مذكرات ديدارا | " منقوله ".

وقفنا البارح .. يوم كنت جالس اشخط في العيال .. وهم مساكين ينكرون ويترجون اني افلتهم
انا : اسمع ياولد انت وياه .. اذا ماقلتو الصدق وربي اعلم اهاليكم يحبسونكم بالبيت اسبوع
ايناري : حرام عليك .. والله ماسوينا شي
كونو هامارو : احناا اهلنا ربونا عدل .. بعدين شنطه الصلصال حقتك وش نبغى فيها ها ؟؟
<< بصراحه فشلني
انا : ماادري يمكن تبون تسون بلبله وفاضين
ايناري ( بقق عيونه ) : شوفو هناك !!
نشوف شي اسود اركض متلطم .. يركض وطالع من شباك غرفه كونان .. وهي تصارخ .. ماحبينا نضيع الحرامي
انا وكونو وايناري بصوت واحد : هذا هوووووووووووووووووووووووو


وسرنا نتراكض ماندري ش نسوي ..واحد يروح يمين وواحد يروح شمال
انا : سيارتي سيارتي !!
ركبت السيارة .. وايناري وكونوهامارو يركضون ... افتحو الباب
كونوهامارو : انا بركب قدام
ايناري : كل تبن انا فتحت الباب قبل
كونوهامارو : ديدارا شوف هذا يدزني ... اي اح
ايناري : واخر ... اي .... انا بركب
انا ( معصب عليها ) : مو وقته مو وقته !! ( واقفل الباب بوجههم ) اركبو ورا كلكم اشوف
كونو هامارو ( عقب ماركب ورا وحب يحارشني ) : سوق العويس لو سمحت خخخخخخخخخخ !!


انا ( وانا محرك السيارة ) : لا والله تاكسي ابوك انا
ايناري : يالله ابتعد الحرامي عن الانظار واحنا نسولف قاعدين .. شوفوه وصل الحارة الثانيه
انا ( وانا اسوق ) : لا عاد !! .... وانت وش دراك
كونوهامارو ( حاط ايدينه ورا رقبته ) : اي مو ايناري يقرب لزرقا اليمامه ههههههههههه
ايناري : ياثقل دمك بس !!! الا اقول ديدارا سيارتك هذي وش لونها ؟ اصفر
كونو هامارو : مافي سيارة لونها اصفر الا سيارة البلديه _ اللي شقتنا في ذاك اليوم المفتوح _
ايناري : طيب وهذي وش لونها ؟؟
كونوهامارو : هذي لونها بيج الله يسلمك
انا ( مستمع بسواليف البزران ) : ههههههههههههههههههههههههههه الحين ذي سيارتي ولا سيارتكم ؟؟
ايناري : ماقلنا شي بسم الله .. الله عاد والسيارة .. منكوك فضائي .. شاريها من سنه جدتي و فيها ؟
انا : ترى ابنزلك ان ماعقلت
كونو هامارو : لا خلاص ايناري اسكت واللي يعافيك
ايناري ( لاصق بالشباك ) : .. ديدارا نزلنا هناك كاني شفته
انا ( انا من جدي معطي البزران وجه ) : يللا انزل اشوف شوفه وين



و هم نازلين .. لاحظه بجاكيت ايناري .. كان شي مخشوش جوا .. وكونوهامارو الدلخ .. طيح من جيبه ورقه .. مطيتها ولا ..
1- نسرق شنطه ديدارا .. وبشت توبي ... ونحط منجل هيدين تحت سريره << ياهيدين ياجعلك مانيب قايله .. مافيك
حيل تطل تحت سريك !! -_- !!
2- نسوي نفسنا ماندري وقاعدين ندور على الحرامي
3- نكتب لهم رسالة ونخليهم يدفعون لنا 100 ريال بعدين نرجع الاغراض
ارتفع ضغطي .. ,حمرت عيوني وبغيت انهبل .. بس خطرت لي فكره حلوة حيل
كونوهامارو ( ركب السيارة وسكر الباب وراه بقوه ) : اوووتش .. اسف لاتاكلنا الحين
انا : لا ياحبيبي حصل خير فداك
كونوهاامارو : 0_0 !!
ايناري : اخخخخ جعت ....
انا : ماعليكم حبايبي .. بدال مانقعد ندبك ورا هالحرامي .. خلاص عليه العوض .. نروح ناكل في مطعم
كونوهامارو وايناري : 0_0

ووديناهم المطعم .. واكلناهم .. وشرينا لهم اسكريم ..وبطريق الرجعه .. صابهم صمت غريب .. وجلسو يطالعون
بعض .. << حسو بالذنب .. انا هذا كان هدفي من هالمعالمه


انا ( وانا منزلهم عند باب بيتهم ) : يللا يابطل انت وياه .. لاتسوي لي فيها كونان وتجلس طردي بالشارع
كونوهامارو : ان شاء الله .. وانت انتبه ... خلي شباكك مفتوح يمكن يطب الحرامي ويسرق شي ثاني علشان
تمسكه
ايناري : وان مسكته قولنا طيب ؟؟
انا ( فهمت انهم بيرجعون لي اغراضي ) : ههههههههههههههههههههههه ان شاء الله يللا تصبحون على خير
طبعا صباح اليوم التالي .. صحيت لقيت شنطه الطين حقتي على الطاوله .. وتوبي لقى بشته .. وهايدين الدلخ
اتصلت عليه وقلت له دور كويس .. وحصل منجل طبعا << ياعمري مساكين ماقدرو يسرقونه خشوه


ومر الموضوع بسلام ... اما اذا بتسئلون عن الحرامي اللي طلعت من شباك كونان .. فمن سوء الحظ
انه كان حرامي صدق .. وسرق البوك حقها
هههههههههههههههههههه
<< احسن تستاهل لاتجلس تهايط علينا
************************
نلقاكم في حلقه جديده
akatsuki boy

STORY 7
(( سفرة الى فرنسا))
في حلقه اليوم راح نضيف صور .. علشان نغير جو ... عاد شغلو مخكم معانا وتخيلو ان الاكاتسوسكي رايحين لرحله
من المكان اللي هم فيه الى فرنسا
في المطار




