين جميلين في تعاملهم و أصحاب لطاف و ه انه تعرفت عليهم ما اتوقع انه عندي طاقه اتكلم من الناحيه السلبيه للبعض و مفيش داعي و لذلك هكتفي بالجانب الجميل في الخمس أشخاص الرائعين دول .. اتمني لكم السعاده و الراحه في الداربن يا جماعه. الله يحفظكم و ييسر لكم اموركم لا تحكم علي الكتاب من عنوانه ، افتحه اولاً ثم لا تتردد في الحكم

المشاركة الأصلية كتبت بواسطة أم سامر واتساب

https://www.instagram.com/reel/cgild...d=ymmymta2m2y=

تذكرت موقف مشابه للي مر فيه هذا الشخص عيوني دمعت ع طول
قالت لي وقتها اني انانية واحب الخير لنفسي فقط
فالوقت يللي انا اتخليت فيه عن كل شي بس عشانها

العلاقة الوحيدة يلي م حزنت ولا ندمت ولا رح اندم بولا يوم اني انهيتها

ان الله يسقط من قلوبنا أشخاص حتي وان كان بدون سبب ، ليضع فيها من يستحق .. عوض الله جميل لا تحزني
كل إنسان ذاق مراره الكلمات للآخرين سيأتي عليه الدور ليذوق نفس الشيء .. الأيام دواره و كما تدين تدان صدقيني

@سورا;

