••
العودة   منتدى وندر لاند > القصص والروايات > روايات عامية


عَشآن الحُب!*مكتملة*

روايات عامية


إضافة رد
 
أدوات الموضوع انواع عرض الموضوع
قديم 05-22-2020, 08:02 AM   #11
AM.
https://www.anime-tooon.com/up/uploads/at165286508456371.png


الصورة الرمزية AM.
AM. غير متواجد حالياً









.
.

(2)

يوم الاربعاء رجعت خالتي وجات عندنا .. قلت لكم صاير لها شي ماصدقتوني .. لازم نكتشف علشان اذا فيه مجال نساعدها .. طبعا حاولت مع خالتي تقول لي .. يمين يسار فوق تحت ورى وقدام ولا قالت شي .. مصيرها تعترف أدري فيها ماتقدر تخبي عني شي .. خايفه صاير لها شي او مريضه .. بس ملامحها كانت عاديه جدا طبيعيه يعني مو متضايقه ولا ه .. عجيب امرك ياخالتي .. انتظري بس اتفرغ لك ...
يوم الاربعاء جاء زوج خالتي مع ميشو وأخذوني علشان خالتي تعبانه بصراحه كنت خايفه ان مايرجعوني قبل يوم الجمعه .. المهم لأول مره أروح بيت خالتي ولابنام عندهم بعد !!
زوج خالتي تركني مع خالتي طول الليل والصبح يكون هو مع ميشو .. كنت خايفه يصير لها شي لأني اعتبرها مثل أمي .. الحلو في الموضوع ان ابو مشعل أكبر مني بكثير وبحسبة ابوي فـ ماأتحجب عنه .. وميشو اصغر مني وكمان مااتحجب عنه يعني تقدرون تقولون مااخذه راحتي ..وكأن خالتي مشاعل امي وميشو اخوي .. حطيت القماش على جبهتها وجلست اناظرها .. خلوني شوي اكلمكم عنها ..
عندها حنان كبير يشمل الكل مو بس على ولدها الوحيد .. تزوجت وهي تقريبا في ثاني ثانوي وماكملت سنه الا وهي حامل بميشو أضطرت تاكل حبوب منع حمل علشان تكمل دراستها ويوم انها خلصت ماقدرت تحمل .. مسكينه ياخالتي مابقى مستشفى بالخُبر مارحتي له .. الله يعينك .. شلت القماش من على راسها وبدلته وتميت اناظرها .. وادعي ربي يشافيها .. الساعه عشر دخل ابو مشعل وميشو وتطمنوا عليها وراحوا ينامون .. حطيت يدي على راسها وبديت اقرى المعوذات والفاتحه وآية الكرسي وبعض الايات اللي سمعت عنها لها مفعول قوي وسريع .. حرارتها شابة ضو الله يعينها ..
الساعه 2 الليل صحيتها علشان تاكل الحبوب اكلتهم ورجعت نامت .. طلع علي الصبح وانا جالسه معها .. رحت صليت ودعيت لها مع ابوي وامي .. ورجعت لسريرها لقيتها صاحيه .. ابتسمت لها ..
قالت : صباح الخير ..
قلت : صباح الفل .. أصلح لك فطور ؟!
قالت : انتي باقي صاحيه من البارح ؟! ..
أدري اني لو قلت لها ايه بتقول لي روحي نامي ولاتسوين لي فطور .. فـ حبيت أكذب .. أستغفرك يارب ..
قلت : لا طبعا .. قالولك انتي اميره نسهر لجل راحتك ؟؟ رحت نمت وتوني صاحيه ..
ابتسمت : لا تكذبين ..!
قلت : لا ماأكذب .. تبين فطور ؟؟
ردت : خلي الفطور على جنب .. قولي واللي خلق السما والأرض نمت البارح ..
وطيت راسي .. قالت : قسم بالله اني صرت احسن .. روحي نامي ..
قلت : قسم بالله مافيني النوم .. غمزت لها : تبين تشوفين الحبيب وحشك ؟!
ضحكت : وجع ساروه لا تقولين كيذا .. خايفه عليك ..
ابتسمت : نسهر على راحتكم ياخالتي .. انا بروح اصلح لنا فطور وبنادي الحبايب ..
طلعت وانا اسمع ضحكتها في اذوني دعيت ربي ان تتشافى قبل يوم الجمعه .. المهم رحت لميشو لقيته مع ابوه نايمين ..
تقربت منه وصرخت : ميشوو ..
نقز : بسم الله الرحمن الرحين .. اعوذ بالله منك يابليس ..
مديت يدي له : البشاره ..
صرخ : احلفي أمي صحت ؟! ..
قلت : قسم بالله وتضحك بعد ..
وقف وطلع .. لفيت لقيت ابو مشعل صاحي فشله شافني اهبّل في ميشو ..
قال : خير ساره .. مشاعل صاير لها شي ؟! ..
قلت : شف ياخالي انا جاسه اشكي على مرتك .. أول ماصحت اقول لها تبين فطور .. تقول لا روحي نامي .. تدري ليه ؟؟ صارحتني انها .. وهمست : مشتاقتلك مووت لك ..
صرخ : صحت ؟؟
قلت : تو الناس ..
قام وراح لها .. والله تمنيت لو انا فعلا من ذي الاسره .. المهم رحت وصلحت الفطور وصعدته لهم .. أول مادخلت تكلمت خالتي ..
قالت : وجع ساروه اش قايله له ؟
هزيت كتوفي : مو حرام ماأقول له ؟؟ انتي بنفسك قلتي ذا الحكي ولا تنكرين .. ناظرت ميشو وغمزت له ..
قال خالي : صدق مشاعل ؟؟
ولعت خالي احمر .. ههههه استحيت على عمري ..
وقلت : أخليكم براحتكم ..
ميشو : هههههههههههااااي يمه كبرتوا ..
خالي : شف الذوق تطلع مو مثلك .. والتفت لي : شكرا وماقصرتي والله لو انك أصغر من مشعل ...
كمل ميشو : زوجتك له هههه حفظتها ..
قطب خالي : ليه ؟؟
ميشو : لأن أمي دايم تقولها وتقهرني فيها .. الحين انا آخذ ساره ؟ بربك يبه تبي عيالنا كله يضحكون ؟!
خالتي : ويضحكون ؟؟!
ميشو : اهبل مع هبلا ..
قلت بابتسامه : انا طالعه يلا ميشو ..
أخذت ميشو وطلعت معه ونزلت اصلح له فطور .. ماأخبي عليكم اني تعبانه وهلكانه بس استحي انام معاهم .. انتبه علي ميشو .. وذا الشي فعلا احرجني وقال لي انام بغرفته عادي .. قسم بالله اني استحيت بس نعسانه .. رحت غرفته .. متغير علي المكان مو قادره انام .. تقلبت بس مو جايني نوم .. قبل شوي كنت نعسانه اش فيني ؟! .. رحت لمكتبته وأخذت كتاب وقريته ولا نعست .. سمعت صوت نغمة راشد " هلي لا تحرموني منه " طنشت اكيد جوال ميشو .. ملزم ذا الرجال إلا يرد غصب .. حطيت راسي على المخده ورحت بسابع نومه ..

