مذكرات ديدارا | " منقوله ".

STORY 28
(( ماعدت ابغى الاكاتسوكي .. !!))
سوق العمل باطل .. الجو حار .. و الاخلاق تجاريه .. والجيب فاضي .. وديدارا زهق من حياته وكره كل شي حواليه .. انواع الاهانات من الاب الفاضل .. والروتين
قاتل .. وفوق هذا .. عندنا بوس .. يقصر العمر ويجيب المغص . في مره من المرات .. صفنا طابور ..انا وكونان وتوبي وبين وساسوري و . هيدان ونازل فينا
تهزيء

بوس : والله العظيم لو ماخوفي من الله كان سلخت جلودكم عن عظامكم .. عنبو داركم .. 30 مهمه مافلحتو الا بوحده ؟؟ معقول .. انا وش اللي واقف قدامي الحين
اوادم ؟
توبي : لا سلندرات غاز الله يسلمك ^^
بوس : سلندرات غاز ؟؟ تنكت ويا وجهك ؟؟ كش عليك وعلى اللي وظفك قول امين
ساسوري : يابوس .. والله العظيم احنا نحاول كل جهدنا
بوس : عاد انت جب و لا اسمع حسك .. صايع مثلك لايجلس يتفلسف
انا : ......................................
هيدين ( يتثاوب ) : طيب وش المطلوب يابوس ؟؟
بوس : المطلوب انك تسك حلقك وانت تتثاوب كانك فرس نهر
بين ( يلعب بالجوال ) : خلاص يابوس سمعنا وابشر
انا : ...........................................
بوس ( ياخذ جوال بين ويكسر جواله ) : ايوه كذا علشان تسمعون الكلام
بين : -_-
بوس : وانتي ياكونان .. انا قايل .. والله النسوان تخب عليهم الهذره بالتلفون .. وروحه العروس وعوار القلب .. وجودك زي عدمك
كونان ( تدمع عيونها ) : ................................................


توبي ( يطبطب على كونان ) : يابوس مايصلح تكلم البنت كذا .. مش من الاخلاق الحميده << اهنيء توبي على الاخلاق الحميدة
بوس : اخلاق حميدة ؟؟؟ مسوي لي فيها عنتر انت ووجهك ؟؟؟ اسكت لاخليك انت وياها تبيعون علك ... مالت عليكم وعلى اللي موظفكم
ساسوري : خلاص يابوس هدي نفسك احنا نوعدك نعوضك
انا : ................................
بوس : ماني مهدي .. جب اسكت .. وانا اذا ماوريتكم نجوم الظهر اللي وريتونا اياها .. مااكون انا ارووتشيمارو .. فاهمين ياحمير ؟؟؟ فاااااااااهمين
انا ( انفجر باقوى ماعندي ) : خلاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااص ..
الكل : 0_0
انا : خلاص الله ياخذ اليوم اللي جيت فيه اشتغل عندك ... ذليتنا .. والله اننا جدران كان تحركنا من امكانا وشردنا ... ماخليت كلمه ماقلتها فينا .. قاضيين كل وقتنا
نخدمك وانت مايعجبك العجب ولا الصيام برجب ...
ساسوري ( يمسك كتفي ) : ديدارا .. امسك اعصابك
انا ( اوخر يده عني ) : لا ماني ماسك اعصابي .. وخليه يقول اللي يقول .. لارواتب عدله .. ولا معامله عدله .. ولا الله لواننا عبيد عند حضرتك
بوس ( قام يصرخ علي ) : امسك لسانك لا قصه لك فاهم ولالا ؟؟ شين وقوي عين


انا : ايه شين وقوي عين ..؟؟ وتدري وش بسوي ؟؟؟ ( وفصخت سترة الاكاتسوكي ) شغل وياك ماني مشتغل .. وانا استقيل
ساسوري وبين ( يلحقوني ) : ديدارا استنى شويا .. بالله عليك استنى شوي
كونان : حسبيا الله ونعم الوكيل
بوس ( راح مكتبه ) : ايييييييييييييه خليه يذلف

وطلعت وانا اركض .. ولاول مره اطلع من عند البوس وانا مو لابس الاكاتسوكي .. كان شعور صعب حيل .. بس للصبر حدود .. وانا مليت من الاهانه .. ادري في احد
بيقول وين الافندي ايتاشي بيه ؟؟ تبون تدرون وين .. ايتاشي جا على اخر المعمعه .. حاط الايبود على اذنه ويرقص