واخيرا .. قدرت اكتب لكم شي زي الناس في مذكراتي .. مو كله هواش وخناق ومصايب << بومه لانك
بس اليوم مختلف .. مختلف جدا .. اليوم بنسافر وبعد عده مفاوضات .. وبعد شحاتات .. اننا نسافر لفرنسا
طبعا .. وكل لم يدخر جهد علشان يقدر يسافر .. اللي انطق طق .. واللي سار يشحت .. واللي باع ثيابه وعفشه .. واللي سرق << اكيد ساسوري هاللي سرق
المهم قدرنا ندبر المصروف.. وداخلين مدرعمين على المطار
انا جالس اطل على النافورة من فوق .. صراحه شعور جميل .. وغير كذا اني هربت من كونان اللي معصبه وتدور اغراضها .. وبيني وبينكم هي جايبه
كل بيتها معاها .. استشوار ومكياج وملابس .. يبي لها طيارة لها هالبنت
كونان : يللا ياشباب شفو شغلكم .. ايتاشي وتوبي .. يروحون يحطون العفش وساسوري وهيدين يروحون يضبطون امور التذاكر
ساسوري ( يتمغط .) توبي ( نايم ) .. ( ايتاشي ) قاعد يودع اهله << حسيته رايح حرب هههههههههههههههه (هيدين ) يتلفت يمين وشمال زي الاهبال
باين ( زعلان كان يبي يسافر اسبانيا علشان المبارايات ) << وش جابك معانا اجل .. وانا في اخر الدنيا
كونان ( وهي تنافخ ) : هيييييييييييييييييييييييييييييييي انتم .. السفر مايبيله تناحه .. يبي له شغل وهز طول
ساسوري وتوبي ( قامو يهزون اكتافهم )
هيدين : حرام عليكم ياناس البنت تصارخ لاتسيرون عجازين
ايتاشي ( بعد ماتسدح ضحك ) : هههههههههههههههههههههههههههههههههههههههه اسمع من يتكلم .. يجيب الله المطر بس
كونان : الله المستعان عليكم .. وانت ياباين ليش ماد بوزك شبرين ان شاء الله ؟؟
ساسوري : يمكن احد ماكل عشاه هههههههههههههههه
باين : يعني وش تبين اسوي ارقص .. حلي عني ترى والله ماني ناقص انا
انا ( ووانا جاي من بعيد ) : هههههههه يابوي محد غصبك تجي ويانا .. ااذا ماتبي هون
باين : لا والله .. اخاف يستلمني بوس شاورما .. والله مالي خلقه
كونان ( وهي تلفت علي ) : هلا والله بالشيخ .. وينك ياحبيبي وحشتنا
انا ( نسيت تماما انها معانا ) : انا كنت جاي بس بروح
كونان ( تمسكني من طرف قميصي ) : لا ياقلبي انت ... انت بتروح تخلص امور التذاكر
انا (بيني وبين نفسي ) انا وش جابني *_* !!


عند التذاكر


-_- !! قسم بالله اني احزن .. ليش دايم يقع الاختيار علي انا .. جالس حر وملل ووراي 6 تذاكر غير تذكرتي اضبطها .. جعل الطيارة تشب فيهم << لا بسم الله عليهم
لاني انا معاهم ههههههههههههههههههههههههه

و..جعنا _ اصبنا بالجوع _


هيدين ( قاعد يلط ) : اوووف ملينا ماسارت طيارة والله لو اننا رايحين بالنقل الجماعي كان وصلنا
ساسوري ( قاعد يزحر معاه ) : هذي سفره لفرنسا ياحبيبي مو بيت جدك .. خليك كول وانسان راقي يابني ادام
ايتاشي ( ايضا ياكل معاه) : الله يعافيك بس وين انسان راقي .. انت شايف كيف ياكل ..حسسني ان الاكل بيشرد من كثر ماهو مهلوف .. صح ديدارا ؟
انا : ( نفسي في خشمي ) : لاحد يحاكيني بس .. والله طلعت اخلاقي من الوقفه اللي يقطع ابليسك انت وياها
توبي ( وهو جاي من الكافتيريا ) : يالله عليك .. حنا رايحين ننبسط ولا نعصب انتا ؟؟
انا : لا والله ؟؟ مو جاي علشان اعصب .. جاي علشان اقص لكم التذاكر
باين ( قاعد ويانا ): تراك ذليتنا ماصارت حرام عليك .. كلها تذاكر
انا : اسكت لاسمع حسك ..بعدين توبي .. وين الاكل سار لك تقول جوعان جوعان وراجع وايدك فاضيه ؟؟
توبي ( وهو يطالع هيدين ) : بصراحه ماادري وين راح الاكل .. بس الظاهر في واحد ماكل من يوم ربي خلقه وخلص كل الكافتيريا
انا : 0_0 !!


ركبنا الطيارة

الله .. شعور جميل جدا جدا يوم انك تركب الطيارة وقبل لاتقلع .. بس الاجمل انك تشوف اشكال اصحابي وهم على استعداد للاقلاع
ايتاشي ماشاء الله طلع المخده حقه الطيارة وطقها نومه قبل لانقلع .. وساسوري عيونه على المضيفات ورايح سواليف معاهم .. وباين يتهاوش مع وحده من المضيفه
لانها تقول له سكر جوالك وهو مو راضي ههههههههههههههههههه .. وكونان الحلوة تاكل علك وحاطه الاي بود على اذنها وقاعده تسوي تمارين استرخاء
وهيدين يتفرج على قوائم الاكل بالطيارة .. اما توبي ؟
انا : توبي .. وش فيك بسم الله عليك .. تقول شايف جني
توبي ( يتنافض ) : ديدارا
انا : ها .؟ عسى ماشر
توبي : ا.. ا .. احنا بنطول جوا الطيارة ؟؟
انا : مو انا اللي بسوق علشان تسئلني ياحبيبي .. لاتخاف اذا على الملل انا مصحصح ومستعد اسولف معاك لين نوصل
توبي (ضام ايده وشوي ويموت ) : لا مو ملل .. انا اخاف من الطيارات .. مايخالف نلغي الرحله ؟
انا : 0_0 !!!


في مطار فرنسا

واخير وصلنا .. نزلنا للمطار .. وانا ارفع ايدي وامطها
ساسوري ( يركض وينط ) : فرنسا .. هاناذا جئت اليكي ... يابختك بوصولي
انا ( ادور شي اضرب ساسوري فيه ) : ماادري من اللي جا عاد ههههههههههههههههههههههههههه ؟
توبي ( على ركبه قعد ) : الحمدلله ... وصلنا ... يارب وصلنا
باين ( مو عاجبه الوضع ) : هذي فرنسا ؟؟؟ .. بايخه مافيها شي
ساسوري : لسه ماطلعنا برا .. اصبر شوي وبتشوف كيف بنستانس
كونان ( تكلم امها ) : ماما وصلنا الحمدلله .. اي يامااما لاتخافين .. مابخلي عطر مابشتريه اوكي .. مع السلامه حبيبتي .. سلمي على بنت الجيران وغايضيها
وقولي لها اني سافرت .علشان تموت حرة .... تعايب علي يالعانس يالعانس .. شدعوه زوجها ملك العالم .. هذا هي قاعده في البيت ... هههههه يللا مع السلامه
هيدين : والله الطريق طويل بس اكلهم كان حلو
كونان ( تمط هيدين من اذنه ) : يللا يابابا دورك .. تعال جيب الشنط معي
باين : ( يتلفت يمين وشمال ) : ياجماعه فيه احد ناقص )
ساسوري وانا وهيدين : ايتاشيييييييييييييييييييييي
ايتاشي الوسيم لازال نايم في الطيارة 0_0

