أجل انا أكره امي

السلام عليكم ورحمة الله وبركاته
شخبارج ميمي؟
الموضوع وايد يعور قلبي، لانه الأطفال مايدرون شكثر الأمهات يتعبون
وراء الابتسامة العريضة والحنان اللي يعطونه، كمية ألم ومعاناة
فلما أسمع بنت تكلم أمها بطريقة سيئة أو ترفع صوتها عليها أتنرفز لا إراديا
خصوصا اذا هالشي كان بالسوق

انا أجوف نفس فلوريدا، لما الأم أدلع عيالها وبالأخص بناتها بزيادة هالشي بيسمح لهم يتمادون بتعاملهم وياها.
خصوصا اذا ماصححت سلوكياتهم، بيقعدون يفكرون أي هي سكتت من أول مرة يعني عادي أتمادى وأكمل.
واذا كانت الأم بنفسها تسويلهم كل شي من طباخ لغسيل لكواي، أهمه بيتعودون على هالرفاهية، ومن تطلب الأم شي صغير
بيستثقلون هالشي.

أنا أجوف ضروري تكون الأم حازمة مع عيالها، هالشي مايمنع تدلعهم بس لازم بعد في المقابل تشد.
ولازم اذا أخطأوا من أول مرة تعالج المشكلة، ماتسكت وتنطر تكبر السالفة أو تنعاد.

يعطييج العافية على هالموضوع