سيـرَان.~

.


برأيي لازم الواحد يكون عنده اعصاب راخية ليتعامل مع الزبائن
صديقتي تقول لي الله يعينك متحملة هالأشكال لو مكانك انفخ
بس هي ما تدري إني بنزعج من قسم الأونلاين لما يتصلوا بعد اول رسالة
يعني يرسلوا رسالة واكون ارد على زبون ثاني تبدأ اتصالاتهم عطول
بس ما بظهر انزعاجي بوجه الزبائن ، ما فيه طريق رزق بلا تعب وبسهولة

.

غيوم اليوم ما شاء الله 🌿✨

صغرت الصورة والجودة قلّت 🤦🏻‍♀️

.




اليوم هو بداية السنة الشمسية ،
مو باقي إلاّ شوية وقت للـ نوروز ،
الحماس له تحت الصفر
الناس تاخذ الشهر الأول من بداية السنة
أ ج ا ز ة .. أجـــــــــاااااااااازة
وأنا مطحونة طحـــــن بالشغل


.

.




الواتساب له اسبوع متحيون ، التاريخ فيه مخبوص
وبعض الرسايل الجديدة تصير آخر مرة
والإشعارات ما تظهر الا لو دخلت وشفت من جوا التطبيق

والزبائن قليلين صبر ، يحتاجون رمضان طوال السنة مو بس شهر
يعني تخيلوا اتأخر دقيقتين وتبدأ اخلاقهم العالية تظهر.

مضطرة كل لحظة افتح الواتس اتأكد مافيه اشعار جديد
راح اجن لو اضل على ذا الوضع فترة اطول ، مافيه حل؟


.

.





الوضع سليم من اللاب مدري كيف ما خطرلي ادخل على واتساب ويب

أنا كنت اسوي اشغال الأنستا من اللاب لأضل اونلاين طوال الوقت في صفحات الشغل
بس شكلي هالفترة اغير واشتغل الواتس من اللاب والإنستا من الجوال والله المعين



.