ضاعت الشنط ؟؟

كونان ( حاطه ايديها على راسها من هول الصدمه ) : ياويلي ويلاه .. وين راحت الشنط ؟؟
باين ( ماسك الجوال ) : هدي اعصابك بس اكيد في زحمه في العفش
كونان ( تاخذ الجوال من ايده وترميه بعيد ) اسكتتتتتتتتتتتتتتتتتتتتتتتتتتتتتتتتتتتتتتتتتتتتتتت تتتتتتتتتتتتت !!
ايتاشي : الحمدلله انا ماعندي اي شطنه تذكر
انا ( مبقق عيوني ) : وان شاء الله جاي فرنسا من غير ثياب ياعيون ماما ؟
ايتاشي ( ضحكه ساخره ) : اصلا مابقى عندي ثياب .. بعتها كلها علشان اجي معاكم ولا من وين لي فلوس اجي اصلا انا
ساسوري وتوبي ( يلحقون السير حق الشنط ههههههههههههههههههههه )
هيدين : الظاهر اني نسيت شناطي في الديرة .. يللا ماعليه بتسلف من ساسوري ثياب
ساسوري : لا اعرفك ولا تعرفني فاهم
توبي : انت حصل شنطتك وبعدين يسير خير !!!
انا : -_- !!
بالطريق للفندق

انا ( وانا اطل من الشباك) : المكان خيال ياجماعه .. هذا الشارع وش اسمه ؟؟؟
كونان ( مسويه فيها فاهمه ) هذا اسمه شارع الشانزليزيه
ساسوري : ايش ..؟؟؟ شارع الشامبنزي ههههههههههههههههه
باين : ياثقل دمك
ايتاشي( يرتعش من البرد ) : ياعالم الجو بارد ... متى نوصل الفندق
هيدين : هذا اللي يجي من غير ثياب ؟؟
انا : ليه لقيت شنطتك انتا علشان تعايب على الرجال
هيدين : الله يخلي لي ساسوري حبيبي يسلفني
توبي : ياعالم ترانا راكبين التاكسي ماقلنا له احنا وين نبي نروح
كونان : دقيقه انا اكلمه ... لو سمحت .. سديق

كلنا انفجرنا ضحك على سديق .. متعوب عليها
توبي : يالشاطره هذا فرنسي .. مو سواق بيتكم
ايتاشي : ههههههههههههههههههههههه اي والله تلقين راتبه اكثر منا حتى
انا : احنا حاجزين في فندق ريتز باريتز .. لو سمحت تودينا له ؟
التاكسي : انا مايعرف وين هذي فندق رينز باريز
كلنا: 0_0 <<< طلع سواق صحيح هههههههههههههههههههههههههههههههه

هذا الفندق

انا ( وانا الهث من التعب ) : اوبس مابغينا نوصل ...لفلفنا شوارع باريس كلها
كونان ( علامه قلوب على عيونها ) : كيووووووووووت .. شكلنا بنفلها
ساسوري : خلصونا خلونا نخش جوا .. والله ماادور الا المخده .. تعبان حيل
توبي ( يسلم على حارس الفندق )
انا : توبي .. مااشاء الله .. تعرفه ؟؟
توبي : لااضبطه علشان ماياخذ بقشيش
هيدين ( مسوي فيها هاي كلاس وييطق باطراق اصابعه ) : لو سمحت قرسون !!!
كونان : اي قارسون انت الثاني !! مو داخلين مطعم حنا .. وش تبي فيه
هيدين : ابجي اقوله يشيل الشنط !!
باين ( جالس على الشنط ) : اذا خلصتو نادوني
ايتاشي : الحين ليش احنا واقفين قبال برج ايفل اذا احنا نبي ننام بالفندق
كلنا : 0_0

جوا الغرف

ساسوري : بكره نبي نركب الباص المكشوف ونفتر على باريس كلها .. نجلس نصفق ونهيص وش رايكم
هيدين : لا لا بكره خلينا نروح برج ايفل .. قسم بالله المنظر روعه هناك
انا : والله شكلي بوافق على برج ايفل علشان ارميكم اثنيكم من فوق
ساسوري : بعدها بنروح ديزني لاند نلعب وش رايك ديدي
انا : انا مااحب الملاهي راسي يدور من الزحمه
هيدين : وين الباقين ياشباب
انا : توبي وباين راحو خمدو بغرفهم وكونان وايتاشي نزلو البوفيه ياكلون !!!
ساسوري : ههههههههههههههه عاد ايتاشي ماراح يحصل مشاوي هنا
كونان قاعده تصور الفندق وايتاشي << اخذ تاكسي وراح يدور مطعم شرقي

0_0
ورانا يوم طويل نبي نريح

وخلص هذا اليوم الطويل اخيرا ... سرت اسحب رجولي وادور سريري علشان انام << نوم العوافي فديتني هههههههههههههههه
انا : ساسوري تكفى طفي اللمبه .
ساسوري : يوووووووه .. قوم خلينا نتمشى مو جايين علشان ننام
انا : لو سمحت لاتزعجبني .. اذا تبي تطلع .. سكر الباب ولاتجلس تروح وتجي فاهم
ساسوري ( وهو طالع من الباب ) : طيب طيب .. نامت عليك طوفه
انا : ساسوري !!!
ساسوري : نعم .. خير
انا : رجع البوك حقي يالحرامي ..
ساسوري : 0_0

******************************
تابعو احداث البارت الثاني من هذه الحلقه
انتظر ردودكم بفارغ الصبر
<< تعبان ومزكم وحالته حاله يكسر الخاطر ردو على موضوعه
هههههههههههههههههههه
akatsuki boy

صباح فرنسي جميل ...


