~ لنبضي لــحن خاآص يــعزف به لـمن يحـــــ♡ـــب ~

حاسس متل ما الشام عم تطبطب على كتف بيروت عم بتقلّها: بتوجّع الإنفجارات ما؟
التانية بتردّ عليها بتقلّها: على أساس بحياتي مو دايقتها ولابعرف طعمتها ياخايبة!
أصلاً ما لحقت نسيتها بعد.
الوجع مو جواز سفر حتى يفرق بين إنسان وإنسان.. بيروت من كلّ عمرها خاصرة الشام، واللي بتنطعن خاصرتُه ومابيتوجّع بيكون ميّت ولو كان عم يتقيّأ الحكي وعم يشمّ تنر ومخّه مليان مخلفات عضوية.
يوم طيّب لبيروت، اللي من كلّ عمرها بتقوم من تحت الردم، كزهرة لوزٍ في نيسان ❤️
نهار طيّب لكلّ العواصم لا أتمنى لها إلّا ديمومة الغرور والجمال والبهاء.. الشام ضمناً.

100 شهيد جراء انفجار مرفأ بيروت
بينهم 39 شهيد سوري
رحم الله الجميع وأنزل السكينة على قلوب أهاليهم
والشفاء للجرحى 💔

إذا كانت بيروت بحاجة لدقيقة صمت
فسوريا بحاجة بأن يخرس العالم بأجمعه

السلام لهذا البلد المُقدس #سوريا
#سلاماً_سوريا

10 سنين حرب بسورية وما شفنا كل هاد الدعم يلي اجا للبنان
الوضع عنا اسوء من الشيء بمليون مرة
بس الحمد لله على كل حال
واتفاجئت أكتر من الفنانين السوريين وحكيهن
اشتهيت شي ممثل او فنان يحكي بردا وسلاما على سوريا وعلى مرضى وشهداء سوريا
نحنا شعب قوي ومالنا بحاجة شفقة حدا
واصلا كلشي عم يصير بحق الشعوب التانية من مصائب هي مو أكتر من ان الدنيا دوارة والله يمهل ولا يهمل
ما عم احكي هيك وهم قول ان بيستاهلو او شي
الله بياخد حق المظلوم ولو بعد حين
الله يحمي كل المسلمين وكل الدول العربية من كل شر
والله يرحم شهداء لبنان ويصبر اهلن