|
روايات الانمي_ روايات طويلة لجميع أنواع الروايات " الحصرية، العالمية، المنقولة والمقتبسة" |
![]() |
| أدوات الموضوع | انواع عرض الموضوع |
![]() |
#6 |
.The wise
SAGE
![]() |
STORY 4
(( مطعم الاكاتسوكي )) في يوم من الايام .. وانا نايم واحلم << طيب وبعدين !! .. احلم بعنز يطير وشجر يركض وبومه تسوق << طبعا حيواني المفضل البومه .. واشوف قدامي .. قوارير فيمتو داخل سيارة صفرا و ....... ... :- ديدارااااااااااااااااااااااااااااااااااااااااااااا اااااااااااااااااااااااااااااااااا انا ( اقوم متروع من النوم ) : ها مين ... وشو ... وش صاير ؟؟ اختي الصغيره : مابغيت تصحى ... اوف حشا سار لي ساعه انا ( عين مغمضه وعين مفتحه ) : وقوارير الفيمتو !! اختي : تو الناس على رمضان مافي قوارير فيتمو انتا بعد قوم ربعك كلهم في المجلس يتسنونك .. بل عليهم ماخلو لا قهوه ولا شاي ولا فطاير اكلو كل شي انا : ربعي !! وش جابهم اختي ( تـتأفف ومتخصره ) : وش دراني ربعي ولا ربعك !! يللا قوم قبل لا ياكلونا >> ملسونه طالعه على اخوها هههههه انزل واسحب رجولي للمجلس وامي من المطبخ تطالعني وتتأفف وتوريني قوارير العصير اللي خلصت من ربعي اللي ماشاء الله يستحون مره مايمدون ايدهم اذا انحط لهم شي .. ادخل عليهم وكل واحد معصب وعافس وجهه ومتحمسين انا : خير بسم الله وش فيكم كذا معصبين توبي : تعال اجلس اشوف انا : طيب لاتطقني .. (و جلست ) خير خرعتوني ايتاشي : احنا قررنا اننا نعقد اجتماع طاريء في منزلك انا ( معبس ) : ياسلام على القرارات اللي تسير في بيتي ومن وراي ساسوري : والله لو انه البيت الابيض .. ارحمنا بس انا : صدقني لو البيت الابيض طردوكم من زمان .. اخلصو علينا.. ليش الاجتماع ؟ ساسوري : ماتلاحظ بوس شاورما بدى يسحب علينا ويسافر .. طاجكستان وقندار وقلايع وادرين ... لاكلفنا بشغل ولا حتى عطانا رواتبنا انا : وش بتسوون يعني بتسوون مظاهره ولا بتحرقون انفسكم قدام بيته ؟؟؟ هيدين : لالا انت فاهم غلط خليني اشرح لك ساسوري : اسكت سار لي ساعه اتكلم والحين جاي بتسوي فيها يعني قائد توبي : لا لا انا بقوله جا دوري ماصارت ايتاشي : والله بيطلع الفجر وحنا مافهمنا الرجال وش نبي باين ( يخرج من صمته ويترك جواله اللي لاهي فيه مع اخبار برشلونه ) : احنا قررنا نتشغل طول الفتره اللي بيغيب فيها البوس انا : نشتغل ...؟؟ وش ناوين عليه ؟؟ نغني يعني ولا نبيع علك ؟ توبي : لالالا .. وش مشاريعك الفاشله هذي .. اسمع .. في يوم مفتوح بيسير بعد يومين في الحديقه العامه .. بيسير فيه بيع واكل وحركات انا : طيب ؟؟ ساسوري : واحنا ناوين نروح ان شاء الله انا : انا فلوس ماعندي .. وتوكم قايلين بوس شاورما مايعطينا قروشنا _ فلوسنا _ شيودينا ؟؟؟ ايتاشي : حنا مو رايحين نتفسح .. احنا بنتشغل هناك ونسوي بياعه ؟ انا : 0_0 هيدين : احنا بنشتري اكل وكل واحد يتفنن باللي يقدر عليه .. احسن من القعده كذا من غير شغل يعني عندك ايتاشي شاطر بالشوي وانا راح اهف الشوي وساسوري بيشتري كريسبي وبيقلي وتوبي شغال على الايس كريم باين : بيمسك السلاش وكونان : بتسوي السلطه و الخبر بيكون عليها وش رايك والله انها فكره خنفشاريه انا : ...تهف الشوي ؟! ياحبيبي تعبت نفسك مره شغلك يعور اليد صراحة .. ماشاء الله عليكم ( واصفق ) عليكم عقليه .. بعدين تعالو .. هالشغل يبي له فلوس ايتاشي : دبرنا ممولين لاتخاف .. وبنعطيهم فلوسهم انا : ومن ذولي اللي داعيه امهم عليهم يتعاملون معانا ساسوري : انا كلمت كاكاشي وايروكا وشيزوني وعطوني الفلوس بس ناقص نروح نشتري الاغراض توبي : ههههههههههههههههههه لايفوتك بس كاكاشي قص عليه بكلمتين وخذ الفلوس وايروكا طيب بزياده وصدقهم وشيزوني قام عطاها كلمتين حلوين وعطته الفلوس انا : طيب طيب ... انا وش مهمتي .. قرسون .؟؟؟ ايتاشي : تقريبا .. انا بتسوي لنا الدعايات بما انو انت انسان فاشل حتى بيض ماتعرف تسوي بتسير تفتر على العالم تعطيهم اعلانات عن البوفيه اللي بنسويه انا : لا والله يامنال العالم .... تبيني ادور زي الخبل اقول للعالم : تكفون تعالو اشترو من مطعمنا ساسوري : ايوه بالضبط .. وبعدين دورنا لك شي ثاني ماحصلنا .. واحمد ربك هذا اسهل شي انا ( بعد ماعاد لي اي حيله في الموضوع ) : امري لله ... والله انكم متهورين ... ماادري وش اخرتها افكاركم باين: خلاص من بكره نبدى نشتري الاغراض ونكون من العصر موجودين في الحديقه تم ياشباب الكل ماعداي طبعا : تممممممممممممممممممممممممم انا : الا صح ؟ وينها كونان بالله ؟؟ اختي ( تدخل علينا فجئه ) : صاحبتكم عندي قاعده تشوف ملابسي اللي في الدولاب ووعدتني تعطيني فستانها الاحمر .. مره فله هالبنوته انا ( وانا موصله معي !! ) : روحي ناديها لا فجر الدولاب على روسكم ********************** ماللذي سيحصل للشباب في هذا اليوم المفتوح ؟؟ تابعو الجزء الثاني من الحلقه الرابعه akatsuki boy |
![]() رحمتُك يا الله، وكلُّ لطفِك لروح أمِّي الطّاهرة. ![]() |
![]() |
#7 |
.The wise
SAGE
![]() |
وجا هاليوم المفتوح .. ملاحظه .. طول هاليومين وانا احلم بقوارير فيمتو جوا سيارة صفرا
صفرا...ماادري هو القلق ولا ايش الله اعلم المهم ... كل واحد استعد لمهمته ايتاشي طبعا هوايه عنده الشوي فما يحتاج وساسوري حرق يده من كثر مايتدرب على القلي في البيت وهايدن ... ماشاء الله ماشاء الله لان شغلته متعبه .. ظل نايم وهو واثق بنفسه _ ذكرنا في البارت ان هو راح يهف الشوي _ وهلم جرا .. وصلنا للمكان المطلوب .. الحريم مبسطات والاولاد يلعبون .. والله جاتني دفعه قويه اني اشتغل _ يعني بدت تدخل سالفه البوفيه براسي _ وطبعا في منافسين غيرنا الكل يجتهد علشان يروج لبضاعته .. يعني السالفه فيها منافسه ومن سبق لبق *_* .. ايتاشي ( واحنا نضبط الاغراض ) : ماوصيكم يالربع .. هالله هالله بالشغل الزين .. لانريد تقاعسا وان شاء الله يجب الله المطر ساسوري ( يطالع يمين وشمال) : الله يالبنات ... شف شف هذيك هايدين هايدين ( منسدح على العشب ) : اذا خلصتو تضبيط نادوني علي توبي ( يجهز اله الايس كريم .. وقاعد ياكل منه بنفس الوقت ) : عسانا نفلح بس !! بين بين تعال شيل وياي باين ( لاهي بالجوال ) : .................................. توبي ( ياخذ الجوال منه بالقوه ويحطه بجيبه) : اقول خل عنك هذا وتعال ساعدني اشوف كونان ( قاعده وتخلط السلطه ![]() كذا ترى الشغل مره فن _ FUN_ انا : الله يخليك بس ... انا مو متعود على كذا شغل .. شلون بقول للناس تعال خذو من عندنا حياكم الله وماادري وشو كونان : يعني وش سارت قاعد تروج لمخدرات ؟... بالعكس يللا علشان تحلل فلوسك اللي بتاخذها من الارباح يابطل وتسدد قيمه تصليح سيارتك لي انا ( خطوط زرقا ) : اييييييييييييييييه خير ان شاء الله ارباح .. الا كونان قولي لي بالله .. انا هاليومين قاعد احلم بقوارير فيتمو داخل سيارة صفرا وش معنتاه بالله ( عاد. شغل تفسير الاحلام والعين عند الحريم شي شي ) كونان : وااااااااااااااااااااااااااو ان شاء الله ان شاء الله اننا بنركب سيارة ذهب باذن الله انا : نقول الله كريم بدت الحديقه تزدحم .. وبدو الناس يكثرون وبدت البوفيهات شغلها .. فجئه ربعي كذا تحنطو من الخوف طبعا لانهم اول مره يسوون مثل هالاشياء والتجارة يبي لها جرئه بس كونان طلعت الجروب من صمتها ودفتني كونان : يللا يابطل روح ابدى شغل وانتم حركو يللا انا : اروح انا ؟؟ .... وين اروح كونان : اي يللا احنا معتمدين على الله ثم عليك توكل على الله انا : الله يستر وبدى الشغل .. ايتاشي عاد خبره بالشوي .. مصادق كل مطاعم المشويات اللبنانيه .. قاعد يبهر ويلف ويهف الشوي << طبعا تذكرون اللي قال انه بيهف ولا هف ولاهم يحزنون .. وتجيك اول زبونه زبونه 1 : مرحبا ايتاشي ( ![]() زبونه 1 : ممكن صحن كباب ايتاشي ( عايش الدور ) : اي تكرم عينك .. ياساسوري واحد كباب !! ساسوري ( وهو مشغول بالقلي ) : انت اللي تشوي الكباب مو انا يادلخ ايتاشي ( انحرج ) : .............................. ساسوري : لاتشطح بالدور مره ثانيه ههههههههههههههههههههههههه الزبونه 1 : ههههههههههههههههههههههههه طيب يطول الطلب ولا مايطول ؟؟ ايتاشي : دقايق وبيكون عندك ساسوري (غار من ايتاشي ) : تعالي عندي والله الكرسبي حقي روعه لا يفوتك وماياخذ الا دقيقتين الزبونه 1 : دام كذا خلاص ماابي كباب ابي كريسبي ايتاشي ( عصب على ساسوري ) : انا اعطيك صحنين بخمس دقايق !! ساسوري : 3 كوب كريسبي الزبونه 1 : *__* !! طبعا لحسن الحظ ان الزبونه كانت حكيمه جدا وطلبت صحن كباب وكوب كريسبي ولا كان تهاوشوو الشبابوسارت مشكله هيدين .. نايم متسدح على العشب .. طبعا صوت الناس رايحين جايين والاجواء رهيبه وبما ان المكان زحمه فمن المتوقع حدوث هيدين : ZZZZZZZZZZZZZZZZZ واحد من البزران جايك طاير ويزلق ويطيح على هيدين هيدين : وجع ايتاشي ماتشوف الطفل : وااااااااااااااااااااااااااااااااااااااااااااااااا اااااااااا يما ( تجي ام الطفل بسرعه ) ام الطفل : شسويت بولدي ؟؟؟ ها ؟ هيدين : هو اللي طاح علي ياخاله ام الطفل : تخلخلت عظامك يابن اللذين الطفل : يما ضربني وطقني وقال لي انت حمار << وش السالفه ويا بزراين هاليومين هيدين : 0_0 ام الطفل ( فصخت نعالها - المكرم السامع والقاري -) :انا اوريك انا وهيهات ان يفلت هيدين !!! باين جالس يصب السلاش وهو معصب لان جواله مع توبي ويدق قلبه كل ماسمع مسج والبزران طبعا صف على السلاش عيونه وقلبه مع الجوال والبزران يصارخون عليه واحد من البزران : هييييييييييييييييييييييييييي انتا وين العصير !! بين ( عيونه على الجوال ويحاول ياخذه من توبي ) : ............................ البزر نفسه : انتا ياغبي !! بين ( يلتفت عليه معصب ) : نعم ازعجتني تراك البزر : لاتقعد تصارخ ترى مااشتري من عندك بين ( يتنفس الصعداء ) : طيب طيب اسفين خذ خلصني بزر اخر :ماعجبني السلاش هذا رجع لي فلوسي بين : وش عقبه .. بعد ماشرته خلاص روح عند امك ويجيب بزر من بعيد يسولف مع خويه : امس برشلونه جابو 3-1 والله هدف خوش هدف باين ( يطير عند البزران ومعاه سلاش ) خذوه حبايبي انتم وقولو لي وش سار بالمباراه ؟ 0 _0 طبعا اله تشغل السلاش لحالها ....... توبي الفقير في واحد ثقيل دم مااخلاه بحاله كل شوي يجيه ويستظرف هالواحد : انت وش اسمك ؟؟ توبي : توبي الواحد : كني شايفك من قبل !!! انت تشتغل نجار ؟؟ توبي ( والانزعاج واضح عليه ) : لا اشتغل عارضه ازيا الواحد : اها ... ليش تبيعون ايس كريم ؟؟ توبي : ليه تسئل مضايقنك احنا .. الواحد : طيب ليش سعره 5 ليش ماتخلونه 7 والله تربحون توبي ( وهو يتأفف ) : طيب عمي ان شاء الله الواحد : طيب تعرف بنت عم اخو ابوي توبي : 0_0 وانا وش دخلني ببنت عم اخو جدك ؟ الواحد : خلاص خلاص طيب عندكم ايس كريم كاكاو توبي ( واخيرا قال شي معقول ) : اي عندنا الواحد اجل : عطني قهوه ساده !!! ههههههههههههههههه الله ابتلى توبي بهذا علشان يتادب مايتسخف دمه علي مره ثانيه اما كونان قاعدة ![]() كونان : هلا بالتجار هلا وغلا شيزوني ( جت وحطت دله القهوه ) : جينا نتطمن على الحلال ونشوف سير العمل ايروكا : والله الجو حلو صراحه ليتنا جايين من زمان كاكاشي : وش عندهم الشباب يطبخون وحالتهم حاله كونان : ههههههههه قاعدين يضبطون البوفيه وهذا من فضل الله ثم من فضلكم كاكاشي : احنا شدخلنا ؟؟ كونان : يوه مو انتو اللي عطيتونا الفلوس ؟؟ كاكاشي : انا ؟؟ متى كونان ( تفرزنت محلها وتقول لنفسها ) : ساسوري يااكبر نصاب في العالم !! 0 _0 ايروكا ( وهو يتسمع الى غناء ايتاشي : وتغرق الغرقان اكثر ) : وش عنده راشد اوتيشها هههههههههههههههههههههه ؟ كونان : خليه والله مبدع ماتشوفه .. احسن من شغل بوس شاورما كاكاشي : مو كان ناقصكم احد ؟؟؟؟ شيزوني : صححححححححححح... وين ديدارا ؟؟ طبعا لاتسئلون عني .... انا مره خايف .. ومرتبك مو عارف كيف ابدى وكيف اعزم الناس ... مريت على جلسه فيها نسوان وبغيت اعزمهم بس الخجل خلاني مرتبك لين بالاخير جاني نعال _ المكرم السامع _ عالطاير على بالهم اغازلهم ... والجلسه الثانيه وقفت على روسهم لين قالو لي : يعطيك الله ياولدي .. ياسلام سرت طرار وادور زي الاهبل .. لاهدف ولاهم يحزنون .. حسيت بيئس اني مو قاعد اسوي شي .. واتفرج على ربعي من بعيد .. وبصراحه ماتوقعت .. مره منسجمين ساسوري وايتاشي يتسابقون على البيع .. وباين مسوي فيها كريم يعطي سلاش وواحد مجانا .. وتوبي يسولف مع الزباين .. استندت على الشجرة وقعدت اقول لنفسي : انا غبي ودلخ ماغير افتر واسحب رجولي ..... : لا مانت فاشل !! انا : اووه شيزوني انتي هنا شيزوني : لاتستحي ياديدي .. ترى الشغل مع الناس ممتع .. ومو بس انت اللي مرتبك ... تفرج على ربعك .. كلهم خايفين زيك .. بس الهيصه والفله خلتهم ياخذون الموضوع بسهاله .. ان باعو كان بها .. وان ماباعو ..