*
*
*

صحيت على صوت ميشو يصحيني ..
قلت : كم الساعه ؟!
ميشو : أذن العصر ..
فزيت : ياربيه ماصحيتني للظهر ليه ؟؟
ابتسم : صحيتك .. حتى امي قالت اكيد تعبانه خلوها تكمل ..
نقزت وتوضيت وصليت ولما خلصت ..
قلت : أمك نامت ولا باقي صاحيه ؟!
قال : باقي مع الحبيب .. المشكله ماعندي احد اسولف معه قهر ..
قلت : تعالي صحيح نت حاط نغمة هلي لا تحرموني منه ؟؟
قال : لا .. ليه ؟؟
قلت وانا ابتسم : والله يوم اني جيت بنام أزعجني كنت بقوم أقول لك عنه .. بس قلت أعاقبه لأنه ماخلاني انام
ماخلصت كلامي الا واشوفه ميت ضحك .. جلست أضحك معه بهستريا وماقدرت اوقف عن الضحك ..
قال : وين كان االجوال ؟!
اشرت له على المكتب ..
قال : أووف جوال ابوي خلنا نفتش ..
ماأقول لكم ماجاني فضول أعرف مين المتصل بس فكره خطيرهلو عرف خالي اني فتشت في جواله يعني مو حلوه كيذا ..
قلت له : مشعلووه لاتسويها ..
طنش كلامي وفتحه .. جاني فضول : مين اللي متصل ؟!
رفع حاجب : خير اخت ساره ؟؟ سلامات ؟!
انقهرت منه : ميته عاد ابي اعرف ..
ورحت جهة السرير وجلست على الطرف وانا قالبه وجهي ..
جاوبني : لا تزعلين ذي عمتي ليلى اكيد تبي تتطمن على امي ..
سكت عنه ورحت غرفة خالتي أسولف معاها .. شوي ودخل ميشو ..
وقفت : ابي ابتعد دامه معك ..
استغربت خالتي : خير ؟؟! اش فيكم ؟! اش صاير قالبين ؟؟ الصبح اش حلاتكم !!
ميشو : لاتزعلين كنت امزح معك خلاص عاد ماصارت ..
سكتت عنه ومارديت قسم اني كاتمه ضحكتي لا افتشل بينهم ..
خالتي : خير اش سويت بعد ؟؟
طنش سؤال امه وقال : آسف والله مااكررها ..
هزيت راسي .. خالتي : مشعل جاوبني اش سويت لها ؟!
ابتسمت لخالتي : عادي اخو واخته هوشات عاديه ..
ابتسم ميشو : رضيتي ؟!
قلت له : بشرط بقول لامك عن السالفه ..
وفعلا خبرتها بالسالفه جلست ساعتين تقريبا تضحك علينا .. شي يضحك فعلا ..
خالتي : طيب مين اللي كان متصل على ابوك ؟!
ضحك : عمتي ليلى تقول توها عارفه انك تعبانه .. قلت لها انك صرتي بخير قالت خبر ابوك انها عازمتنا الليله على بيتهم وبس ..
قلت : طيب انا بلم اغراضي واذا ممكن ترجعوني بيت خالي ..
ميشو : ليش ياحظي مو رايحه معانا ؟!
قلت : عمتك لو عمتي ؟؟ خلاص !!
ميشو : ترى قلت لها انك معنا وقالت مشتاقه تبي تشوفك ..
هزيت كتوفي : اعتذر لي منها أكيد خالي مبيرضى اني اروح .. هو بالموت رضى اجي عندكم بعد اروح بيت عمتك ؟!
ابتسمت خالتي : بس فشله .. طيب تجين معنا وانا اضمن لك ان محد يدري عنك ؟؟
المشكله ياخالتي ان لو خالي درى حرقني او ذبحني وماأدري اي وحده فيهم وماأستبعد يموتني بالحرق .. والمشكله الثانيه اني محتاجه ارجع قبل يوم الجمعه حتى اضبط اموري واجهز لي لثام وعبايه مثل الناس .. بس كيف اقولك ياخالتي كيف ؟؟!
ميشو : هاا .. اش قلتي ؟ ترى بنطلع بعد اذان المغرب بنصف ساعه يعني تقريبا ست ونصف .. تجين معنا ؟؟
خالتي : مشعل خلنا بروحنا شوي ..
خالتي ياقلبي والله اعذريني ولا تضغطين علي ماتدرين اش قد انا مشتاقه ليوم الجمعه اللي هو بكره .. لوجات عزيمتها في وقت ثاني كان مستعده اروح والله ..
خالتي : فيك شي ساره ومستحيه تقولينه قدام مشعل ؟؟ تكلمي الحين ..
قلت : ياخالتي افهميني انا مابي اروح لأسباب كثيره أوها خالي ..
قالت : طيب اعطيني سبب ثاني يخليني اقتنع ليه ترفضين دعوتها ..
رفعت اصبعي لها ..
قالت : عادي .. بس اتمنى لو مره تشوفك .. كل مره احكي لهم عنك يشتاقون يشوفونك لو بس نظره ..
ابتسمت : قد مره قلت لك انك عندك شي اسمه عناد وانا وارثته منك ؟!
قالت : لا حبيبتي انتي ماورثتيه مني .. من ابوك الله يرحمه ..
وانفتحت سيرة ابوي .. أول معلومه أعرفها غير اسمه محمد العلي .. كمل ياخالتي ابي اعرف عنه لو شي بسيط ..
قلت : اش كمان فيه ابوي ؟!
هزت كتوفها : هذا اللي اعرفه .. ويلا قومي البسي عبدالله ينتظرنا تحت ..
هزيت راسي .. مافيه اي مجال اتكلم واعرض رايي بكل صراحه ان شاء الله ارجع بيت خالي يارب .. ابي اعرف بس اش الموضوع الخطير .. تأففت من داخلي ولبست الملابس وتعطرت ولبست حجابي وحطيت العبايه على يدي ونزلت فيها ..

جلسنا تقريبا ربع ساعه وأذن وصلينا وطلعنا .. أش اقول لكم عن بيت هذي الليلى ماشاء الله الله يزيدهم نعمه يارب .. قسم اني ماقد شفت مثله ولا في الاحلام ..


{ انتهَى }

/
\
/

مقآطع من الجزء القآدم /

رد علي : نايف متصل يقول يبيك ..
*
قال : اش فيك أوقفي شوي خليني أخلص ..
همست : خايفه من اللي داخل ..


-الفصل الرابع، تمّ
-"اعتراف صغير" : ماعدلت فيها ولا شيء حتى الأخطاء الإملائية أبغاكُم تقروها بكل عيوبها وتعجبكم زي ما عجبتني











 
 توقيع : AM.


اللهم صلّ وسلم وبارك على مُحمد.
دافئ جدًا: مَعرضي~



رد مع اقتباس
قديم 06-07-2020, 12:30 AM   #12
AM.
https://www.anime-tooon.com/up/uploads/at165286508456371.png


الصورة الرمزية AM.
AM. غير متواجد حالياً









-لا تُلهيكم الرواية عن ذكرِ الله.
.
.

[ الفَصل الخامسْ ]


"في خاطري لك شي وودي اقوله ..
مدري تصدقني او تقول كذاب ..
قلبي يحسك دايم الدوم حوله ..
مع كل دقه يذكرك يا اغلى الاحباب..!! "



/
\
/

وانفتحت سيرة ابوي .. أول معلومه أعرفها غير اسمه محمد العلي .. كملي ياخالتي ابي اعرف عنه لو شي بسيط ..
قلت : اش كمان فيه ابوي ؟!
هزت كتوفها : هذا اللي اعرفه .. ويلا قومي البسي عبدالله ينتظرنا تحت ..
هزيت راسي .. مافيه اي مجال اتكلم واعرض رايي بكل صراحه ان شاء الله ارجع بيت خالي يارب .. ابي اعرف بس اش الموضوع الخطير .. تأففت من داخلي ولبست الملابس وتعطرت ولبست حجابي وحطيت العبايه على يدي ونزلت فيها ..

جلسنا تقريبا ربع ساعه وأذن وصلينا وطلعنا .. أش اقول لكم عن بيت هذي الليلى ماشاء الله الله يزيدهم نعمه يارب .. قسم اني ماقد شفت مثله ولا في الاحلام ..
خلنا من الوصف أدري تقولون مشفوحه بس أقول لكم كيفي .. المهم استقبلتنا من عند الباب في البدايه تكلمت مع خالتي مشاعل بعدين لفت علي ..

وقالت : مشاعل كثير حكت لي عنك وماصدقت خبر يوم قال مشعل انك عندهم ..
ابتسمت : لهالدرجه انا مشهوره والكل يبي يشوفني ؟! ترى استحي ..
ضحكت على اسلوبي .. بالصراحه ماكان ودي أستهبل عليها بس بربكم لو حد قال لكم مثل ماقالت مابتتلخبطون وماتعرفون اش بتقولون ؟! ادري اني أهذر كثير بس معليه أعذروني .. ظل الجو فتره صامت ..
ثم قلت : الا عمتي انتي ماعندك عيال ؟!
ابتسمت : إلا عندي ريم تقريبا عمرها 15 سنه ..
قلت : وينها اشتقت اشوفها ؟!
قالت : نزلت قبل شوي بس مدري وين راحت .. أصعدي لها غرفتها في الدور الثالث رابع غرفه على اليسار
وناسه حتى هنا مافيه عيال والله أمشي على مزاجي .. أخذت أحتياطي لابسه شيله لأن قالوا أخوات ليلي بيجون يشوفوني .. هه والله اني ه كيف اني مشهوره والكل مشتاق بس يشوفني لو نظره .. المهم وصلت لغرفة ريم مدري ليش تذكرت ريم خويتي اتوقع لأن اسمها مثلها .. طقيت الباب ماردت .. رجعت وطقيته ..
سمعتها تقول : مابي اشوف احد زين ؟!
بسم الله الرحمن الرحيم .. اللهم سكنهم في مساكنهم .. دخلت طرف راسي ..
وقلت : ولا أنا ؟؟
اتوقع انها اخترعت : ليش مين انتي ؟!
ابتسمت : واقفة عند الباب ؟؟
قالت بخجل : أعذريني اتفضلي ..
جلست : طبعا ألحين انتي علامات التعجب والاستفهام كلها على راسك .. من انتي ؟ ومن وين طالعه ؟ وتعرفيني ؟ الى النهايه بختصر لك معلوماتي .. ساره محمد فيصل العلي .. العمر 19 سنه .. المنطقه الخُبر .. والأهم من كل ذا اني ...
قالت : بنت اخت مشاعل صح ؟؟
لحظه بعترف لكم بشي .. تذكرون ان ميشو قال يحب ؟! والله تستاهل ريم حلوه ماشاء الله وصغيره .. أمم أصغر منه بـ 3 سنوات .. حبيت بس تشاركوني أفكاري وتوقعاتي .. بس ريم باقي صغيره وكمان ميشو .. يلا يكبروا وان شاء الله يتزوجوا .. هزيت راسي لها ..
وقلت : طيب انتي اش عاجبك بذا الجهاز ؟! مقابلته وتاركتني ترى انا ضيفتكم لاتنسين !!
تركت الجهاز وجات تسولف معي ملاحظه انها ماجابت طاري ميشو .. لهالدرجه تستحي حتى من ذكر اسمه ؟؟ حكت لي سواليف كثيره وانا هي تحكي اسمعها بأذني بس بالي مع يوم الجمعه .. بعد فتره نزلنا وقابلت أخوات ليلى كانوا مره نايس معي .. المهم ماصدقت على ربي جاء وقت نرجع بيوتنا صعدنا السياره .. استغربت ان عبدالله رجعني بيتهم ؟؟ برر لي انه ماله خلق يرجعني بذا الليل .. ربي مو كاتب ان اكتشف ذا السر ..