ايتاشي ( يغني ) : حبيبي مالو .. ماااااااااااااااااااااااااااااااااااااااااااااااال و ياطهه .. كشفني يالهوي .. افشني يالهوي
توبي : صباح الخير حبيبي ايتاشي ^^
ايتاشي : لوسمحت لاتضايقني انا في حاله تأمل
هيدين : طـــه وتأمل .. عليك جو ياايتاشي الله ياخذك بس
ايتاشي : كاني احس الاجواء متوتره .. هزئكم البوس ؟؟؟ عادي .. هذي المره المليون بعد الميه وانا الحمدلله جاي ومافي احد ماهزئني حتى شغالتنا


كونان ( تبكي ) : ........................................
ايتاشي : 0_0 وش ساير ؟
ساسوري ( سكر الباب وراه ) : مصيبه ياايتاشي مصيبه
بين : عنيد .. مارضى يرجع ويانا
ايتاشي : مااتوقع فيه اكثر من الكوارث اللي سارت في حياتي كارثه اعظم
ساسوري ( نبره الحزن بصوته ) : ديدارا .. ترك الاكاتسوكي
ايتاشي : 0_0 ؟؟ من جدك
بوس ( ينادي ايتاشي من مكتبه ) : ايتاشي ياحمار .. تعال اشوف
ايتاشي : 0_0 لا والله الكارثه

دخلت البيت وانا اركض .. وصعدت غرفتي ..امي طبعا لحقتني .. لكن انا قفلت الباب وقلت لا احد يطق علي الباب ولا احد يجني .. ومابغيت اشوف اي احد من وقتها
مرت 3 ايام .. حتى الاكل مااكلته .. ماابغى انزل .. واسمع اي كلمه بخصوص شغلي ولا بخصوص اي شي ..وعلى اخر اليوم الثالث .. انتبهت على ان في احد يدخل لغرفتي


كاكاو شوكولاته .. من تحت الباب .. بس لانه يرميه بقوه .. فيدخل تحت الدرج وماانتبه له .. امشي بشويش وافتح الباب بقوه

انا : مين ؟؟؟
اختي الصغيره ( هي اللي كانت تدخل لي الكاكاو من تحت الباب ) : لا تضربني ياديدي انا اسفه
انا ( ابتسمت ) : تعالي ادخلي ( وجلست على السرير ) ليه ترمين الكاكاو تروحين
اختي ( تجي تجلس على السرير وفي عيونها اثر دمعات ) : ديدي انا خفت تسير جوعان .. علشان كذا اجيب لك شوكلاته من المدرسه
انا ( اثرت علي حيل وعورت قلبي وحضنتها ) : حبيبتي انتي ..
اختي الصغير : خلاص لاتصيح .. اذا زهقان روح معاي المدرسه .. ويكون احسن لو تروح بدالي بعد ^^
انا ( ضحكتني وانا متنكد ) : هههههههههههههههههههههههههههههههههههههههههههههههههه هههه
اختي الثانيه ( تدخل ) : خلاص انت لانك فاضي ودينا المدرسه .. وسمع لنا دروس ..
انا : ان شاء الله عمتي تامرين
امي ( تدخل ) : يما .. ساسوري وهيدين وكونان تحت يستنونك .. ويوقولون مب رايحين الا لما يكلمونك
انا : .............. خلاص يما بنزل لهم

وفي الصاله .. ساسوري جالس على نار - اكثر واحد متاثر من روحتي كان هو -
ساسوري ( يطالع الباب ) : ياربي وين راح هذا
كونان : الحين بيجي ونكمله .. اكيد انه هدى بعد هالمده
هيدين (منسدح ): والله ان شكلي بسوي زي ماسوى ديدي واشيل اغراضي واطلع
ساسوري ( معصب ) : يرحم والديك .. نقطنا بسكاتك
هيدين : تبون الصراحه معاه حق ديدي .. ومفروض ننقلب عليك
ساسوري : تكلم وانت ساكت الله يعافيك
هيدين : ههههههههههههههههه شلون اسويها هذي .. اتكلم وانا ساكت ؟؟
كونان : هذا هو جا