انا( قايم والنفسيه جميله جدا ) : بونجور ياجماعه !!
هيدين ( يفرش اسنانه ) : صباح باريسي يابو الشباب
انا : ها ياجروبي العزيز .. وين بنروح اول شي
ايتاشي ( قاعد يطل من الشباك ) : ماندري والله ساسوري توه راجع للفندق ونام الاخ
انا : حسبيا الله عليه نبي نطلع سوا .. ليه يروح يتمشى لحاله
هيدين ( لازال يفرش اسنانه ) : ماعلينا منه اللي نايمين براحتهم خلونا نطلع نفطر وندور شوي
انا : بس انا وانت واتوش ؟؟ والباقي ؟
ايتاشي : مالنا شغل فيهم مب ضايعين ان شاء الله .. يللا خلونا نطلع نتمشى ونحلل الفلوس اللي طلعت عيونا واحنا نجمعهم
انا : اي والله انك صادق ههههههههههههههههههههههههههههه .. هيدين خلاص ياابوي اسنانك سارت تلمع ماادري من وين طبت عليك النظافه مره وحده
هيدين : هههههههههه قالك لك ايتاشي نحلل الفلوس وش فيك انت .. يللا مشينا
في ساحة برج ايفل


ايتاشي : ياناس ليه ماجبنا سجاده وتقهوينا هنا ؟
انا (جالس اصور ): اسكت تبي العالم تضحك علينا
هيدين : يازين ديارنا والله .. اي عشب اي شي تعال وافرش ولا يهمك هههههههههههههههههههههههه
كونان ( جايه ومعاها كوفي ) : بونجور ياشطار
ايتاشي ( انبسط .. امنيته تحققت ) : والله وجا السعد
كونان : ايه انتم هذا اللي فالحين فيه ههههههههههههههههههههه
هيدين : وين باقي الجماعه ياكونان ماجو معاك ؟
كونان : ساسوري وتوبي ركبو باص الكشف ويدورون على باريس .. الله يخرب بيوتهم كان يطقون ويصفرون
انا ( وانا جالس اصور ) : يارب يطردهم راعي الباص
هيدين : يابختهم على الاقل شي يمشي فيهم .. عورتني رجلي من المشي
ايتاشي ( يتقهوى وقاعد يحلي ) : ياناس حتى القهوه هنا طعمها غير ... فرق عن القهوه بصجه بيتنا ولقافه ساسكي وصراخ امي
كونان : ليت باين زيك ... تركته وهو يتحلطم ... مافي فرق مافي فرق ملل ملل
ايتاشي : مالت عليه مو وجه وناسه هالباين
ويجي واحد من الماره .. ماادري مسطل ماادري شارب .. ويشوف كونان والظاهر انه اعجب فيها
هذا المار ( يكلم ايتاشي ) : لو سمحت - وياشر على كونان - هذي حبيبتك ؟
كونان ( خافت وتمسكت بثياب ايتاشي ) : نعم ... خييييييييييير
ايتاشي : هههههههههههههههه الله لايقوله .. ا .. ا .. اقصد وش تبي منها انت
المار : انا مستعد اعطيك كل فلوسي .. بس ابي اخذها معاي
وانفجرنا كلنا ضحك .....
انا : هذي اللي يسلمك انا اعطيك فلوس بس خذها
ههههههههههههههههههههههههههههههههههههه
ديزني لاند


ساسوري : وووووووووووووووواو وناسه يللا خلونا ندخل نلعب
انا ( بديت احط ايدي على راسي ) : الله يعينا على الازعاج
كونان ( ماسكه كتفي ) : انا بلعب مع ديدي الشجاع
انا : حشا لله .. مااحب العب انا
هيدين : لاتسير عجوز انت بعد .. يللا ننبسط بس
ايتاشي : لاتضيعون عاد خلونا نتفق على مكان نتجمع فيه
توبي : ههههههههههههههه ذكرتني بامي الله يذكرها بالخير
ساسوري : يللا انا وكونان بنروح ناخذ سير ... باي
كونان : باي
( يركضون زي المهابيل ... ياعمري على الطفوله اللي ماعشناها عدل )
ايتاشي : ها وانتو وين ناويين تروحون
باين : انا ابي اكل جوعان بعدها ابي اهجول لحالي
توبي : ليش ان شاء الله .. خلونا نسير كلنا سوا ياجماعه
باين : مابي مابي مابي
انا : والله اخاف ترجع الفندق ... حنا ساحبينك علشان تجي ويانا
باين : لالا ماني راجع لاتخاف .. جوالي خذته كونان عندها .. وش الفايده ارجع البيت
توبي : ياحبي لها والله انها تعرف لك
هيدين : كانكم نسيتوني ياجماعه .. انا ابي اروح مع باين اكل وياها
توبي : انا بسحب هالشايب _ انا _ ونروح نجلس نترفج على الاستعراضات
ايتاشي : يوووووووووووووه ناس تاكل وناس تجلس .. انا اروح الحق الخبول احسن لي
في الليل


انا ( جالس اكل فشار ونتفرج على الالعاب الناريه) : اقول توبي ؟؟ طلع العشا علينا والجماعه مابينو
توبي ( ياكل من الكوب حقي ) : احسن يابوي فرقاهم عيد ... بعدين المنتهزه مره كبير وين بتلقاهم
انا : هههههههههههههههه على قولتك .. مفروض من زمان نخطط لكذا طلعات
توبي : يبي لها ميزانيه ياديدي ... انا اسئل نفسي الحين يوم نرجع وش بنسوي .. انا مابيعود عندي ولا ريال
انا : لاتخاف .. مرات علينا اسابيع وجيوبنا تصفر .. جت على هذي
توبي : من جد والله يحلها ربك
انا : توبي توبي ... قولي مافي راسك مشروع ؟؟؟
توبي : ابي اتزوج
انا : 0_0
توبي : مليت من حياتي .. عايش زي الاهبل كذا.. بس الحياه صعبه
انا : الله يعافيك لاتصيحني الحال واحد .. بعدين وش لك بعوار الراس .. انبسط انبسط ولا يهمك بس
توبي : خلينا نروح نلعب قطار الموت .. ونصارخ كثر مانقدر
انا ( مع ابتسامه ) : ولو اني مااحب .. لكن يللا مشينا
ماشاء الله علي بسم الله .. والله اني اراعي شعور الناس ياحلاتي ^_^ < ماودك تنلقع
برج النصر



انا ( اطل من فوق على الشارع ) : ياجماعه .... تعالو اشوف ماسارت طولتو وانتو تصعدون الدرج
ساسوري : ماادري شلون صعدت بهالسرعه .. استنى شوي فيه 60 درج
هيدين ( يتشهد من التعب ) : ياديدي ... سوي لنا عصفور يودينا لفوق
انا ( وانا اضحك ) : لا يابابا تبي تفضحنا عند الناس انت
باين ( شايل كونان على ظهره ) : انا وش جابني معاهــ... هم ... يارب انا قاعد ف .. في بيتي
كونان ( على ظهر باين تكلم جوال ) : اي يماما ... رحت السوق اليوم ... وشريت لك ولخواتي ... والله اشياء تجنن
توبي ( وهو يصعد وياهم ) : ههههههههههههههههههه قولي لامك كم السعر علشان تنجلط
كونان ( تحرك عيونه يعني : اسكت لاتسمعك )
ايتاشي ( اول الواصلين ) : اووووووووه واخيرا ... الله على المنظر ..
انا : الحمدلله جيتو ياعجازين
ساسوري : والله ماانزل الا بهليكوتبر ... حشا الله .. انقطعت نفسي
توبي : ياجماعه انا بنام على هالدرجه بكبره الصبر بكمل ههههههههههههههههههههههه
هيدين : باين .. اعطيك 1000 بس تعال شلني
انا وايتاشي : هههههههههههههههههههههههههههههههههههههه ياخف دمكم

