•تلك الطَّريق

عاملين ايه ؟
مين عيد ميلاده بكرة ؟ أنا
مين هيكمل ٢٥ سنة ؟ أنااااا
معلش تتمنولي سنة سعيدة بدون أحزان وإنه أكون مرتاحة
وكل حاجة واضحة قدام عيوني ؟
هيهيهيهيهيهيهيهييي » ضحكة هبلة
قلتلكم إنه جبت ميدالية مفاتيح جديدة xDDD
لونها أصفر وفيها بطووط
فرجتها لكوكب الأرض كله مش ممكن علياااااااا
كنت ناوية أشتريلي حاجة مميزة بس ملحقتش،بس جبت طرحة جديدة بس
أي حاجة جديدة وخلاص مش مهم
*تاخد دوا البرد * الموووهيم لا تنسوا تدعولي، والله بصدق نفسي حاجة تحصل السنة دي تفرح، أي حاجة أي حاجة
أي حاجة تفضل في ذاكرتي أفتكرها على طول عشان تسعد قلبي الصغير ومتتغيرش ولا تتقلب لشر
وبس كدا
ربي يرزقكم سعادة أبدية سرمدية لا نهائية رهيبة

هابي بيرث دي هابي بيرث دي
واو مواليد يناير مثلي
كل سنة وانتي بخير ماشاءالله العمر كله
يارب ايامك القادمة تكون مشرقة ولياليها آمنة وجميلة
الله يسعدك ويجبر بخاطرك ويحقق احلامك تستاهلين كل خير صدقاً

♡ H A P P Y birthday to U ♡
♡ Sweet A N G L E ♡

عاملين ايه ؟
أولا حابة أشكر فلوري وآدم وسكون وياجي وعلبة ألوان وعماد وكلكم كلكم والله
أعترف بحاجة ؟
كنت راجعة من الشغل انهاردة ودماغي بتفكر في كمية الحاجات الوحشة الي هكتبها الي حصلت انهاردة، كان نفسي تحصل وحصلت عكسها ف اليوم اتشقلب...
كان في حاجات حلوة كتير حلوة بس تقريبا من كُتر ما كُنت متحمسة وكلي أمل في سيناريو معين وحصل عكسه ف زعلت أوي وحسيت إنه اليوم كدا خلص خلاص، لدرجة لما كنت بشتغل والنظارة وقعت على الأرض اتنرفزت وأخدت نفسي وطلعت بره المكان
بعدين رجعت تاني وقتلهم محدش يدخل هنا خلاص « حضانة أوي في نفسي
يمكن أكتر حاجة زعلتني إنه إتمنيت حاجة مميزة وحصل العكس تماما ف كان صعب أوي يمكن لما روّحت قضيت نص اليوم عياط ...
أيوة صح مش بتكسف أقول كنت بعيط، بحس في الزمن دا كله بقى يعيط عادي صح ؟ أنا كمان بقيت بقول كل حاجة بصراحة الي هو ليه نخبي الحقيقة » مش بجرح ولا بزعّل حد لا تقلقوا
المهم » عارفة رغيت كتير بس هخلص والله
المهم لما روَّحت وبعدين بعد كام ساعة ولقيت الكلام القمر دا في المدونة والملف والتقييمات حسيت إنه مليش عين أتكلم وأقول إنه وحش بالعكس دا يمكن أكتر سنة جالي فيها معايدات حلوة من ناس كتير ممتنة بوجودهم في حياتي وة إنه عرفت المنتدى والناس القمر الي فيه
والحاجة الحلوة الي حصلت هي المعايدات الحلوة دي
شكرا بجد، عشان انتوا مكنتوش مضطريين تعملوا دا بس عملتوه وطقم فلوري القمر تسلم ايديها وتقييماتكم وكلامكم، بجد شكرا
فكرة إنه حد يفتكرك وينفض الكسل ويعايد التانيين دي حاجة عظيمة ومش قليلة عشان ناس كانت موجودة وكان ممكن تقول بمنتهى البساطة ( كُل سنة وانت طيب ) بس استخسروها تقريبا أو كانت تقيلة عليهم، المهم ممتنة لكل حد كتب حرف وتعب نفسه، الله يسعدكم بجد وحقيقي فرق جدا في اليوم بجد شكرا وربنا يسعدكم ويراضي قلوبكم جميعا
ويارب ما تشوفوا غير السعادة في حياتكم وقلوبكم سعيدة ومَرْضيَّة يارب
مع السلامة

من كام يوم جبت برتقالة من المطبخ » أيوة أيوة الفاكهة بتاعة البرد
الموهيييم كسلت أقشرها وسيبهتها على جمب وبعديييين يوم الجمعة كنت بنضف الغرفة وأخذت البرتقالة ومدري وين شيلتهااا
هتقولولي هاتي غيرها هقولك سوري يا هي دي يا مفيش....
طب ما هي كانت قداااامي مكلتهاش ليه ؟؟؟
ليه بنسيب الحاجة قدامنا ومش بنهتم بيها غير لما تضيع ؟
هييييييف * تروح تشوف البرتقالة فوق الخزانة* xDDD