• ~× فضفِـض ×~

المشاركة الأصلية كتبت بواسطة تورنيدو

بعالمك الواقعي عندك صديقات مقربين منك ؟
ولا تحبين تكون علاقاتك عادية .. وتنتهي وقت طلوعك من الجامعة ..
يهمك يكون لك صديقات بحياتك الواقعية .. ايش الأهمية اللي
تشوفينها بوجود صديقات بعالمك

لا، احب تكون سطحيه هنا ولا الواقع لكن عادي نتناقش نتكلم، صح عندي صديقه وحده نتقابل بالجامعه كل اسبوعين تلاته لكن ما اقدر اصنف انه لذاك القرب والحمدُ لله..
اول مره حسيت بالصداقه ع النت وفعلًا هي علاقة اعمق من الواقع لانه شخص يعرفك يحس فيك وانت مو قدام عينه فالي اعرفهم يكفوني عندي صديقتين هم الي مقربين مره والحمدُ لله

الاهميه كلنا نحتاج بشكل ما يا يوسف، بقلك ع نفسي مثلا تصير معي مواقف ومشاكل اوقات ما ارتاح احس اني سويت شي غلط فاكلم صحبتي هذي لانه هي تعرفني زي ما اعرف نفسي والحمدُ لله فتقلي هنا غلطتي هنا صح وهنا لمن الانسان يضيع يوسف صاحبه يمسك بده للطريق الصح سيبك من الي يوقفوا مع اصحابهم حتى وقت الغلط هذول اعداء صدق وما اكترهم

واللهم صل وسلم وبارك على محمد وال محمد ، غير انك تلقى شخص تشاركه تفاصيل سعادتك ويومك غير تلاقي شخص ما تستحي قدامه توريه ضعفك الاصحاب كذا المفروض يكونوا ومو شي سهل أبدآ.، فوق هذا حتى لو مر وقت ما تكلمتوا سُبحان الله نفس المودة نفس المحبه والاحترام

لا فين الحاجة، شوف في فرق بين انك تصادق عشان حاجة وانك صادقت بعفويه كذا من الله عارف، يعني انت لا شعوريًا صرت قريب من هالانسان، تحب وقتك معاه فعلا تثق فيه بعد الله، فعلا وفعلا بينما الي نيته انه بيقضي وقت باين يوسف المواقف قلت لك كتير المواقف فضيحة لكل شي، في ناس يبغو صداقه بس عشان يتفاخر وشفت كتير، وقتك الصعب ما تلاقي شخص واحد فيهم جمبك، كلنا ما نحب نبين ضعفنا وحزننا لكن صاحبك يجلس معاك ويوقف معاك مهما كان رايك يساعدك

لا بس ع النت
بعدين شوف العلاقات كلها كذا يوسف الله رزقنا فيها عشان تتسهل حياتنا والاخرة بعد، يعني اذا ضعنا عندنا اهل واصحاب ينبهونا وننبهم وانت عارف، اسمها مو حاجة اسمها واجبات وحقوق
الحاجه هذي مع الغربا يعني تحت مسمى الناس للناس ومافيه مشكله
لكن العيب الي يسوي صاحب عشان مصالحه اطلب مصالحك لكن لا تتقرب هذا الغلط

المشاركة الأصلية كتبت بواسطة تورنيدو

شخص ينصحني ويشردني ويوقف معي ..
بس انا كنت واقف مع نفسي طول ايام حياتي ..
ليه الاحين راح احتاج وانا اللي كنت ارفع نفسي
واحاول اكتشف الأشياء بنفسي .. مو دايما راح تكون العلاقات قوية ومستمرة
وعميقة .. لان بعض العلاقات مع الوقت تكون عادية ليه طيب اتعامل بمقربة وصدق وانا اعرف
انها تقضية وقت ومجاملات ليه راح احسس نفسي ان العلاقة مهمة ماراح يفرق الصديق عن صاحب المطعم اللي يعطني قائمة بالوجبات السريعة ويوريني الجديد منها وينصحني فيه..

