Home sweet home

مشاهدة أوسمتي · 05-10-2020, 04:09 AM

Teacher Appreciation Week
-well it was last week " class="inlineimg" />-

آيم هيير.

التدريس أبدًا أبدًا أبدًا ماكان شغفي.
كنا أنا وربعي نقول مستحيل وحدة فينا تطلع معلمة!
وللحين أتذكر كلام وحدة من معلماتي في الثانوي "حتدمري مُستئبل البحرين"
هي قالتها بمزح، وأنا ضحكت على كلامها لانه فعلا ما أصلح للتدريس.
اخواني ماتحملهم إذا مافهموا نكتة قلتها، أو إذا حاولت أشرح لهم شغلة. فشلون إذا بدرس؟
قدمنا أنا وربعي من باب الاحتياط، والطريف في الموضوع، كلنا أنقبلنا!
الفرق؟ أنا واصلت اجراءات هالكلية، واهمه كل وحدة مشت ورا الكلية اللي تبيها.
وسبحانك ياربي بعد 5 سنوات أحصل روحي في صف مع عفاريتي
أحبهم، وأتمنى فعلًا مُستقبلًا يصيرون زميلاتي في المهنةheart1

-

ما أطلب الشكر من أي أحد. والحمدلله وصلت لمرحلة أني مرتاحة جدًا في شغلي.
والله سبحانه وتعالى يدري شكثر أتعب مع فراخي-فروخي؟ شنو جمع فرخ؟- ومع ذلك سعيدة جدًا معاهم.
على اني كنت دراما كوين في البداية، بس مافي شي في الحياة آيي سهل.

أنا بالعادة فوني يكون مصكوك طول اليوم وما أفتحه إلا ساعة أو ساعتين.
وحتى إذا فتحته أتجنب ~~الواتساب~~.ومانتبه حتى لتنبيهاته
دخلت اليوم أجوف إذا في شغل مرمي علينا أو شي
وتفاجأت برسايل من أمهات طالباتي، كلها شكر وثناء.
حسيت براحة كبييرة، اللهم لك الحمد. على أنه هالفترة كانت جدًا صعبة (فيروس =تدريس أونلاين).
لكني قدرت أسوي شغلي، يمكن مو للدرجة اللي كنت أبيها بس المهم أني واصلت عليها.

P.S: منو يتبرع لمعرضي الفقير المسكين؟ يحتاج طقم .

مشاهدة أوسمتي · 05-12-2020, 08:42 PM

S.O.S | HELP WANTED

بحول الله، على السنة الدراسية اليديدة فراخي -فروoي؟-
بيروحون صف الرابع . وما بدرسهم.
وايد يعزون علي لانه أول دفعة أدرسها. وفي كل مرة أسلمهم الشهايد أعطيهم إهداء بسيط.
يكون له معنى، وفي نفس الوقت يكون كذكرى لهم على أياهم في الصفوف الأولية.
للأسف ماعندي أي شي يذكرني بأيامي في الابتدائي غير الشهادات.
فحبيت أعطيهم شغلات اتذكرهم

مرة أهديتهم دباديب كبار. انا استانست عليهم. فشلون أهمه؟
اللي اكتشفته لما كنت أسلمهم الهدية.
أن الدباديب أكبر منهم. فشكلهم كانت يضحك واهمه شايلين الدباديب ورايحين البيت فيهم .
عاد عقب قلت لازم هدية اصغر شوي . فأهديتهم عرايس صغار.
واخر مرة لما استلموا شهايد الفصل الأول أهديتهم كتب .
توقعت مايعجبهم هالشي أو يتضايقون منه.
بس اكتشفت انهم صاروا ايبون الكتب معاهم كل يوم" class="inlineimg" />.

انزين شفايدة هالكلام كله؟ .
احتاج مساعدة
بما اني خلاص مابدرسهم. فأبي أهديهم شي يكون له معنى. يستخدمونه في حياتهم اليومية، ويكون كذكرى .
اللي عنه أفكار ياريت يخبرني. وان شاءالله بيكون لكم أجر إسعاد 30 طفلة .
فكرت أهديهم مصلى؟ -شرشف الصلاة. اللي ينلبس في الصلاة- ضيعت مادري شيسمونه بالضبط.
أي أفكار ثانية؟