*

رحت نمت في غرفة ميشو بس ماجاني نوم طلعت من الغرفه لقيت ميشو يناظر التلفزيون .. أول ماشافني ..
قال : سارهـ !! ليه مانمتين ؟! ازعجك التلفزيون ؟؟
ابتسمت : لا طبعا بس قلت مافيني النوم واذا تبي تنام بغرفتك وانا اناظر التلفزيون ..
ميشو : سلامات ؟! اش بك سارونه ؟! فيك شي ؟
هزيت راسي بـ لا : ولأني عندي ارق فـ حرام انا جالسه على السرير وانت نايم على الكنبه ..
ميشو : أصلا مين قلك انو انا نعسان ؟!
تكذب على مين ياميشو ؟؟ باين في عيونك انك نعسان ..
قلت : وغلاة أغلا الناس عندك ان تقوم وتنام في غرفتك ..
ميشو : مابي انام غصب ؟؟
ابتسمت : ياخي صار لي ساعتين ابي افهمك اني ابي اناظر التلفزيون ..
ابتسم : اهاا طيب انا بنزل تحت واذا خلصتي ناديني ..
قلت : لا رح نام بغرفتك انا بطالع التلفزيون .. لاتنسى انا حلفت ..
كأن مافيه حل الا انه يستسلم : طيب اذا بغيتي تنامي تعالي .. طيب ؟؟
هزيت راسي وراح .. جلست على الكنبه وانا أفكر يارب ارجع قبل الوقت يارب .. وماحسيت الا وانا نايمه ..

*
*

صحيت الساعه اربع الفجر قمت وصليت وصحيتهم يصلون .. وأفكاري تاخذني وترجعني .. فعلا حسيت بتعب وتمددت على الكنبه ونمت .. صحيت على صوت ميشو هه صاير الاخ منبه لي ..
تكتف : مو قلتي لي اذا تبين تنامين بتقولين ؟؟
قلت : كم الساعه ؟؟
قال : 12 إلا ربع ..
صرخت : الليل ؟؟
ابتسم : ايه ..
قلت بقهر : أحلف ؟؟
ضحك : ليش عاد ؟! لاتخافين أهبل فيك .. خير ان شاء الله ماتبين تبقين معنا ولا ايش ؟
انحرجت : لا موقصدي بس المدرسه .. أذن الظهر ؟؟
هز راسه .. ابتعدت ورحت صليت أووف نقز قلبي وهو يقول 12 الليل .. خلصت صلاتي وكنت اتراجف مسكت المصحف وقريت الين اني هديت .. نزلت تحت ساعدت خالتي في المطبخ وفعلا تغذوا أما أنا صعدت غرفة ميشو شفت أوراق مبعثره لقافه مني ناظرتهم .. كلمات متشابكه ومدري ايش الظاهر ميشو كان تعبان البارح وقام يهلوس .. تركتهم وانسدحت على السرير .. بقول لكم شغله من يوم الجمعه اللي طاف يوم نايف يكلمني وبالي مو معاي ابد .. كله افكر في السالفه واش اللي صاير .. طلعت من غرفة ميشو ونزلت أشيل الاكل لأني متعوده .. المهم جاء لي ميشو ..
وقال : تعالي شوي ..!
شلت صحن بيدي : خير ميشوو ؟!
رد علي : نايف متصل يقول يبيك ..
ارتجفت مسك ميشو الصحن لأنه كان بيطيح ..
قال : اشفيك ؟!
قلت وانا اتراجف : ولا شي يلا نروح ..

ليه اتراجف ؟؟ تسألون صح ؟؟ لأن أول مره نايف يبي يكلمني وبصراحه خايفه يطلع صاير شي لهم .. صعدت معه واعطاني جواله واتصل ..

رد نايف : هلا والله ..
قلت : نايف !! خير آمرني اش بلاك روعتني ؟؟ ارجوك تكلم ..
سمعت ضحكاته : شوي شوي علي بس حبيت اقول سلامات مو ناويه ترجعين البيت ولا اش صاير لك ؟!
قلت : والله ابي وذي مشكله ان خالتي ماتدري ..
قال : برايك اتصل على عمتي واقول ان ابوي يبيك ؟؟
قلت بغباء : منو عمتك ؟!
لاتلوموني ماأفتهم أحيانا لما حد يقول لي عمتي خله يقول خالتك هه انهبلت وجلست ..
قال : اش فيك قصدي مشاعل ..
قلت : طيب .. أرجوك قبل الليله ابي اعرف بليز ..
قال : طيب ألحين ادق عليها وانتي كملي الكذبه عليهم علشان ترجعين ..
قلت : طيب بايو ..
قفلت الخط ورحت لميشو وقلت له ان خالي يبيني أرجع .. وبعد ربع ساعه نزلت خالتي وقالت شي انقهرت منه
خالتي : جاسم يبيك وانا قلت له اني برجعك عند اذان المغرب ..
يالله عااد .. هزيت راسي وصعدت جمعت اغراضي وصليت العصر وجلست أنتظر متى يأذن المغرب ..
رجع اتصل نايف :: هاا اش صار ؟؟
جاوبت : ابد عند اذان المغرب ابرجع ..
قال : طيب حاولي توصلين بسرعه !!
قلت : لو بكيفي ألحين جيت .. طيب فيصل وينه ؟؟
قال : كله بغرفته او يلعب معي ..
قلت : اهاا .. طيب اقفل الحين بايو ..
قفلت الخط ..
ذا الشي خلاني أتعرف على شخصية نايف من قريب الله لا يهنيك ياسلمى أووف بس .. توضيت وصليت المغرب ولبست حجابي وجلست انتظرهم تحت .. نزلت خالتي واستغربت مني اني انتظرهم ..
قالت : تبين الفكه منا ؟؟ جاهزه من الحين ؟؟
انحرجت : لاوالله لو كيفي جلست اكثر بس قسم ان خالي بيوديني وطي خصوصا اني ماذاكرت ولاحرف الا الرياضيات من ميشو ..
ابتسمت : طيب يلا عبدالله ينتظرنا برى ..
ماكذبت خبر ورحت السياره سلمت على خالي ابو ميشو وحركنا تقريبا الساعه 8 ونصف وانا ادعي ربي طول الطريق ان الحق .. وصلت البيت تقريبا تسع الا ربع ..
قلت : مابتنزلين خالتي ؟؟
قالت : لا بعدين بنيجي ..
قلت : اهاا .. يلا مع السلامه خالي بايو خالتي أقصد مشاعل ..
ضحكت .. وكملت : تشااو ميشو ..
ضحك هوا كمان ودخلت البيت وعلى طول رحت المطبخ لقيت فيه نايف ..
قال : وأخيرا وصلتي يلا تلثمي وادخلي صار لهم عشر دقايق داخل وابوي مو موجود وفيصل يلبس ..
من الرجفة وقفت مكاني ..
قال : ماتعرفين تتلثمين ؟؟
هزيت راس بـ لا ..
قال : طيب تعالي بسرعه ..
ورحت له وقلبي يطرق بقوه .. مسك طرف الشيله وجاء بيلفها جلست اتراجف لأني قريبه منه مره وانفاسي مع انفاسه .. وكل ماجاء بيضبطه ارتجف وأخرب كل شي ..
قال : اش فيك أوقفي شوي خليني أخلص ..
همست : خايفه من اللي داخل ..
ياحبيبي انا قلببي خايف من قرب انفاسنا وان اللي يفصل بيننا مجرد سانتيمترات خفيفه والله مافيه غيرك يخليني اتراجف ويناقز قلبي لجله ..
قال : خلاص ..
سمعنا صوت باب المقلط أكيد فيصل دخل أووف ياربيه اش ذا الحظ ؟! تنفست بقوه رغم ان قلبي ماوقف سرعة نبضاته ..
همس : لاتخافين عادي الاسبوع الجاي ان شاء الله تكوني هديتي ..
هزيت راسي متجهه الى غرفتي .. وذاكرت وحليت واجباتي قسم ان النوم في عيوني انسدحت على سريري ونمت ..

