مَيْل ~

‏"لا شيءَ يبدو بِمظهر لبقٍ سوىٰ صمت الإنسان ، يأتي بهيئة سكون بينما يحملُ في جوفِه عاصفة."

السلام عليكم دار قومٍ مؤمنين
صايرة مقبرة مو مدونة من كثر ماني هاجرتها
من زمان وانا اقول مدونتي مغبرة وانفضها يوم وانساها سنة
والله ما اعرف هي عودة ولالا بس اشتقت لووندر وجيت اتطمن بس

تخيلوا ان غداً الأحد الموافق 28 اغسطس 2022 راح تبتدي فيه الدراسة
وكطالبة بآخر سنة فأنا مابين مصدقة وغير مصدقة اني الحمدلله عديت هالسنوات
واقدر اقول اخر سنة دراسة بإذن الله -طبعاً بدون سنة الامتياز بعدها -
دعواتكم بالتوفيق لعلها تكون سنة يسيرة وحلوة بإذن الله

ودعواتكم لعودة قريبة ان شاء الله

واو
تغيرت اشياء كثير وعشت اشياء اكثر وجربت وتعلمت
وكل يوم كان يمر بدون احس وفجأة لقيتني اكبر
قبل فترة جتني لحظة ادراك اني ماعدت صغيرة
كانت لحظة حلوة وصعبة بنفس الوقت
بنشوف حياتنا من منظور مختلف كلياً ونتحمل مسؤوليات مختلفة كلياً
وحتى اهتماماتنا بتختلف اختلاف جذري
الحين لما يسمعني احد بيقول توك استوعبتي؟ بس صدق احس تو استوعبت!
اختلف كل شيء بعيني وحتى احلامي من لما كنت صغيرة
حطيتها بالركن لفترة طويلة وحالياً امر بصعوبات هائلة
لحتى ارجع لها شوي شوي واحققها شوي شوي.
للأسف ماعدنا صغار نقدر نركن اشيائنا جنب ونرجع لها بوقت ثاني
الآن ياتترك خلفك وماعاد ترجع، او تشيله معك وتتحمل مسؤوليته
حتى التمنى اني ارجع بالوقت شوي صار مضحك وسخيف ومطلوب جداً

كانت هنا إيف الكبيره