الرسول عليه وآله الصلاة احسن البشر والله رزقه بصديق وهو ابو بكر الصديق رضي الله عنه وأرضاه،، ما اقول شرط اساسي يكون عندك صاحب لكن حلو انه يكون عندك انسان واحد سواء صاحب زوجة او حتى اخ اخت اي علاقة تلقى انسان يعرفك بعمق، بعدين كلامك ترى هذول الناس الي نقابلهم يوميًا نتعامل معاهم مهي صداقه ترى ولا اقدر اثق بناس اتعامل معهم بهالبساطه صراحه والانسان مهما راجع نفسه الا يجي اوقات يغلط بدون ما يحس اوقات عادي الغريب ينصحنا صح كلامك لكن الصديق ياخي تحس براحة واطمئنان، انت اذا خرجت من البيت ولا هنا مثلا بتعاملك تشغل وضعية الحذر والامان انا كذا لكن مع صاحبك ترتاح لانه صاحبك ما يحتاج تحذر منه

المشاركة الأصلية كتبت بواسطة تورنيدو

ليه ابذل مجهود واعطي كل جهودي ومصداقيتي لعلاقات عادية مو مقربة
اساسا ليه لازم ابني علاقة مقربة واللي عندهم اصدقاء ماينظرون لأصدقائهم بمقربة والخ ..
ليه انا الوحيد اللي يفكر بمصداقية وعلاقة وثيقة .. ليه .. الصداقة مثل الوجبات السريعة
ومثل الاشتهاء .. لمطعم تعرفينه من زمان .. عنده الساندويشتات اللي تحبينها وكمان
انتي متابعة لجديد وجباته واخر ابتكاراته .. انا اكمل صديق علشان هو يكملني ويخليني متساوي شعوريا
يعني شي مقابل شي ..

تدري مره تذكرني بنفسي القديمة سُبحان الله، لاني ما كنت اعرف وكان الكثير حولي وما اعرف. احس كذا انه نحن نسلك لبعض عشان كذا صرت بعيده ووحيده والحمدُ لله، بس الله رزقني وفهمت، كلامك هذا دليل انه ليومنا هذا ما التقيت انت بانسان تقدر تقول عنه صاحب
مافي انسان واحد بحياتك غير نفسك اعتمدت عليه وشفته كتف لك وضحكت معاه من قلبك

لكن الشي الي اقوله لك انه العلاقات فيها واجبات وحقوق واجبات عليك وحقوق لك عشان تعيش الحياه لكن العلاقات السامه الي تدمر نفسيتك تخليك فعلًا ما تصدق ولا تثق باحد الي تضعفك هي علاقات سامة تحتاج قطع

واخر شي قلت لك لا تخلط بين المصلحه وبين الواجب

المشاركة الأصلية كتبت بواسطة تورنيدو

يعني صديق لأوقات الحاجة
صديقتين بالافتراض ولا بالواقع

وطبعا ما بقلك روح دور ع صاحب لا تدور لانه هالشي يصير بعفويه سُبحان الرحمن الرحيم ، من الله
ودامك مرتاح كذا خلاص اذا مافي انسان تقدر تعتبره صديق احسن من انك تصادق ناس يتلاعبو ويشوهو بهالمسمى

انت زي اخويه ترى، ما عنده صاحب واحد، ولو سطحيًا ودايم يقلي احس ما احتاج والحمدُ لله، فيعني انا اكتر انسانه يعتبرني صاحبته ويقلي الي يحس فيه رغم انه كتوم بشكل ما تتصوره

عشان كذا اقلك اوقات من العايله مو شرط انسان غريب
انا امي للان اعز صديقه لي اعتبرها اختي وصاحبتي مره ما شاء الله فعادي اذا من اهلك واذا مافي خلاص انت وراحتك

واسفه كترت كلام