امام متحف اللوفر

قدامنا سير طويل عريض كله يبي يدخل اللوفر .. والكل بما انهم عجولين ومااحبو يضيعون وقتهم .. فقررت اروح انا علشان خاطر كونان اللي قررت تصفح عن ديني
هذاك لها .. وافتك
انا : اخ ياكونان ... وقفتينا طول النهار .. لو احنا مع الشباب الحين نحوس مو احسن
كونان : ليه ليه .. الحين نروح فرنسا ومانزو المتحف من جدك انتا .. نضيع فرصه عمرنا
انا : خلاص خلاص مسكنا سرا .. علشانك بس
كونان : انا مره جايز لي الوضع .. واحنا واقفين بياعه فشار والجو حلو يعني عاددي لو وقفنا
انا : شكلي برجع الفندق بحط مويا حاره وملح على رجولي بعد هاليوم هذا
كونان ( تهمس في اذني ) : هذا اللي واقف قدامي سار له سنه ما تسبح
انا : مسكين شكله واقف سار له عشر سنين هههههههههههههههههههههه

جوا المتحف



انا ( اتفرج على التحف واللوحات ) : الحين كونان ؟؟ .. ليش المتحف شبه فاضي ... مااسمع الا اصواتنا
كونان ( ه وتصور ) : ياابن الحلال اهم شي دخلنا ... حشا لله مابغينا
انا : على قولتك .. بعدين شوفي هذي المنحوته على شكل عصفور ... مره بايخه اعرف اسوي عصفور احسن منها
كونان : هههههههههههههههه اسكت لا يطردونا

اخر الزيارة

كونان : التفت رجولي ياديدي ... شيلني على ظهرك ( ابتسامه عريضه )
انا : مره متفائله انتي علشان اشيلك ... ترى انا مو دلخ زي باين هههههههههههههههههههههههه
كونان : لا والله .. رجع فلوسي اشوف اللي صلحت لك فيهم سيارة
انا : 0_0 ..مو قلتي قبل لاندخل انك بتعفين عني
كونان : خلاص هونت .. ابيهم الحين
ويجي نفس هذا الرجال اللي شفناه بساحة برج ايفل ويقول : انا مستعد اشيلك ياحلوة طول حياتي !!!
كونان : ااااااااااااااااااااااااااااااااااه وخر عني ( وتركض )
انا : ههههههههههههههههه ياظالم لك يوم !!!

يوم الرجعه



كونان ( تلم تعد اغراضها ) : والله انبسطنا ياجماعه .. خلونا نعيد هالروحه بالله
ايتاشي ( مفلس تماما ) : ويييييييييييييييييه ياكونان يجيب الله المطر
باين ( فرحان ينطط ) : اه ... بيتي .. تلفزيوني .. جوالي .. واخيرا
توبي ( طالعه عيونه ) : يالله ... لازم نرجع بطيارة ؟؟ياعالم حرام عليكم
انا : يعني وش رايك ؟؟؟ نرجع سباحه
ساسوري ( مابقت بنت في المطار ماعطاها رقمه )
انا : ههههههههههههههه ... انت ماعندك رصيد تكلمني وانا معاك في البلد علشان تجلس تسوي فيها توزع رقمك هنا
هيدين ( منسدح على الكراسي ) : هم بيدقون عليه هم هههههههههه
ايتاشي : اهم شي لاتنسوني بالطيارة زي ذيك المره
كونان : ايه ايه صح ... يللا ياديدي ... روح ضبط امور التذاكر هذي شغلتك يابطل
انا : -_- !!!
ورجعنا الى ديارنا العزيزة بسلام الحمدلله .. وعلى قوله القايل
تحرم علينا ديار لندن وباريس ... دام ديارنا فيها حبايبنا << مع تحيات واحد ماعاد عنده فلوس
ههههههههههههههههههههههههههههههههه
****************************
نلقاكم في الحلقه القادمه
akatsuki boy

STORY 8
(( انيميات اخرى ... ))
اكيد الكل منكم .. اقصد اللي يتابعون انيميات .. مسوي له مجتمع وهمي من عده انيميات مثل ناروتو <<
قولو انه احسن شي ولا ماعاد اكتب لكم شي ترى ^-^ .. والكل له انيمي مفضل يتابعه ويعتبره الاحسن


بس ماراح يقتصر كل اهتمامه عليه .. لان عالم الانيمي ولو كان يحدد لكل شخصيه قصتها اللي تكون فيها
بتكون اجمل واحلى كثير لو اندمجت كلها سوا بعالم واحد ... تخيل الوضع !!
يوغي يروح مع ناروتو المدرسه ...وسيتو كايبا يلعب مع بسام كورة .. ونامي تتهاوش مع ساكورا <<< اهم شي لايسير هذا علشان ماتخرب الدنيا
يعني اعتبره شي مره حلو .
في يوم من الايام .. وانا جالس على الكافيتيريا .. اتفرج على الناس رايحين جايين .. الوالدة طاردتني علشان عندها ضيوف وسبحان الله ماافي احد غيري
يسوي زحمه .. طيب طيب يا يما والله مااعاد اجيب لك شي من السوق <<< اصلا عقب ذاك اليوم اللي ارسلتك فيه امك حرمت تعتمد عليك بشي


اشرب كوفي .. واغني لحالي شوي ولا ينط علي واحد قصير لابس ازرق وكرفته حمرا .. راسه كبير ويجلس معي بنفس الطاوله 0_0
انا ( علامات الاستياء على وجهي ) : ياحبيبي .. فيه شي اسمه استئذان .. خبط لزق قعدت كذا
.... ( طالعني بحقد ) : انت ماتعرف انا مين ؟؟
انا ( حطيت رجل على رجل ) : ومين يعني ؟؟ سفير الامم المتحده بيجلس معي الحين ؟؟؟
... : انا كونان ياجعلك تطير ؟؟ اكيد انت عايش بالمريخ يااكاتسوكي انتا
انا : 0_0 ؟؟؟
كونان ( يكلم احد باللاسكي حقه ) : حول حول .. المجرم لسه تحت المراقبه .. دخل الكافتيريا من شو
انا ( ميت ضحك ) : يابابا ... صحصح معانا اشوف ..... خلاص احنا برا التصوير ...هذي الحياه الطبيعيه ... هههههههههههههه عايش الدور بقوه
كونان ( عبس حواجبه ) : اصلا انا شغلتي شرطي برا اوقات التصوير ... مو عاطل زي بعض الناس -_- !!


