• ~× فضفِـض ×~

مره استغفر الله شي يعصب
رغم اني فعلا ما اترك احدا الا لمن اعوفه تماما عشان ما عاد ارجع ولا يكون له عذر بس الي كذا ما عندي صبر عليهم
مهما كنتِ مهمه عندي لا تستفزيني وتسوي انك ادرى بنوايا الناس ترى عادة قبيحة بشكل

الشكوك والظنون السيئة وحركات اني اعرف النوايا وخصال المنافقين الاربعة هذول من البداية ما يحتاجوا فرصه تانيه لانه العادات والصفات تتغير لكن الطبع مستحيل شبه مستحيل
غيرهم حاربوا للحفاظ على بعض وصداقتكم اذا احد غلط التاني ينصح ويستر مو فضايح على الملاء هذي حركات سيئة اشوف حتى الاحسن ما نعتبر هالانسان عدو ما يستحق يكون عدو
دام قلوبكم مدمرة ومجروحة ليه تجرحوا قلوب غيركم؟
صدق امي كانت تقول انه الله تعالى يبتلي الانسان بوجع عشان يمنع الاخرين منه عشان يتفهم عشان يفكر الف مره قبل لا يسبب نفس الجرح للناس
لكن اوهوو هالوقت إلا من يرحمه ربي ..يتفنن بالاذيه تاذيت يلا اذي الباقين واحرق قلوبهم

طيب اتركي هذا كله ليش تشتكي من اذى الناس وانت الي تأذيهم؟
ولو ما تأذي الي يأذوك ليه تأذي الي تعرفهم؟اهلك واحبابك وصحابك ليه تمتحن صبرهم؟
انت ما تحملت اشياء شكوك نسجتها من راسك من خيالك من ظنك السيء ليه ع اساس الوهم تعاقبهم؟
لا من جد تخاف الله في الناس؟
تخاف الله في الناس الي يبلعوا اوجاعهم ويبتسموا قدامك؟
تسوي كل شي وانت تعرف انه الدنيا دواره اساسا بالحلوه والمره
لو سويت السوء وظليت تسويه إذا شاء الله راح تلقاه وما تلقى الخلاص ابدا دامك مستمر

فوق كل شي
ربنا حبيبنا واسع المغفرة والكرم ويغفر للانسان ذنوبه ولو كانت قد الارض وملأها اذا كانت ذنوب بدون شرك طبعا,,
ما يغفر لك على اذية ودمعة سببتها لأحد عباده الين ما عبده هذا يسامحك
متصور كبر الموضوع
يعني فوق البلاء الي انت فيه تقدر تتحمل دعوة مظلوم عليك ما بينها وبين الرحمن حجاب؟
غير انه الظلم ظلمات يوم القيامة
هذا اهون ولا انك تكون غبي اهون؟

اللهم صل وسلم وبارك على محمد وال محمد...الله اعلم ويشهد كم مرة ذقت شعور الغباء والخداع لكن الحمد لله مرتاحه من جد لاني ما سويت شي اندم عليه..انك تكون الطرف الي يتاذى احسن من انك تكون الطرف الي ياذي لكن ما يعني هذا انك تسكت عن حقك..ما يعني اروح اجرح الناس لاني مجروح
ما يعني اقول كلام اني ما احب الي يسوي الحركات هذي وانت مو شايف انك تسويها
ياخي حب لاخيك ما تحبه لنفسك
لا تسوي العيوب الي كنت تكره الي يسويها فيك
لا تحاسب القادمين على ذنوب السابقين