*
*
*

صحيت الساعه 11 صلاتي متأخره .. صليت وجلست على السرير افكر والله حسافه لأن خالتي ماجات اليوم فيصل طلع من وقت .. فيني الصيحه .. مثل ماقال نايف الاسبوع الجاي ان شاء الله .. فتحت دفتري وكتبت " يارب نايف يحس فيني " وحطيت جنبه " تاريخ 18/7 يوم الجمعه " قفلت الدفتر ورحت أكلت خبز وجبن كالعاده بعدين رحت غسلت المراييل ورجعت غرفتي لقيت ورقه على السرير " ساره الساعه وحد بالليل بالضبط أنتظرك باسطح .. ولد خالك " ماتتصورون كيف احساسي مزيج خوف على فرحه على حزن .. كل شي .. أخذت الورقه وحطيتها بالدولاب وقفلت عليها .. كنت تعبانه موت ناظرت الساعه باقي وقت شغلت المنبه 1 إلا ربع علشان اصحى زين ونمت .. فعلا جات الساعه اللي بغيتها وصحيت وغسلت جههي وتحممت بسرعه يعني يمكن 8 دقايق بس .. لبست برمودا أسود وبلوزه طويله سوداء والحجاب أكيد أسود ناظرت الساعه متأخره دقيقه كامله تأكدت الكل نايم وصعدت السطح ..
قال : تأخرتي كثير ..
ناظرت الساعه : بس خمس دقايق .. آمر اش بغيت ؟؟
سمعته يقول : عمتي مشاعل فيها شي ؟؟
استغربت سؤاله : ليش اش صاير ؟؟
جاوبني : لأن غريبه اليوم الجمعه وماجات المفروض تكون من الصبح موجوده ..
قلت بغباء : مالومها سهرآنـ ..
وحطيت يدي على فمي وسكتت ..!
قطب حاجبينه : لاتخافين كملي مااخبر احد ..
قلت بهمس : لآن البارح رحنا بيت أخت عبدالله وجلسنا كثير وثانيا هي يوم انها نزلتني قال انها بتيجي يمكن ماقدرت تيجي ..
ابتسم : اهاا ..
قلت : بس ذا السؤال اللي جايبني علشانه ؟؟
هز راسه بـ لا ..
قلت بخوف : ايش ؟؟
سكت فتره : ولا شي خلاص ..
قلت : لاتخوفني بروحي خايفه .. تكلم عادي ..
وقف : خلاص مو لازم ..
ماحبيت أضغط عليه أكثر وسكتت وانا اناظره .. نزل من السطح بهدوء وبقيت بلحالي .. ياربيه يجي يوم الجمعه الجاي على خير بصراحه خايفه منه موت .. ناظرت الى الساعه تقريبا جلسنا عشر دقايق جلست افكر اش كان يبي يقول ؟! يمكن كان بيقول اش السر اللي في يوم الجمعه وخالي مايبيني اعرفه ؟؟ ويمكن بيخبرني مين الضيوف ؟ .. مسكت راسي ونزلت تحت بهدوء الحمدلله محد شافني تسللت وفتحت قفل غرفتي ودخلت ونمت ..

*

-يُتبع









[/quote]


 
 توقيع : AM.


اللهم صلّ وسلم وبارك على مُحمد.
دافئ جدًا: مَعرضي~



رد مع اقتباس
قديم 06-07-2020, 12:33 AM   #13
AM.
https://www.anime-tooon.com/up/uploads/at165286508456371.png


الصورة الرمزية AM.
AM. غير متواجد حالياً









.
.

(2)

صحيت على عادتي وصليت ونزلت تحت وصلحت الفطور وصلحت الخبز والجبن رفعت راسي لقيت مروى ..
قلت : مروى صلحت لك الفطور وحطيته على الطاوله اللي جنب الفرن ..
نزلت راسي وكملت آكل حسيت فيه عيون تناظرني .. مروى ؟؟
قلت : اش فيك مروى تناظريني صاير لك شي ؟؟
الغريب انها تناظرني وساكته بس عينها ترمش .. ارتعبت من المنظر ..
صرخت عليها : مروى فيك شي ؟!
ولا كأني اتكلم كأني طوفه بس ..
صرخت بصوت عاالي : مروى بربك قولي لي اش فيك ؟
دقايق وشفت فيصل ..
قال : اش فيك ساره ؟؟
هزيت راسي وأشرت على مروى ..
تقرب مني وحط يده على جبهتي ابعدتها على طول ..
قال : ساره مع من كنتي تتكلمين ؟؟
همست له : مروى .. واشرت عليها ..
قال لي بنبرة تبين انه خايف : ساره فيك شي ؟ محد معنا هنا متأكده انتي ؟!
قسم بالله اشوفها واقفه وتناظرني .. حط يده على عيوني وقفلهم وظل يمكن خمس دقايق على ذا الحال بعدين ابعد ايدينه ..
وقال : ألحين تشوفينها ؟؟
هزيت راسي بـ لا .. أكيد راحت بربك بتنتظرني ؟!
جلس جنبي : ممكن تخبريني اش صاير ؟؟
هزيت كتوفي : ابد والله مافيه شي بس جات مروى ووقفت على راسي المشكله بس تناظرني ..
قال : متأكده ؟؟
قطبت حاجبيني : ليش انت مو مصدقني ؟؟
حسيته بحيره مدري اش فيه ..
طنشته غصب يبي يكذبني في كل شي حتى الحين .. مدري احيانا أحسه يكرهني عدوي مو اخوي بس يبي يهزءني ويقهرني .. قمت من مكاني بعد ماأنسدت نفسي عن الاكل ورحت تحممت وتمشطت ولبتس مريولي وعباي وأخذت شنطتي ونزلت لقيت الكل يفطر عدا نايف وفيصل .. ظليت ساكته واناظرهم وانتظر خالي يخلص هو مع مروى .. حسيت بدوار في راسي وبخنقه ..
قلت : خالي انتظركم برى ..
ماسمعت جوابه وطلعت برى .. أناظر اللي رايح واللي جاي .. حبيت اشوف وين وصل نمو اصبعي رفعته باقي على حاله .. ابتسمت بألم وضحكت من القهر .. طرى على بالي اجرب أتلثم .. فعلا تلثمت وطلعت المرايا والله حلوه كيذا قررت ابقى كيذا بس أختنقت ورفعته .. طلع خالي ومروى ورحنا المدرسه مافيه شي جديد مضت الايام عادي ..

*
*
*

يوم الثلاثاء طاحت علينا مرت خالي هه مابقول أحسن بقول الله يعافيها .. صحيح ان الدعوه مو من قلبي بس ماأحب ادعي على احد ابد .. طلعت في نفس اليوم يقولون عندها نخفاض في الضغط مدري ايش .. والله لو يتركوني لها رفعت لها ضغطها وزود اذا تبي .. خيبه كبرت وهي بعدها تتدلع على خالي .. وجع ان شاء الله اش عندها نانسي عجرم ؟ هههه رحت لدفتري وكتبت " يارب اتزوج نايف " كعادتي كتبت التاريخ " يوم الثلاثاء 22/7 " حسيت ان طيحتها من حوبتي يوم تقول لي تفشلين مع اصبعك .. بربكم ذا كلام ينقال ؟! تعودت على كلامها تموت وتتشمت في الناس كنت بطبق المثل اللي يقول " عامل الناس كما تحب ان يعاملوك " وبتشمت فيها بس تراجعت من حباً فيها .. إلا خوف اذا قال لخالي وطبعا مابتخليه لازم تضيف بهارات ولمسات أخيره ..

