انعكاس الألوان

المشاركة الأصلية كتبت بواسطة علبة الألوان

حمستيني اروح اكتب
بس مدري شنو اكتب
انا شخص كلاسيكي ما احب الالعاب الاكترونية

اكتبي أبيات شعر
اما ماتحبين الالعاب الالكترنية
يارجل الكثير من المتعة تفوتك

واخيرا عملت فستان دميه روزي
ما جنت عارفه انه خياطة فساتين الدمى مزعجة الجزء المزعج هو القياسات
والدميه كلش جانت صغيرة اصغر من كف يدي

مثل ما تشوفون بالمزاج طفشانة
وما عندي فلوس اسوي فعاليه
اجيت افضح حالي
اليوم اخبركم ليش اخترت اسم علبة الالوان
من اذكر الي صار اكول شكله ما جان عندي عقل وكته شيء يفشل
المهم في بداية تسجيلي بعيون يعني ايام 2014
من تعلمت خلينا نكول استعمل الفوتو على السريع روحت عملت طاقم ملف لصديقتي بس هي ما استعملت الطاقم وانا طبعا لان بوكتها ركزو بوكتها مو هسا ما جان عندي عقل زعلت كلش منها وخصوصا ان اختي اهدتها قبلي بفترة قصيرة واستعملت الطاقم الي هي اهدتها
طبعا انا غضبت وتشاجرت معها شجار كبير طبعا اختي عرفت بالموضوع كله مني
بعد الشجار ما عادت صديقتي بقائمة الاصدقاء الخاصة بي وانا بعد فترة حاولت اصالحها وطبعا تصالحنا
ورجعت الى قائمة الاصدقاء الخاصة بي المهم المشكلة الكبيرة جانت هنا اذا ما اختي شافت انها رجعت لقائمتي اكيد راح تعرف انه تصالحنا وستسألني كيف تصالحتي وانا ما جنت وكتها قادرة ابوح بمشاعري واكول عادي تصالحت معها لاني غلطانة وما فيني استغني عنها
فشسويت اول شيء انهيت صداقتي باختي وغيرت اسمي لابعد شيء عنى وحطيت رمزية لطيفة وكتها ابدا ما جنت استعمل شغلات لطيفة علمود اتنكر وما تعرفني اختي
طبعا التنكر نجح وما عرفتني واخذت وقت ومجهود كبيران حتى كدرت تعرفني بعدها اعترفت لها بألي حصل
بعدها بوقت المنتدى مدري ممكن صار خامل او صديقاتي ما عدن موجودات فغبت وقت طويل من رجعت ما جنت اعرف الا كم واحد من الي جنت اعرفهم زمان ممكن جان اكو ناس موجودين من نفس الوقت بس وقتها ما جانت اسمائهم بارزة
المهم ما جنت مختلطة ويا الاعضاء فالكل حينها جان يناديني بعلبة الالوان فما غيرت الاسم وقتها لان محد جان يعرفني الا باسم علبة الالوان
احس بعد الان كلما راح تشوفون اسمي راح تضحكون علي
الكل عباله اني ارسم او مدري فنانه علمود هاد مختارة اسم علبة الالوان
طبعا بعد فترة اكتشفت نفسي وان اي شيء فيه الوان انا احبه واحب تنسيق الالوان مدري ممكن وقتها ما جنت افكر اصلا شنو احب شنو الي يميزني وصحيح جنت ارسم من جنت صغيرة وجانت مستواي لا بئس بها وقتها بس للاسف بسبب انشغالي بالدراسة عفت الرسم بس لحد هسا النيه موجودة ارجع ارسم طبعا بيت فترات متباعدة من اشتري نوع جديد من الالوان ارسم رسمتين واكول مع السلامة للرسم
رسمات بسيطة رسمتها هذا العام

احس اخر فقرة كانه أبرر انه أنا لسا علبة الالوان
وهيج خلصت القصة وفضحنا انفسنا بليز انسو هاي التدوينه اوكي

زمان من جان يجينا ضيوف جنا نستخبى وما نسلم عليهم بس وحده من عماتي جانت تدخل غرفتنا ومرات بالعافيه وتخلينا نسلم عليها
اليوم اتنين من ولادها كبرا واصبحا متلنا
فحبيت انتقم فشنو اسوي كلما اروح لبيت جدتى وولاد عمتي هذه موجودين اهناك وما يسلمو علي لانهم يخجلون مني اكول عمتي فلان ما سلم علي طبعا عمتي تكول يلا يا فلان سلم على بنت خالك بسرعة