•تلك الطَّريق

أحد غيري عايز يهرب من الكوكب؟

-


https://e.top4top.io/p_2164jzxbt0.jpg

مين عمل قصة ؟
أنااااااا
صحيح بقالي فترة طويلة نفسي في قطة ولكن من فترة اكتشفت إنه لأ مش هينفع..
هتسألني ليه يا حجة أشرقت؟
هقولك علشان محتاجة رعاية جامدة وأنا زي ما قلت فوق حجة في نفسي
هيييييح يلا مش مهم .
المهم انتوا عاملين ايه ؟

اليوم كنت واقفة في الفصل مش قادرة أتنفس ونفسيتي في الأرض
المهم قاعدة بشرح وفي بنت كل شوية بتتكلم وصوتها واصل لحد عندي
التصرف العادي إنه بنبهها أكتر من مرة وبعد كدا بتنزل لغرفة المديرة تتصرف معاها
المهم مرضتش أنزلها عشان محدش يزعقلها وتعيط ف سكت
ومع محاولات كتيرة إنه بس بس بس بس
ف قلتلها قومي اقفي ..
في العادي برده الولاد بيعتذروا وبيقعدوا وبنكمل الحصة ...
البنت لما وقفت: هجيبلك ماما!
المهم قلتلها هاتيها احنا محتاجينها فعلا عشان نتكلم ...
طبعا الولاد كلهم استغربوا وسكنوا ....
ووزعت الكشاكيل وكملنا شغل ...
هي بس الفكرة في إنه دا عادي ؟
يعني واحنا صغيرين مكناش كدا، ولا ردودنا كانت كدا..
مع العِلم إنه مش أول تصرف زي كدا هي تتصرفه.
لو أنا بسمع بس كنت هقول لازم تحتويها ونتكلم مع بعض براحة وأفهمها وجهة نظري..
بس معلش على أرض الواقع الامتحانات قربت ولازم نشتغل جامد ..
إنه أبقى تعبانة أو لأ دي حاجة بتاعتي أنا، أنا عارفة بس ليه الدنيا بقت كدا...
المهم يوم الحد لو ليا عُمر هكلم المُديرة عشان دا تاني تصرف ليها مش الأول...
معنديش كلام تاني بس حبيت أحكي..

أحد مثلي بيحس إنه ليه مش عايز ينام بس يبص في الساعة يلاقي لسه بدري ؟؟
بحس إنه كل دا يووووم كل دا ولسه العصر ؟
تقريبا أنا بصحى عشان أستني أروح أنام تاني
ياااخ حتى النوم بقى ليه مواعيد شممقن بجد
صحيح مين عشان يوم الخميس الي فاتت خلص ؟
أناااااااااا
ياأخي كان طويل أوي مش راضي يخلص

دي سنة جديدة صح؟
مش مهم تبع ايه، المهم أي حاجة جديدة بتبدأ^^
أي حاجة بتقولك خلاص الي فات راااح، دي صفحة جديدة.
يلا اجري خلاص بقيت حُر
مش هنقطع الصفحة ونجيب غيرها لأ
احنا هناخد الكشكول دا ونرميه خالص ونجيب غيره
يارب تبقى بداية جديدة وأيام سعيدة
كل سنة واحنا بنجري ونتعب ونشقى ونفرح
وبنعدي بالرغم من (كل شئ) ..
كُل سنة وكل أيَّام ربنا كلها (إن شآء الله) جميلة