المهم انهم غيرو جو انا ( تاثرت كثير بكلامها وحسيت انها جد انسانه روعه ) : معاك حق شيزوني ( غمزت لي وهي رايحه): يللا يابطل نبي اكبر عدد من الزباين الله عليك ياشيزو قسم بالله انه فله انا ماالوم تسونادي تعتمد عليك .. << عجوز قريح هذي !! وانتعشت انا من بعد كلامها .. ولقيته صحيح ميه بالميه .. قمت ادور على الناس .. وسحبت هيدين من اذنه طبعا << مقهور على المهنه الصعبه حقته _ هف الشوي _ وماسواها وسرت ادور معاه بصحن مجاني ونذوق العالم .. طبعا عالساعه 9 وصلت المبيعات للذروة لدرجه اننا فكرنا نسحب على بوس شاورما ونشتغل بمطعم بس يافرحه ماتمت ..تنط على البلديه وتسحبنا على القسم شيزوني وكاكاشي وايروكا اخذو الفلوس وشردو << قهر واحنا في سيارة البلديه وكونان كانت جنبي وتقول وهي بكل يئس كونان : ديدارا .. تذكر حلمك قوارير فيمتو في سيارة صفرا انا : ايه .. 0__0 ليكون ؟؟ كونان : ايه هذا تفسير حلمك ..قوارير فيمتو في سيارة صفرا ... يعني الاكاتسوكي في سيارة البلديه انا : هههههههههههههههههههههههههههههههههه كونان : ههههههههههههههههههههههههههههههههههههههههه ************************ انتظرونا في الحلقه القادمه akatsuki boy |
![]() رحمتُك يا الله، وكلُّ لطفِك لروح أمِّي الطّاهرة. ![]() |
![]() |
#8 |
.The wise
SAGE
![]() |
STORY 5
(( يازين بيت اهلي والله .. )) في يومن من الايام الماطرتو ... وبعد ان خلصت من اشغالي مع التاجر بو خالد _ اقصد بوس شاورما _ مشغل على سيلين ديون .. وادندن معاها .. وقاعد اقول لنفسي : الحين برجع البيت اخذ دش واتغدى وانااااااااااااااااااااااااام نومه اهل الكهف .. وطبعا مع الامطار الرؤيه ماتبين ..اشوف واحد لونه احمر واقف بنص الطريق .. واضغط فرامل باقوى ماعندي .. بسم الله الرحمن الرحيم من هذا اللي بايع عمره واقف بالشارع بهالمطر انا : اخوي سار لك ؟؟؟ ........ : خوى جنبك يااخول يابو سيارة مشمخة يافقر << طبعا تعرفون راعي هذي الجمله انا : اخخخخخخخخخخخخ ياليتني صدمتك ياجار ا .. وش قاعد تسوي هنا جعلك المر ان شاء الله ...... : والله مو شارع ابوك علشان تسئلني عدي عدي اشوف انا : الحمدلله هذا بيتنا قريب اروح بسرعه قبل لاافقد اعصابي وانزل اصفقك بالشارع ( وامر من جنبه بسيارتي واطلع لساني ) بس المصيبه يوم وقفت عند باب البيت .. اطق جرس محد فتح لي ..واطق واطق .. يااهل البيت .. وش سالفتهم ذولي تبرو مني ولا انتحرو ولا شسالفه الجو برا برد ... وجارا لسه بنص الشارع *_* يارب تجيه شاحنه وبوووووووووووووووووووم >> يمكن اللي قاعد يسويه من طقووس شعوذه قريه الصحرا واطق الباب سار لي ساعه واصرخ .. يارب وش قاعد يصير !! ويجين اتصال في هذا الوقت العصيب من امي امي : الو ... ديدارا يما انا ( صوتي صوت واحد يتدلع على امه ) : يماااااااااااا ... وش فيكم مزاعليني .. ليش ماتفتحون الباب امي : ويه ويه لا والله حشا .. مااقدر ازعل على ولدي الكبير الغالي فديتك انا : اجل يللا افتحو الباب اشوف امي : ايه بس يما ... احنا مو في البيت انا : 0_0 وينكم فيه اجل امي : ابوك الله يهديه واحد من اقاربه توفى واضطر يسافر ورحنا وياه انا ( مصدوم) : لا والله ؟؟؟ طيب اذا ابوي واحد من اقاربه متوفي .. ليش كلكم تروحون ؟ انتي شدخلك تروحين امي ( جالسه ترقع ) : والله ياوليدي ماعدت اصدق ابوك سفراته كاثره .. اخاف انه تزوج علي .. نشبت له ورحت وياه انا (فيني البكيه ) : وانا وين اروح يما وين اروح امي : يما ماعليك انت رجال .. وماشاء الله ربعك واجد روح اقعد وياهم .. ترى الناس للناس والكل بالله .. احنا ماراح نتاخر 3 ايام وراجعين ان شاء الله يللا ياوليدي مااقدر الحين بروح الصالون علشان العرس مع السلامه ...... عرس ؟؟ مو توها تقول عزا وخايف ليتزوج علي .... 