الطريق طويل لاتهتم | Sugar's Galaxy

المشاركة الأصلية كتبت بواسطة JANSO ___ إعتنوا بقلبي جيداً ! فنصفه هُنا مسااء الخير حآبة أتكلم عن لطيفتي جآنسو مع إني ما أؤمن بالصدف لكن اليَوم إللي تعرفنا فيه كان يَوم لطيف جداً بالنسبة لي محد وُجد بحياة الآخر عبث ، دايماً فيه حكمة ورا هالشيء كُنا شخصيات مجهولة على التويتر محد يعرف الثاني ابداً وموقف صار بغمضة عين خلانا نعرف بعض ودخلت وَندرلاند بسببها ترا هي خلتني أكتشف إن اعضاء عيون العرب نقلو العفش هنا أكتشفنا تشابه بالماضي والإهتمامات بطريقة غريبة لكن لطيفة جآنسو خلتني أعرف إن ممُكن مااكون بواقعك ، لكن أنا دايماً جنبك جآنسو علمتني إن إحنا مَوجودين لبعض ندعم بعض ، وياويلي لو مااكلت جآنسو علمتني إن الصُحبة ليست بالمُدة لكن أن تجيد الحضور .. جآنسو علمتني فيه أرواح بعيدة عنك مسافات لكن تخليك تحس وكإنها بجانبك وحمدُلله على الصداقات الحلوه اللي كِذا

مسااء الخير
العيد هذا أحسه مُختلف كثيير رُغم إن أغلب الناس موعاجبهم ..
لكن بالنسبة لي .. The best حرفياً أفضل عيد حيمر علي بحياتي
جهزنا أنا وصديقاتي فعاليات عالسناب كُل شيء بيكون لايف وكام..
أحب هالأجواء مع إني أتمناها عالواقع لكن لابأس كُله حلو
اليُوم جداً لطيف ، قررت إني لو أشوف وحده تكُون ناوية تخلي هاليوم بالذات عادي إني أصفقها
مو عادي .. ابداً .. (وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوب) هالآية أحسها تكفي ..
الواحد يقُوم يترتب ويتزبط ، مُجرد مايعمل كذا النفسية رح تتغير اساساً
بيدك تخلي اليَوم ممُيز وبيدك تخليه عادي
بالنسبة لي واللهِ مقررة أخليه مميز كثير أقل شيء أكُون ة وسعيدة ، مع إنهُ هالعيد وحيدة ترا!
بس برضو رح أنبسط كثيير ، لإني أنا لي رغبة بهالشيء .. وبيدي إنها تكُون لي الرغبة بالزعل وأتنكد وأقول
" مااتهنينا لابرمضان ولاعيد" ، "هذا مُو عيد" ، "على إيش أفرح والدنيا حظر؟"
شايفين هالناس ؟ نفسي أخذهم وأعمل فيهم كُل شيء مُو كويس
بالعكس أحس الحظر بزمن 2020 أحسن لو كان من قبل!!
حمدلله عندنا سوشال ميديا وأجهزة وتواصل ، لو شخص بالجُزء الآخر من الكرة الأرضية رح نقدر نكلمه
يعني الحياة حلوه واللهِ وسهالات لو إيش ماصار

كُل عام وإنتم بخير جميعاً

خليني أتكلم عن التقييمات
مافاتني ولاتقييم بس للأسف مالحقت أصور كُل شيء ..
خصوصاً تقييمات منتوهي اللطيفة شاركت وردت على حاجات كثير بسطت قلبي الله يسعدها

كم شخص قال لي إنتي سكر إللي بعيون للأسف لا ماكان إسمي سُكر..
وبعيون طال عُمركم آخر تسجيل دخول لي كان بـ2013 بس ترا ماقطعتكم كُنت مُتابعة من بعيد لبعيد
وبعد تعرفي على جآنسو قالت لي إن جيتو كلكم بوندرلاند وجيت معاكم
إسم فايروس يليق في كثيير
أماسيا اللطيفة مُرورك لطيف جداً رُغم كلماتك البسيطة لكن لامست قلبي والله وأسعدتني
وكُل الناس الحلوه إللي تمر ياحبذا تسوي إثبات تسجيل دخول ولا حنزعل من بعض
يَوم لطيف على الجميع بإذن الله
وكنت بحط هالتدوينة من الفجر بس المُنتدى كان مُعلق ، وحالياً مو راضي يقبل التنسيق ..
معسلامة

