مَيْل ~

‎‏

‏ لا داعي لكل هذه الضجة، كل مافي الأمر أنني أصبحت لا أطيق هذه الأجواء ألا يمكنني الابتعاد والتنفس قليلاً؟ أم أن علي البقاء والاستماع للنفاق؟ ‏ ‎‏~ EVIE | إيـف ‎‏

‎‏

‏ اذا شفتوا أحد يحب التعب ويحب الراحة بنفس المقدار أكثر مني تعالوا قولوا لي واذا شفتوا أحد يأجل أعماله لآخر الوقت لا تنسون تقولوا لي واذا شفتوا أحد متناقض كثري تعالوا قولوا لي بعد لذلك إذا سويت شي قبل وقته فهذا يعتبر انجاز بحد ذاته ويستحق التقدير ‏ ‎‏~ EVIE | إيـف ‎‏

‎‏

‏ وأنا أكتب مقطعي المرعب من التحدي هنا، طبعاً اول مرة اكتب بذا التصنيف كتبته من اول يوم علشان ضغط الجامعة الـ**** -لا تاخذوا فكرة سيئة عني والله اني مؤدبة - عموماً خلصته ورحت قريته لأمي ولأخواتي، طبعاً لازم تعرفون نكهة التسليك عندنا عالية للأسف وخلال الوقت اللي كنت بقرأ فيه اختي سوت فينا حال مو طيب ياجماعة تشغل اوديو مرعب وتبدأ تمسكنا في الظلام فجأة وصارت جلسة الرعب مرعبة اكثر من مقطعي ‏ ‎‏~ EVIE | إيـف ‎‏

‎‏

‏ تدرون وش اكثر واجب كارهته ومو طايقته ولحد الحين مبتلشة فيه؟ واجب المستحضرات ماعليكم من اسم المادة، فكرة الواجب هي اني اجيب كريم أي كريم واكتب مكوناته اوقف هنا؟ طبعاً لا! نكتب المكونات ووظائفها اللي في الكريم نفسه، هي اساساً لها وظائف عديدة واللي علي اني احدد وش الوظيفة المحددة اللي بالكريم هذا -مدري اذا فهمتوا - بحثت عن كريم من النت مكوناته قليل وطبعاً معه صوره بالمكونات وكتبت مكوناته ووظائفها بس الله وكيلكم كلها خطأ ولا عارفة وين بالضبط انا مو مستوعبة المادة بكبرها شلون تبيني استوعب المكونات؟ ‏ ‎‏~ EVIE | إيـف ‎‏

‎‏

‏ تعبت وانا اوزع الدعوات والله لذلك اعتبروا هذي التدوينة دعوة عامة لكل من يشوفها نوركم يا مشعشعين هنا للبنات بس مدري عاد اذا عادي تردون ياعيال ولالا -اهم شيء الزيارة - بس البنات لازم اجباري الدخول والنظر والرد بعد https://woonder-land.com/vb/showthread.php?t=919 ‏ ‎‏~ EVIE | إيـف ‎‏