• أَلمَاسة : حين أوقعتُ نُجيمي بين سديم عيناك.

Y a g i m a
السلام عليكم ورحمة الله وبركاته كيف حالك ياجي اتمنى بخير
اشتقنا لرسوماتك يابنت
اتذكر لما رسمتي تسوباسا اوزورا بعيون
يعجبني رسمك لهذه الشخصية جميل
ماثيو ايضا بحب هالشخصية خصوصا انو سراق خطير
وساكورا ام الجبهة متقنة
غون لطيف وحلو رسمك له دقيق ومتقن
رسوماتك كلها عظيمة بحق
واسلوبك نظيف
فنانة عظيمة
دمتي بخير ووفق الله
و سلام

Y a g i m a


السلام عليكم ورحمة الله وبركاته

أخيراً نورتك صح ؟ ههههه الثقة الزائدة
على فكرة عم اعطس
بعدو عني يلاااااا

اشتقت لرسماتك كثير والله
بس والله الدراسة والضغط يلي عندي كبير
انتي ادعيلي أنجح واجيب يلي ببالي
وبلزق على كل مواضيعك وبعوفك حياتك

مبدعة كالعادة ... رسمكِ وطريقتك صارت أفضل بمراحل كثيرة ما شاء الله
صرتي تساوي كثير من وراي
انا حرفياً متت وانا اشوف الإبداع
حسيت أن لازم اقتل حالي والله
انا احسد يلي عنده موهبة رسم أو غناء أو يعرف بالالات الموسيقية :e-r_023:
أحس بصير ملجأهم وشغلة تميزهم عن الكل
أن شاء الله اقدر ارسم مثلك بيوم من الأيام

المهم خليني بلش
شفت بالردود من اختار تصغير الصور ^^
فحبيت الفكرة وصغرتهم كمان
هيك اريح لي كمان




والله لسة من يومين شفته على mbc3 ... سبحان الله
يا اختي صادقي الكرة وخليكي من الرسم
الوقفة تجنننن .. ممكن يجي يزورني شوي .. بليز
عنجد ابدعتي برسمه
الألوان والظلال والإضاءة وكل شي خرافي
تنسيق الألوان حلو كتير

*



يا زينو وما احلاه .. هي الشخصية رغم القصة ويلي قادر يساويه احسه كيوت وبريء
والله يلي بشوفو بقول القط بياكل عشاه
بس هو العكس تماماً
طالع كيوت بالرسم كتير
الألوان ظابطة معك ... والرسم يجنن
الظلال والعيون احسنتي فيها
حتى الشعر ظابط كتيير


*



شخصيتي المفضلة كمان في ون بيس
أحب شعرها البرتقالي كثير .. وكونها مجنونة ومحبوبة
معك حق انها ما تشبه أحد
حتى طريقة اللبس حلوة
اللون والظلال طالعة ممتازة
لون الشعر ودرجته ظابطة معك منيح كتير
منحيات الجسم طالعة مثل يلي بالانمي تماماً
خلص روحي اشتغلي رسامة انميات
بتصيري احسن منهم انا واثقة

*



يا أخي أحبه كثير ... أول شخصية انمي شب حبيته والله +بييرو يلي في حروف السكر
هدول انميات الطفولة البريئة
هو من الشخصيات الطيبة والمحبوبة ووقفته مع ريمي تجننن
والله شهم وقبضاي
احسنتي في الاختيار
رغم بساطة الرسم طالع كتير حلو
ورسم العيون ظابط كتير ...


*


هي الشخصية ما بعرفها صراحة
بس حبيت لون شعرها كتير
التنسيق والمنحيات في جسمها ظابطة منيح
الألوان وتنسيقها سوا ملفت وجميل
حتى وقفتها والكعب حلوين
رح جيب متل كعبها


*


سااااااكوراااااا العشق
أحب هي الشخصية كثير
واحسنتي في اختيارها ضمنهم
الرسمة طالعة كيوت وحلوة والله
رسم اليدين ظابط ��
والألوان والظلال ممتازة
احسنتي يا بنتي


*


وما بعرف هي الشخصية كمان << دموووووع
طالعة كيوت والله
ثيابها كتير حلوة
رسم شعرها يلي يطير والخصلات حلوين
كعبها حلو وتنسيقه مع القبعة حلو
الرسمة كتير ظابطة معك وطالعة حلوة
حبيت كل التفاصيل