انا : عادي عادي البطاله مب عيب .. بــ ... بـــ .. بعدين انا مو عاطل بس الشغل واقف والعيب في رئيس الشركه !!
كونان ( حاول يتحرش فيني ويغيظني ) : عاد بقولك شي .. ماتحس ان مسلسلكم شاطح .. واحد يسير 1000 نسخه منه .. وواحد يسوي بومه تطير وعنزه تطير
يعني مع احترامي .. مسلسلكم ماادري وش يبي ( وقام يضحك )
انا ( احمرت عيوني وشب الحمرا عندي ) : لا والله ؟؟ اجل وش تسمي واحد حاط لي كرفتته نمره تلفون وسبحان الله ينوم عمه ويتكلم بداله وللحين ماكشفوه
ليش تقصون على بزارين ؟؟ لا و اللي يقهر جد ... مسلسل من 10 سنين وانت لسه في اولى ابتدائي سبحان الله العداد واقف ؟؟؟


كونان ( استحى على وجه وسكت ) : ... المجرم طلع من الكافتريا .. جاري الملاحقه
انا ( اكمل قهوتي ) : ياشين التصريف بس !!
تمر 10 دقايق .. انا مغمض عيوني واستمتع بصوت الشارع << مره شاعري .. ولا احس بكتله بشريه تطيح على طاولتي وتكسر .. ويطيح التشيز كيك اللي شاريه
<< غالي حرام عليك ب 22
انا ( طلعت عيوني وصرخت ) : وووووجع ماتشوووووف !!
ولا واحد اهبل فمه كبير << اسمع عاد اللي يتكلم ...... ولابس قبعه قش طبعا عرفتوه
لوفي : ا.. اسف مو قصدي
انا : واسف وين اصرفها هذي .ها ؟؟؟
لوفي ( بكل فهاوه ) : والله ماشفت الطاوله ولا دريت انك فيها .. مو قصدي
انا : من جد ؟؟؟ عيون هالكبر ومااشفت .. << عاد اكبر شي في الانيمي عيونهم .. اذا مايشوفون عدل فهذي مصيبه هههههههههههههههههههههههههه
لوفي ( اخذ الكيكه من الارض) : ياحرام الكيكه طاحت ... سامحني ( وياكل الكيكه كلها بالصحن معاها )
انا : 0_0
لوفي : خلاص ياحبيبي المسامح كريم وانا ادري انكم يااهل ناروتو طيبين وتسامحون وبالذات الاكاتسوكي احسن من اخلاهم مافي <<< من ورا قلب طبعا
انا : انسكر الشر ... يللا اذلف من قدامي قبل لا ادفعك قيمه الكيكه اشوف


لوفي : انا اعرض عليك تجي معانا رحله بسفينتنا لمده اسبوع وش رايك ؟؟
انا : لا الله يعافيك شكرا انت روح من وجهي وانا اعتبرها اجمل هديه .. اما اروح مع سفينتكم ههههههههههههههههههههههه
لوفي : تصدق عاد .. توفر .. باي
انا : استغفر الله على هاليوم .. قلت الحمدلله ربعي المزعجين ماغصصو علي .. ماادري من وين طلعو لي ذولي
عاد لاني مره مشتهي تشيز الكيك اللي كلاها لوفي عساها مايتهنى << اصيب لوفي لاحقا بمغص في المعده .. يجي واحد يوقف على راسي
.. : لو سمحت .. الكوفي زحمه .. ممكن اجلس على طاولتك ؟
انا ( طبعا ماكان ودي احد يجلس جنبي << نحيس . بس لانه مؤدب ) : اكيد اخوي تفضل حياك الله
..( جلس يطالعني ساعه ) : اخوي .. انا شايفك من قبل .. انتا تطلع بمسلسل ناروتو صح
انا ( جلست اطالعه برضه ساعه ) : لحظه لحظه .. حتى انا اعرفك .. انت تطلع في بيليش .. اها اتشيقو