ما ستجدونه هنا لا يمت للعقل بصله ، خرج من القلب دون أن يمر علي العقل ليأخذ الأذن منه. اسمي فايزه - عمري 25 سنه. عندي 3 اخوات - محمد 20 و حور 5 و اسراء 23 - حلمي من الطفوله كان اني اكون محاميه في المقام الاول و الخطه البديله كانت الهندسه او الطب ولكن مشيئه الله كانت اني اكون خريجه كليه الدراسات الإسلامية و الشرعيه تخصصيي اللغه العربيه جامعه الأزهر الشريف > الكليه غير مسؤؤله عن الاخطاء الاملائية اللي عندي من اكبر الأسرار في حياتي القليلين يعرفوها - امي واختي و صديقاتي ال3 فقط - انه في مرحله الثانويه اللي تحدد مستقبلنا رسبت في 9 مواد من اصل 16 ماده المضحك انه دي المواد انا جاوبت فيها كل الاسئله بس الفكره انه دفعتي حرفياً انظلمت و ناس متفوقه كتير احلامها ضاعت ، اتذكر مره استاذ الكيمياء قال لي هنشوف اسمك بيلمع وسط العلماء المصريين ، كنت اعشق الكيمياء و الرياضيات بس الحمد لله ما شاء الله كان. كنت الاولي 6 سنين علي التوالي في مرحله الابتدائي و الأولى و الثانيه في مراحل الإعدادي و الثانوي. من أصعب الموقف اللي مرت علي هو يوم النتيجه انا و صديقاتي كانت الصدمه قويه علينا لانه هم كمان رسبو في نفس عدد المواد ، وكان يوم صعب جدا ما بين صراخ لـ حالات إغماء .. علي مستوي مصر مكناش لوحدنا دفعتنا دخلت تاريخ الأزهر فإنها الأقل نجاح في تاريخه ، و اسمنا دفعه 28 ٪ نسبه لنسبه النجاح الـ٪ .. احلا حاجه انه الناس بتحترمنا من كثر الظلم اللي وقع علينا بمناسبه اننا نتكلم عن الماضي فـ طفولتي حاجه لا افتخر فيها بتاتاً ، اكرهها واكره ذكرياتها لأنها مليانه بعنف ونوع من القسوه و فقدان الحنان و الحرمان من وجود الوالد لغيابه الطويل لمده 12 سنه من عمري في الغربه و أشياء يشهد الله اني حاولت للمره المليون انها ما تمسس شخصيتي بضرر .. وفشلت. شخصيتي صعب احددها لأنها مرت بمراحل كتير : من عمر 5 سنين الي 12 سنه كنت نشيطه و متفوقه جدا في دراستي ، اي مجلس اقعد فيه اتكلم بطلقائيه و عقل رزين لا يمس لعمري باي صله ، كنت شغوفه بالكتابه و تأليف الشعر والروايات و كان عندي الموهبه لانه اخدت شهادتين بالمركز الاول على مستوى المحافظه سنتين علي التوالي في تأليف الشعر وطرق الالقاء ، و لكن مع المشاكل والتعقيدات بحياتي تركت الشغف لأهله. - من عمر 13 سنه للـ 21 تغيرت و لكن احتفظت بالعقل الرزين و الشخصيه الجديه اصبحت اكتر صرامه و الكلام الكثير اصبح قليل بالتدريج ، تعرضت لصدمتين خلال الفتره دي فوق صدمه حلم دراستي ، فقدت شخص عزيز عليا جدا في أحداث سيناء و رفح من كم سنه فاتو ، احتسبه عند الله بمنزله الشهداء. في نفس الفتره بدأت اشتغل و للان اشتغل ودا اشوفه انجاز جميل في حياتي ، اللي كانو في عمري وقتها يروحو و يخرجو و يتفسحو وانا كنت اقول وراي شغل و مسؤولية و دي حاجه ابدا ما تزعلني علي العكس افتخر فيها و هكمل فيها ، الشغل يصنع من البني آدم شخص يقدر يتحمل اي حاجه تخص المسؤولية. - من عمر 22 لـ 25 انا مش عارفه ممكن اوصفها ب ايه ولكن انا شخص قليل الكلام في أرض الواقع ، حتي مع المقربين حياتها واسراري مع العلاقات اللي كونتها علي المنتدى و خاصه شيشيكو حياتي وهبتها لها في الدنيا والآخره ، اعيش اليوم بيومه ، اتعلم من تجاربي و اخطائي ، ارتكب غلطات كتير و اتعلم ازاي مكررهاش ، لا اهتم ، لا اجادل ، لا اعاتب ، لا احب ، لا أكره. بس العصبيه و النرفزه والتفاهم تخطو الحدود ، علاقاتي شبه محدوده مع قليل من الناس اما في أرض الواقع فتحتاج لاعاده ضبط مصنع ، تحتاج ترتيب حرفياً.. فلذالك اقدر اقول شكرا لسوشيال ميديا. ترا الحياه مش بالصعوبه دي لانها أصعب و اقسي من كدا بامانه ، في كتير يتمنون نص حياتي ، اشوف تجارب أشخاص كتير اعرفهم و بحمد الله علي حياتي وعلي ما فيها وعلشان كدا لا اقدر ان اقول اني شخص مظلوم او ادعي الظلم ، بس احسني وصلت لليفل صعب و الطاقه عندي بدأت تنخفض و اللي اعرفه اني مبقيتش استحمل اي شخص بياجي على او ياذيني نفسياً و جسدياً ، أصبحت قاعدة عندي انه هتديني فعل هرد لك نفس الفعل و اضعافه بدون ذره ندم او إحساس تجاهك ، من وقت ما إتبعت النمط دا والله اختي نفسها اللي من نفس الدم تعاني مني و ما سلمت ، طاقتي في العطاء و الحب و الصبر نفذت و مش قادر ارجع لنفس النقطه اللي تغيرت عندها و أحاول أصلح او بمعنى تاني مش حابه اني أصلح ، قررت اعيش كدا و ما يتخلف من بواقي من العلاقات و الاشخاص هم اللي يستحقون محاولاتي. اكتر ما صادفني حلو في حياتي اني تعرفت علي منتدى عيون العرب اللي وهبني صداقات مهما كان تفاوتها في درجه الصداقه و المحبه الا اني اعتز فيها جدا كلها بدون استثناء ، ه اني قابلت و تعرفت و تكلمت و لو قليل مع شخصيات لها علاقه بالمنتدى سوا احياء او اموات .. الله يرحم الجميع برحمته الواسعه ما اعتقد اني اقدر أضيف اي نقاط تعرف شخصيتي اكتر من كدا و تمنيت اكتب مستقبلاً ايه ممكن اعمل او اخطط ل ايه ، بس حالياً لا اراء لمستقبلي اي خطوط او ملامح .. اتمناه يكون من الله و علي الله. احسني اول مره انبسط في الكلام و نشر الفضايح لو من سنه وشوي قلتو تكلمي عن نفسك والله أنحرج ، حالياً احس بعدم اللامبالاة و ما اهتم ، الفكره انه بحس بـ جمله" لست الوحيد المظلوم على هذا الكوكب يا رفيق" مع السلامة

سبحان الله

الحمد لله