الطريق طويل لاتهتم | Sugar's Galaxy

أهلاً أهلاً صباح الخِير اليوم قررت إعادة تسمية مُدونتي ، حسيت بخمول لمُدة يومين للأمانة حاولت مااقصر بحق وندرلآند لكن سحبت على مدونتي أنا مُحبة للتجديد وبشدة ، كُنت مقررة أقفل هالمُدونة وأفتح جديدة لكن "لا" وألف لا .. هالعادة لازم أبطلها قبل لا أشنقني قررت لو عِندي حُب تجديد لشيء مُعين بالمُدونة رح أغير الإسم وأجدد الطَقم وأنتهى المَوضوع ع أساس فيه أحد جالس يتابعني أول بأول يعني * صدق فيه ؟* ليش سميتها هِيك ؟ أول شيء حسيت إن "عند النهاية ابتدأ كل شيء" أنتهى وقتها ، الآن أمر بمرحلة جديدة و حرفياً هذا شعُوري ، الطريق طَويل بكل شيء محد يعرف مِتى نهايته صح ؟ لو حتجلس تحسب بالطريق مارح تعدي أي شيء في حياتك ، لِذلك لاتهتم وإمضي! ممكن العِنوان تشوفوه إنه يحرض عاللامُبالاة ،أحب أٌقلكم نعم إنهُ كذلك * أتوقع القيف إللي بالهيدر أستنتجتو منه شيء صح ؟* صدق هالقيف أول ماشفته خفت للأمانة حسيت كإنه أحد يلاحق أحد بس عجبني برضو cute8 الزِبدة طال عُمركم حالياً أمر بأجوآء صباحية رآيقة وعملت لشعري خلطات > فاضية أخلص من الحوسة إللي براسي هذي ولِي عودة ، عندي سوااليف كثيير

أهلاً أهلاً مساء الخِير اليُوم كملت 15 يَوم بوجودي معاكم تخيلو 15 يَوم حسيتني زي الفايروس إللي أنتشر بالمُنتدى بكل مكان سُكر سُكر سُكر .. قريت ومريت على كل شيء تقريباً وة كثير بوجودي هِنا يعني مصدومة هالفترة القصيرة تعرفت على كثيير هِنا حسيتكم جيتوني بالوقت إللي أنا حرفياً تايهة وطفشانة وأحس إني مشتتة وبديت أجمع نفسي .. من يوم أنضميت لوندرلاند هي نفس الفترة إللي بديت أجمعني فيها ، لذلك عزيز ع قلبي هالمكان وبشدة لاحظت عدد لايكاتي مايمزح ((من اليوم ورايح نادوني فايروس ))

أهلاً أهلاً مساء الخِير جلست أقلب بمدوناتي القديمة بقوقل كلها .. حبيت بعض المَواضيع إللي تكلمت فيها ، رح أنقل بعض الحاجات الحِلوة إللي أنبسطت إني كتبتها 25FEB2017 مِن مشاكل البشر إنهم يكبرو شخص معين ويكبرو ويكبرو فيه لحد ماصارو يحسو إنو هالشخص مستحيل يغلط وإنو من أفضل الناس على الكُرة الأرضية. ، وإذا شافو تصرف ولا شيء مش كويس من هالشخص؟ ولو كان شيء صغنن ، طاح مِن عينهم أنصصدمو! وجلسو فترة عِندهم حالة نفسية قلك قلك منصدمين من هالشخص!! وفجأة ينقلب الحُب والتقدير إلى كُره فظظيع. نعم يا آخوان ؟ من البِداية مِين حكالكم كبرو الأشخاص هدول ؟ بالنهاية كُلنا (بشر) والبشر مستحيل مايغلط! مستحيل ماتشوف إنسان يعمل شيء غلط وسيء ، مافيه أحد كامل إلا سُبحانه وتعالى. المُشكلة الكُبرى إننا كُلنا عارفين مافيه أحد كامل ومافيه أحد مايغلط ، بس برضو فيه ناس مدري إيش عندهم!! موراضين يصدقو ولا هم اساساً يبغو ينصدمو مره عشان يآخذو كف مُحترم من شخص معين عشان يعلمهم ويأكد لهم معلومة (مافيه أحد كامل) ؟ ،، + اؤمن وبشدة بمقولة كُل إنسان يُمر بحياتك خُذ منه الصفة الجيدة فقط ، يعني لاتعتبره قُدوة ابداً .. البشر لن ولن يكونو قدوة مادامو بشر عاديين ، بعيداً عن الأنبياء والرُسول طبعاً كُل بشري فيه الصفات الجيدة والسيئة ، فالأفضل ناخذ الكُويسة ونتجاهل السيئة عشان نعيش بس شغل التكبيير بالشخص وإنه أفضل شخص بالحياة وكامل ؟ مالها داعي عواقبها وخيييمة وبس لي عَودة طبعاً

