آنا والإثنا عشر صوتاً !

فيتا فيتا فيتاتسوووووو
في بالعالم حدا لطيف وكيوت وحباب ومبدع وحكياتو حلوين متلك ؟
بالله اذا في انا بدي اعرف
لك إنت مافي منك* ... لا أشباه أربعون
الله يسعدك دائماً وابدا
ويبعد كل شي حزن عن دربك
ويكتبلك الخير بكل شي بتساويه ورح تساويه
أنا حارستك هنا وسوف ادعمك بكل شي
ابتسمي دائماً
أحبك
رح امرق لهون لما اشتقلك
دمتي بخير

بما ان مدونتك كانت تبكي على اهمالك لها جيت اسعدها شوي
فيتاااا فيتاااا فيتاااتسووووو
كيييفك ؟؟؟
هاد أحلى لقب شفته وأكثر لقب بحبه
ملاحظة للكل أن هاد اللقب هو الجرعة يلي بتحميكم من كورونا
لهيك الحمد لله ما حدا من عائلتنا الجميلة هون بالمنتدى انصاب فيها
هي المعلومة الخطيرة انا الوحيدة يلي كنت بعرفها وحبيت شاركها
+ انا وبس حارسة الفيتاتسو
ما بعرف لازم احكي مثل الأولاد الصغار أحياناً
وبما ان مدونتك ومدونة وسام هنن يلي قرأتن فبس شوف شي حلو أو ذكرى بنط وبرسلكم ياها
هههههههه كم مرة فتت على مدونته وكم رسالة بعتله xd
بس خليته يضحك عليهم كان محشش xd

من شي 6 أيام قرأت مدونتك بعيون العرب كلها
من طقطق للسلام عليكم هههههههه
كنتي قبل تحكي كتير عن حياتك وشو يصير معك
هلق صايرة اضرب من نزار قباني وما عم تكتبي غير سطور أدبية
بس كنتي تكتبي اكتر شي بمرحلة البكلوريا
أن كل يوم شو كان يصير وشو صار معك فيه
واكتشفت أشياء ما كنت أعرفها عنك xd وبعضها فاجأني
وفي أشياء كنتي توصفيها مثلا شي يحزن
لما اقرأه أحزن وفي أمور سعيدة لما كنت اقرأها ببتسم
واتخيل كيف كان الموقف وهيك
يعجبني طريقة تفكيرك وإنك ما تلتفتي للأمور التافهة
وقرأت كتير أشياء كتبتيها عن الحب وكيف يكون
وكلها كانت كلمات حلوة
وتقريبا عرفت أغلب طموحاتك
وبحب شخصيتك الجريئة وكيف كنتي تردي وما تسكتي عن الخطأ
خصوصي جرأتك لما دخلتي واشتريتي ربطتين عنق
ولما سئلوك لمين هدول قلتي لزوجي المستقبلي
نيالو من زمان الاهتمام
وإنت اصلا ما تعرفيه xdddddd
تقدري تعملي هيك شي هلق ولا لأ ؟
اصلا نفسي شوف رياكشنك على هالحكي بالضبط هههههههه

وكمان من أحد هي الكتابات أن مرة انسة طلعتك على اللوح مشان تحلي
وعلى حسب شرحك هي الآنسة غليظة وكانت عم تتغالظ وتحكي شغلات عن بعض الطلاب
والباقي كلهم يضحكو وعليكي كمان
انتي وقتها ما رديتي بقلب الحصة
لما طلعتو وقت الانصراف قربتي لعندها وقلتي حد قدنها أن كانت حلوة وهي عم تقلد المهرجين وعم تضحك الطلاب وانا سكتت مو لأنو ما بعرف رد ومدري شو كان كمان تكملة بس نسيتن
ما بتذكر تماما شلون حكيتيها بس يلي قلتن هنن الزبدة تقريباً
وهلق اذا بدي دور عليها بدي سنة

في لحظات كتبتيها حسيت كأني معك وقتها وكأني حضرت يلي صار
حسيت ببعض الكلمات ألم كبير وضيقة تحسي فيها
هالشي كان واضح من الكلمات
تمنيت وقتها لو كنت بالمنتدى وقدرت خفف عنك بالكلام حتى لو بقدر أنملة
بس الحمد لله انك تخطيتي هديك المرحلة والحين انتي احسن مو هيك ؟ ؟
هلق الواحد ما بيعرف شو في بالقلب !!
لأن بعد كلشي مررتي فيه بظن لا بل متأكدة أن هلق تقدري تخفي شعورك واحساسك الحقيقي بمهارة وتتعاملي بهدوء وبشكل عادي مع الأشياء يلي زعجتك
وما تبيني انك متضايقة اذا ما بدك هالشي
وقبل كنتي هيك كمان بس هلق بظن اكتر وبحكمة اكتر كمان
وشفت من خلال كتاباتك وطريقتك والظروف يلي صارت انك صرتي أكبر من عمرك
وصار عندك وعي بأمور كتيرة وفهم ورزانة بعمر المراهقة
ويلي كلها طيش وجنون
بس من خلال ردودك ورسائلك وحتى تصاميمك أحس انك رايقة وة هلق وهالفترة
إن شاء الله يكون هالاحساس صحيح وتضلي سعيدة دائماً
ولما قرأت المدونة لحتى عرفت ان عيد ميلادك يوم 29 شهر واحد
حفظته من اول مرة ..... للأسف مر وما عيدتك فيه
خيرها بغيرها إن شاء الله
بس خليني اقول بس كل عاام وإنت أحلى وافضل سارة بالعالم
سارة أكلت التفاحة xd أمثلة العربي
حاج تاكلي تفاح ومن انا بالابتدائي xddddddd
وكمان في شغلة كتبتيها ب2015
شوفيها