0_0 والله شكلها هي اللي تزوجت عليه خخخخخخخخخخخخخخخخ ودخلت السيارة وجلست افتر فيها ... ماني عارف وين اروح .. بالله هذي حاله !! .. بس والله صادقه امي .. ربعي خير ماشاء الله اروح اخمد عند واحد فيهم يللا بروح عند ايتاشي .. امهم في البيت واكلها حلو بس الله يعيني على غثى ساسكي الملقوف ووصلنا بيت اتوش .. وطبعا ساسكي هو اللي فتح لي الباب انا: السلام عليكم ساسكي ( متخصر ) : وعليكم السلام ورحمه الله .. جاب الله المطر انا : وين اخوك ساسكي : نايم !!! انا : طيب روح صحيه لي لو سمحت يعني ( ابتسامه عريضه ساخره ) ساسكي : تعرف صاحبك نومه نومه جحش مايصحى انا ( وانا اسمع صوت ايتاشي ينادي ساسكي يقوله مع عالباب ) : لاوالله نايم ؟؟؟ روح قوله ديدارا يبيك ساسكي : اوووف حشا لله ادخل ادخل ( ويطلع ايتاشي من على الباب ) ايتاشي : هلا والله بديدي اقلط وانا اخوك اقلط انا ( عاد انا ماادري ليش جاتني الصحيه وقمت اناشق واطلع زي صوت الباخره ) : داخل عليك بالله ياايتاشي انا مالي غيرك ايتاشي : انت ادخل ويحلها حلال انا ( عقب ماجلسني بالصاله ) : انا بغيت منك طلب ايتاشي : والله ياحبيبي يجيب الله المطر .. اذ تبي فلوس ماعندي والله انا : لا ماابي فلوس .. ابي ... ابي انام عندكم الليله ايتاشي : هههههههههههههههههه ليه اهلك طلقوك بالثلاثه انا ( بعد ماقلت له القصه ) : لي مكان عندكم و لا اطلع ساسكي ( وهو قاعد يتسمع ) : ويييييييييييييييييه .. شكلك غلط وانت مسكين بالعاده لسانك يلوط اذانك انا ( ساكت له لان حاجتي عنده ) : .................................... ايتاشي : خلاص ولايهمك .. ماطلبت شي .. حياك انا ( بعد مااستناست كذا ) : .......الله يعطيك العافيه ايتاشي : اكيد انت تعبان .. تعال بدل ثيابك ..طبعا لاتشق ثيابي اعرفك متين .. وتعال نام بغرفتي بس على الارض طيب ؟؟ ساسكي ( يطالعني بنظرات وكانه يقولي : والله لاجننك ) : ........................... وادخل غرفه ايتاشي .. غرفه مرتبه نوعا ما ... ومعلق على دولابه جدول مواعيد المسلسلات وقائمه بارقام مطاعم الشوي والشاورما .. ههههههههههههههههههه ياحليلك ياايتاشي .. ويدخل علي ساسكي معاه الفرش ساسكي : خذ افرش .. نامت عليك طوفه انا : طيب ياسسوكا انا ااوريك بعدين ساسكي : تبي تاكل طيب ؟ انا : والله اخاف اقول ايه تقعد تستخف دمك ساسكي : اصلا مافي الا اندومي تبي ولا مااتبي انا : لا شكرا خلوني نايم بس ولاحد يزعجني وغطيت في نوم عميق .. تبون الصراحه ... ماش ماقدرت انام والسبب ... ان في واحد ثقيل دم رايح جاي يطق الباب .. شوي ويشغل اغاني بصوت علي يدخل ويطفي النور ويولعه .. انا مسكر عيوني بس مو نايم واحس باللي حوالي .. احس بساسكي الغثيث يجي ويشوفني علشان يطفشني .. وطبعا ماني قادر اقوله شي .. لاني انا المحتاج .. بس هذا يهون .. ظليت طول النهار على الفرش ماتحركت .. وايتاشي مسكين ماحب يضايقني فكان يدخل بشويش ياخذ اغراضه ويطلع .. بس امه مسكته وقالت له : تعال تعال ابيك ام ايتاشي : وش عنده خويك مطول عندنا ؟؟ ايتاشي : يما هذا بينام عندنا ام ايتاشي : لا والله ..؟؟ ليش ماعنده بيت ينام فيه ؟؟ ايتاشي : اهله مسافرين يما وهو جاني مستحيل ارده ام ايتاشي : لا والله ... اي واحد يجي يقولك بنام عندك تنومه .... ماتشاورني ولاتاخذ رايي ..؟ ربعك هذولي يقصون عليك .. ليه ماانت رجال ايتاشي : ........................................ انا طبعا ماقدرت اتحمل هالكلام ... على الاقل علشان صاحبي .. قمت وشلت اغراض وطلعت لهم انا : اسف ياخالتي على الازعاج .. انا بطلع الحين .. شكرا على الضيافه ام ايتاشي ( ارتبكت طبعا لانها درت اني سمعت كلامها ) : لا ويه ياولدي وين بتروح .. مو بتنام عندنا الليله ؟ انا : لا انا اتصلت على ساسوري قال لي في شغل الليله .. مشكوره ياخالتي اسفه تعبتكم معاي ام ايتاشي ( علامات الرضا على وجهها ) : على راحتك يما .. الله وياك وطلعت من الباب بسرعه .. ماني عارف وش هي مشاعري بالضبط .. بس ايتاشي مسك ايدي وهو مو عارف شيقول ايتاشي : لاتاخذ بخاطرك علي يااديدارا انا ( وانا مبتسم ) : ماتقصر يااتوش ورايتك بيضا.. امك معاها حق ايتاشي : انت لا اتصلت على ساسوري ولا شي صح .. هذا كلام من عندك علشان تطلع ... وين بتروح انا : يحلها الحلال يا ايتاشي .. يللا اسمح لي ابطلع الحين ايتاشي : لاتزعل عليك يااخوك .. وطمني عليك بالله ***************** ياترى وين بيروح ديدارا عقب هالموقف تابعو الجزء الثاني من الحلقه الخامسه akatsuki boy |
