سَماويّة | في دَهاليزِي سحَاب .

الفترات الزمنية باللغة العربية: عقد :10 سنوات. جيل:33 سنة. قرن:100 سنة . مع بعض لأخر العمر: أسبوعين ونص ! فرطتتتتتتتتتتxD

التوتر من أشنع الأشياء اللي عقلي بحب يهولها بحس قلبي بتمر عليه شاحنة روحة رجعة ، لما تزيد ممكن تعمل فلاتر ، رفرفة القلب * طلعت مرض مش وقوع بالحب* المشكلة بأني بتوتر جدا جدا ، وما بهدأ واذا رحت أنام بصير أفكر بأشياء غريبة جدا وبتسبب ارق اقتلوني xD

الأفكار عند النوم تجي ترقص x'D تسوي سحبة مايكل جاكسون رايحة جاييييه :$. ^ قتلتني منتوهي Xddd أحسنت التعبير لذلك بتفوزي بالتقييم الذهبي.Xd - افا ! انا اعبرك دايمًا ^ والله أيم سو ، سهام أكتر نفر بعبرني بفعالياتي الحريقة والله كلكهم بتعبروني Xd خلص تأثرت ببكي بصغر الصور وبيجيكم بفعالياتنا الحريقة" class="inlineimg" />

2017-2018 هادي التدوينة رح تكون ملخص طويل، بتحتوي على حاجات مختلفة صراحة، لأني لقتي صور مختلفة من الفترة ، بداية " التوجيهي" ثاني ثانوي هو مصطلح يرعب أغلب طلاب فلسطين والأردن " لأنها تعد المرحلة الفاصلة اللي بتفصلك عن أحلامك، هي صعبة لأنه أهلك بكونوا بانيين عليك آمال وأنت باني على حالك احلام، والخوف أنه ممكن تتدمر بس مشان فشلك بسنة دراسية صراحة التوتر والخوف كان من أكتر الأمور اللي بتأثر على نفسية طلاب التوجيهي. #بداية_أصالة_مع_التوجيهي كنت ناوي أتمتع بصيف 2017، وما أضغط حالي بالدراسة والدورات وفعلا مر أول شهر من العطلة، وكان رمضان وقتها، بعدها تلقيت اتصال من أختي تسألني هل سجلت بدورات ولا لا ؟ ووقتها تبهدلت واتمسح في الأراضي، وبنفس اليوم رحت سجلت بالمركز. ملاحظة : أنا إنسان ملامحي لا تظهر تفكيري، فكنت صعبة القراءة وبنظر الطالبات كنت أكتر وحدة رايقة وأخر همها التوجيهي ما كنت أبين توتري ولاخوفي كنت أحبسه لنفسي ، حتى أهلي كانوا يشوفوني غير مبالية على غير كل السنين، لدرجة سمعتها أكتر من مرة من أمي :" مش ملاحظة انك ما بتدرسي؟" مع أني والله كنت أدرس ، وكنت مغطي المواد وبجنن ممكن لأني ما كنت محسسهم اني توجيهي ؟ ما كنت أتبكبك ما أعمل دراما المهم استمريت على منهجي بالروقان، انزنق أحضر مسلسلات أطلع مع صاحباتي عشان نروح الدورات، كنا نستمتع صراحة ولحد الآن تعتبر أكثر سنة طلعنا فيها مشاوير كل صاحباتي في تلك الفترة كانوا أغلبهم بنات ما تعاملت معهم سابقا، بس سعدت بأني لقيت كنوز ما انتبهتلها من قبل :" class="inlineimg" /> #سطح_الأندلس الحبيب، كان موقع مركز الدورات استراتيجي ، كان للعمارة سطح، كان موقعنا المفضل ، بنشوف منه القدس وقبة الصخرة، الجبال ، هو فعليا كنا متمردين ، كان ممنوع نطلع على السطح بلاش نقع صورة للبندق فوق سطح الأندلس ، كونت عليه صداقات جميلة أفتخر فيها للآن :hb1:

#أحداث_مهمة_حرفيا 17/12/2017، كان عندي امتحانات نص الفصل، وقبل ما أروح للامتحان حكولي أنها عمتي توفت، الله يرحمها ويجعل مثواها الجنة، عمتي ما شاء الله كاينة بانية علي آمال أنا ما بنيتها على نفسي " قولوا لأصالة أني بدي اياها تكون من أوائل الضفة" أنا بس سمعت انجلطت وشكرا للأسف واعتذراتي لعمتي الله يرحمها ما حققتلها هالطلب، مش بس عمتي كل العيلة كاينة بانية آمال على هالعبد الضعيف 10/01/2018، ولادة القمر أو الشمس اللي بقدر أقوله أنه أجمل اشي صار ولادة ابن اختي "البيج فان تبعي" وهيك صرت خالة ل3 ،قردين وقمر *عنصرية* الله يحفظهم لأهلهم، كائنات لطيفة:hb1:، صراحة لما كان ييجي عنا كنت أترك اطنان الدراسة وأقعد معاه وألاعبه تحت مبدأ" بدكم أضيع شهور حبيبي الأولى" #تفاهات_أصولية_خلال_فترة_التوجيهي. ولا اشي بمنع ذاتي التافهةمن أنه تعيش حياتها xD ، رسمت هالرسمة في بداية التوجيهي، حتى أني غلفتها عشان لا تمسح وفجأة بأحد الأيام تنكدت، قمت مسحتها ، وتبهدلت من صديقاتي وشكرا كنت أشتري ستيكرز عشان أعمل هالتفاهة بس كنت أشتري أشياء تافهة عشان أتحمس أكتب فيهم ، وأصور أي حاجة ، لدرجة لقيت كتير صور ما عرفت شو أختار #صورة_النملة_الحريجة_مارضت_تنرفع. كنت مستعد ألحق النمل وأصورهم ولا أدرس ، ولما كنت أدرس على الأجواء الباردة الصبح بالحديقة ، كنت أركز مع العصافير ، لدرجة انتبهت انه فيه زوجين منهم متخاصمين يتبع