*

يوم الاربعاء من الصبح أقصد الفجر الساعه 3 صحيت نزلت تحت حسيت نفسي مسدوده عن الاكل طرى على بالي أصوم وفعلا نويت ورحت غرفتي .. أتذكرت كتاب اعطاني هوا فيصل .. يتكلم عن الشعر العربي والخواطر وذي الشغلات فغلا كان روعه .. تعلمت كيف اكتب خاطره ي ربع ساعه .. بعدين طلعت دفتري ابي اطبق ماكان عندي افكار أكتبها قررت أءجلها لين بكره أو اللي عقبه .. ابتسمت من خاطر عقب بكره الجمعه وناسه مالت على ربي بيجي .. انتظرت لين اذن ورحت صليت وتحممت .. كان الوقت بدري حبيت اغير اللوك بتاعي مسكت مجفف الشعر وجففت شعري بعدين رولته ورشيت مثبت .. طلعت ادوات المكياج وأخذت الكحله وقلوس احمر وحطيتهم في شنطتي أذا وصلت بحط .. أووف حسافه مروى معي بالمدرسه .. ايه عادي ماصار شي .. لفيت حجابي علشان محد يشوف شعري ونزلت صلحت لهم الفطور وصعدت تقريبا كان وقت حلو رحت لبست مريولي ووقفت عند المرايا فتحت شعري كان روعه بمعنى الكلمه مروّل على برى جاتني فكره طلعت العدسات ولبستهم قسم اني طلعت حلوه قلت هي خاربه خاربه .. طلعت الكحله وحطيت والقلوس كمان والله صايره كأنني بعرس .. أنطرق الباب خفت ..
وقلت : مين ؟؟
دخل فيصل وشهق : اهئ سارونه اش عامله بنفسك ؟! قسم ان شافك خالي ليذبحك ..
نقز قلبي من كلامه : هو وينه ؟!
قال : هو قالي أصوت عليك لأنك تأخرتي يقول خمس دقايق ان مانزلتي تروحين مشي ..
فكره حلوه اروح مشي ولايشوفني .. بس مابي فيصل يحس لي ..
قلت له : أوكي ..!

طلع من الغرفه وكملت التزيين سبحان الله طالعه قمر لولا الإصبع .. خلني انساه شوي والله اني قمر .. تف تف مايحسد المال الا اصحابه .. رحت لعبايتي ولبستها وتحجبت والله استحي الناس يشوفوني كيذا وخاصةً عيال منطقتنا يقزون الوحده من فوقها الى تحتها قلت ابتلثم ولو أفطس ماعليه أخذت شنطتي ياربيه مرت خالي كيف اتصرف معاها ؟! خففت من القلوس والكحله اكيد بتحسبها طبيعي .. باقي العدسات قالوا ابليس شاطر مدري كيف جات ذي الفكره ان اغمض عيوني طول الوقت على ابو انها تألمني .. تأكدت من حجابي ونزلت .. فكه ماشفتها مريت سمعت صوت ..
فيصل : خالي راح عنك لاتتعبين حالك ..
ابتسمت له : أدري وذا المطلوب .. وغمزت له ..
فتح عينه : تبين تروحين مشي ؟؟ انهبلتي انتي ؟؟
ضحكت : لا بكون انهبلت اذا شافني خالي كيذا ..
قال : بس صعبه تروحين مشي ..
هزيت كتوفي : لا صعبه ولا شي عادي ..
تقرب مني : قومي بروح معك أخاف على كل ذا التزيّن حد يشوفك ويخطفك وتروحين وطي ..
ابتسمت : اجل يلا مشينا ..

حسيت باحساس غريب فعلا أول مره أحد يخاف علي كيف لين عرفت ان اللي يخاف عليك اخوك اللي مالك غيره .. كانت دموعي بتنزل بس خفت وتراجعت اخاف الكحله يصيبها شي .. تلثمت وطلعت صحيح اختنقت بس احسن من الفشايل قدام ربي وخلقه .. طول الطريق حنا ساكتين وماتكلمنا ولما وصلنا ..
قال : اذا حد قال لك انتي حلوه قولي لهم طالعه على اخوي بس هو احلا مني ..
ضحكت : افا عليك لاتوصي ان ماخليت كل اللي بالمدرسه يتقربون لي علشانك ..
ضحك : طيب انا بروح نايف بيذبحني ان تأخرت ..

ابتسمت ودخلت .. تفكيري كله كان مع فيصل بالرغم انه يضحك معي ويسولف أحس انه يخبي عني شي الا اشياء .. دخلت المدرسه ونزلت غطاي واخذت نفس عميق بعد كل الخنقه ذي .. فتحت حجابي ورتبت شعري وحطيت قلوس ودخلت بكل ثقه ان الكل يناظر فيني مو من جمالي بس جرأتي اني اسوي كيذا .. من حظي ان الطابور خلص .. صعدت فصلي .. حتى الابله انعجبت بشكلي وناسه حد يمدحني .. جات الفسحه مريت فصل ريم وناديتها بدلع حتى اكمل وأصير حلوه .. تقربت مني وهي منصدمه اكيد ماعرفتني متعوده على الشعر المبلول ..
همست لي : تكلميني ؟!
قلت : أجل أكلم جدتي ؟؟ يلا نمشي ..
ناظرتني : متأكده انتي مو غلطانه ؟!
ضحكت بقوه : ريموه وجع انا ساره ..
صفرت : ايه الحلاوة دي يابت ادينا شويا من اللي عندك ..
ضحكت بغرور : ياربيه اش ذذنبي اذا خلقتني حلوه والناس يموتون علي ؟؟
قالت : بس تصدقين يوم دخلتي وناديتيني حسيت الكل يناظرني وانا حدي مستغربه .. بس تعالي يا حماره ألحين ماتقولين لي علشان أتزين ؟! تبين يقولون سبحان من خلق وفرق ؟! دول صاحبات ؟؟
ابتسمت : بجد ريم طالعه حلوه ؟؟
ابتسمت : الا تهبلين .. حطي رقم خالك للإستفسار ..
ضحكت .. قالت : وين صلحتي شعرك ؟؟
ابتسمت : انا اللي صلحته الصبح .. كل شي انا عملته ..
ضحكت : حجزت عندك ليلة ملكتي ..
ياربيه ياريم عليك ألحين انا ابي انسى وانتي تذكريني ؟؟ ..

*

بصراحه انتفخ راسي على البنات كل وحده تسأل عني شعور حلو بس انا مبي غير نايف .. نايف وبس .. وادري انه مستحيل يكون لي أبداً هو لسلمى .. الصراحه تمنيت لو نايف يشوفني كيذا طبعا لو كنا مخطوبين أو على الاقل مملكين على الاقل .. انا استحي حد يقزني أحس ان فيني شي غلط .. تمشينا في المدرسه وانا ادعي ربي مروى ماتشوفني ابد .. وخلصت الفسحه ودرسنا .. بعدين جينا نطلع للبيت .. ياربيه خالي بيشوفني تغطيت وتغطت ريم لأن مروى تعرفها .. شفت سيارة خالي مرت وتعدت أووف الحمدلله أخذ مروى وراح ..!
ابتسمت : يلا انا بروح البيت بايو ..
قالت : لاتقولين ؟! ألحين بتطلعين الشارع كيذا بروحك ؟ قسم بالله انك امهبولا ..
ضحكت بسخريه : يعني ؟! اركب تاكسي ولا ايش ؟؟
سمعتها تقول : أخوي يوصلني كل يوم مو عاجز عن توصيلك يوم واحد ..
قلت : لامشكوره أنا أستحي يشوفني كيذ أعذريني ماأقدر أركب معك ..
تخصرت : وتروحين كيذا ؟
واشرت علي من فوقي الى تحتي ..!
قلت : عندي أهون يشوفني اخوك ..
قالت : شوفي مابي اغصبك بس لو حد شافك .. بنت وبروحها في الشارع لا ومتزينا ماأتوقع يطوفها على نفسه ..

بلعت ريقي والله كلام ريم صحيح بس مشكله يشوفني اخوها كيذا وماأقدر أتغطى قسم اني أفطس ومو متعوده .. بس اش الحل ؟! اروح معها ولا أروح مشي ؟؟ هو في الحالتين ابمشي والكل يناظرني .. يعني اروح معها ؟؟ فشيله صاير سواقي ذا الاخو .. لعنت نفسي يوم اني عملت كيذا .. كيف مافكرت في ذي الحاله ؟؟ أتكلت على ربي ورحت مع ريم انتظرنا اخوها وفعلا جاء ركبت ..

{ انتهَى }

/
\
/

مقآطع من الجزء القآدم /
صرخت : أرجوك ..
*
قلت بجرأه : اسمعني ارجوك .. باختصار انت كل يوم جمعه تيجي وتاخذ فيصل مين انت ؟؟ ووين تاخذه ؟ وليش كل يوم تاخذه اصلا ؟!
*
سمعته يقول : انتي مروى صح ؟!

