سَماويّة | في دَهاليزِي سحَاب .

سورتي #جلد_الذات_والاستخفاف_بالآخر . اليوم على غير عادتنا، سنقيم خمس جولات لهذه الفقرة التنمر العنصرية خدود سنو ولاء الجيمس جلد روعة دعما للموضوع الأول ~ التنمر بناء على طلب ملاك المنتدى | فيوليت نعم صحيح ملاك المنتدى ، بس ولا حرف لسا بدنا نبدأ بالموضوع هالفترة صارت تنذكر على لساني "تنمر كثير " لدرجة ممكن يساء الظن شوي وبتعرفوا الغير المستقبلين للمزاح كيف ممكن ياخدوا كل شيء بتقوله على محمل الجد heart1 المهم التنمر بشكل عام هو من أسوأ التصرفات البشرية ، اللي ممكن تنتقدها بس بنفس الوقت تعملها ، سواء بقصد أو بغير قصد ، صراحة لما أشوف الأطفال أو المراهقين وبخاصة الأجانب اللي بينتحروا بسبب التنمر ، بغتاظ حتى شخصية المتنمر في السنيما والمسلسلات مكروهة يعني بالنسبة اللي السايكو لا يعتبر متنمر لحظة تداخلت الأمور ببعضها المهم ، كون شخص ما شاء الله عليك ربنا معطيك كتير ، لا يحق لك بأي شكل تتنمر على انسان، تستخف بقدراته أو تحبط معنوياته ، أهله ما ربوه وتعبوا عليه عشان حضرتك تهزمه بكلمتين تخليه ينهي حياته ، وبرضه ممكن أهله يكونوا متنمرين عليه * العنف الأسري * وهو موضوع مختلف المتنمر بمنظوري هو انسان بحاول تعويض النقص اللي بداخله من خلال توجيه الضربات لنقاط ضعف الناس الآخرين ، وبالعاد بكون مستضعف من قبل ناس آخرين فبيجي يبين أنه هو قوي على حدا أضعف منه ، وبرضه أنا بعتبر المتنمر عليه غلطان ، لما شفت بفيلم ما كون المتنمر عليه شب واعٍ وكبير ، أهله بحبوه جد وما شاء الله بنيته مش ضعيفة بتنمر عليه واحد استفزني، بالعكس كان ممكن يردله الصاع صاعين ، *راح صاحب مجرم* بالنهاية وقتل الناس اللي بتعنيله لأنه حاول يتحامى بانسان قوي بدل ما يصير بذاته قوي، تذكرت إيجور لما حاولوا يتنمروا عليه ، بس هم من إدراك خارج الحواس *يقرأ أفكار الناس * ، اكتشف أنه الطفل اللي بتنمر عليه هو أصلا خايف منه ، بس عمل فيه اشي فني مرتب ، لربما أتطرق لموضوع إيجور في المعرضض الأدبي الذي لن يفتح أبدا أكيد بتتساءلوا * ان وجد من يقرأ * أنه كيف من الممكن أتنمر بدون قصدي ، فيه بعض التعليقات البسيطة اللي ممكن تنبر منا من دواعي السخرية أو أي شي تاني تاثر على شخص ، لا ننسى أنه تعابير وجهنا غير ظاهرة ، فيمكن يفهم مزحك جد والخ ، عشان هيك امزح مع ناسك بالنسبة لموضوع ملاك المنتدى بعرف أنكم شاكين في كون الملاك ملاك المنتدى حقا بس شو نعمل نكون متنمرين زي اللي بتنمروا عليها ، شوفي كلماتها وهي تعبر عن كونكم *أعضاء المنتدى متنمرين * تعليق سنو حاجة مختلفة تماما أترك لكم التعليق بتتنمروا على البنت ، دافعوا عن أنفسكم

#جلد_الذات_والاستخفاف_بالآخر . العنصرية بناء على طلب ابني الكتكوت الحبيب أروين " العنصرية رح تأدي بشكل واضح وصريح إلى التنمر، ورح أتجنب الحديث عن شخص برتقالي مسلوخ ، نظرا لكونها قضية تغوص بالسياسة ، لذا سألعب على السطح على مستوى العائلات البسيطة ، أو ممكن نحكي القبائل والخ أو حتى بين مجموعة صغيرة ، مشكلة العنصرية موجودة حولينا هاد المقصود رغم أنها أخف ، فبتلاقي الدكتور الفلاني ساير مع ابن صديقه الفلاني مع أنه شخص تاني عمل نفس الاشي وما مررله اياها أو ما عامله بالشكل الصحيح ، بحسني رح أغوص أكتر بالواسطات ، بس على مستوى المنح الدراسية ، فيه كتير من المدارس ما بتعطي طلابها فقط لكونهم من منطقة مختلفة ، مع أنهم يعتبروا طلابها ، فلان ما بشغل معه غير ناس من قبيلته ، وهو أمر خانق جدا للناس وخصوصا المغتربين، لما يشوفوا أنهم بتم نبذهم بس لمجرد كونهم من دولة اخرى ، الوضع والحكي بهالموضوع بخليني أتطرق لمواضيع مش لازم أدخل فيها ,, بس فيه كتير أشخاص تعرضوا لهجوم عنصري مباغت من أصدقائهم فقط لمجرد أنهم أغنيا ، ونظرة الاستصغار اللي توجهتلهم ممكن ما ينسوها ولو صارت أعمارهم 90 سنة أنت مين عشان تعمل هيك فهمني ، ما رح أتوسع أكتر

