الطريق طويل لاتهتم | Sugar's Galaxy

السَلام عليكم ورحمة اللهِ وبركاته مَساء الخير يالطيفين جآيتكم بأقصى مراحل روقاني أول شيء لقيت بالتقييمات حاجات حلوه لازم أرد عليها ياجماعة ماتدرو قديش أنبسط لما ألقى أحد يتفاعل معايا حتى لو تنطو لي ترسلولي وتتفاعلو معايا ترا ماأمانع بالعكس أرحب بالناس إللي تحب الهرج ومره سعيدة بشخص شخص قري كلامي الكثير ، حرفياً شُكراً لإنك أعطيتني من وقتك مَنتهوهي لطافتك ياخي حبيت مُشاركتك لي بالمشاعر والأفكار سُكون اللطيفة ، نَورتيني واللهِ سورآ أنبسطت لما شُفت أحد يشاركني هالمشاعر : ( نَورتيني واللهِ ^ شُكراً لمروركم وياويلكم مااشوفكم بعدها مره ثانية > غصب تتابعو وإللي يتابع بصمت أظهر نفسك > تحمست لي عَودة heart0heart0heart0heart0

السَلام عليكم ورحمة اللهِ وبركاته صَباخ الخير يالطيفين وحده من صديقاتي أتصلت بقروبنا و جلست تحكي عن موقف قديم صار لها بالماضي ، عن شخص وقف معاها وساعدها وجلست تقول إني مو قادرة أنسى هالموقف وياليت أقدر أرد الجميل شوية نلقى رد ساخر ، وللأمانة كانت نبرتها وقحة شوي " مسكينة متعلقة بماضيكِ " ودخلو بنقاش حاد كان زبدة كلامها "إني اشفق عالناس إللي عايشين بماضيهم وموحاضرهم هذول ماعندهم حياة بالنهاية الماضي والحنين له شيء ماله داعي"! وختمت كلامها لصديقتنا المسكينة إللي أنفجرت عليها " عيشي حاضرك واتركي ماضيكِ بس " .. آخر شيء كان ردها صادم "" انا مستحيل اعترف بعلاقة صداقة بحياتي الذكريات بكره حتكون شيء قاتل " ، اتخيلوا منظري وأنا كل يوم مكلمتها ومتطمنة عليها وأجي أشوف البني آدمية تقول هالكلام ودايماً تحكيلي شصار معاها وايش ماصار ولو أتضايقت أنا دايماً بكون معاها للأمانة جلست أفكر شسالفتها هذي ؟ شايفتنا رفوف عندها ؟ > تدور مشاكل أتناقشت معاها ، كانت تتصنع القوة وإنها الصح! "انا مااؤمن بالعلاقات انها تدوم مردكم كلكم تكونو ذكرى وانا مااعترف بالذكريات عشان كذا ماانشأها من الأساس" أمانةً رفعت ضغطي على خفيف لذلك قلتلها: خلي كلامك وأفعالك سوى! ،، صدق ياجماعة! جالسة تتفلت وتقول كلكم مو دايمين وكلكم بكره ذكرى وانتو اصلا مو صديقات!! شساالفة ؟ صدق طيب ليه جالسة معانا ؟ ليه دايم لو اتضايقتي تكلميني ؟ ليه لو صار شيء كذا ولا كذا جيتي عندي ؟ ليه ؟ آخر شيء عاملتها بنفس أسلوبها للأمانة كان ساخر > لحد يطيح بطريقي : وش سويتي بحاضرك ياهانم ؟ * أنبكمت * " المسكينة إنتِ ، ماعندك شيء بالماضي تنبسطي فيه! ومرد حاضرك بُكره تمحيه بتكوني عديمة الذكريات" " لو ماضيكِ صدق واجعك لاتعممي عالكل! أقل شيء خلي اللي يتذكر ماضيه ينبسط ، إنتي وماضيك تصطفلو! " " إحنا ناس مو متعلقين بماضينا لكن للأمانة فيه حاجات ماتُنسى ، لو إنتِ جاحده هذي مشكلتك " "مافيه شي إسمه ناس مؤقتة ، لو إنتِ تعاملي الناس ع أساس إنهم ألعاب عندك فهذي مشكلتك لكن صدقينا إحنا نتعامل مع بعض كـ بشر " - شتقصدي إني أنا حيوانة ؟ للأمانة رغبت إنها تكون قدامي عشان أصفعها من تفكيرها الغريب! واللهِ غريب " لو ماعندك شيء تتذكريه صار أمس وتبتسمي هذي مشكلتك إنتِ أخترتي إنك تمحي الحاجات الحلوه هذي" "مو متعلقين بالماضي بس ترا هُو إللي صنعك اليوم! شفايدة تتطوري بحاضرك وإنتي مااتعلمتي من أمسك ؟" آخر شيء للأمآنة ختمتها بـ "إلا البقر طال عمرك مالهم حل" .. وشكرتها إن تفكيرها صار واضح لنا ، قلتلها لو فيه شخص مافيه خير فينا هُو إنتِ ، مردك بُكره تجحدينا" وأنتهى بالزر الأحمر .. ووصلني إن كلامي لها كان جداً كبير ومُوجع إلى حدٍ مآ ، قُلت للأمانة مو ندمانة على كل حرف خرج من ثمي. صِدق تفكيرها فينا كِذا حسسني إننا رح ناخذ ورث أبوها بُكره ولا بنذبحها ومافينا خير. أدري إنها إنسانة تمر بجرح وإنها عانت وإنها وإنها بس موتفسير إنك تجي وتجرحي غيرك طال عمرك. وتستخدميهم كَ حاجات مؤقتة متناسية مواقفهم معاكِ والعيش والملح اللي بينكم بالنسبة لفلسفتي عن الماضي :: إيه ترا ماارتاح مع الناس إلي مُتعلقين بماضيهم ، إللي مو عايشين حاضرهم وودهم بكل شيء بالماضي^ مع إن الدنيا أتغيرت لكن مازالو ودهم يرجعو لزمان ، طبعاً هالناس أنا كُنت أعيش معاهم رسمياً كانو متعبين .. مافيه شيء اليوم عاجبهم صاير ، كل كلامهم ليت أيامنا ترجع ولين أيآمنا ترجع! كإن الأمس بس كان أحلى. ، مااتهنو بحاضرهم ولا صار لهُم مستقبل وماضيهم وقفو فيه! .. حاولت أمد لهم يد العَون عشان يتجاوزوا هالشيء لكن بالنهاية طلعنا جيل موصاحي عندهم أنا ضد هالناس وبقُوه ، غلط إللي يصير .. بس إيش المشكلة لو عِندنا ذكريات حلوه تخلينا نبتسم لما نتذكرها ؟ إيش المشكلة ياجماعة ؟ إيش المشكلة لما تحط دروس ماضيك قُدام عينك عشان تتعلم منها اليوم ؟ بالعكس لو عدت نفس غلط الماضي إنتَ رسمياً إنسان مو واعي .. الماضي ممُكن يكون مصدر قُوة لك .. بالعكس الناس إللي معاك تتأكد إنهم صدق صدق ناسك لما تشوف مواقفهم معاك بالأمس! الماضي يحددلك كل شيء معاك اليوم .. فكيت صفحة من مذكراتي كتبتها بـ 1march2019 وأكاد أقسم أنها دائماً تمدني بالقوة بعد الله! .. (( ليش أنا كبيرة بعين نفسي ؟ لإني الوحيدة إللي تعرفني وتفهمني وشاهدة على كل شيء حصل لي بحياتي وشاهدة على كل شيء كان على وشك إنه يكسرني لكن ماكسرني ، شاهدة على كل لحظة طحت فيها ورجعت وقفت من جديد ، أنا كبيرة بعيني لإنها أنا .. )) هذي الكتابة بهذا التاريخ حدث شيء كان مُوجع لقلبي كثيير ، لكن ترا طلعت منه بدرس ودايم أذكره فيني !! إنتِ قوية لإنك أتحملتي هذا كُله ياسكر .. شآيفين ؟ رُغم إن فيه ذكريات فعلياً موجعه والمفترض إننا نتجاوزها لكن بنفس الوقت الماضي هُو إللي صنع حاضرنا.. يااربي كللااامممي كثير اليييوم لي عَودة heart0heart0heart0heart0