انا ( منزل راسي وداخل للصاله ) : هــ ... هلا
كونان : ديدي .. والله وحشتنا
هيدين ( يعض اظافره ):كلهم 3 ايام .. مااشتقنا لك ( ياخذ بقس من كونان ) @_@
ساسوري ( يضحك ضحكه ساخره ) : شدعوه يبا ؟؟ .... نازل لنا ومالك نفس ؟ ندق عليك ماترد ؟؟ لهل الدرجه عفتنا


انا : اسمع ياساسوري .. انا اخذت قراري .. رجعه لهل المنظمه مستحيل ارجع .. اذا قبلتو على نفسكم الذل انا مستحيل اتحمله اكثر من كذا .. هذا بوسكم خلوه لكم
ساسوري ( عصب ) .................................
كونان : ديدي .. روق الله يخليك .. فكر شوي .. احنا مانستغني عنك ..وبوس طول عمره كذا .. بس قلبه طيب ترى
هيدين : احنا الظاهر مفروض كنا ساحبينك من اول يوم رحت فيه .. مانخليك 3ايام وابليس يركب لك راسك .. لين تصر على موقفك
انا : كذا و لا كذا .. خلاص الكلام ماعاد يهمني .. ورايكم ماعاد يهمني
ساسوري ( ضربني كف على وجهي ) : .........................
انا: 0_0
ساسوري : راينا ماعاد يهمك ؟؟ ... اها .. وسرت تاخذ قرارتك وكاننا برا حياتك ؟؟؟ راينا ماعاد يهمك .. واحنا اللي شاغلين بالنا عليك طول هالمده .. وانا قاعد
واستنى تلفون منك .. استنى ترسل لي مسج .. حتى سترتك موجودة عندي بالسيارة.. وكنت جاي وواثق انك بتلبسها مره ثانيه .. وتجي تجلس معانا على الحلوة والمره
ونتقاسم الشقى والفرحه .. ماتوقعت انك ناكر معروف واناني .. والبوس اللي تتكلم عنه .. في الوقت اللي يصفعنا فيه .. يقاسمنا اكله وشربه .. وطول عمرنا عايشين وياه


ونعتبره ابونا .. لاننا مثل ماهوملزوم منا .. احنا بعد ملزومين فيه .. وانا توقعت انك تفكر مثلنا بالضبط .. بس ياخساره .. انا الغلطان اللي جيت ..علشان اجيبك .. ومن
اليوم ورايح ... لانت صاحبي ولا انا اعرفك .. سلام
انا : ..........................

وراح ساسوري ولحقته كونان وهيدين وسكر الباب وراه بقوه .. وسكه الباب هذي كان من اصعب اللحظات اللي عشتها بحياتي .....
************
البارت هذا جاد نوعا ما ومافيه كوميديا كثير
حبينا ننووع وان شاء الله ان كتابتي تكون كويسه وتعجبكم في الكوميديا وغير الكوميديا
نلقاكم في البارت الثاني من الحلقه
akatsuki boy

اليوم مر علي بطي ء حيل حيل .. ماحبيت ادخل جوا البيت .. لاني مابي اطالع بعيون امي واخواني .. واوريهم شكثر انا مهزوز من الموقف اللي سار .. ماني مصدوم
من اثار الصفعه .. كثر ماني مصدوم من هاللحظه اللي حسيت فيها اني انا الان .. وحيد .. ومن غير احد .. الشارع فاضي بالليل .. وماتسمع .. الا قرقعه علب البيبسي
المرميه هنا وهناك .. وفي ذيك اللحظه .. ماكان احد موقف معي ..الا .. القطو الاسود اللي يدور بحارتنا ليل ونهار 0_0

القطو ( يلحس يده ) : -_- ميووو
انا : استغفر الله العظيم
القطو (يطالعني بكل احتقار وينقلب ) ويوووووو *_*
انا ( اهشه ) : يللا اطلع من حياتي اشوف
القطو ( عبس وجهه ) : لاسار الشارع شارع ابوك تكلم @_@
انا : 0_0 ايش ؟
القطو : ^^ ميو
انا : -_- ياربي رحمتك
القطو ( انتفش شعره ) : عووووووووووو
انا ( فصخت نعالي وضربته لين انحاش ) : يللا اشوف .. هذا اللي ناقصني بهالوقت بالذات ... قطو محشش .. يجيب الله المطر بس ( وابتسمت لاني تذكرت ايتاشي )

