M i r a i ™ مِيـرآي

في إبتلاء إسمه (عدم التوفيق).. إنك تبقى مش متوفق في حاجة محددة في حياتك برغم إنك سعيت وبذلت كل جهدك.

والحقيقه إن البلاء ده مبيبقاش في جانب واحد بس ده ممكن يكون في حاجه زي (عدم التوفيق في الشغل، عدم التوفيق في حياتك الشخصية، عدم التوفيق في الأصدقاء، عدم التوفيق في الزواج ، وغيرهم كتير).

والحقيقه إن ده ممكن ما يكونش ليه علاقة بإن ربنا راضي عنك ولا لا، انت ممكن تكون شخص قريب من ربنا و بتقرأ قرءان وسوي من جواك ولا بتأذي حد ولا بتحقد على حد ولا بتبص لحياة حد، هو الموضوع يبان مضحك بس قلبك بيوجعك لما تقعد مع نفسك كل يوم تراجع حياتك و تلاقي إنك ما عملتش حاجه تستاهل إن الحياة تظلمك في كل جوانبها بالشكل ده، بس مطالب بالسعي.

لم نحصد ما زرعنا من ود وحب لأن الأرض في الأساس كانت فاسدة لا تصلح من البداية ، إلا أننا حاولنا.

صباح الخير
امبارح في العيادة كنت مضطرة " تحت كلمه مضطرة 5 مليون خط " اني ادخل عمليه جراحة عيون كتمريض مع الدكتور ، الحمد لله والشكر طلعت بعد 4 دقايق من العملية وانا فاقدة الوعي.

بعد 7 سنين شغل وتعب اخيرا لقيت راحتي في شغلي الحالي " ملناش دعوة بالتدوينة اللي فوق " المهم انه بعد ما اخيرا ارتحت في مكان ، جات لنا ازمه بنج ضربت في البلد هتقفل كل عيادات الاسنان لمدة شهور .. وشي حلو عليهم

مساء الخير يا فاقد الشغف يا مُنعدم الأمل ، يا مُهتدي الفكر ، يا مُذبذب الثقه ، يا مُتردد. 🖤