#جلد_الذات_والاستخفاف_بالآخر . خدود سنو بناء على طلب سنو في الحديث عنها ، فقلت بحكي عن المارشميلو سنو بتابع التدوينات حاليا عشان نصل لجولة خدودها ،، شفت سنو للمرة الأولى اليوم ، والله يعني أقولكم عشو ركزت ركزت على الخدووووووود يا ربي قطن قطن ، اجباري بتحس لازم تقرصهم وتشدهم ، بالزبط تعاملهم كالسلايم، بتعرفوا الدب الوردي اللي بكون حامل سكينة هيك صرت أتخيلها ، لأنه الوضع أوفر كياتة هلا اقنعوني كيف بشوف هالكائن اللطيف معصب وحاملي ساطور أفهم بس تذكرت بنت أختي ، والله ميس هير سو ماتتش ، * تذكرت بكرا يوم ميلاد ابن أختي المسحوب عليه بالهدايا* خدودها تقريبا نفس الاشي ، وأحيانا ما بستحمل وبصير أقرصهم ، هلا المشكلة أنها ماشاء الله كمان شوي بتصير طولي ، فإذا فممكن ترجع تقرص خدودي بالمقابل ، الله زمان لما كان عندي خدود ، أمي للآن بتوقف بتقول يا االله يا أصالة وين راحوا خدودك ، وجهك صغران ، شتيت عن الموضوع المهم خدود سنو مارشميلو واذا عصبت ممكن يصيروا مارشميلوا مشوي ، بالكم اذا خجلت بصيروا أحمر لونهم زي الفراولة

#جلد_الذات_والاستخفاف_بالآخر . ولاء الجيمس بناء على طلب الجيمس (يونا ) | ماي سول مايت طريقة التقاء الجيمسات الابداعيين كانت تافهة جدا ، نتبادل نكت أغنيلها جاموسة راحت تقابل جاموسة، ولحد الآن ما حفظت نشيدنا الوطني، صراحة أكتر نفر استفقدته من لما سجلت هون ، والحمدلله أجتني بالسلامة فريق الجيمسز هو أكثر فريق وفى فيه الأعضاء لبعض ، مكانش ممكن نتخلا عن ابداعنا المشترك المهم بعد انقطاع ، لساتنا بنكتشف قديه الجيمسز فيه بيناتهم أشياء مشتركة ، فقدان الذاكرة القصيرة ، حب الأشياء القديمة ، التفاهة رغم أنها ما بتحب الستيكرز الكتار لدرجة عملتلي حجر بالواتس ما بدها ستيكرز ، وما بتعرف ترد على الحكي الحلو ، ونعم صحيح أساليب الجيمسز في المواساة التي تعتبر كل شيء الا المواساة جيمس هو انسان وفي للفريق ، لذا سنحمله بقلوبنا دوما ، ورح نضلنا نشيطين ويا رب ما نسحب

#جلد_الذات_والاستخفاف_بالآخر . جلد روعة دعما للموضوع الأول الحقيقة المحزنة يا سادة أن روعة تغيرت كتير من يوم ما عطست قدامها :" class="inlineimg" /> شكلها بتفكرني كورونا ، يمكن يتصلح حالها بس أبطل عطس المهم بناء على طلبها الهيتر القريب على قريب روعة اصالة احكي عن رهابتي و فخامتي و كيف انك محظوظة بالتعرف علي بحكيلكم كم الثقة ممكن تورطك وتخليك عرضة للتنمر :" class="inlineimg" /> هالأيام أنا واياها نازلين جلد ببعض على الطالعة والنازلة ، أنا بصراحة برد الحرب بس من متى اللي بعرفك يا روعة * تناظرها بنص عين* لا بصراحة يعني *تشرق * احمم كح كح ، روعة من الناس الي انقصنقحلنخلحلب معلش شحط حلقي ، من الناس الجميلين اللي تعرفت عليهم بعيون وبعتز بمعرفتهم لهيك تعد هيتر فخم قريب لقلبي ، وصايرت من الناس الكيوت اللي الواحد بنبسط بس يشوفهم ين * وانا ياحب على المنتديات * وهي سو كوول وانسان محب للأفلام ، وحصرت معها فيلم المرة اللي فاتت ، ولسا بدي كمان واحد خلص بكفي اذا كملت بتصدق حالها - سبحانك اللهم وبحمدك ، أشهد أن لا إله إلا أنت أستغفرك وأتوب إليك