تشجعت وصلني تقييمات من صفراء و فيو
بتفلسف عليكم
مع فقرة أخرى من #جلد_الذات_و_الاستخفاف_بالآخر
بس هالمرة فلسفة شخصية اللي
أنا بحكيلكم بصراحة ممكن أكون متغابي من ناحية أني أعتبر شخص جرحني ولا آذاني
لدرجة ما بعرف هل في يوم حدا جرحني عنجد أو حياتي سليمة من هالنواحي
بس فعليا بكون ملاحظ لما حدا يقرر يحمل شنتايته ويطلع نزهة من حياتي
براقب بهدوء بدون أي حاجة حتى تغير الأساليب والنبرات بكون ساكت وبس أناظر
لأنه عندي مبدأ بحياتي " عمرك ما تسمح لحدا يكون الضحية ، البشر يتوقون للعب دور الضحية"
لهيك ما بنسحب من جهتي حتى لو شفت جبال صخرية، وجبال جليدية ووديان، بكمل بطبيعتي من أول العلاقة، لهيك ما بسوي لا دراما ولا اشي انا مستمر بدك تكمل كمل الله معك بدكش الله معك كمان ،
أترجاك تضل معي مثلا، ولا أسأل ليه متغير، اذا عندك سبب تغير حالك ، فترة وتعدي ببين ،
اذا لقيت اللي بلائم مخك وقررت تعزل حياتك مشانه عادي بدنا راحتك أصلا ،
المهم صادف ما بعرف هو السنة هادي 2020 ولا 2019 مش متذكر، فيه انسان1 قرر يعنفص " يدافش زي أكنه بقولك ما بدي اياكم" طبعا الصدفة أنه أنا و والانسان الآخر 2 مشتركين بحظ نحس فكان حدا يعتبر صاحبنا"
وما يزال ، قلتلكم ما بسمح لحدا يصير ضحية
، المهم صار موقف بسيط مع الانسان النحس 2،
وأنا شخصيا تقبلت الموقف لأنه كان بطيب خاطر ولدفع المشاكل ، وصراحة اذا كان جد حدا لازم يزعل فهو أنا، المهم الانسان كان معه جماعته طبعا، ما تقبلوا موقف الشخص الآخر ما بعرف أخدوها بنفسنة شوي، وحتى معاملتهم تغيرت مش بس من ناحية صاحب الموقف حتى من ناحيتي، أنا كنت ملاحظ وساكت وحتى المنحوس اشتلق على الموضوع، فكرني غبي مش دايرتلي اللي بصير حولي، وصار موقف خلينا ندرك أنه احنا منتبهين وهاي التصرفات مش من وجهة نظر حدا فينا يعني بفسر عخاطره، المهم أنا بعرف أنه المنحوس بحس لما يتغير حدا معه لانه منحوس حتى بعلاقاته، بس أنا التغابي تبعي مش موضح كيف انا شايف الموقف بكون فيه على راسي غيمة
"هذا الانسان غبي لايفقه شيء"
والحمدلله هي حياتي ماشية ، لا صاحب خانني ولا انجرحت ولا تكسر قلبي اسم الله عليه