(((( صرت اتدرب على كتابة رواية مميزة وإدخال وصف قوي ومشاعر
كنت بحاول اقلد كتابات آرلت
بيقولو انها أفضل كاتبة في عيون العرب
وفرحت لما قلي ماهر أن كتاباتي فيها تطور كبير
ولن أتوقف حتى أصبح كاتبة متميزة ومصممة رائعة
وانا عند كلامي ))))

هاد الحكي دونتيه ب--- 2015 - 27 - 6 , 59:10 pm

وانا بالنسبة للي شفته وقرأته فأنت حققتي ما طمحتي من أجله
تصاميمك أقل ما يقال عليها لوحة فنية وذوقك حلو كتير
وكتاباتك مميزة وافكارك تجننن
وكلنا بنبصملك بالعشرة
هالشي مرة ابتسمت عليه وقلت لازم ذكرك شو كتبتي وعلى شو كنتي مصممة سابقاً
بعرف انك بدك تتطوري اكتر وطموحك أكبر من هيك
بس انتي هلق قطعتي شوط كبير صح ؟

كمان كنتي مترخة اشرافك والتثبيت
فقلت خليني حطلك ياهم بلكي كنتي ناسية لأنهم ذكرى جميلة
الإشراف 2015 /7 /2
التثبيت 2015 /7 /10
انتبهت انك تثبتي بعد 8 أيام بس
ما استغربت لأنك نشيطة ومبدعععة

+ اكتشفت جملتك المفضلة
بايعة الدنيا وصارفة حقها xddddddd
متت لما قرأتها xd

وكمان اتأكدت اكتر انك ما بتحبي حدا يدلعك
سوسو خلص اذا بدي اتغالظ بقولا

وكمان شوفي هالإلتقاطة الجميلة


وتهديدي السابق ما زال قائماً
يلا اعترفي إني رائعة xd
شكلي انعديت النرجسية من وسام لأن صرلي يومين بمدونته
بعرف أن لسانك رح يعجز عن التعبير ... أهم شي الثقة
بتمنى كل حياتك تكون سعيدة ويكون الجنة ملتقانا بكل الأحباب
ما تنسي تدعيلي يا سوسو xdddd
خلص رح انقلع
احبككك
جانا

سوريا ليست مكاناً ! سوريا شعباً ! أينما نقلت الشعب انتقلت معك سوريا أتعلم ما نحتاج إليه في الفترة الحالية ؟ جزيرة خارج دول العالم أجمع ! ليست تحت سيطرة أحد سنبني تراثنا معاً ، بيوتنا وأراضينا ، نزرع المحاصيل ونحضر الاساسيات الغذائية من أبقار ودجاج لندع الاقتصاد ينازع لوحده ، فلا احد يفكر بالشعب ردة الفعل الوحيدة عن قرار العقوبات والحظر التام كانت " ليس في يدنا سوى الصمود، هذه حركة لنتضرر مع حلفائنا" من السهل عليهم الصمود مع كل ثرواتهم بالطبع لن يؤثر عليهم شيء لكن داخل المدينة ناس تبكي لم يعد العمل متوفر حتى ، فالشركات تُغلق المتاجر ترفع الاسعار حد النار ! الصيدليات قد بدأت بالإضراب ! ستموت إما من كورونا والذي بات رحيماً | أو جوعاً أو قهراً | أو قتلاً إن طفح بك الكيل وتكلمت

أتساءل مالذي جرى ؟ حقاً ! أصبحت اكتفي بالفيسات كإجابة ، أمرٌ عجيب بابتسامة خافتة لكل من يكلمني مع الإيماءات التعبيرية إما نعم او لا او ربما ! هل فقدت القدرة على الحديث ؟ التمسوا عذراً لغيابي ، فهذه ليست أنا ...

روحك الجميلة والنشطة قررت أخذ استراحة قليلا من ثقل الهموم
ستعود قريباً !!
هذا ما أخبرتني إياه اطمئني فأنا حارستها
ببساطة لأن الروح الجميلة لا تستطيع دون صاحبها الأجمل