___

إعتنوا بقلبي جيداً !
فنصفه هُنا

أهلاً أهلاً مساء الخِير حبيت فعلاً فيه أشخاص مش حقيقيين لكن أتعلمت منهم أكثر من الأشخاص الحقيقيين > حد فِهم حاقة ؟ الأنمي خاصةً : أحس لمّا أتابعو مش من باب إني أستمتع وبس ، لا بالعكس! مستحيل أتفرج أنمي إلا وأطلع منو بفايدة. دايماً فيه إقتباسات تِلهمني بشكل فَظيع ، أحسهم صح مش حقيقيين لكن يأثروني بشكل غرييب!. أحياناً أحس لمّا أتفرج عليهم وأستمتع أفضل مية مرة من بعض الناس عالأقل أطلع بحاجات وفايدة غير إني أستمتعت خصوصاً فيه شخصيات مدري كيف إللي عملهم قِدر يطلع بهالمزيج الغريب! غبي ، أحمق ، لكن شجاع ولايخاف!! .... متبلد ، بارد ، لكن مايِترك لأي شخص يمس أصدقاؤه بسوءّ!. وغير إللي تكُون الشخصية جداً سيئة ببداية الأنمي وتِغلط كثير وتكُون مصدر أذية وشريرة بس بعدها تنقلب الأحداث ويتغير كل شيء! وفيه إللي تكُون الشخصية محبوبة وذكية وكويسة ، لكن ينقلب الموضوع! وبنفس الوقت إللي أحبو بأكثر الأنميات إنو (الشخصيات السيئة) يكُون لها سبب! ليه هيّ سيئة ؟ للآن ماشفت شخصيات سيئة بدون سبب! ، ياخي حتى بعضهم يكون موضوع نفساني تَركهم يصيرو كِدا! يعني فييييييييه سبب كِدا ولا كِدا. مش نفس الدرامات وهالحوسة! يحطو بطلة رئيسية والثانية تكُون شريرة بدون أي سبب يُذكر! بس تجلس تتبسم مسوية فيها شريرة وإحنا ماندري إيش موضوعها بالحياة 1حك4 طبعاً مش كل الدرامات بس فيه زي كِدا. ^ ممم ومِثال بسيط الدرامات الخليجية مستحيل ماتلقو شيء زي كدا فيه هههههههههههههههههههههههههههههههههههههههههههههههههه هههه XD خليني ساكتة بس صرت بالأنميات أتحمس للشخصيات السيئة عشان أعرف قِصتهم أكثر مِن إني أكرههم .. كان عِندي شيء غريب ماكُنت أطيق الأنميات الطويلة أبداً ، ماأستحمل إني أتفرج حلقات بهالكمية الكبيرة الوضع أتغيير تماماً هالفترة .. أتذكرت في كِتاب كان يقُول [الشيء إللي تكرهو اليوم رح تعملو بُكره] > أحس شطحت بس لحد يدقق 25FEB2017 لي عَودة