-الفصل الخامسّ، تمّ











 
 توقيع : AM.


اللهم صلّ وسلم وبارك على مُحمد.
دافئ جدًا: مَعرضي~



رد مع اقتباس
قديم 06-20-2020, 05:33 PM   #14
JAN
مِرأة وٓاحدة … إنعِكاسات شٓتى !

الصورة الرمزية JAN
JAN غير متواجد حالياً

بيانات اضافيه [ + ]
 رقم العضوية : 115
 تاريخ التسجيل :  Mar 2020
 العمر : 23
 المشاركات : 9,849 [ + ]
 التقييم :  23316
لوني المفضل : Black
شكراً: 0
تم شكره 6 مرة في 6 مشاركة

مشاهدة أوسمتي





.: الجزء السادس :.

" يآنآيف كفآيه لاتزيد النآر حطب .. يآنآيف كفآيه لاتشعل بقلبي النآآر ..
يآنآيف بيوم وبليلة حالي إنقلب .. يآنآيف شف ذا ينآظرني .. مآتغآر ؟؟ "


/
\
/

بصراحه انتفخ راسي على البنات كل وحده تسأل عني شعور حلو بس انا مبي غير نايف .. نايف وبس .. وادري انه مستحيل يكون لي أبداً هو لسلمى .. الصراحه تمنيت لو نايف يشوفني كيذا طبعا لو كنا مخطوبين أو على الاقل مملكين على الاقل .. انا استحي حد يقزني أحس ان فيني شي غلط .. تمشينا في المدرسه وانا ادعي ربي مروى ماتشوفني ابد .. وخلصت الفسحه ودرسنا .. بعدين جينانطلع للبيت .. ياربيه خالي بيشوفني تغطيت وتغطت ريم لأن مروى تعرفها .. شفت سيارة خالي مرت وتعدت أووف الحمدلله أخذ مروى وراح ..!
ابتسمت : يلا انا بروح البيت بايو ..
قالت : لاتقولين ؟! ألحين بتطلعين الشارع كيذا بروحك ؟ قسم بالله انك امهبولا ..
ضحكت بسخريه : يعني ؟! اركب تاكسي ولا ايش ؟؟
سمعتها تقول : أخوي يوصلني كل يوم مو عاجز عن توصيلك يوم واحد ..
قلت : لامشكوره أنا أستحي يشوفني كيذ أعذريني ماأقدر أركب معك ..
تخصرت : وتروحين كيذا ؟
واشرت علي من فوقي الى تحتي ..!
قلت : عندي أهون يشوفني اخوك ..
قالت : شوفي مابي اغصبك بس لو حد شافك .. بنت وبروحها في الشارع لا ومتزينا ماأتوقع يطوفها على نفسه ..
بلعت ريقي والله كلام ريم صحيح بس مشكله يشوفني اخوها كيذا وماأقدر أتغطى قسم اني أفطس ومو متعوده .. بس اش الحل ؟! اروح معها ولا أروح مشي ؟؟ هو في الحالتين ابمشي والكل يناظرني .. يعني اروح معها ؟؟ فشيله صاير سواقي ذا الاخو .. لعنت نفسي يوم اني عملت كيذا .. كيف مافكرت في ذي الحاله ؟؟ أتكلت على ربي ورحت مع ريم انتظرنا اخوها وفعلا جاء ركبت ..
وقلت : السلام عليكم ..
ردوا : وعليكم السلام ..
سكرت الباب وانا منزله راسي مابيه يشوفني ..
سمعته يقول : وين بيتكم ؟؟
اقسم بربي ان فيني الضحكه هذا كل مره ابركب معه بيسوي لي كيذا ؟؟ ماعنده الا ذي الكلمه .. ضحكت من داخلي وفيني ضحكه ماأقدر اخبيها وطلعتها فعلا بس بأدب .. كأن ريم فهمت قصدي وضحكت .. ولا من ضحكتي اللي تفشل ..
قالت : بيتهم جاسم الجابر ..
تلقفت وناظرت المرايا ابي اشوف ردة فعله مدري اقول لكم مصدوم ولا ايش .. التزم الصمت .. ووصلت البيت سلمت على ريم وشكرته ودخلت البيت وانا متسلله ووصلت غرفتي الحمدلله رب العالمين ..

أول شي سويته شلت العدسات وربطت شعري بعدين مسحت الكحل والقلوس وغسلت وجههي بصابون توضيت وصليت وتحجبت ونزلت صلحت الغذا وصعدت غرفتي .. انسدحت على السرير وانا اتذكر كيف البنات يناظروني .. معقوله انا حلوه ؟؟ أول مره اسمع كلمة مدح من غير خالتي مشاعل ياعمري فديتها ..
شوي ودخل فيصل : انزلي تغذي ..
ابتسمت : صايمه ..
هز راسه بعدين قال : مين اللي جابك هينا ؟؟
قلت بكذب قسم ان قلت له الحقيقه بتصير مشكله : رجعت مشي ..
فتح عينه : بروحك ؟!
تبلعمت : لا طبعآ .. ريم خويتي رجعت معي ..
ماعلق وطلع يااي ونااسه فيصل يخاف علي .. نمت

*

وصحيت على اذان العصر حليت واجباتي علشان يوم الجمعه اكون فاضيه ابتسمت لأن قرب يجي يوم الجمعه .. قررت اشغل نفسي بالمذاكره وفعلا خلصت ونزلت أصلح لي فطور عملت حلا الفيمتو مدري ليه سميته كيذا يمكن لأن فيه طبقه من الفيمتو .. يكفي ذا فطوري مع بعض الشغلات ..
صعدت غرفتي بعد ماخلصت .. وفتحت دولابي ابي اختار ملابس ليوم الجمعه .. اخترت بلوزه بيضاء فيها خربشات بالياباني وفيها الوان كثيره .. رغم اني ماأحب كثر الالوان بس يلا تمشي الحال .. عليها البرمودا الابيض اللي حكيت لكم عنه من قبل .. رحت كويتهم وغسلت عبايتي والحجاب .. جهزت كمان عدساتي والرولات والكحله والقلوس قررت اني أعمل شكل يوم الاربعاء ليوم الجمعه .. ماندري يمكن فيصل يفتشل اذا صرت بذاك المنظر .. وتوضيت وقريت قرآن الين أذن صليت ونزلت صلحت العشا بعدين افطرت ..
قررت انزل الحلا بعد العشاء .. صعدت غرفتي وغيرت ملابسي علشان اقدر أتحرك .. رحت المقلط وناديت على نايف وفيصل وقلت لمروى وخبرت مرت خالي وخالي .. جلسنا على الطاوله أكلت اللي بصحني ولما خلصت جبت الحلا الكل أعجبه بس طبعا بعض الناس ماقالوا حتى كلمة " شكرا " .. أتوقع تعرفون مين ياجعلها الماحي يارب .. شلت الأكل وصعدت غرفتي تمددت على السرير وقلبي يدق من بكره واللي عقبه .. و...نمت