اتشيقو : اي نعم ... والله وتشرفنا بشوفتك ياااخ .. ايتاشي
انا : -_- ديدارا اسمي ديدارا << بسم الله علي انا اشبه هذاك الدلخ
اتشيقو : والله حلوه الصدفه ... انا من زمان خاطري اجلس مع احد من ناروتو .. طمني على المسلسل معاكم ..؟؟
انا : والله ماادري عنهم لان دوري خلص .. وقتلوني ههههههههههههههه ... يمكن يناديني المخرج مره ثانيه الله اعلم
اتشيقو : اها .. حسافه والله عاد انا شفت لك قاعده جماهيريه وكثير معجبين فيك
انا ( رفعت خشمي ) : هذا بفضل من الله ثم دعوات امي لي << لا والله ؟؟؟
اتشيقو : ياحليلك .. الا بقولك شي .. وش اخبارها ( ووجه احمر ) .. ذيك اللي معاكم شعرها ازرق
انا : مين كونان ؟؟؟
اتشيقو: ايه ايه ... انا اشهد انها تطيح الطير من السما يازينها
انا : هههههههههههههههههههههههه زينه الحمدلله ... تبيها تعال تزوجها فكنا من شرها <<< والله ولك معجبين ياكونان
اتشيقو : وانا موافق من الالف الى الياء هههههههههههههههههه << تخيلو كونان واتشيقو التقاء الحضارات
انا : ياحليلك .. انا ابصم بالعشره يومين وترجعها لنا وتترجانا ناخذها
اتشيقو : لا حرام عليك ههههههههههه ( ويجيه مسج ) .. اوه .. مضطر اروح الحين .. مره اسف بس لازم اروح
انا : ايه توكل على الله من ماسكك هههههههههههههههههههههههههههه
اتشيقو : الله ياخذ ابليسك .. مع السلامه
انا : في امان الله هلا والله
الحمدلله طلع لي احد عاقل هالمره
طبعا انا شكلي بنام في الكافتيريا .. لان امي قالت لاترجع الا يوم اتصل عليك .. وانا ماعندي حد اروح له .. فقلت يللا اطلب لي غدا .. همبرجر مع بيبسي وبطاطس
لين تحن علي الست الوالده وتتصل .. بعد برهه << حسيت اني احكي قصه جحه وحماره هههههههههههههههه .. احس بصوت خشخشه تحت الطاوله وشي يمر
بين رجولي .. انزل راسي ولا القى .. فار ماادري قطو اصفر وخدوده حمرا .. يبتسم لي ابتسامه عريضه ويقولي : بيـــ بيــــ بيكاتسو
انا : 0_0 والله مابقى الا البوكيمونات .. لا كش كش اشوف
بيكاتشو ( رقى فوق الطاوله وقعد يتثاوب )
انا : انزل اشوف ... مالت على هالكافتيريا اللي ماتنظف كويس
بيكاتشو ( شاف قوطي الكاتشب وتعرفون البيكاتشو يموت في شي اسمه كاتشب ) : بيكـــــــــــا
انا ( فهمت انه يبي ياخذ الكاتشب حقي ): هات اشوف .. اذلف اشوف يللا
بيكاتشو ( عصب وطلعت من خدوده شرارة كهرب ) : بيـــ بيــكا
انا : لا لا خلاص .... انا اسف مو قصدي ... خذ الكاتشب بس لاتعصب علينا
وظل بيكاتشو ياكل معي .. وانا ساكت عنه .. والمشكله انه ناكر معروف عقب ماخلص .. كهربني .... يعني مانجيت من شره ههههههههههههه
وقبل لااطلع ... الحمدلله امي اتصلت علي وقالت خلصنا يللا يابعد عيني تعال << تو الناس كان تاخرتي شوي
ولااشوف انسان مره مشهور .. من ايام جدتي كان معجبه فيه .. اوووووووووووه كابتن ماجد .. والحقه لين طاولته << بشتغل قارسون قبل لااطلع
انا ( جاي اتميلح ) : حيا الله عمي كابتن ماجد
ماجد ( ولكم ان تتخيلو كابتن ماجد عقب هالسنين ) : اهلا وسهلا بديدارا من الاكاتسوكي
انا ( خذت جوا وجلست معاه في الطاوله ) : ماشاء الله تعرفني ياعمي ماجد << مايمديك على الاحترام
ماجد : عقب ماتقاعدنا وانا ابوك ماعندنا شغل نقلب بهالتلفزيون
انا : بس صراحه محد ينكر كيف كان الانيمي حقكم له وقعه وصداه في العالم كله
ماجد : اقدر لك هذا المديح ياابني شكرا شكرا
انا : قولي انت وش رايك بالا نيمي حقنا ؟؟
ماجد ( كان وده يقول وع بس لاني مدحته استحى ) : ماشاء الله ... اممم حلو حلو .. تابعو ..بس يعني نوعا ما فيه مبالغات .. بس استمرو كويس
انا ( وانا اقول بنفسي ) : لا والله .. أجل انتم اللي الواحد يطير فوق علشان يسدد كورة ويجلس يتذكر حياته كله ولا يضرب الكورة الا الحلقه الجايه وش تسمي ؟
ماجد : انا والله مقهور على الناس اللي تقلدني ... رابح .. وثابت ... وشامل .. وفاشل ... وهذا اللي طلع لك انزوما ايلفين - ابطال الكرة - قلبو الكورة لفاينل فانتسي
- لعبه بلاي ستيشن شهيره - وسار فيه ركله النار والتنين .. والله مسخره
انا : ايه ايه والله معاك >> عاد انا عاجبني انزوما ايلفين
وقبل لااكمل كلامي معاه ... تتصل علي امي تصارخ : وينك يما اشتقت لك .. تعال ولانتفت شعرك .. طبعا واعتذر من مجتو - دلع ماجد - واطلع بسرعه قبل
لاتقفل الباب بوجهي
صحيح ... الحياه حلوة .. وحشر مع الناس عيد .. فكيف الحشر مع الانيميات ^__^
ضيوف حلقه اليوم :


**********************
نلقاكم بحلقه اخرى ان شاء الله
<< انتظر ردودكم


akatsuki boy

STORY 9
(( انا واينو !! ))



البنات ... مخلوقات ماادري وش تبي ؟؟ << لو سمحت ترى بتككفخ .. لا والله فيهم الخير .. وطبعا في مسلسلنا العزيز ناروتو .. نجد هناك اصناف البنات
هادية ونعومه مثل هيناتا .. وثرثارة ولجوج زي تنتن .. وعصبيه وقويه زي ساكورا .. ومغرورة ودلوعه زي اينو !!


اينو 0_0 .. البنت هذي ماتستحي تدرون ليش ؟؟؟ باي حق تسرق تسريحتي ؟ لا والمشكله كلما شافتني تقول لي : هلا باللي معجب فيني .. لهل الدرجه تسريحتي
حلوة وسويت زيها .. والمشكله ؟؟ انو انا طالع قبلها بستايل شعري .. انتم وش رايك ؟؟ << تكفون قولو اني انا على حق ولا ماعاد اكتب قصه ..<< من زين قصتك عاد
في مرتن من المرات .. وبينما كنت اتمشى في المجمع التجاري .. اليوم اربعاء ووناسه .. وانتظر الاخ توبي وهايدن وباين يشرفون .. وبما اني انا عجول سبقتهم ولبست


.. اشوف العالم .. اللي جاي يوزع ابتسامات ويتفرج على اللي رايح وجاي يرمي تلعيقات .. واللي جايه بس علشان ياناس شوفوني .. << تذكرت ايتاشي اللي يمشي
من كثر الفهاوه يضرب بالعامود ومايحس هههههههههههههههههههه .. لذا نستنتج من هالكلام ان تعدد الاهداف والسوق واحد << مو احس لي اشتغل مدرس علم نفس
بدال هالفقر اللي اسمه بوس شاورما .. وانا داخل احدى المحلات .. يلحقني واحد من راعين الحساب
راعي المحل : يافندم يافندم .. المحفظة دي وقعت من اختك
انا : 0_0 .. عفوا يابوي انا متوقع انك غلطان
راعي المحل : امال .. انا شفتها بعنياا .. دي المحفظه بتاعتها
انا : ادري ادري .. بس اللي تتكلم عنها مش اختي
راعي المحل ( وقف متعجب ) : ازاي ... دي شبهك بالضبط ؟؟
ولا يجينا صوت من ورا .. : ويع انا هذا اخوي .. بسم الله علي .. اينو النسره .. متخصره ومعاها 700 كيس .. انواع المكياج والعطورات .. مالومها اذا ماانتبهت يوم


طاحت محفظتها << مع تحيات واحد اذا كان في بوكه100ريال وده يسوي له رقم سري خخخخخخخخخخخخخخخخخخ
اينو ( خذت البوك من راعي المحل بقوه ) : هلا والله باللي معجب فيني ويقلدني
انا ( اتأفف ) : ياصبر الارض على من فيها .. هلا اينو هلا
اينو : وش عنده الحلو يتمشى هنا .. مااخبرك فاضي علشان تتمخطر بالمجمعات
انا : والله قرداه حظي .. ا . اقصد ربعي انتظرهم
اينو : هههههههههههه شكلهم سحبو عليك ... هذا جزا اللي يقلدون >> شدخل ؟ .. بما انك تستناهم .. تعال انا عازمتك على قهوه ادري مافي جيبك ولا فلس
<< بذبحها هالبنت بذبحها
انا : لا شكرا .. بنتظرهم هنا
اينو ( بضحكه يعني مسويه ناعمه وهي مايصه جدا ) : ويه ويه لاتتغلى .. تعال احنا ربع << ياشيخه !!
ولحقتها .. طبعا مو ببلاش .. قامت تشيلني اغراضها .. وانا مسكت اعصابي عليها .. لان اخلاقي ماتسمح لي اقول لمره لا << استريح استريح بس