السَلامُ عليكُم ورحمةُ الله وبركاته كإنهُ من زمان عنكم ؟ يا الللههههه دخلت فريت بالأقسام أشوف إللي فاتني للأمانة أنصدمت شوي الجميع لهُ وحشة ، أشتقت لما افرفر بمدوناتكم وأتعرف عليكم منها شخص شخص حرفياً كُنت أفر بجميع المُدونات! معادا اللي صفحاتها فوق الـ100 هذي اقرأ آخر التدوينات بس أغلبكم مغير إسمه ، أسوي إسترجاع لكُم لما أفتح مدوناتكم تدروا ؟ حرفياً أحس نفسي أعرفكم كُلكم رُغم إني مااتواصل مع الجميع لكن من المُدونات تخليني أكُون مطلعة عالجميع برجع أفر عندكم ، عندي 3 صفحات ونص في القسم ماادري عن إيش صار في مدوناتها مدونتي بالصفحة 4 مُستوعبين ؟ رح آخذ فرة وأرجع هنا عندي فعاليات كثييير وحاجات صارت نفسي أتكلم عنها .. بالمُناسبة ترا أحبكم واللهِ لي عَودة

السَلامُ عليكُم ورحمةُ الله وبركاته الله عالفترة الأخيرة ، صارت حاجات كثييرة لدرجة إن ماادري أحكي عن إيش خليني أتكلم عن أول موضوع صار كان أول يوم يفتحو فيه السعُودية بعد العيد (8شوال) جآني يوم ياطويلين العُمر صحيت وأنا يلازمني شعُور غير مُريح تجاهلته وصحيت وخرجت برا البيت ورُحت أمشي في الأرجاء أغير جو فقط تعرفوا كان فيه شخص في حياتي الشخص هذا أُنثى لكن بتكلم عنها كمجهول . ، ماكان هالشخص مُفضل ولاقريب لقلبي ابداً ولاقِدرت أحبه ولاقدرت أتقبل أي شيء مُتأخر منه. كُنت في وسط قطعي للشارع ، رايحة للجُهة الثانية ويجيني إتصال من أخويا الفاضل كان مُحتواه كالآتي : - : وينك ؟ سُكر : برا - :طيب أسمعي فلانة توفت. سُكر : أ.... طوووووووووووط محد أعطاني مجال حتى اسأل عن شيء .. فكيت التُويتر دايركت وحطيت هالتغريدة : أتذكر شعُوري وأنا راجعة للبيت .. حسيت بضياع مو بسببه لكن بسببي .. هُو الوحيد إللي أثبت لِي إن صدق يبغى يعدل الأُمور بين الجميع ويبغانا نرجع نتجمع كُلنا زي زمان وأحسن !!! الوحيد إللي أثبت لي إنه خسرني لكن حاول يرجعني لهُ بشتى الطرق .. عرف إن مامني فايدة .. أنا كُنت رافضة القُرب من الجميع مو بس منه .. أنا كُنت موقادرة أتقبل قُربي من الجميع نهائياً ولا كُنت مستعدة أقرب منهم ومو ندمانة على هالشيء! محد يقدر يعتذر عن شعُوره ابداً ياجماعة ، الشعُور شعُور شيء مو بيدك .. مااقدر أجبر نفسي أحب أحد أو أتقبل أحد بعد ماخرج من قلبي ونفيته .. كُل شيء يجي من الله!!! مو زعلانة على شيء واحد .. إني ماجاملت وزيفت مشاعري .. حسيتني واضحة لأعلى درجة مع الجميع .. ماانسى روحتي للعزاء وأغلبهم يعطوني نظرة لوم إن "إنتي قاسية" و "إنتي مافيكِ خير" وإنتِ وإنتِ وإنتِ .. ما حسيت بولا 1% أذية من كلامهم للأسف ، حسيت إني مُتبلدة كثيير .. معقولة كلامهم القاسي ماوجعني؟ شعُور التبلد مااشوفه سيء بهالحاجات .. الله وحده يعلم عن إللي بقلبي وشعُوري .. الله وحده الشخص بعد مايمُوت مايبحث عن شخص يحس فيه ابداً ، ولاشخص يبادله الحُب مُتأخر ، ولاشخص يشوف محاسنه بعد مافارق هالحياة .. إللي يمُوت كُل إللي يبغاه هُو الدُعاء وأعمال الخير عشانه وللأسف إللي صار هُو الأول .. فجأة الكُل صار يحب ويدور ويبكي ويُغمى عليه!! بعض البشر أحسهم مُزيفين بشكل! رجع لي هالشعُور إني ما أحس بأمآن مع البشر الكُل جلس يلومني إني ماكُنت موجوده وماشفته وأنا السيئة .. طيب هالشخص لما كان تعبان ألتفت يمين ويسار وناظر وراه ماحصل ولا شخص معاه! الشخص هذا لما كان يبغاهم ماحصلهم! الشخص هذا لما كان مُوجود محد سأل عنه!!! برمضان ماانسى الكلام السيء إللي جآني من الجميييع ، ماانساه! يطلبو مني أسوي كُل شيء وأروح وأجي ، وهُم متكين في بيوتهم ؟؟؟ بس بعد ماصدمهم خبر الوفاة .. صارو يحبوه بعد مامات ، مستوعبين ؟ صارو يتذكرو كُل شيء كُويس بعد مامات .. إللي وجعلي قلبي حرفياً إن هالشخص كان ينتظر منهم هالشيء وهُو عايش ومالقاه ليش البشر دايماً متأخرين ؟ ليش رُغم معرفتهم إن الدُنيا مُؤقتة يضروا ببعض؟ ليش رُغم معرفتهم إن ممكن الدقيقة الجاية تكُون آخر دقيقة بحياتهم يجلسوا يحقدوا ويوزعوا شر على بعضهم ؟؟ وبعد مايفوت الفَوت ويمُوت أحد الأطراف ، فجأة يحبوه!! مححححد يبغى حُب متأأخخر!! مااقدر أقول إلا إني آسفة إني كُنت خيبة كبيرة بقلبك ، وآسفة إني ما كُنت من ناسك الصح ، وآسفة إني مااعتذرت عن أي شيء بدر مني . وآسفة إني كُنت ومازِلت باردة مع الجميع .. رُغم إن الإعتذار مارح يغير شيء ابداً .. لكن آسفة. أقدر أعطيكُم رسالة بسيطة بسبب هالمُوقف : مروا ولاتضروا .. خلو مُروركم بحياة غيركم بدون أي ضرر وأي شخص يمر هِنا : أدعولها بالرحمة ياجماعة الله يرحمها ويسكنها فسيح جناته فضفضة كانت بقلبي بس المُهم لاتنسوها من دعواتكم باللهِ لي عَودة

