الطريق طويل لاتهتم | Sugar's Galaxy

‏"كان ينقصني شخص يُشبه اندفاعي بالشعور وشغفي تجاه الأشياء التي أُحبّها، شخص يستحق مُبالغتي به." وكانت انت ! ~ جان .

‏ السَلامُ عليكُم ورحمة الله وبركاته اللللللللهههههههه!! وندر لاند! هل ممُكن شخص يمر بتقلبات لمُدة 6 شهُور ويضيع نفسه فيها ؟ هذا انا عندي كلااام كثييير أول شيء أحس إن وندر صاير نايم بشكل مُو طبيعي ابداً ثآني شيء أغلبكم مُغير إسمو لذلك أحس موعارفة احد وثالث شيء الطَقم صح أستخدمتو متأخر لكن شُكراً وبشدة جآنسو الطقم أحسه معبر جداً عن مُدونتي مرييت بلخبطة بحياتي بشكل مو طبيعي أحس كُنت ضايعة وحرفياً مشتتة من حالة وفاة لتقربي لبعض الأقارب لندمي على ذلك لحصولي على شغل لخروجي من الشغل لرجُوعي لشركتي القديمة بعيداً عن السيناريوهات اللي تحصل لي بين هالمواضيع الرئيسية .. كلها أفلااااااااااام خلال فترة بسيطة أعزآئي لكن ماعليكم مُقاومة ولازلت أقاوم بقلب شوية في وندر ، عندي فلسفة شديدة اليُوم آخر يوم ورح تنفصل بآقتي ، لو أتاخرت عليكم بالكثير بداية الشهر وانا عندكم رح أقلب بالمُنتدى بشوف ايش الجديد ، ولو ماانفصل نتي حرجع هنا

‏ السَلامُ عليكُم ورحمة الله وبركاته شُفت التدوينة اللي قبل دي بالضبط,, جآتني صدمة لما استوعبت إن 6 شهور أنسحبت لين 6 شهور ثانية ندمانة إني أحس نفسي جالسة اضيع على نفسي مُتعة كُنت أحبها .. كملت سنة موقفة أخذ كورسات كوري وإنقلش ولا كملت الإسباني .. كملت سنة ما استخدمت الفوتوشوب ولا حاجة .. كملت سنة وأنا بمكاني للأسف : ( على قد ماكُنت أنكر لكن للأسف هذا واقعي فعلاً !!! أنا واقفة في مكاني ياجماعة بقلب في وندر ، شكلو فيه أعضاء جُدد : ( بشوف ايش الجديد ، عندي لكم سواااليف لييين تتعبو طبعاً اليوم أنا قررت أتحرك وأسوي شيء في حياتي الناشفة الفاضية هذي.. خلوكم معايا باللهِ الجُدد بالله تعالو عرفوني علييييكم

‏ السَلامُ عليكُم ورحمة الله وبركاته كل مره أدخل وأنصدم ان اووه من زمان عن وندرلاند.. طبعاً أنا شخص احب الأجواء اللي يتخللها لابتوب وجلسة حلوه وكوب قهوة وهيكا مااعرف استخدم جوالي لهالحاجات أحس لااء فيه شيء غلط بس لابتوبي صارلو سنة انخرب وانا كل يوم اقول بكره وبكره وبكره أصلحو .. التغريدة اللي قبل السابقة زعلت من نفسي وانا اشوف اني سنة موقفة وسنة بدون انجازات .. دحين أحس فيه نقطة كبيرة في شخصيتي أتغيرت ومره مبســوطة منها صرت أشوف الإيجابيات كثييير .. بدل مااقول سنة ولا سنتين ماسويت ومافعلت .. خلوني أكلمكم عن إنجازاتي بعمر 23 سنة بفضل الله قبل كل حاجة ^^ - ركزت على دوامي بشكل جداً قوي وبعدت عن أغلب التسليات في الحياة بأمانة .. وها انا أحدثكم عن وحده صارت مُديرة منطقة لبراند مُعين ، نادراً جداً مدراء المناطق تكون أعمارهم صغيره وقليل جداً جداً البوزيشن هذا يكونوا سعوديين فجداً فخورة بالإنجاز هذا .. قبل ماأوصل لهالبوزيشن كُنت مديرة على 25 شخص ومسؤولة عن شخص شخص بدون أي مساعد وفخورة أشد الفخر إني عرفت أتعامل معاهم جميعاً بإختلاف شخصياتهم ومهاهم ومن أول شهر لين آخر شهر لي معاهم كانت الأرقام طالعة فوق في السما ، ومن يوم مامشيت ليومكم هذا الفرع طاح طيحة فظيعة مع إنه الرئيسي للبراند - قررت أحفظ قرآن حبة حبة وجالسة أحفظ على مهلي وبهدوء - صرت أكثر نضوجاً وصرت أتصرف بحكمة كثير .. مبسـوطـة من شخصيتي كثير .. - بطلت أننتقد وصرت أكتفي بالدعاء بالصلاح والهداية ، وهذا أكثر شيء مبســوطة منه لإني كُنت شخص إنتقادي مره كثير.. الحياة صارت مُريحة لما تشوف ولا حاجة مهمة غير نفسك heart1 - كُنت متمسكة بحاجة مبهدلتني لمدة 5 سنوات من حياتي ، أحب أقلكم من هذا المنبر إني فكيت نفسي بكامل قناعة ورضى -قفت تماماً أشوف أخبار ، غيرت المحتوى اللي اتابعو بالسوشال ميديا ، الدنيا معايا مره أتغيرت وصارت إيجابية أكثر وبرضة مبــسوطة من هالشيء - سجلت في نادي من فترة قريبة ومقررة أركز مره على صحتي وعلى كل حاجة تخليني أصير أحسن .. - كثفت قرآءة كُتب وصايرة مثقفة سُبحان الله عالم المنتديات والحاجات الحلوه هذي أحس فيه جُزء من قلبي يعشقهم جداً ، مااقدر ياجماعة أفتح لابتوبي وما أعدي وأتفرج.. كُنت حافظة مدوناتي ومنتدياتي السابقة اللي مااتت وصارت بدون إدارة وبدون أي حاجة ودحين بعد ماجيت أشيك جاني شعُور حُزن لما لقيتها أختفت من محركات البحث .. وكإننا ماكنا موجودين يا الله كمية الذكريات والحاجات الحلوة كانت والآن أختفت كإنها لم تحصل أبداً .. حابة أخذ فرة أشوف إيش الفعاليات مع إني شايفة الدنيا نايمة بس مو مهم ، مرتاحة مره بوجودي هنا وأتمنى نجلس هنا مانختفي heart1