• مواقف أثناء الحجر الصحي 😷

رائع بأفكارك . #مِيلو . السلام عليكم و رحمة الله و بركاته كيف حالكم يا قوم أنتم و هذا الحجر الصحي اللعين أكيد الكل هلق قاعد ببيتو و خود أفلام و مسلسلات يمكن الكل خلص مسلسل البروفسور الا أنا بلشت بالموسم الأول و طبعا خلال الحجر الا ما تصير مواقف بتضحك بتزعل الخ... المطلوب قولولنا عمواقف صارت معكن و خلونا نتسلى شوي و نضحك عبعض

من شي اسبوع صار حظر تجول لكل شخص تحت عمر ال 20 بتركيا
و أكيد أخوكم في الله ما بحب قعدة البيت
فبروح عدكان أبويي بقعد في ؛
مبارح كنت قاعد بالدكان و حوالس الساعة 2 مرقت دورية شرطة
-وقت شفتها قلتخلص أكلت المخالفة-
تحركت الدورية شي 10 متار و قبل ما ارتاح رجعت وقفت
و نزل منها عسكري اجى لعند براد العصير و أخد مي و فات لعندي
استغربت منو انو ما حكاني ليش طالع برا بيتك أو هيك
لسا ما خلصت تفكير كان فايت العسكري التاني و بايدو دفتر
-قلت خلص هون أكلتها مافي مجال-
طلع عليي و عوجهو ابتسامة قلي شقد عمرك قلتلو 16 قام ضحك
فتح الدفتر و صار يسجل قلي بس بدنا نكتب ورقة انو ما لازم حدا يتجمع بالدكان
قلتلو كتوب الي بدك يا
كتب ورقة و وقعت عليها و قلي لا تطلع لبرا مشان ما يشوفك الضابط بس شافك رقك مخالفة :er-2:
قلتلو سمعا و طاعة و بعدها راح

هدا الموقف الوحيد الي صرلي لحد الآن
كتبولنا عنكن خلونا نتسلى
إلى اللقاااء

عل ما يبدو ما حدا عم يصير معو شي بهالحجر غيري
كل وقتي آكشن
بعد ما كتبت الموضوع بشي 8 ساعات يعني الساعة 6
كنت رايح عالبيت و أنا صرت بنص الطريق كنت بعيد عن التقاطع شي 10 متار
ما شفتلكن غير هالسيارة الزرقا الحلوة قلت بقلبي يا ربي بس ما يوقفو :er-22:
و ضل ماشي و ما شافني قلتلو روح الله يرحم امك
ما شفتلكن غير الشوفير الواطي اندار عليي و قف السيارة :e-r_025:
-قلن هون خلصنااا أكلت ...
المشكلة انو ضيعتنا صغيرة و هو ما كان بعيد عندي 10 متار يعني مافي مجال للهزيمة
صحلي قمت ركضت لعندو قلي
ما بتعرف انو في حظر تجول للي بعمرك
قلتلو بعرف ، بس كنت مجبور و بلشت جيب حجج من الكيس
قلي الضابط صار لاقطك كذا مرة و المرة الجاي مارح مرقلك ياها رح طقك مخالفة خليك
تكيف عليها طول فترة الحجر
قلتلو أمرك سيدي و كفيت عالبيت

ربكن حميد الضابط ابن حلال و لا كان شمطني بهدلة بنص الشارع و مخالفة
-المخالفة تقريبا 500 دولار
هلق طالعة روحي ماني عرفان شو بدي سوي بالبيت
مالي غير روح اتفرج عشي انمي

سلااام

السلام عليكم ورحمة الله وبركاته
هههههه فكرة حلوة
حبيت شارك
والله بهاد الحجر انا ما طلعت برات البيت ولا فشخة
لهيك ما صار معي شي مهم
بس تعرفت على أهلي اكتر
حبيت ريحة الكلور لسبب غريب
صرت أكل اكتر

المشاركة الأصلية كتبت بواسطة - EINAS -

السلام عليكم ورحمة الله وبركاته
هههههه فكرة حلوة
حبيت شارك
والله بهاد الحجر انا ما طلعت برات البيت ولا فشخة
لهيك ما صار معي شي مهم
بس تعرفت على أهلي اكتر
حبيت ريحة الكلور لسبب غريب
صرت أكل اكتر

وعليكم السلام و رحمة الله و بركاته

أنا مضيت طول فترة الحجر برا بس من مبارح بطلت اطلع
هلق لحتى شميتي ريحة الكلوور ، معناتها قبل كنتي تشتغلي كتير

أصلا الكل وزنو رح يزيد أنا كل نهاري شرب متة و أكل