*

وماصحيت الا الساعه 12 صلاة العشا دايم متأخره استغفر الله بس .. صليت وكنت فاضيه أكيد الكل نايم نزلت تحت فتحت التلفزيون مافيه ولا شي .. حطيت روتانا ماعندهم الا غنيتين انقهرت وقفلت التلفزيون نظفت المقلط والمطبخ وغرفتي في ساعه ونصف .. تثاوبت .. كثير صايره احب النوم بس علشان يوم الجمعه لازم انام .. نمت ..
وصحيت على الساعه اربع صليت وعملت الفطور رجعت نمت ناويه أصوم كمان اليوم لأن مالي خلق آكل وادري ان طول اليوم بكون نايمه .. صحيت على صوت فيصل يسألني وين حطيت البلايستيشن قهر والله .. أعطيته هوا ورجعت ابي انام ماجاني نوم ناظرت الساعه 11 الصبح صلحت الغذا بعدين رحت لفيصل لقيته بروحه لعبت معه .. ولما جاء نايف قمت وصليت ..
عند اذان العشا تقريبا طرت على بالي ان أرسم .. رسمت عيون نايف صحيح ماضبطتها بس تمشي الحال .. وتعتبر انجاز للي ماجربوا يرسموا .. جلست ارسم في عيون الخلايق الين الساعه عشر وربع نمت ..
كالعاده صحيت أربع الفجر صليت وقلبي يدق بقوه أحترت أصوم ولا لا بعدين قلت لا .. نزلت تحت صلحت الفطور مالقيت خبز انقهرت يعني يوم فطرت ؟؟ صعدت غرفتي بملل .. قررت أصعد السطح مغامره فعلا .. قفلت غرفتي وصعدت جلست تقريبا ربع ساعه حسيت ان فيه شي لأن قلبي ناغزني نزلت متسلله لقيت مروى تطق باب غرفتي ..
قلت : خير مروى ؟!
تخصرت : أنتي وين كنتي ؟؟
قلت : كنت تحت ليش اش صاير ؟!
قالت : كذابه لفيت عليك البيت كله مالقيتك .. أعترفي صعدتي السطح اليوم ؟؟!
جاوبتها : لا طبعا .. يمكن ماشفتيني لأني كنت بالمطبخ بعدين رحت المقلط بعدين الصاله وانتي غريبه صاحيه .. أكيد كنتي نعسانه ..!
سكتت وماردت .. بعدين قالت : أمي تقول لك صلحي لها شوربه بسرعه لأنها مشتهيتها ..
مالي خلق مشاكل على الصبح هزيت راسي ونزلت عملتها ..
يوم صارت الساعه تسع جات خالتي مشاعل وميشو ماكلن لي خلق ورحت نمت أكيد مروى تقوم بالواجب .. تذكرت اني قلت مشاعل وفيصل مشتهيين من يدها قهوه .. فزيت من سريري ونزلت .. من الحظ على طول تكلمت ..
خالتي : قلتي لمروى اني مشتاقه اذوق من يدها قهوه ؟؟
عملت لها حركه يعني بليز .. ولما فهمت قلت : ايه مو انتي الاسبوع اللي طاف قلتي ؟؟
ابتسمت وناظرت مروى : تعلمتي ؟؟
ضحكت مروى : تبين تجربين ؟!
هزت راسها .. طلعت وطلعت وراها رحنا المطبخ فكرت اني اقول لفيصل علشان مايتكرر السيناريو معه رحت له ..
قلت : فيصل قلت لمروى انك مشتاق تذوق قهوة من ايدينها وهي في المطبخ تسويها ..
ابتسم : أحلفي ؟! تتكلمين جد ولا ايش ؟؟
ضحكت : لذي الدرجه ؟! طيب انا نازله اساعدها ..
ابتسم اكثر : تشكرري والله أنك أحلا أخت بذي الدنيا ...
نزلت تحت وانا اسمعه يمدحني .. وجع كل ذا حب في اللي ماتتسمى ؟؟ ساعدتها وفعلا كانت مره حلوه القهوه والكل مدحها ..
عملت الغذا بعدين صليت الظهر وساعدني ميشو في السلطه .. العصير فيصل اللي عمله .. والله حسيت اني طايره في الجو أحب لما أشوف الكل مجتمع و فعلا شي روعه تغذينا بعدين صلينا العصر .. بعدين جلسنا في المقلط القهر ان نايف مو موجود .. كان فيصل منسدح على رجلي ومروى جنب امها وميشو جالس على الارض ..
سمعت خالتي تقول : مشعلوه ليش جالس هينا قم يامال اللي منيب قايله قم فشلتنا ..
ابتسمت : سيبك منو ياخالتي أحيانا هوا يقفل تفكيره ..
ميشو : هيهيهي يعني ينقال لك المحقق كونان جبتيها مع وجهك ؟
قال فيصل : عندك اعتراض ياولد الخاله .. ساره احلا بنت واعقل بنت بالدنيا ..
خالتي : صادق فيصل .. قم احسن ما اهفك كف ..
ميشو : يمه لا تحرميني من السعاده ..
خالتي : ألحين جلستك على الارض عندك سعاده ؟! ..
ميشو : يمه يقولون الجنه تحت اقدام الامهات ألحين انا جالس بالجنه وناسه ..
مروى : أجل أذا كيذا بقوم أنا اجلس عند رجل امي ..
حسيت بغصه الكل يقول أمي الا انا .. الله يرحمها ان شاء الله حسيت ان الدموع تستعد للنزول كتمتها وابعدت فيصل عن رجلي وصعدت غرفتي ,,
الكل عندهم ام و أبو الا انا .. لا أم ولا ابو .. نزلت دموعي وكأنها شلال رحت للمرايا وجلست جنبها أراقب الدمعه كيف تنزل وتشق طريقها على خدي .. شي يؤلم الصراحه .. انفتح الباب ودخل فيصل ..
قال : تحسستي من الكلام اللي انقال تحت ؟! ..
هزيت راسي بـ لا : بس تعبت شوي ..
جلس على السرير : لا تكذبين حسيت لك لأني مثلك ..
كابرت : أبد فيصل شي تعودت عليه من يوم انخلقت على ذي الدنيا صار عندي شي عادي ..
سمعته يقول : لا ساره .. اذا انا الرجال ماتحملت ابد كيف ببنت حساسه مثلك ؟ أنا جلست معها سنتين انتي ولا حتى شفتيها .. كيف ماتحسين بالغصه ؟؟


 

رد مع اقتباس
قديم 06-20-2020, 05:34 PM   #15
JAN
مِرأة وٓاحدة … إنعِكاسات شٓتى !

الصورة الرمزية JAN
JAN غير متواجد حالياً

بيانات اضافيه [ + ]
 رقم العضوية : 115
 تاريخ التسجيل :  Mar 2020
 العمر : 23
 المشاركات : 9,849 [ + ]
 التقييم :  23316
لوني المفضل : Black
شكراً: 0
تم شكره 6 مرة في 6 مشاركة

مشاهدة أوسمتي





(( 2 ))
سمعت خالتي تقول : مشعلوه ليش جالس هينا قم يامال اللي منيب قايله قم فشلتنا ..
ابتسمت : سيبك منو ياخالتي أحيانا هوا يقفل تفكيره ..
ميشو : هيهيهي يعني ينقال لك المحقق كونان جبتيها مع وجهك ؟
قال فيصل : عندك اعتراض ياولد الخاله .. ساره احلا بنت واعقل بنت بالدنيا ..
خالتي : صادق فيصل .. قم احسن ما اهفك كف ..
ميشو : يمه لا تحرميني من السعاده ..
خالتي : ألحين جلستك على الارض عندك سعاده ؟! ..
ميشو : يمه يقولون الجنه تحت اقدام الامهات ألحين انا جالس بالجنه وناسه ..
مروى : أجل أذا كيذا بقوم أنا اجلس عند رجل امي ..
حسيت بغصه الكل يقول أمي الا انا .. الله يرحمها ان شاء الله حسيت ان الدموع تستعد للنزول كتمتها وابعدت فيصل عن رجلي وصعدت غرفتي ,,
الكل عندهم ام و أبو الا انا .. لا أم ولا ابو .. نزلت دموعي وكأنها شلال رحت للمرايا وجلست جنبها أراقب الدمعه كيف تنزل وتشق طريقها على خدي .. شي يؤلم الصراحه .. انفتح الباب ودخل فيصل ..
قال : تحسستي من الكلام اللي انقال تحت ؟! ..
هزيت راسي بـ لا : بس تعبت شوي ..
جلس على السرير : لا تكذبين حسيت لك لأني مثلك ..
كابرت : أبد فيصل شي تعودت عليه من يوم انخلقت على ذي الدنيا صار عندي شي عادي ..
سمعته يقول : لا ساره .. اذا انا الرجال ماتحملت ابد كيف ببنت حساسه مثلك ؟ أنا جلست معها سنتين انتي ولا حتى شفتيها .. كيف ماتحسين بالغصه ؟؟

أخذت ملابسي ودخلت اتحمم والمويا تختلط بدموعي اش ذنبي اول ماافتح عيني على الدنيا ما أشوف امي ولا ابوي ؟؟ خلصت وطلعت مالقيت فيصل .. قفلت الباب وجففت شعري ورولته .. مشكله اذا نسيت اني انتظر ذا اليوم .. خلصت رحت للكاسيتات اللي عندي واخذت اغنية امي لراشد وحطيتها حسيت اني محتاجه اتكلم .. مسكت دفتر وكتبت :..

أمي ..!
يآ أرق الكلمآت ..
وأعذبهآ على لسآني ..
ياأجمل المعآني ..
ويآ أحلاآ الحروف ..
أمي ..!
يآ نبع الحنآن الصآفي ..
كم اشتقت لكِ ..
يرآودني الحنين لرؤيتكِ مجددآ ..
وتجول بي الأحزآن لذكر اسمك ..!
ن :. نبع الحنآن ..!
هـ :. همسآت عذبه ..!
آ :. أحآسيس مفقودهـ ..!
ل :. لحن العشق ..!
أمي ..!
أرآكي وسط أحلامي حلماً جميلاً ..
يبتسم لمبسمي ..
ويشاركني أفرآحي والأحزآن ..
إن كآن فيهآ أفرآح ..
حضن دآفئ ,,
يستقبلني في أي وقت ...
وأذن صآغيه ,,
تستمع لأتفه الأمور وأعظمهآ في حيآتي ..
فم نآطق ,,
ينصحني ويواسيني ..
ويدين مشتاقتين لتقبيلها ..
ورجل ..,
أحتمي عندهآ من النيرآن ..
أمي ..!
لم أعد أبصر أو أسمع ..
هل ترحلين قبل رؤيتي وسماع بكائي ؟!
هل ترحلين قبل تقبيلي وحضني ؟!
هل ترحلين قبل مسح دموعي ؟!
هل ترحلين ؟؟
أظن أنكِ تسمعين حديثي وبكآئي ..
ومتأكدهـ تمآماً من عدم استطآعتك للإجآبه ..
وإن حآولتي ذلكـ ,,
لأنكِ وبكل أسف ..
رآآحلــه ...!!