ولقيت شله البنوتات ساكورا وهيناتا وتنتن موجودين .. وجلستني وياههم
هيناتا ( بكل ادب واستحيا ) : اهلا اهلا وسهلا .. ديدي ساما
ساكورا ( ضربتني بقوه على ظهري ) : هلا بالشباب
تنتن ( طبعا مو فاضيه لي قاعد تغرف من مطعم كانتون الصيني ) :
اينو (جالسه توفشر ) : شفتو يابنات ديدي اللي راسه يابس جبته لكم يجلس ويانا
ساكورا ( ماعجبها الوضع ) : وخير ياطير يعني وش سويتي ليكون جبتي الهوكاجي وانا ماادري
انا:-_- !! ( بمشيها هالمره )
هيناتا : ديدي ساما وش تحب تشرب
انا : الله يعز شانك وربي انك اداميه
تنتن ( تحط صحن المكرونه ) : يعني احنا وحوش يعني ... خلي عنك الكلام الفاضي وكل معي المكرونه
اينو : ساكورا لاتنسين اني عازمتكم انا بفلوسي بفلوس ابوي
ساكورا : غصبن عليك اصلا مو على كيفك
اينو : انا بنت ابوي محد يكلمني كذا << والله لو اني ابوها اهاجر انحاش ولا عاد ارجع
ساكورا : انا اكلمك كذا عندك مانع ؟؟
هيناتا : بس يابنات وش فيكم حسكم عالي
ساكورا : انتي اسكتي ماتدرين وين ربي قاطك
تنتن : ياه ياه وش فيك ماتاكل المكرونه كل اشوف
انا : ماعليش والله ماني مشتهي انا اينو عازمتني على قهوه
هايدين ( يجي من وراي وياخذ الصحن ) : والله انك ماتستحي البنت تعزمك على صحن المكرونه ماتاكله
انا : تو الناس كان ماجيتو بعد ؟؟؟ وينكم
توبي ( قعد بين ساكورا واينو ) : وش نسوي الشارع زحمه
هيناتا : هلا بالشباب .. اعذروني اروح اجيب لكم شي تشربونه


توبي ( ساكورا واينو قاعدين يتضاربون فوق راسه) : اي الله يخليك .. ولا تنسين تشيز كيك .. والكابوتشينو .. وبالله لو تجيبي لي وجبه يكون كويس
هيدين ( وهو يزاحم تنتن على صحنها عقب الصحن اللي اخذه مني << صدق وجهه عريض ) : ماودك تجيب لك السوق كله بعد ؟؟
باين ( يجي يقعد في مكان هيناتا ) : ولاتنسين تجيبين لك كرسي ياهيناتا طيب ؟؟
انا : 0_0 انت ماتستحي قعدت مكان البنيه
هيناتا : حصل خير ياديدي ماعليش ماعليش
باين : البنت ماقالت شي لاتقعد تتفلسف
اينو ( لسه تتهاوش مع ساكورا ) : اسكتي ولا والله العظيم رحت وحطيت الحساب عليكم
هايدين ( تنتن ماسكه رقبته ) : اي ياساكورا اسكتي .. خليها تعيشينا وبعدين سوي اللي تبينه
توبي : اللي تسكت بخطب لها ساسكي !!
اينو وساكور : 0_0 << هدوء شديد
انا : والله انك سبع سكتهم هههههههههههههههههههههههههههههههه
باين : ووووع ساسكي .. وش اللي عاجبكم فيه ؟؟ اذا اهله مايبونه شلون انتو تبونه


اينو ( عصبت ) : والله لاخلي بابا يقطك ورا الشمس لانك تعايب على سسوكي
ساكورا ( تشمر عن اكمامها ) : اسكتي لا فقع وجهك
ونطو على باين وعلموه الشغل << تستاهل ياباين هذا اللي ينقال له سكت دهرا .. وساكورا هذي .. ناقصها طيران وفرقه وتسوي عروس ازين لها
توبي ( يحاول يفككهم ) : بس يابنات بس .. وش قلنا ترى مافي ساسكي !! ( ويجيه بقس من ساكورا ويطيح )
هيدين ( يستخف دمه ) : بنات بنات انتي يااينو خذي ديدارا .. وساكورا تاخذ توبي .. يشبه ساسكي صح ... ههههههههه
وتكفخه تنتن بالصحن حقها .. خلص صحنين ودخل على الثالث .. باين يستنجد طبعا ومافي من مجيب ... خبل انا ارمي نفسي بين هالذيبتين
اينو (تلتقط انفاسها ) : مابقى انا الا احب هذا اللي يقلدني
انا : والله اريح لي بكثير
اينو : قصدك فقدت فرصه عمرك بالحياه
ساكورا ( تنط عليها ) : جببببببببببببببببببببببببببببببببب
يجي العامل حق المطاعم ويقول : لو سمحتو بس ماسارت اصواتكم مضايقه الزباين
ساكورا : توخر الحين ولا احفر لك وجهك
هيدين : كفو والله اخت رجال ساكورا
انا : تربيه تسونادي وش تتوقع
اينو : ديدارا تعال شيل اغراضي لسيارتي انا زعلت بطلع
انا : لليش ان شاء الله ؟ والقهوه اللي عزمتيني عليها وين ؟؟
اينو : ياساتر ماتنسى .. انا بوكي طاح ماادري وينه ...يللا انا متنرفزه نفسيتي اخاف تتعب << يما ارحميني
انا : انا ماني مسئوول عنك .. توكلي على الله حبيبتي
اينو ( منصدمه ) : الحين اتصل على اوروتشمارو واقول له انك تعايب علي .. ولا اقولك .. اخلي بوي يشغلك
انا : ابيع طماطم ارحم
وقبل لا اكمل كلامي لها ... تنط عليها ساكورا وتمط شعرها وتجبرها على دفع الحساب ههههههههههههه هالبنت عجيبه صراحه
وفي عز الازعاج .. اشوف هيناتا .. تاشر لي بيديها .. انا رحت لها .. وكملت يومي وانا اتقهوى معاها
*****************************
كتبت القصه قصيره اليوم لان وراي الاختبار ومخي موقف
دعواتكم لي .. الحلقه الجايه خاصه بايتاشي << اعرف من البنات كثير يحبونه هنا
وان بغيتو انزلها لكم اليوم لانها جاهزه
نلقاكم في الحلقه القادمه ان شاء الله

akatsuki boy