• ~× فضفِـض ×~

المشاركة الأصلية كتبت بواسطة تورنيدو

واحيانا الحاجة ترميك بكل ضعفك وألمك بكل معاناة مريت فيها بحياتك بكل نواقصك ..

مين راح يدري عن حقيقتك او راح يقدر جزء بسيط من احساسك محد .. محد موجود علشان يفهمك لأن وقت مايصير الحق على مشاعرك راح تشوفين مخالب تنخشك ...

انا معاك بكل كلمه قلتها لكن الفرق صدقني اذا كنا اصحاب انا اعطيك الي تحتاجه قبل حتى بدون ما تطلبه
ما عندك كذا انسان لا ترغم نفسك

صحبتي هذي ترى بعد صعوبات الله أعلم فيها بس صرنا كذا سنتين مشاكل مشاكل خلاص كنت كل مره اقول ما عاد نتكلم ولا عاد اصدق واثق ، لكن الله يعرف قلبها، دحين سته سنين او سبعه نحن صحبات ونضحك ع هواشاتنا رغم انها كانت الم ووجع بالنسبه لنا، اهلي يعرفوها واهلها يعرفوني وحده وحده من امها واخواتها واخوها الصغير كلهم يعرفوني ما شاء الله
نحن وصلنا لمرحله انه حتى تبرير لبعض ما نحتاج، عشان كذا اقلك يوسف هو مو سهل شي يصير غصب ومن الله
بس اهم شي اقدر اقوله لك مهما صار لا تحب لا تصادق قبل لا تثق
الاغلب ينجرحوا لانهم يثقو وهم لسا ما يعرفوا هالانسان عشان كذا ينصدمو ويتاذو
نحن الحمدُ لله عرفنا بعض فصفصنا بعض عشان كذا وصلنا هنا بعد فضل الله، العشره هي المهمه والمواقف

اسأل الله يبعد عنك كل شر ويقرب لك الخير والسعادة ويصرف عنك كل انسان نواياه خبيثه ومصلحجي وكل شخص يشوه سمعة العلاقات بعينك، والله صاحبك قبل الجميع وربك هذا اجمل شي كلنا الامور الي ما نقدر نقولها نحكيها لله رغم ان سُبحانه يعلم فينا أكتر مننا وقبلنا لكن هذي اكبر سعادة وراحه لانه الله الوحيد الي يعرفنا زي ما نحن فعلا بضعفنا وعيوبنا وكل شي والحمد لله

واعتذر طولت مره تانيه

المشاركة الأصلية كتبت بواسطة تورنيدو

ساره قدرت افهم كل كلامك .. بس .. مادري

انا برضو فهمتك بس صدق ما اقدر اقول شي لاني اتفهمك
كلنا نتكلم من الي شفتاه بحياتنا وحولنا نبني افكارنا ونفسنا فما الومك ولا اشوفك غلطان ،الله يسعدك

شفتاه هههههه خلاص تعبت لازم اكلج بكل جمله اليوم بالقروب نتناقش ع البحث يا لطيف بس اكلج بس اكلج واضحك ع نفسي والحمدُ لله

المشاركة الأصلية كتبت بواسطة تورنيدو

يعني اخوكِ قادر يعيش بدون اصدقاء وعادي .. يعني ماعنده اي صديق ..
ولا عنده تواصل مع احد

هو سُبحان الله انطوائي عادي في ناس كذا
اقلك الصدق حتى هالشي قلته لاخويه، انا اثق بالانطوائيين اكتر من اي احد تدري ليه؟
لانه مره صعب يدخلوا احد بحياتهم واذا دخلوا يشيلوه بعينهم
هم كذا يكونوا مخلصين للقليل الي بقلبهم
وترى صحباتي الاتنين انطوائيات برضو يعني انا صاحبتهم الوحيده ترى كذا ما يثقوا باحد بسهوله وما يحبو الزحمه

المشاركة الأصلية كتبت بواسطة تورنيدو

يعني اخوكِ عنده علاقات صداقة احد يعرفه بهذي الحياة
وقادر يتصل عليه او يراسله ..
ولا ما في احد ( هذا لي الوصف على فكرة )
......
خلاص انا اخذت ما يكفي سواء فيه او مافيه
انا طاب خاطري .. انا مستحيل .. سابع المستحيلات
اني اوثق علاقة او اروح لشخص واقول تحب نكون اصدقاء او ازيد باللطف او اهتم ..
خلاص ... جيم اوفر .. نهاية ..

ايوه اخويه كذا تمامًا حتى الي يوجعه مره يحبسه بقلبه ويحسبوه متبلد وكل شي بس هو مره مافي اطيب منه وحساس وحنون ما شاء الله

فعلا سوي الي يريحك وهذا حقك دام مافي احد حولك اهل لهالشي
العلاقات اذا كانت نقمه بدل ما تكون نعمه اتركها
معليه صدق مشاكل الحياة تكفي دام هم بيزيدوا الله معاهم