انعكاس الألوان

تعرفون الي شنو ما اكلت ما تزيد وزنها هاي جانت اني
جانت نعمة حلوة ان يكون وزنك مثالي بدون اي جهد ما تخيلت بيوم من الايام يزيد وزني
بلش الموضوع من السنة الي فاتت حسيت انه وزني زاد
من زنت حالي جنت قد زدت اربع كيلوات خلال اشهر قليلة ما انصدمت هوايه خصوصا اني بتلك الفترة جنت مرتاحة كلش جسديا ونفسيا وهم جنت بتلك الاشهور اكل بشراهة بسبب ادوية جنت اخذها واحد الاثار الجانبيه للدواء جانت تزيد الشهيه بعدها حاولت اكل طبيعي وشوي زبطت اكلي للحلويات خصوصا اني من محبي الحلويات وعبالي خلاص المشكلة خلصت وما رجعت زنت حالي لاشهر ولان من طبعي غالبا ما البس اوفر سايز حتى بالبيت فما جنت احس انه وزني يزيد لحدما حسيت لا ليش كل لبسي ضاقت واصبحت فيت علي روحت زنت حالي هنا جانت مفاجئة سبيستون لالي اذ جنت قد زدت ست كيلوات اضافية خلال اشهر قليلة
يعني تقريبا زدت عشرة كيلوات خلال سنة واحدة بس وطول السنين يلي فاتت جان وزني يقل عام عن العام طبعا نظام اكلي ما تغير بالعكس اصبحت ملتزمة شوي مو متل قبل
المهم لازم اعمل دايت شكله خلاص انتهت الايام الحلوة واصبحنا متل غيرنا ناكل ونسمن
المشكلة مو في الدايت المشكلة لازم اعمل لي اكل دايت وانا ما بحب ادخل المطبخ مو لاني كسولة لان ما احب اشتغل بالمطبخ ويكون في حد غيري موجود فيه وهذا الشيء شبه مستحيل ببيتنا اما حد يعمل فيه اكل او حد ينظفه

أكره الوداع
هذه اللية سوف يرجع عمي لكندا ولن أرى سكاكيري روزي وأخوها لوقت طويل الله أعلم كم سنة
أشعر بشعور مزعج منذ أن رجعت من بيت جدتي

أغرب وأسخف حلم أشوفه بحياتي
تعالو أحكي لكم حلمي بس لا تتمسخرون علي
شفت بحلمي أني معلمة أدرس مجموعة من طلاب الي هم مجموعة دمى مو أي دمى كانو دمى بيبيات
وشنو بعد كل شوي أقول لهم ركزو لا تخفو وتعرفون من تميل الدمى عيونها تغلق فأروح كل شوي أزبط جلستهم علمود لا ينامون ويركزون على الدرس
يعني أنا أتفهم الواحد من ينام ما يكون على وعيه بس ياخي مو لهاي الدرجة من الهبل
أنسو هاي التدوينة

اممم مدري ليش دايم بالمسلسلات يخلون الي بلحية او محجبة بشكل صحيح او خلينا نكول الحجاب الي اجا في الدين هم المتشددين الي عقولهم مغقلة والي بدون لحيه او محجبة بس حجاب عصري الي ما ينطبق عليه كل شروط الحجاب هم الي يفهمون الدين بشكل صحيح وهم بالمسلسل كلامهم عقلاني وصحيح
مدري هاي الصورة النمطيه نسبة الصح فيها شكد؟ وما فيني استنكر انه انا بسبب موقف او بعض الاشخاص لا افضل ان اقترب كلش من الي ملتزمون جدا شكلا لان دايم اكو براسي احتماليه انه ممكن يكونو من المتشددين الي ما يقبلون اختلاف الاراء وفي افضل الاحوال يعوفونك لان ما يعجبهم تفكيرك وينسون كل الي كان بينكم وهاي مو غلط مدام ما يؤذوك بس انا احب اتعامل مع الي يحترم الاختلاف
وشخصيا تعرضت لموقف طبقت عليها هاي الصورة النمطيه مع اني لا اعتبر لبسي هالقد ملتزم
من التحقت بدورة الخياطة المعلمة الي جانت تدرسنا جانت مسيحية وانا وهي جنا مقربتين من بعض باخر يوم قالت لي من شفتج اول يوم خفت منج قصدها لبسي عبالها اني متشددة بس هسا بعدما تعرفت عليج من قرب لو تتطلبين عيني انطيج

لا تمتلك أي شيء, إذا لم تكن مستعدا مسبقا للاستغناء عنه
...
تتفقون مع هذا المبدأ؟
بالنسبة إلي لو فكرت بهذه الطريقة لن أحاول أصلا أن أحصل على أي شيء برغم أن هذا قد يكون الواقع لكن لا يجب أن نفكر بهذه الطريقة , وأنا أكتب أبتسمت لأن تذكرت أنني بموضوع معين أفكر بهذه الطريقة