.....
ثرثرت كثير مثل العادة
بس حبيت اسعدك بالرد شوي
وخليه حافز لك لتكملي بمشوار الإبداع
حبيت كل الرمزيات
وان شاء الله بسرق بعضها ههههه
حتى التصميم تبع الموضوع حلو

ما شاء الله موضوعك مكتمل وجميل بكل التفاصيل
وعندي فكرة لك للرسمة الجاية
شو رأيك ترسمي شخصيات انمي قديمة كثير ...
لما كانت في سبيستون وهيك
ما بعرف اذا الاقتراح عجبك بس المهم عملت يلي عليي
أن شاء الله بيوم من الأيام ارسم مثلك
واعمل رسمات حلوة مثلك
أتمنى تكوني سعيدة دائماً
دمتي في حفظ المولى ~

Y a g i m a


السّلام عليكم ورحمة اللّه وبركاته
كيفك يااجي الجميلة!
أرجو لكِ تمام الصّحة

اللهمّ صلّ وسلّم وبارك على سيدنا محمد، وعلى آله وأصحابه أجمعين

أدري تأخّرت كتيييير، ولكن أن تأتي متأخّرًا، خير من أن لا تأتي أبدًا
شفت موضوعك من فترة بس هسّا جاني خاطر أكتب رد
ما علينا، زماااان كتير عن رسوماتك اشتقتلها كتيير عنجد
حين أوقعتُ نُجيمي بين سديم عيناك. العنوان كتير لايق وجميل لموضوعك الفخم وكإنّه عنجد موضوعك نجم ساقط واحتلّ مكانًا هنا
أعجبتني كلّ الرّسمات، وجدت فيها دقّة عالية في الرّسم، إلكترونيًا جرّبت مرّة وحدة أرسم وطلع معي خرابيش وما زادته خرابيش هي الدّجاجات بس انتِ هون إبداع لا يوصف، ما بقدر أوصف إبداعك هاد بمجرّد كلمات عابرة
الفن هو شكل من أشكال الكفاح لأجل الأستيقاظ من كابوس الطبيعة.
-بابلو بيكاسو.
اخترتِ عبارات من بابلو بيكاسو اختيار موفّق صراحة ولايق جدًا، وكإنّها انكتبت لرسماتك


ماجد الجميل اشتقتله كتير، شكلي رح أرجع أحضر كم حلقة منّه كتير جميل عنجد اتقنتِ كتير رسم شعره، وعاادي الشّعر البنّي كمان حلو أنا شوي متعودة ع إنّهم قصار فلمّا شفته طويل تعجّبت ونسيت إنّه بكبر وهون هو بعمر المراهقة، بعرف أتقنتِ رسم عمره كمان من ملامح وجهه، ملابسه مرّة لابقة والألوان اللي اخترتيها أنا كتير بحبها عنجد حتّى الحذاء عملتيه ممتاز، أنا دائمًا عقدتي من رسم الفم أو الحذاء
أبدعتِ


غون ياااااااه، أفضل من رسمتي لغون إذا بتتذكّريها بعد ما شفت رسمتك حسّيت إنّي عاملة فيه تعوّق برسمتي أنمي القناص من أجمل الأنميات التي شاهدتها بحق كمان شعره أتقنتيه، الشّعر يلّي مثل هيك أنا كتير بتعب لحتّى أخلّيه يزبط معي من وجهة نظري الوجه هو أفضل ما بالرّسمة فإذا تمّ إتقانه أصبح جمال الرّسمة لا يوصف حتّى لو كان في أخطاء بالرّسم، وهون كلّ الوجوه رائعة
ملابسه كتير جميلة مع إنّه ما أتذكّر كان هيك لون بنطاله أو أيًا كان بس ضفتِ بتغييرك للرّسمة جمال فوق جمالها


ماتيو طبعًا هاد الكرتون حضرته عشرطعشر ألف مرّة على سبيستون، وكل ما ينعاد برجع بحضره لجماله رسماتك بتعيد الذّكريات إلى عقلي كمان رح أعلّق على الوجه والشّعر لإنّك متقنيتهم كتير ملابسه باللون الأسود كتييير طالع هاللون حلو عليه كيف زبط معك ترسميه هيك جالس !


