M i r a i ™ مِيـرآي

"هوّن عليكَ فما حالٌ بباقية
هَيهاتَ لا نِعمٌ تَبقى ولا نِقمُ."

ما افتكرش مرة وصلت اي شخص احساس انه شخصية بديله او هو موجود احتياطي في حياتي لا في الواقع ولا في المنتدى ، بالعكس كنت بحاول بقصد و بدون قصد اني أوصل احساس لكل شخص أعرفه إنك مميز في حياتي ولك مكانه كبيرة ومهمه و خاصة بيك لوحدك ودا مش نوع من انواع جبر الخواطر وكدا ، لا دا حقيقة بحته.
فـ اي مخلوق سمع مني في يوم من الأيام دعوه - كلمة حلوة - مدح - تفخيم - كلمة حب ، دا مش تمثيل و الله إنها مشاعر طالعة من أعماق قلبي وعلى فكره انا شخص مبيعرفش يمثل او يدعي حتى بالواقع اذا حاولت اخبي ملامح وشي بتفضحني تماما ، واي شخص وصلت له إحساس انك بديل او انه لقيت صديق احسن منك و بدلتك فيه وعلاقتنا إنتهت فبعتذر له و يشهد الله انه بدون قصد مني ، وان كان كلامنا قلّ عن أول فـ دا يرجع بالمقام الأول اني بكون مشغوله في شغلي أغلب الوقت والحياة ممشياني بالعكس .

الكلام دا بمناسبة إنه جاني اتصال من 3 ايام من واحده من شلتي وصممت تصحيني من نومي و هي عارفه اني قبل العصر مش بصحي ونبهتهم كلهم علي نظامي ، فهي بتقولي انه من بعد ما اتجوزت صديقتنا مش باقي الا أنا تكلمه ، قلت لها هكلمك لما اصحى وقفلت التلفون و كملت نوم و للأمانه مرنيتش ومش هرن تاني.

للحظه بقول تصرفي قليل ذوق و هو كدا فعلاً بس قله الذوق الأكثر انه تسمح لشخص انت قدامه طول الوقت و مش بيحتاجك لا في صغيرة و لا كبيرة لأنه في اللي يسد مكانك و اكتر منك و لما يحس بالملل او الطرف الثاني ينشغل عنه شويه وقتها بس يلاحظ وجودك ، او تسمح انك تكون مجرد شخصية علي دكه الإحتياط وقت ما يحتاجك يلاقيك .. يعني معلش مش الناس تلف تلف و تتعرف علي غيرك و تتفسح ووقت ما تزهق اهو انت موجود عيب في حقك بردو ، و على فكرة المبادئ مش بتتباع في سوق الخضار.
بتتباع في سوق الفاكهة هه ه ه > مش حلوه؟!
طب س س سلام

في قطه قابلتها من حوالي 3 سنين كانت صغيره شويه ، كانت تاجي عند باب شقتنا وتوقف المهم كنت أديها اكل من ورا امي لانه كنت باكل شباشب لو شافتني ، كانت علي طول تقولي " القطط عند ما اكلتيهم مره بيلزقو في البيت ومش بيطلعو منه " ، وحصل .. بدل ما كانت القطه توقف علي استحياء برا باب الشقه أصبحت تدخل تجهز معانا الغداء يومياً.
الحيوانه لها 3 سنتين و اكتر عايشه تحت حمايتي الشخصيه " بس بردو انا وهي بناخد بالشباشب من كل البيت " خصوصاً بعد ما ولدت في دولاب البيت و خربت كل الهدوم ، المهم لها سنه تروح تتسرمح فالشارع و ترجع لي مره بعيالها و مره علي معاد و لادتها ، اخر مره من اسبوعين جاتني شايله عيل صغير و رمته في قلب البيت و غصب عن عين الكل قعدت و تربعت ، مكنتش اعرف بالموضوع ولا قالو لي لأنهم عارفيني هدافع عنها لحد ما القطه البيبي تكبر فكانو بيحاولو محاولات كتير يطردوها و اكتشفت الموضوع بالصدفه لقيت بنتها بتلعب تحت سريري الحيووانه خلتني اتجمد مكاني كانت الساعه 3 الفجر وصاحيه لوحدي
علي رغم انه امي طردتها اكتر من مره خلال الأسبوعين بس بردو بترجع ، الغريب فعلاً في الحوار انه بنتها الصغيره بتفضل النهار كله مستخبيه طول ما انا نايمه او برا فالشغل اول ما اجي او اكون سهرانه تفضل تطلع و تروح وتجي وتلعب في البيت ، وعلى الرغم من انه بيتنا فيه 6 أشخاص مش بتقرب علي اي واحد منهم الا مني ، اكون قاعده تاجي عند رجلي و تفضل تخرمش و تلاعبني، اكون بغسل مواعين فالمطبخ تدخل تحت البوتجاز و تخربش في ، خلت رجلي ويدي كلها إصابات الزفته ، والله من كم يوم قاعده ع الموبايل لقيت صوت نفس جنبي افتكرتها حور لانه من عادتها تتسحب وتقعد تتفرج على الموبايل معايا بس لقيت النفس غريب ببص وراي لقيتها في وشها صرخت ، انا انصرعت و هي انصرعت وراحه جريت

بحس انه امها من كتر ما تحبني واخدت عليا .. وصتها انه ما تلعبش مع حد في البيت غيري ، ودا دليل انه الحيوانات لها مشاعر و ذاكره و بتفهم و بتحس زينا ، ودا للناس اللي بتقول الحيوانات ملهاش مشاعر، والله هم اللي معندهمش مشاعر يا عديمين القطوطيه.

* الصور يوم 3 الفجر لما كانت هتموتني بسكته قلبيه كانت كل شويه تطلع تعمل صوت و تلمسني و تختفي * رحت قفشتها الكلبه

لازمنا جرعه طاقة إيجابية ، حتي الأكسجين مليان إحباط.