cherry flower

شعور جميل لما تنجح بعد تعب تسع شهور من دراسة والجهد وسهر الليالي واستيقاظ مع شروق الشمس والنوم بعد غيابها بساعات
شعور النجاح مابينوصف يمكن مزيج من سعادة والفخر
السعادة يلي مابتوصفها حروف والفخر لما نوصل يلي بدنا ياه لما نثبت لانفسنا ان نحنا منحسن ولما يسكت الصوت الداخلي يلي دائما كان يضع لنا الحجج والاسباب والصعاب والجبال بيسكت لما عيونا بتشاهد الحقائق الملموسة
لاول مرة بشعر ان مشروع الدراسة بيستحق التضحية مع اني ع مدى تسع اشهر كنت عم قدم ا تضحية كافية ويلي هو الوقت
قدمت كتير تنازلات واولها البعد عن الناس يلي بحب ابقى معا بعدت عن المنتدى وعن الكل لحقق يمكن احلام مابحبها مابعمري حبيت الدراسة بس عند اخر شهر شعرت اني لازم كون ناجحة حتى بالامور يلي مابحبها وكان فرض علي يب النجاح بكل شي حتى اذا كنت بحبه او لاء مؤمنة فيه او لاء عندي ميول اولاء بدات افصل المشاعر عن الحياة العملية
عند اخر شهر وبعتبره الاصعب بدا الملل ياخدني صدقوني فكرة انك تجلس بغرفتك لساعات مع الكتاب فكرة مجنونة بتولد ملايين الافكار غير الجيدة مع هيك ما استسلمت
عند اخر يوم بالامتحان شعرت انه الخلاص من كل شي مع ان كان عقلي مليئ بالمعلومات بكل المواد شعرت بشعور جيد يب فكرة انك ذكي وعندك قدرى الاجابة على اي سؤال من مجموعة كتب كييرة كان شعور جيد بس تقريبا بعد مرور اسبوع شعرت ان حياتي اصبحت فارغة دون اهداف او خطط وفعلا منتظرة السنة القادمة بفارغ الصبر من اجل ان ابدا مستوى جديد مع اشخاص جدد و مكان مختلف زالاهم مع فكر جديد
اليوم طلعت نتيجتي يمكن هي شي كتير بسيط فكرة انك تقدم امتحان وتنجح للثانوية بس كان اول جبل بواجهني ومعه جيل صغير بعده وهي ظروف المرض الصعبة وحمدلله اتخطيتهن ومستعدة استعداد كامل لمواجهة كل الجبال كانت صغيرة او كبيرة
بالنهاية
ادرسوا منيح واتعبوا ومافي اي شي سهل لان هي الحياة ماهي الجنة لازم نتعب ونواجهة لان فكرة الاختباء تؤدي للفشل <قررت صير مقدمة نصائح
كونوا بخير وحققوا احلامكن الصعبة

صار بدنا منشطات نووية لنتحرك

اللهم صباحا في تفاصيله الخير والبشرى

كانت سنين الحرب صعبة كتيير
عشر سنين من الخوف وانعدام الامان عشر سنين كنت اطلع من البيت ومابعرف برجع اولاء
عشر سنين وانا عم قول بكرا بيجي الاحسن وكنت احمدالله دائما اني ماخسرت حدا ماخسرت اشخاص فعلا وكنت اعتبر كل شيء عادي كل الخسارات عادية
اي شيء يصير كان عادي بالنسبة لالي المهم ما اخسر ارواح من عيلتي او من يلي بعرفن
كنت قول كل شيء عادي وفعلا خلصت هي السنين او على الاقل خلصت فكرة اني اطلع من البيت ويمكن معد ارجع
حتى اجت السنة الاصعب متل كان كل شي بالسابق البداية او يمكن مقدمة مبارح
فقدت جدتي صح يمكن مابتربطنا علاقة قوية بس هي كانت حدا كتير بحبه كنت بتمنى لو بحسن غير شي بس ما حسنت هي راحت لمكان بعيد احسن من المكان هاد بكتير بحياتي ماكانت تاذيني فكرة موت لانه كان شي يومي وطبيعي جدا وحتى كان قريب كتير وكتير في اوقات قلت اني خلص رح موت بس مع هيك ماصار شي
بس مابعرف مبارح كان كتير صعب وكاني اول مرة بسمع باسمه كان متل شي بيخنق
بس مع هيك هو احسن من هالحياة كنت دائما قول اني مابكره الموت بالعكس بعتبره راحه
اليوم كان الكل حزينين لدرجة مميتة
الرحمة لجدتي الرحمة لروحها الطاهرة
الفاتحة....

غياب حتى استعيد نفسي

العودة
بظن سبعة ايام كانت كافية لراجع نفسي وبشعر اني احسن هلاء
بس وقت رجعت قرات المدونة شعرت برغبة بالبكاء من جديد
اوقات سعيدة لكم