عُمركم مريتو بمرحلة إن تمروا بحاجات تعيشوها وإنتوا تعرفو بُكره بيختفي كُل شيء .. لكن عشتوا هالأيام ؟؟ أتظاهرتو بالقُوة وإنكم مقتنعين إن عادي عادي هالشيء بُكرة بيختفي خليني أعيشو اليوم .. وكملتو أيامكُم عايشين هالشيء .. لين جاء اليُوم المتوقع على حسب كلامكم وأختفى هالشيء .. هِنا بينكشف القِناع حق القُوة المُزيفة والقناعة المصطنعة والرضى الكذاب .. ،، ماادري أفكر بإيش .. لكِن إتمنيت وبشدة إن الحاجات الحُلوه بحياتي ماتبعد عني أبداً يمكن لإن أول مره بحياتي أمر بشيء حِلو مِتل هيك .. تمنيته يُدوم للأبد الأبدي .. بس نكذب على مين ؟ إحنا بالدُنيا ياجماعة مافيه شيء دايم للأبد هِنا للأسف .. بأي أحقية نُطالب بالأبدية والدُنيا بكبرها فانية اساساً !! يعني كيف تدُوم الحاجات اساساً ؟ بس أعرف شعُور .. هُو شعُور .. لكنهُ كبيير وثقيييل .. يوجع وكإنك حطيت ثُقل الكَون كُله على صدرك وكإن هالكُون يبغاك تنتهي خلاص لما تستوعب إن بنهاية المَطاف مافيه أي شيء تبغاه ضل معاك.. تحس مافي شيء عشته على هواك ، كُل شيء تختاره وتتمسك فيه تلقاه مشي عنك .. للأسف إن هالحاجات .. أشياء .. مواقف .. أشخاص .. إبتسامات .. ضحكاات .. مَشآعر حِلوة .. بس أقتنعت بحاجتين .. الأولى : (محد عارف الخير فين) .. (محد عارف بُكرة إيش بيصير) .. الثانية : إن لو هالشيء نصيبه معاكِ ؟ لو بينك وبينه بُعد المشرق والمغرب رح يجيكِ ولو هالشيء مُو نصيبك ؟ لو إنهُ قدام ثغرك واللهِ ماتاخذيه! .. وبس .. مُجرد حاجات ملخبطة جواتي خرجت بهالشكل