أكره أصحى متأخر، صحيح نمت الفجر،
بس اقل ما فيها اصحى 10 ...
×
المهم مبارح لما طبقت بلان بي " رحت نمت قبل الفطور بنص ساعة"
وكانت نومة مزعجة لأنه فيه بنت تذكرتني من العدم وصارت تسألني
عن مشروع ، فصوت الجوال طن طن طن ، فجأة على ال 7:17
فتح أخوي الباب زي العاصفة :" أصالة قومي ضايل عشر دقايق "
طبعا كان ضايل 20 أتوقع ، رحت أشوف كيف مرتبين الطاولة
" اليوم ما بدنا نحط الورق على الطاولة ، بدنا نقتصد فيه "
طلع الأخ هو وأخوه المحترمين مش مكلفين يحطوا ورق على الطاولة
وأمي من المطبخ بتقولهم " ليش نقتصد فيه لشو جايبينه احنا "
المهم رحت أجيب رول الورق وصراحة صارلي عضلات من كثر ما بحمله
وبنقل فيه ، وانا حامله على كتفي اجا اخي النغش وضربه ، فضرب براسي
فعصبت ورميته ورحت مع نظرة حارقة وهو يقول " ما وصلك اصلا ليش حردتي " وتركتهم يرتبوه قام شفت العجايب
وأنا بكتب بالتدوينة أدركت ، أنه وأنا ماخد القيلولة ، حلمت بشباب
كانوا يلعبوا بقنابل باشي وايرموها وتتفجر وقمت مرعوبة من وحدة انفجرت فيهم . وصحيت..
بالليل 3 شباب تصاوبوا من جيش الاحتلال لانهم طلعوا على المعسكر
يضربوا قنبلة ، الله يقومهم بالسلامة ويبعد عنهم الجواسيس هلا لربطت القصة ببعض.