اللغةُ تستغيث فهَل من مُغيث ~ الأخطاءُ الشّائعة

@REDNESS;_ imaginary light

السلام عليكم
كيف الحال اورا؟!
اتمني تكون بخير فين ما كنت
ورمضانك كريم
ويارب ترجع للمنتدي بخير وسلام

اللغه العربيه لو استغاثت من حد ، فهكون انا اولهم
بواجهه اخطاء املآئيه رهيبه واخطاء نحويه و غيره وغيره للاسف .
مش لوحدي ولكن في ناس مع كامل الاسف اكثر مني ، و لو جينا بحثنا عن الاسباب هنلاقيها كتير ولكن من وجهه نظري فهي بترجع وتتمحور حول التعليم.

التعليم عباره عن تلقيح ، المدرس يمسك المعلومه من هنا يحفظها للطالب
فهم او مفهمش مش مهم عنده ، طيب طبق عليها علشان تثبت معاه او لا بردو مش مهم.
المهم انه بقي بغبغان يردد وبس.

زمان ايام العلماء العظماء في اللغه العربيه ، كانو بيتدارسو علم واحد بس من اللغه في شهور وسنين ، يعني مثلا علم النحو كانو ياخدو فيه سنه او اكتر علشان يندرس ويتعلمو فيه اقل القليل ، علشان كدا كانو نخبه عظيمه و علماء مش هيكررهم الزمن ابدا

واكيد مننساش دور الاهل .. الاهل حاليا يعلمو اطفالهم اللغات الاجنبيه لكن العربيه مجرد امتحان وبس ، نادر تلاقي اهل بيهتمو باللغه العربيه للاسف.
حتي في موضوعك لاحظت انه اخطاء ان كلها سبب فهي العاميه و طريقه الكلام بيها و استخدامها حتي لو تكلمنا باللغه العربيه .

لو ركزنا في موضوعك هتلاقي انه في كتير امور شائعه في المجتمع انها من اللغه ولكن هي مش كدا .. زي اختصاصي هي مش اخصائي ، لكن الشائع هي اخصائي.

اللغه العربيه صعبه وانا متاكده لانه سبق ودرستها ، صعبه علي اصحاب العقول الحاليه ، رغم انه في اطفال وكبار متمكنين فيها بشكل رهيب تبارك الله..لكن خليني اقول انهم فعلا تعلمو بالطريقه المناسبه .
وانا شخصيا بشوف انها صعبه لانه ولا تعلمتها بالطريقه المناسبه ، ولا تعلمت بالطريقه المناسبه ، حتي الاسلوب اللي تعلمت بيه كان غلط .

اتمني لغتنا الام ترجع زي ما كانت واحسن من وضعها الحالي
والله يعزنا بيها وبالاسلام

شكرا لموضوعك الجميل اورا
دمت في حفظ الرحمن

#العمالقه