![]() رحمتُك يا الله، وكلُّ لطفِك لروح أمِّي الطّاهرة. ![]() |
![]() |
#9 |
.The wise
SAGE
![]() |
الساعه 9 ونص بالليل ..والجو مطر .. انا جالس جوا السيارة .. شريت لي لوزين وجلست اكل
والله شكلي بنام بالسيارة ... جارا التبن لازال بالشارع .. انا (اناديه من جوا السيارة ) : انت هيييييي خلي عنك الشعوذه وتعال جارا : هذه الاجواء الروحانيه انت وش دراك يابو بومه انا : تعال ادخل السيارة اشوف جارا ( جا وجلس بالسيارة ) : وش عندك مناديني .. ليكون تبي فلوس .. ترى مابعطيك انا : ياالله بتبلل سيارتي !! .. ادري سيارتي مشمخه وانا فقر والخ .... جارا ( مطير عيونه وينافخ ) : نعـــــــــــــــــــــــم انا : اقعد ابي اسولف معاك اقعد جارا : ليه كفى الله شر .. وش المناسبه انا ( عندي شويه امل انه بني ادام طبيعي وعنده مشاعر) : شفت اهلي وش سوو فيني جارا : من غير لا تقول وش سووو .. انت تستاهل ( ابتسامه عريضه ) انا ( اسوي نفسي ماسمعت الجمله اللي قالها ) : يااخي اهلي سافرو بظرف وانا متوهق ماعندي مكان << مابقوله امي سحبت علي وراح عرس هناك جارا : وطبعا مافي مكان تروح له انا : ايوه عليك نور .. شور علي .. قولي وش اسوي ؟ جارا : لاااااااااااااااه .. والله عورت قلبي .. انزين ابسئلك سؤال انا : لبيه امر جارا : انا خلفتك ونسيتك ؟ انا : اوووووووووووووف .. لا جارا : اجل سلام عليكم انا : 0_0 تدرون عاد ... انا الغبي اللي اعتبرته بني ادام وكلمته ... مريت على بيت باين ... طبعا احب اقولكم انو باين ماطلع فاهي ومسمهي من فراغ ... كل العايله كذا .. لدرجه انهم يتركون باب السطح حقهم مفتوح .. ياما حراميه وناس .. جاو وقعدو على هالسطح .. وعيال تلعب كورة .. واهل البيت خبر خير طبعا .. فقلت اروح انا اجلس فوق واتحلف لين يطلع الصبح وبعدها يسير خير بس على حظي اللي ماادري وش يبي ... باين سبحان الله هو واخوه حسو ان في احد موجود بالسطح _ اللي هو انا _ وانا قاعد استناهم يصعدون واسمعهم يسولفون اخو باين : توني سمعت صوت طربقه غريب كنه فيل يركض فوق السطح.. باين : بسم الله اللهم سكنهم مساكنهم .. اكيد جني !! انا : تعال ياباين تعال انا خويك ماغيره باين : 0_0 اخو باين : وش عنده مخاوي الحرامي .. اكيد عاطيه فلوس علشان يسرق تي شيرت برشلونه حقي << العايله ايضا مجنونه كورة !! باين : ديدارا .. بسم الله الرحمن الرحيم ... وش تسوي هنا ؟؟ كيف دخلت السطح وانا متاكد اني قافل الباب << لا ياشيخ ؟؟ انا : اسف مو قصدي .. اهلي مسافرين وماعندي مكان انام فيه .. عاد اذا تسمح يعني يعني وماعندك مانع !! ( اطالعه ومعبس حواجبي على هالثقه الزايده .. قال ايش متاكد اني مسكر الباب !! ) باين : انا ماعندي مانع بس رجاءً لاتركض فوق سطحنا مرة ثانيه ..اخاف تكسر السقف وتطيح على التلفزيون حقي ومااشوف مباراه برشلونه << هذا همك بس 0_0 انا حامت كبدي .. بس استهديت بالله ونمت .. وطبعا قضيت هالليل فوق السطح واعد النجوم .. واتخيل فتاه الاحلام << هذيك اللي ماتتسمى ومنكوبه بحياتها اللي بتتزوجني .. احم احم ..حنيت لامي وازعجاها واخواني اللي وظيفتهم بالحياه يضايقوني ( دمعت عيوني ) وابوي اللي مستعد يشوف وحش ولا يشوفني طبعا ماقلت لكم .. انا الولد الكبير _ بكر امي _ ووراي اخوي هايت 24 ساعه علشان كذا مااجيب طاريه كثير .. وعندي ريا وسكينه _ خواتي _ والعمده ابوي .. شاب متواضع هوايتي ركوب الخيل وجمع الطوابع << ياقدمي بس .. ههههههههههههههههههههه المهم خلينا نخمد احسن والصباح رباح وطلع الصبح .. وانا طبعا طلعت من البيت قبل الصبح .. مو من جدكم لو تتوقعون اني اقدر اقعد بالسطح والغبار والذبان !!! مريت على كونان .. وصدتها وهي طالعه من البيت انا ( وقفت السيارة بسرعه بسرعه ) : كونااااااااااااااااااااااااان كوناااااااااااااااااان كونان ( وهي تقفل باب بيتها ) : خير بسم الله وش جابك من صباح الله خير انا : بصراحه جوعان مره ... كونان : هو هو .. ياحافظ ليش طلعت من بيتكم من غير فطور ؟؟ انا ( قلت لها الفلم الهندي اللي سار لي طبعا ) : شفتي وش سار لي كونان : استنى شوي استنى انا اجيب لك فطور (وتدخل جوا البيت ) انا : عسى بس ماتطول علي كونان ( رجعت ومعاها خير من الله ) : هاك .. هذا كرواسون جبن .. وهذا فطيره تفاح .. وهذا فلافل .. وهاك قهوه وعوافي ياعيوني بس لاتموت علينا انا ( شوي واصيح ) : كونان ماقلت لك انا شكثر احبك ؟؟؟ كونان : لاتقولي شكثر تحبني ... قولي متى بتسدد لي قيمه تصليح سيارتك ( تقولها وهي تغمز لي ) يللاا ياشاطر انا بروح الحين .. مع السلامه انا : يحفظك الله يالغاليه ... بمرك وقت الغدا كونان : ياربي عطيناه وجه وما صدق ههههههههههههههههههههههه طيب انتظرك ايوه هذولا الربع ولا بلاش ..مع انها غثيثه بس والله شقرديه هالكونان واكمل طريقي للشغل << طبعا لحد يسئلني تروشت ولا لا ... حمامات شركه بوس شاورما وشويه شامبو مسروق من عند المدام حقته وكل شي اوكي ان شاء الله قاعد ويا ساسوري .. وطبعا احكي له عن معاناتي هاليومين ساسوري : والله انك تنرحم ياشيخ ( تلفونه قاعد يرن ) انا : ااااااااه الله كريم بس .. وش تشورني عليه يااخوي ساسوري : ابد .. الحل عندي وانا ابوي هندي انا : الحقني فيه يااخ هندي ( توقعت انه بيعزمني على بيته ) ساسوري : نام بالشغل !! ( يرن الجوال يرن يرن يرن ) انا : لا والله ... انا قلت والله الرجال بيعزمني عنده ... البيت فاضي مافيه الا هو .. وقلت والله بعدي ساسوري .. اثر ماعندك ماعند جدتي ساسوري : والله عاد ودي .. ماقلت ماودي ( التلفون لازال يرن ) انا : خلاص لاتجلس تبرر مابي منك شي ساسوري : زعلت ؟؟ انا : رد على تلفونك لا اخذه وارميه مع الشباك اشوف ويوم خلص الدوام ... استنيت الناس كلهم يطلعون .. ودخلت انا المكتب وقفلت على نفسي الباب .... فكره ساسوري مو شينه .. بس الشركه بالليل تخوف بس سمعت حس غريب ... كانه بوس شاورما .. ماسك جوال ويسولف : فديتك انتي .. اامري بس امري .. كلي لك انا : الله ماتوقعت انا اوروتشيمارو رومانسي ويجب زوجته بوس شاورما ( وهو يسولف بالتلفون ): مرتي ؟؟؟ ماعليك منها هالنسره تاكل تبن انا : 0_0 >> اه يالصايع يالمغازلجي طبعا هو حس بحركه وجا يركض وفتح علي الباب بوس شاورما : الله يصرعك خوفتني انا ( رافع حواجبي : يعني صايده ) : ههلا والله بالمعزب بوس شاورما : ا.... ا.... شتسوي هنا انتا ؟؟ انا : اسف يامعلم .. ( وقلناه له القصه ) بوس شاورما : ياسلام ؟؟؟ هذي شركه مو فندق ابوك اللي جابك انا : الله يخليك بوس .. اليوم بس بوس شاورما: خلاص بس اليوم ... والله حاله بعد نسوي شركتنا ملجء انا : والله ماتقصر عايشين بخيرك << والله لو مو ماسك عليه انا سالفه المغازل هذي كان طردني من غير نقاش .. ماعليه نستعملها سلاح بعدين هههههه جا اليوم الثالث .. ركبت سيارتي و سيدا على البيت ... مشتاق لامي وطبخها .. وابوي وبوزه يوم يعصب << هو 24 ساعه معصب ... بيتنا بيتنا وانا جاي طاير بالطريق بس ماادري شلون انتبهت للثور جارا وهو منسدح بنص الشارع .. واضغط فرامل انا (معصب واصارخ ) : وهذا ايش بعد ان شاء الله ؟؟؟ تشتغل مطب صناعي حضرتك جارا : لا سار شارع ابوك قول اللي تبي هههههههههههههههههههههههه ... والف عنه واخليه .. انا ابصم بالعشره ان هالبني ادام عنده ملف بالصحه النفسيه .. وجائت فرحه اللقاء .. نزلت من السيارة واسمح حس اهلي جوا البيت .. اخواني يتهاوشون .. وامي تهاوشوهم .. دمعت عيني << حسيت اني ريمي يوم تدور على امها .. وادخل البيت واركض باتجاه امي واحضنها .. وابوس اخواني .. وابوي << يامسكين يانا صدق صدق .. يازين بيت اهلي ********************* نلتقي في الحلقه القادمه باذن الله akatsuki boy |
![]() رحمتُك يا الله، وكلُّ لطفِك لروح أمِّي الطّاهرة. ![]() |
![]() |
#10 |
.The wise
SAGE
![]() |
STORY 6
