الذهبي: قسم حوارات ونقاشات ليس للنقاش او التحاور.

@Assassin queen;







السلام عليكم
كيف الحال جميعا ؟!
اتمني ان تكونو بخير و بصحه
وصيامكم مريح و بدون تعب ان شاء الله

قسم حوارات ونقاشات جاده ايام عيون العرب كان من اعظم الاقسام و اجملها ، كنت اشوفه من اكتر الاقسام اللي لها فائده و جو خاص بيها ، وانا لا اقصد الحقبه الاخيره بعيون ولكن اقصد الفتره اللي كلنا بدون استثناء نشتاق لها ، ما قبل ال2018 .

الجميل بالقسم انه مكانش مجرد قسم ندخل نكتب فيه السلام - الاخبار - كم سطر للرائي - مع السلامه .. وقتها اذا موضوع جديد نزل بالقسم نلاقي ع الاقل 7 اشخاص بيدور بينهم نقاش حول الموضوع ، الموضوع بيدخل في 20 صفحه كلها عباره عن ردود و حوارت ونقاشات ، اما حاليا وانا منكم ندخل نقراء الموضوع ويتم الرد ونقفله و مش بنفتح الموضوع تاني حتي لمجرد اننا نشوف حتي ردود باقي الاعضاء.

القسم اسمه حوارات ونقاشات .. النقاش غير انه ابدي رائي فقط ، احس القسم عكس المثل اللي بيقول " اسم علي مسمي " ، مبقاش كدا للاسف .. بالتالي اعضاء كتير مش بتحب القسم ولا بتدخله لانه جديا لو طبقنا معني اسمه هيكون من اجمل وافيد الاقسام اللي بالمنتدي.

لازم نرجع جزء من القسم ايام ما كان بعيون ، اصحاب المواضيع ردو و ناقشو الناس اللي تدخل وتكتب لكم ارائهم .. واصحاب الردود اذا في رد مخالف لعقلك ارجع رد وشارك افكارك مع اللي تخالفه وبمنتهي الاحترام.

اتمني نرجع القسم لعهده ولو شوي .. القسم دا من احب الاقسام علي قلبي ، ولو كل الاعضاء شايفينه قسم بلا هدف بالنسبه لي هو مميز
اتمني اشوفه من انشط الاقسام بالمنتدي
دا مجرد موضوع بسيط ولا جهزت له ، بالعكس دخلت اكتب موضوع عن قضيه تانيه خالص لقيتني بكتب دا .. عل وعسي القي جواب ورد .

الموضوع بلا اسئله نقاش .. موضوع عباره عن كتاب مفتوح سطرو انتم صفحاتكم فيه ، من عنده خطه للقسم يكتب علنا نستفاد ، من له وجه نظر في اي سبب خلي القسم كدا مرحبا برائيه

وختاما دمتم جمعيا في رعايه الله