كشوق الليالي .. لضوء القمر !*

_


فعلا ..أحب الخزامى

_



،،" بس ترى أناني "
أمانة؟ أول مرة أدري xD أستغرب من اللي يحاولون
يخلّون فانز إيروين يكرهونه لهالسبب، أو يجيبونه
كأنه حجة قد تقلل حبي له.
أنا فعلياً أحب فيه انه أناني، انه حقيقي، انه ناقص.
ما أحب المثاليين، يمكن لأني شخص يحاول يكون
مثالي بطبيعته.. إيروِين يمثل لي معنى التصالُح
مع النفس..
فعلياً، هو فقد أبوه بعمر صغير، صغير جداً، بسبب
مايفهمه، بس كان يعرف انه هو الشخص اللي
تسبب بوفاة أبوه، كان طفل ماتعدى الابتدائيّة
لما قتلو أبوه، ولحد ماكبر كان شعور انه هو قاتل
أبوه يتنامى ويتغلغل بنفسه لحد ماصَار مُقتنع
انه الشخص الشرير باللعبة، هالشيء كان من
المحفزات والدوافع اللي خلّته يصير الشيطان
-بنظره - اللي صار عليه، كان يائس، تأنيب الضمير
كان صديقه اللي أكل وشرب معاه، لحد ما اعتاد
عليه.. بنظره " أنا والدي وهو والدي قتلته، يعني ما
فيه مني أمل، فراح أكمل وأحط نفسي بوجه المدفع
لما يتحقق حُلمي وتُنقذ البشرية ".
لما أفكر فيها كذا، إيروين ماكان أناني فعلاً، لو كان
أناني كان ترك جنوده، كان قادر يتركهم بأي لحظة،
كان قادر انه لما كان العملاق ياكل يده يطلب منهم
انهم ينقذونه ويسحبون عالمهمة.
بس فعلياً إيروين مايفكر بحياته وهو على قيد
المُهمة، كل اللي يفكر فيه، كل اللي يسويه، انه
يكرّس قلبه لإنقاذ البشرية.
أكرر، إيروين من أفضَل الشخصيات الخيالية اللي
تم كتابتها.،،

‏â—ڈ اقتباس من مدونة لاف

فعلا كلام لاف جدا دقيق ويوصف الحب ايروين
وع فكره محد حب ايروين مثلي انا بداية ما بدأ الانمي حبيت جان وايروين والكل حب ليفاى وانا ما حبيته صراحة (:
المهم أنا الفانز اللي حبها عميق لايروين xD
اللي ما يصدقني يروح مدونتي القديمة بعيون ويشوف
الكل حب ايروين بالموسم الثالث بس انا غير من اول اشوفه فخممممم

_




لا ينشغل بالك علي أنا على منت تحب.
تعبت هالفترة شوي نساني صوتك هالتعب.

_


من القواعد الصحيحة للتربية انه ما تبين لطفلك مخاوفك من اي شيء ..
المهم قبل فترة طلع صرصور فبنتي كانت عدالي انا تميت احافظ ع هدوئي بالرغم اني خوافة من اي شيء زاحف xD
المهم انه بنتي قالت لي ماما صرصور انا خايفة وايد .
فانا ابرزت قوتي وجانبي الامومي فقلت لها لا ماما ما يخوف الصرصور تضربيه بنعال وخلاص انتي اقوى منه xD
المهم بنتي تشجعت شوي وجابت النعال تبى تضربه وانا جالسة اطالع الصرصور بخوف وهو جالس يمشي ع السراميك وقلبي كان يدق بقوة بس احاول ما ابين هالشيء لبنتي (:
اقتربت منه بنتي وكانت تبى تضربه بالنعال الا فجاة طلع هالصرصور يطير والله ما حسيت بنفسي الا وانا اركض للغرفة واسكر الباب وانا اصارخ حتى نسيت بنتي تماما xDD
وبنتي سمعتها بعدين تبكي وتدق الباب علي خايفة من الصرصور _._
ع اساس اني اشجعها سويت العكس (:
احس لازم اتخلص من خوفي منهم عشان بنتي ما تورث هالشيء الحين تشوف الصرصور تموت رعب * قلب مكسور*
ابوها يحاول يصلح غلطتي بس مافي فايدة يقول لي لازم اوديج مكان كله صراصير عشان تتخلصين من خوفج هذا )":
بس والله يخوف الصرصور ..تبا لمعشر الصراصير _._

_


الحمد لله على كل خير وشر وعلى كل مرض وكل عافية الحمد لله دائما وابدا ، اللهم اشف كل مريض ، اللهم ارفع عنا الوباء والبلاء .