(( الحرامي الصغير )) واحنا جالسين جالسه العصر .. امي تقلب الجرايد .. وخواتي يتهاوشون على الريموت كنترول .. وحده تبي mbc3 والثاني سبيس تون << اهنيء الوالدة على برود اعصابها .. والله لو انهم بناتي كان عطيت كل وحدة كف على وجها خخخخخخخخخخخخخخخ .. وانا .. قاعد ولاف وجهي عن امي << طبعا اتدلع عليها ومسوي زعلان لانها سحبت علي في الحلقه اللي راحت .. وهي تطالعني وتضحك .. امي : وه فديت وليدي والله زعلان انا ( ماد بوزي شبرين ) : مابي مابي >> امي وبكيفي اتدلع على راحتي !!! امي ( تضرب كتفي ) : يللا عاد عن العيارة ماسارت .. اللي يشوفك يقول مخليتك 10 سنين انا ( اهز اكتافي ) : امممممممممم امممممممممممممم امي ( عصبت لاني مصختها ) : انا امك مو مرة ابوك ياللخايس انا : اي والله .. ولا نك امي .. هديتني بروحي .. وربعي ذلو امي امي ( عقب ماجاها الريموت طاير من خواتي اللي يتهاوشون عليه ) : الله ياخذ عدوكن .. ( وتمط شعر وحده وتقولها ) قومي اذلفي جوا ( وتمط شعر الثانيه ) وانتي روحي سئلي ابوك وش يبي على العشا !! اوف منكن تقصرن العمر >> لو من الاول انا : ههههههههههههههه احسن اقوم احسن لي قبل لايجيني اعصارك يما انا رحت بسرعه لغرفتي .. فتحت الباب بسرعه ... واحس احد جوا الغرفه بس ماامداني افتح اللمبات .. الا اخذ معاه شي وطلع من الشباك ..سرت انبش باغراضي واكتشفت لااااااااااااااااااااااااااااااااااااااااااااااااا اااا الطين - الباج اللي يحط فيه الطين اللي يستعمله - حقي وين رااااااااااااح من خذه !! مرت ساعتين وانا رايح استجواب في اخواني واهل البيت .. وادور زي المجنون ماحصلت شي واتصل طوالي على توبي انا : الوووووووووو توبي الوووووو توبي ( صوته كانه نايم ) : ها .. مين ...وشو انا : توبي فيه احد سرق باج الطين حقي توبي : انا ماسرقت شي ... لاتجلس تهتمني انا : انا مااقصدك انت ياثور ... انا استنجد بك توبي : الله يهديك بس .. يعني داق علي وش بسوي لك .. انت نام والصباح رباح انا : يحوول ... وش اسوي انا .. طيب ليش سرقها ليش توبي : خلاص دقيقه البس بشتي واجيك _ زي ماقلنالكم الوشاح حقهم _ انا : طيب يللا توبي : لحظه لحظه .. وين راح بشتي ؟؟ انا : وش دراني انا توبي : ياربي انا متاكد اني حاطه هنا .. وين راح انا : انا لله وانا اليه راجعون توبي : ديدارا .. مسروق بشتي انا بعد انا : 0_0 ( ويرن الجرس البيت ) توبي : لاحول وين راح بشتي .. انا : اسمع ... اسمع انا بروح اشوف من عالباب واتصل عليك باي توبي : باي واروح افتح الباب ... ولا هيدين البومه بوجهي انا : خير هيدين وش فيك ؟؟ هيدين : ديدارا تكفى لاتستهبل علي رجعل المنجل حقي لايجيك بقس - السلاح حقه انا : وانا رايق اشيل حقك هذا .. ؟؟ هيدين : اجل وين راح ؟؟ .. دورت عليه في كل مكان ماحصلته انا : ههههههههههههههههه يمكن شافه بنجلاديشي ولا مزراع خذه معاه قال استفيد معه بقص الزرع هيدين ( اخلاقه تجاريه ) : والله انك حاط اعصابك بفريزر انا : اقول استريح .. انا مسروق الباج حقي .. وتوبي مسروق بشته ... الموضوع فيه ان ياهيدين هيدين : 0_0 طول الليل ماقدرت انام .. ادور بالحوش .. وسؤال يوديني وسؤال يجيني .. اسمح خشخه في الشارع افتح الباب والاقي كونوهامارو يتصرمح- يتمخطر _ في الشارع .. وشكل وراه سالفه وايناري يأشر له باخر الشارع ويتلفت يمين وشمال .. انا طبعا اول ماخطر في بالي انهم هم راعين السرقه .. وهوب انط واركض وراه انا : انت ياولد هييييييييييييييييييييي كونوهامارو ( شافني اركض وراه وخاف ) : يمااااااااااااااا انا ( مسكته هو خويه من رقبتهم) : هاااااااااااااااااااااا طحت عليكم ايناري : وش تبي منا انت الحين ... احنا ماسوينا شيا انا : رجعو الاغراض اشوف كونوهامارو : وش اغراضه انت بعد .. اي .. اح هدني اشوف انا : اجل وش قاعدين تسووون في الشارع .. اغراضنا تضيع .. وانتم موجودين هنا على غير العاده وش معناته هذا ايناري : يااخي حنا قاعدين نلاحق الحرامي هذا *************** ياترى منهو الحرامي هذا .... وهل معقوله ان كونو هامارو وايناري ههم الحراميه تابعونا في البارت الثاني akatsuki boy |
![]() رحمتُك يا الله، وكلُّ لطفِك لروح أمِّي الطّاهرة. ![]() |
![]() |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
كوّن كلمة "صابون" و زحلق العضو اللي تريده 🧼 | سيـرَان. | تسالي و ألعاب | 482 | 09-02-2024 12:15 AM |
𝐌𝐈𝐒𝐓 | " طريقة إبراز لون واحد فقط من الصورة ". | Lavender | دروس وملحقات الفوتوشوب - Adobe Photoshop | 6 | 11-03-2022 11:54 PM |
ألماسـي | صيدليه العلاج بالثوم | The Garlic. " قاموس متجدد". | MiMi | صحة وصيدلة | 17 | 08-06-2022 09:57 AM |
𝐁𝐋𝐎𝐆𝐒 | " قسم المدونات ". | MELODY | مدونات الأعضاء | 2 | 02-24-2021 09:03 PM |