ماقدرت اكمل كتابه من كثر الدموع وقفلت الدفتر .. سمعت صوت الاذان صليت ودعيت لها أكيد هي محتاجه أني ادعي لها .. وأبوي كمان .. ياحظك يافيصل شفت أمك وابوك وانا ولا شي .. غسلت وجهي وناظرت الساعه سبع ودقيقه أممم باقي وقت على الساعه 9 .. لفيت حجابي بحيث ماتبين الرولات ونزلت تحت وانشغلت بتحضير العشا
شفت خالي يتقرب قام قلبي يدق بقوه منه كان يبي يشيل حجابي ..
صرخت : أرجوك ..
والله لو انه فتحه قسم لأروح فيها .. ظل يناظرني نظرات غريبه غمضت عيوني أدري انه بيصفعني أو شي كيذا .. فتحت عيني مالقيته قدامي حمدت ربي ورحت المقلط وسألت عنه قالوا انه له نصف ساعه طالع .. معقول ؟! قسم اني مو فاهمه شي .. كيف طالع وانا شفته قسم اني شفته .. ابتعدت عن المقلط وكملت شغلي بعدين جلست على الكرسي وحطيت يدي على راسي بعدين قمت وعملت العصير .. ناظرت الساعه ثمان الا خمس .. الحمدلله خلصت قبل الموعد المحدد .. رحت المقلط لقيتهم متجمعين ..
قلت : صلحت العشا .. وينه خالي ؟؟
خالتي : صعد غرفته يتحمم ويرجع ..
انتظرناه وفعلا على الوقت المحدد .. أكلت فطاير بس بعدين قمت وصعدت لفيصل .. كويت له ملابسه ونزلت وكأن الموضوع عادي .. مر الوقت بسرعه وجات تسع الا ربع .. اتصل عبدالله على خالتي وقال لها انه جاي بالطريق .. فـ الضيوف جايين في الطريق .. ارتبكت بس حاولت اهدي نفسي صعدت غرفتي بحجه اني تعبانه ..

*
*

ورحت لبست العدسات وحطيت الكحله والقلوس ومكياج خفيف أسود .. فتحت شعري من الرولات ورتبته تقريبا كان جزء صغير من شعري متسلل بجرأه وشقاوه على وجهي .. لفيت الحجاب وطلعت طليت من الدرج لقيت خالتي تودعهم .. دخلت غرفتي وجلست أطل ..
شفت نايف ..
همست له : نـايف !!
أعطاني ظهره وقال : آمري ؟؟!
قلت : اذا وصلوا ناديني .. طيب ؟!
قال : طيب بس بسرعه لأن ابوي اتصل عليهم ..
قلت : انا خلصت بس مابي حد يشوفني على ابو اني نايمه ..
سمعته يقول : طيب انا رايح اغير ملابسي ..
ابتعد وقفلت الباب وقفت عند المرايا ورشيت عطر أخذت أكسسوار لليد وحطيته باليمين جنب الساعه انتظرت تقريبا سبع دقايق وانطرق الباب ..
همست : مين ؟!
سمعته يقول : اطلعي برى عند الزرع ..
قلت : طيب ..
عدلت عبايتي وتأكدت من شكلي وحجابي أقصد لثامي .. تسللت وطلعت تخبيت ورى شجره كبيره .. شوي وطلع نايف لي .. شفته يتلفت يمين ويسار ..
همست : نايف ..
كأنه سمعني وجاء لي ..
قال : جاهزه ؟!
قلت : ايه ..
رفع عينه بيتأكد وظل فتره يناظرني .. بعدين قال : اقري المعوذات على نفسك لا يحسدونك
خلاص يانايف أرجوك انا قلبي يدق بقوه وانت كيذا تزيد سرعته ..
مد لي لصقات : خذي ذا لفيه على اصبعك المحترق ..
ناظرته : كيف ؟! ..
اشر لي ان اعطيه يدي وفعلا لفه لي ..
ثم قال : خذي ذا جوالي ابدق عليك اذا طلع فيصل ..
قلت : وخالي وينه ؟!
ابتسم : لاتخافين قال لي انه عنده شغل ..
ابتسمت وأخذت جواله : مشكور ..
ابتعد عني وتركني مع خوفي وارتباي .. وأخيرا بعرف السر .. انتظرت شوي ثم سمعت " عشان الحب واللي بيني وبينك .. عشان الحب ... " طبعا رفضت المكالمه ودخلت المقلط ..

*
*
*

شفت شاب تقريبا بعمر فيصل ماأتوقع سمع صوت الباب ..
قلت : السلام عليكم ..
رفع عينه وظل يناظرني فتره استحيت منه .. وقلت : السلام عليكم ..
كأنه انحرج : وعليكم السلام .. خير ؟!
قلت بجرأه : اسمعني ارجوك .. باختصار انت كل يوم جمعه تيجي وتاخذ فيصل مين انت ؟؟ ووين تاخذه ؟ وليش كل يوم تاخذه اصلا ؟!
ناظرني : انتي مين ؟! ..
ارتبكت ياربيه اش اقول له ؟ ..
سمعته يقول : انتي مروى صح ؟!
خيبه فيصلوه مخبر أخوياه عنها وجع ان شاء الله .. سكت فتره ..
ثم قلت : ممكن تخبرني وين تاخذه ؟!
تكتف : يهمك تعرفين ؟!
قلت له : أكيد ..!
ابتسم : فيصل عندك روحي اسأليه !!
وجع ذا اش فيه ؟! مايفتهم ..
ابتسمت وناظرته : أنا ماسألتك علشان تقول لي كيذا انا سألتك ابي اعرف ..
ضحك : ليه تسألين ؟!
دخلت خصلات شعري بغرور : فيصل عندي اقدر أسأله بس مابيه يحس اني اراقبه ..
ابتسم وجلس فتر يناظرني .. قلت مابنزل عيني علشان لا يحس اني منكسره صحيح استحيت بس عادي ..
انقهرت : بنتاظرني كثير ؟!
قال : اش تبيني اطالع وانتي واقفه على راسي ؟!
شوي واقوم اذبحه .. سمعت نايف " فيصل الحين بتروح ؟؟! "
اخترعت وقلت : اسمع لاتخبر فيصل اني جيت لك ابدا ارجوك ..
سمعته يقول : ليش ؟
هذا اللي برتكب فيه جريمه : مو شغلك واسكت ..
وطلعت من الباب وتخبيت ورى الشجره ..
شوي وشفته طالع كنت بدخل البيت بس شفت فيصل طلع وراه يعني علشان لا احس يطلع بعده .. تأكدت انهم طلعوا ودخلت البيت صعدت غرفتي لقيت ورقه أول مادخلت على الارض عند الباب مباشره " خبريني بالنتايج انتظرك بنفس الوقت والمكان .. ولد خالتك " تركت الورقه ورحت ضبطت أموري ..

/
\
/

مقآطع من الجزء القآدم /
ابتسم : طيب ما اخذتي اسمه رقمه عنوان بيتهم ؟!
*
سمعتها تقول : ماقالت لك مروى لحد يدخل ؟!
*
سمعته يقول : اليوم مابتروحين لا انتي ولا مروى المدرسه تفهمين ولا لا ؟!
*
رفع عينه لي ورجع ناظر الأرض وهمس : مروى .!!


.: نهاية الجزء السآدس :.


 

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مذكرات قاتل مأجور [ 1 ] *مكتملة* JAN روايات عامية 17 08-21-2020 02:30 PM
خالد و بندر *مكتملة* JAN روايات عامية 6 08-10-2020 09:45 PM
سلع أرواح محرمة *مكتملة* JAN روايات عامية 77 08-08-2020 11:43 PM
بنات أكشن*مكتملة* JAN روايات عامية 31 07-04-2020 07:23 PM
هفوات أنانية *مكتملة* JAN روايات عامية 41 06-27-2020 07:09 PM

شرح حديث

علف


الساعة الآن 10:35 PM