هذآ قڵبي ¬» ۈإڛئڵـہۧ ، ڪْم عذآ آ آب (نً) ٺحمڵـہۧ !؟

-







اليوم النفسية ف الخشم اللهم لك الحمد قوموني بطريقة بشعة !
طبغا الي خايف "شيخة" لانها جت قالت يلو ثبحيني "سبحيني"
صرخت قلت انقققققلعي ! وقسم بالله اتنرفزتتتتتتت ليتها قومتني بأدب !
لا جالسه فوق جسمي وتتحرك كذا وتقول حثان حثان "حصان، حصان"





وفوقها جت لورا بنت أختي وتقول عممممااه! كوكو "تبا الديك انا شدخلني تروح تتفاهم مع خويطر"
لا صدق صدق وفوقها امي جت ورشتني ماي عشان اقوم !!!!!!!!
ايشششششش فيييه! اجازتي بتخلصصصص بعد العيييد
وربي اني منفسه ينبانيانتانتثاقن ليه يعكروني

-
اللهم صل على محمد وعلى آله وصحبه أجمعين




.
.
#فضفضة
.
.
كان في عام 2018 بدايته طبعا اكتشفنا أن جدي يعاني
من كيس في البنكرياس . . وقتها تعالج ع طول ف الإمارات
والأمور الحمدلله سارت بشكل تمام . . بعدها فجأة
أعمامي قالوا بنروح نسوي فحص في الخارج إحتياطًا
مر شهرين وهو يتعالج هناك، لكن الصدمة يوم كلمتني بنت
عمي وتقول وهي تبكي يعالجوه كيماوي مب عالج بسيط
يعني موضوعه مرة خطير. . هنا تحطمنا كلنا وقلنا شكله النهايه
رجعوا الإمارات قالوا بما أن العلاج ف الامارات بيكون أحسن بدل هناك
يكون بين عايلته وحبايبه . . نروح نزوره يبتسم ويضحك ولا كان شئ فيه
اللهم بارك . . وفجأه يتعب ويتألم تم على هالحال لين 2019 شهر 10 تقريبا
دخل ف غيبوية . . .
هنا كلنا ندعي من قلببب أنه يقوم م قدرنا نروح له وهو بهالحال الوحيدين
الي هم شباب العايله كانوا يوميا حرفيًا يوميا يروحون عنده ويسولفون
كان يسمع لكن م يقدر يتكلم ولا يفتح عينه ولا يحرك بس يحس.
وفي يوم 2019\12\7 توقف القلب عن النبض حاولوا ينعشوه لكن مافي فايدة
وقتها قالوا البقاء لله.
دخلت عليّ أمي الساعة 10 الصبح تقومني قوووومي جدج مات
أنا تعرفون الي شو فيه ؟ تمزحين صح ؟
م ردت وراحت تميت جالسه اطالع الجدار اقول صدق ؟ مستحيل
الا اشوفها هي واختي يركضون بعبااياتهم لبيت جدتي.
هنا كانت بداية الصفعة بموت جدي!
قومت خواتي لبست شيخة جهزت أكلها تميت أنتظر لين اختي ترجع
من المدرسة عشان نروح لبيت جدتي . .
رحنا وليتني م رحت كان المنظر (مروع)!
بمعنى الكلمة أول مرة ادخل في حياتي كلها عزاء لأهلنا
كان أول فقيد لنا . . فكانت أول تجربه مؤلمة فعلًا
تمينا طوال اليوم بدون أكل والناس تعزي أنا بس أهدي بنات عمي
ولا نزلت مني ولا دمعة من الصدمة . . أوكي كنت متوقعه هالشئ
أنه بيموت الله يرحمه لكن مافي معرف احس بصدمة
عموما تمينا كذا لين م راحت الناس عماتي ف حالة لا يعلمها الا الله
ابوي وأعمامي دخلوا سلموا علينا وحضنونا ولله الحمد
وانفجروا يبكون مرة ثانية . . وانا للحين م بكيت رحت بعدها قبل
لا أنام اشوف الرسايل كلمت صديقة لي وقتها دمعت كم دمعه بعدها
توقفت الدموع وللحين م بكيت عليه الي بخاطري أني ابكي عليه
وهذي مب أول مرة هذي ثاني مرة تصير لي بموت جدي أبو أمي
م بكيت وبعد شهر دمعت كم دمعة . . الموضوع هنا أن أتمنى أبكي
لكن أنا من النوع الي م تطيح دموعه أبدًا حتى لو أحتجت أني أطيحها
فلله الحمد على كل شئ . . والبقاء لله وحده
.
.
#عن_الكتاب


عمتي الي كتبت الكتاب الي فوق كتبته عن جدي وكيف بداية المرض
والى مماته وعن كورونا، وتوه اصدرته قبل كم يوم و وزعته على العائلة فقط
يعني للحين م انتشر في النت ولا بتحصلونه الا بعدين xDD
فخورة بانها فضفضت لأن وجدي مريض كانت م تتطلع من بيتها أبدا
حرفيًا أقولها م تطلع!! ويوم مات طلعت لها حبوب من الحزن وحساسيه
وصارت ضعييفه يعني حالتها جدًا جججدًا تحزن ): والحمدلله!
.
.
وبس والله
الله يرحمك جدي

-





ي عبيطين أبتسموا xDDDDDDDDD

-


@لافش
شوفي تصريحات الي بيخلوني اكتب بمدوناتهم !!!








اوليفر ههههههه براحتك

سهيم ! ياختي ليه م تحبين أصفففرييي!!!!


تيفش سنكيوهه

-


نعسسآنة