آخر شي، اخترت رمزيتين تنتين من ضمن كلّ هالرّمزيّات الفخمات الشخصيّة اللي ما بعرف اسمهاا ونامي كماان قبل شوي كنت بحضر ون بيس، كانت الحلقة اللي بتمرض فيها نامي وبشوفي تشوبر فيها

الفن يمسح عن الروح غبار الحياة اليومية.
-بابلو بيكاسو.
هون العبارة جدًا جميلة، تصف بدقّة معنى الفن الأصيل، حبّيتها جدًا
ياجي، بجد موضوعك فنّي وجميل جدًا
يعطيكِ العافية

سبحانكَ اللهمّ وبحمدكَ، أشهد أن لا إله إلا أنتَ، أستغفركَ وأتوب إليكَ

Y a g i m a

السلام عليكم ورحمة الله وبركاته
يسعد مساك دب الباندا
كيفك أخبارك يا غلا يا حب
أوبا شو ه الموضوع الخطير قال يعني أكيد الخطير راح يجيب متلو هههههههه
قبل كل شي بدي أسرق صور وأحطها للملف لإنو unfair إذا ما بتحط صور
حيبت رسمك يا دبي الباندا وحبيت الشخصيات كتيير
عنوان الموضوع فخم وبليق ع صور فخمة متل هاي
ولا التصميم حبيت الألوان وتناسقها فخم جدا
وطبعا التنسيق والأشياء التانية فخمة جدا جدا
حبيت رسمك يستاهل كل هاد الوقت
دب الباندا ما بيطلع منه إلا الشي الفخم

هاي الصورة فخمة جدا جدا جدا خصوصا باللون الأسود اعاااااا جميلة جدا
ريمي من البرامج إلى كنت أحب أحضرها وأتابعها وما أضيع حلقة حتى بعد مرحلة الطفولة
وحتى الشخصيات كنت أحبها جدا
راح أسرقها ه الصورة

كابتن ماجد الشبح يا الله شو شو كنت أزيد وأعيد بمشاهدته برانامج يجنن
هههههه أتذكر لما كنت أغني الشارة وتكون نصها غلط أيام الطفولة الذهبية بعدين لما شاب الطفل
هههههههههه حشيش برنامج لهلأ مستعدة أتابعه من جماله
كان يذكرني ببرشلونة هههههه

غووووون برنامج القناص

ساكورة الجميلة

بجد رسمات خرافية تجنن ومتقنة بدقة
فخمة يا بنت دائما
لا تحرمينا من ابداعاتك واحساسك الجميل
دمتِ بود وبحب دائما يا حمرا
في أمان الله وحفظه ورعايته
اللهم صل على محمد وعلى آله وصحبه أجمعين
اللهم صل على محمد وعلى آله وصحبه أجمعين
اللهم صل على محمد وعلى آله وصحبه أجمعين

بسم الله الرحمن الرحيم

Y a g i m a

السلام عليكم و رحمة الله و بركاتهheart2herart1

كيفك ياجيما؟؟ ياا رب تكوني بخير و بصحة و عافية؟؟

سرني دعوتك لي بكل سرور الى هذا موضوع جميل جدا flower 2

التصميم جميل و التنسيق المميز والطقم رهيبcute8cute8 وجميل و رسماتك التي طرحتيها كلها جميلة جدا
مَجمُوعة الرمزِيات جميلة جدا و الهيدرالطيف البسيط في خلفية رمزية من وجود الفضاء و التاثير المتحرك جميلة اللغاية

احبيتها ،، العنوان جميل جدا و بجد فكرتهم صور جاهزة لبرهة

ماشاء الله أبدعت رسمك لي صور انميات البسيط الجميل هذا بشكل جميلو اعجبني الهيدر خلف رسم كثير ،

يعجبتي رسمك لهذة الشخصيات انميات و تلوين احبيتها كثير الوان كلها حلوة ،، و نروح الي تسوباسا كثير

اعجبني في هذا انمي نسخة قديمة احلي بكثير من نسخة جيدة و يعجبني رسمك تسوباسا كانو واحدة

محترفة رسمتها ،، cute8 cute8و رستمك ل غون حبيتها كانو من لانمي مافي فرق بينهم ابدن ،،، و

نامي حبيت رسمك لها كمان ملابسها منتاسقة علي شعرها كلها علي بعضها حلوة ،، ماثيو يلي كان

من زمان ايام سبيستون حلو كثير هههه احبيتها اكثير من اصلي الي رسمها ،، ايرزا اجمل شخصية من انمي

فيري تيل و اعجبني رسمك لها و تنسيق الالوان حلو كثير عليها ،، كيرارا رسم شعرها يلي يطير و تنسيقها معة القبعة جميل جدا




اتمنى لكِ التقدم والابداع

فى انتظار جديد في مواضيعكِ

تقبلي مروري البسيط

في أمـآن الله و حفظـه