السَلام عليكم ورحمة اللهِ وبركاته صَباخ الخير يالطيفين أستوعبت إن ماصار لِي مسجلة 5 أيام ومسوية إزعاج بالأقسام خصوصاً القسم العام ككل يظهر لي هيك هذا معناته إني مشاركة بكل موضوع > طبعي لما أكون بمكان لازم أشوف كل شيء ، ماحبيت أشوف مواضيع محد راد عليها أو صافينها بالنهاية أقدر أي أحد تعب لو بشيء بسيط ^^ لي عَودة heart0heart0heart0heart0

السَلام عليكم ورحمة اللهِ وبركاته صَباخ الخير يالطيفين اليوم كُنت أتصفح حساب ذلاقة بالتويتر ، أستمتع بهالحاجات يرجع لي شعُور إن العربي حرفياً لُغة فخمة تقريباً أتابع الردود كثيير ، أنبسط إن فيه ناس للآن مُتمسكة بالفصحى لفتني موضوع " مراتب الصداقة " هِنا الصُورة أكتشفت إن العلاقات إللي تحت مُسمى صداقة عندي حداً كثيرة .. حرفياً علاقآتي بآخر سنتين صارت كثيرة ، أي مكان أروحه لازم أحصل شخص أعرفه بحُكم إني أشتغلت بمكان عآم وفيه مجتمع كبير صار سهل إن أشوف نآس أعرفهم بأي مكان هالشيء حِلو وبنفس الوقت مُو حِلو .. عندي إللي بالدوام وخارج الدوام .. وبحكم تنقلي لمناطق كثيرة بالسعودية خلال السنوات إللي راحت تعرفت على بنات من أغلب المُدن والمناطق! حبييت إني قدرت أصنفهم من الجدول ، أكتشفت حاجة إن أغلبهم " زميل ، سمير ، صاحب " وهذول كلهم لسا ماوصلو لمرتبة الصديق مستوعبين ؟ أعلى درجة وصلت لها هي : خليل وعددهم مره قليل إللي بهالتصنيف أكتشفت إن حرفياً الصداقة وهي صداقة لها عُمق لكل شخص بحياتك تسميه صديق! .. بمعنى مو أي صديق يعني صديق ، فيه ناس تعطيهم هالكِلمة وهي كثيرة عليهم ترا أحب أتعمق بهالمواضيع تعجبني ، تخليك مُحدد أكثر بحياتك ومع الناس إللي حولك المُهم أنا بخصوص الأصدقاء بحياتنا غيري عنده نظره سوداوية على هالمُوضوع ويحاول يتجنب يصاحب أحد. للأسف مريت بهالحالة ودفيت كل الناس إللي كانو بحياتي ، ترا أبداً مو جيد .. الوحِدة حِلوة .. شايفين رُغم الأصدقاء هذول لكن ترا أنا حرفياً وحيدة ، مستوعبين ؟ أفضل الوحده كثير بأيامي ، لكن بنفس الوقت عندي ناس وأصدقاء بحياتي وهالشيء أشوفه مُهم أعرف شعُور إنك "مصاحب نفسك" جداً يفُوز يحسسك إنك بالمرتبة الملكية لكن فعلياً نحتاج ناس قريبة من قلبنا لابد من وجود نآس تشآركك إهتماماتك كلامك فلسفتك .. نآس تحسسك إنها معاك طبعاً أنا مع إني أستغني عن الأصدقاء لو مالقيت ناس شبيهة لي! أنا مع هالشيء وبقوة ، غلط تحط نفسك مع ناس تحس إنهم مو أصحاب بس بمجرد إنك ماتكون وحيد! غلط هالشيء ، ياتلقى نآس يدخلو قلبك وتتشآركو إهتماماتكم وحياتكم ولا بلاها الوقت إللي أنتَ مضيعه مع هالناس الغلط حتندم عليه لإنك مارح تكون ملاحظ الناس الصح! بس أؤمن بإن ناسك رح تجيك يوم من الأيام ، أؤمن إن فيه أشخاص ماتدري كيف دخلو حياتك ولا شلون ؟ بس إللي تعرفه إن ربي صب الراحة لهم بقلبك صَب! ، مع الأيام يصبحو من أفضل الناس عندك وبقلبك ومع الأيام تثبتلك المواقف مين هُم ؟ أؤمن بإن المواقف تحدد علاقتك مع الناس ومِين هُم ومين إنتَ ؟ يكفي فلسفة لليوم لي عَودة heart0heart0heart0heart0

السَلام عليكم ورحمة اللهِ وبركاته صَباخ الخير يالطيفين قفلت وحده من صديقاتي بوجهي وهي تسفل فيني "الله ياخذ برودك واللي علمك عليه " شسوي ياجماعة إن دمي صار بارد ؟ ،، ماعلينا فيه كتابة قِد كتبتها وتفلسفت فيها قُلت خليني أحطها هِنا هل أعتبر سيئة لمّا أعطي أعذار لشخص ؟ أنا مُقتنعة ومُصدقة إنو مافيه ومِن سابع المستحيلآت إنو يكون فيه شخص بشكل كاامل "سيء" أو بشكل كاامل "جيد" يعني حتى الأشخاص السيئين يكُون لهُم سبب! لازم يكُون لِهم سبب.. مُستحيل يكُون شخص يِعمل أعمال مش كُويسة وتكُون "فِطرة" فيه مُنذ الصغر سلامات ؟ ، يعني السارقين أكيد مابدؤوا يسرقوا بدون سبب ؟ القَتلة ؟ أكيد ماقتل بدون سبب! مثلاً القتلة ، نشوفهم بالدرامات هِيك ناس سيئين وحياتهم كُلها سيئة ومافي خير فيهم ودايماً أفكارهم سيئة ومابعرف إيش وِسوآد في سوآد -مع إن الأسود حِلو- ولا هالقتلة في الحياة الحقيقية ناس عاديين بيننا لهُم أفكارهم ولهم حياتهم ولهُم مبادئ وحاجات بحياتهم ، لكن لمّا قتل! قتل بسبب سواءاً غضب أو فيه شيء حفزّ هالشخص يقتل شخص آخر. ممم حتى فيه الأشخاص إللي مثلاً يكونوا قُدامك بوجه ؟ ومِن وراك بوجه! أنا بصراحةً أكره هالنُوعية من الناس بشكل كاامل لَككن!! أدري هُم طبيعتهم مُو هيك أبداً.. ممُكن السبب يكُون إنتا! إيه إنتا.. ممُكن إنتا كَشخص يتعامل معاك هالشخص بوجه ومِن وراك بوجه لإنك ماتتقبل الصراحة ؟ تبع مشاكل ؟ ماتحب الجِدية ؟!! فهالشخص يتضطر يلبس قِناع مَعاك وبعد ماتِمشي يشيل هالقِناع أو يلبس قِنآع ثآني! ،،، وبنفس الوُقت ممُكن تكُون أسباب عكسية يعني على هالشخص نفسو ، ممُكن ما أتعلم يكُون صريح ؟ ممُكن إللي حولو كُلهم نفس النوعية فطبيعي بيصير مِتلهم!! ولا ممُكن مايحُب المُواجهة ؟ يعني فيه 100 سبب وسبب. وممُكن تكون إنتا الغلطآن وممُكن يكون هالشخص الغلطان! وممُكن يكون السبب مُوزع بينك وبين هالشخص إللي عندو أرآء في هالمُوضوع ياخو ناقشوني أبغا أعرف أفكاركم إتجاه هالمُوضوع كيف ؟! لإني دخلت في نقاش مع بعض الناس من كَم يوم وأنصدمت من تفكيرهم بصراحةً ، الدراما لاعبة في راسهم لِعب صصح مقُولة لجدي جآت في بالي فجأة ومالها دخل بالتدوينة ككل: بالزعل والعصبية مارح تاخذي اللي تبيه لي عَودة heart0heart0heart0heart0