ياترى وش قاعدين يسووون ؟

ساسوري وكونان بالطريق وهيدين ورا نايم متوجهين لبيت البوس
هيدين ( شخيره واصل اخر الحارة ) : خخخخخخخخخخخخخخخخخخخخخخخ
كونان ( تطالع ساسوري ) : ماعليك ... بكره يعقل ويهدى ويرجع
ساسوري (يسوق ) : ماعاد يهمني اصلا .. خليه زي قلته
كونان ( ابتسمت ) : احنا من يوم كنا بالابتدائي ماافترقنا .. ومستحيل نفترق الحين
هيدين : خخخخخخخخخخخخخخخخخخخخخخخخخ
كونان : وين بنروح الحين ؟
ساسوري : بيت البوس .. خلينا نروح له قبل لا يعطينا تهزيئه ثانيه ترى والله مو ناقصين
كونان : وديدي ؟
هيدين : خخخخخخخخخخخخخخخخخخخخخخخ
ساسوري : لاعاد تجيبي لي سيرته .. خلاص فكينا اووووف
هيدين : خخخخخخخخخخخخخخخخخخخخخخخخخخ
كونان ( تضربه بشطنتها ) : بس الله يقلع عدوك .. انت ونوم الحمير هذا
هيدين : -_- وصلني البيت الله يعافيك
ساسوري : تبي اوصلك البيت ؟؟ تاكسي ابوك روح كمل مشي اشوف فاضين لك حنا

مر ساسوري .. لبيت البوس .. ونزل هو وكونان وهيدين .. وشافه يحمل اغراض لشاحنه نقل الاثاث
ساسوري ( يكلم البوس ) : خير يابوس وش ساير
البوس ( لاهي بشيل الاغراض ) : ابد ياساسو .. بنقل من البيت .. يمكن نسيت اقولكم .. انا شريت بيت جديد قريب من الشركه ( وكانت عيون هنا وهناك وكانه يدور
احد مفروض يكون ويا ساسوري )
كونان : منزل عامر ^^ وش رايك نجي نساعد .. منها نعوضك عن ال 30 مهمه الفاشله
هيدين : تكفين ياكونان خليك ساكته لاتدبسينا -_-
البوس ( بنبره صوت هاديه ) : حياكم .. مشكورين
ساسوري ( يشلح سترته ) : يللا انا بجي بشيل معاك وبنحمل للبيت الجديد ^^ بس على شرط تعطينا علاوه
البوس ( ضحكه رضا ) : ههههههههههه ياطماع .. مافي علاوات .. بس بعشيكم لو خلصتو اليوم
هيدين : 0_0 السالفه فيها عشا هووا
كونان : خلاص انا بتصل على الباقي ونجي نشتغل والله لو يسمعون طاري عشا يجونك يركضون
البوس : ادري بكم من يومكم حمير ^^ يللا اشوف .. ماباقي الا شويه اغراض ونقفل باب البيت .. ان خلصتو طلبنا لكم عشا .. وعطيناكم اجازه بكره

انا في هالوقت .. كنت لسه برا .. جالس اخطط .. وش ممكن اسوي للايام الجايه ؟ .. الحق ابوي واشتغل بالجيش ؟ .. لالا ماني ناقص .. اقدم على الجامعه ؟ .. برضه
مااقدر .. انا تعودت على شغلتي وصارت من دمي .. وصعب اطلع منها بسهوله .. بس مايسير اقعد من غير شغل .. وتمر علي تسونادي
تسونادي : وش عنده ولد اورو تشيمارو لحاله .. بالعاده تكون ويا ربعك
انا : خلعنا خلاص ^^ .. ماعدنا ولده ولاهم يحزنون
تسونادي : لا ؟؟ معقوله
انا : ايه ^^ الحمدلله على كل حال
تسونادي : تعال اجلس جنبي اشوف
انا ( جلست جنبها ) : وهذا حنا جلسنا
تسونادي : جاوبني ياديدي .. بصراحه .. بصراحه .. انت الحين ؟؟
انا : ........................
تسونادي : توقعت ماتجاوبني .. قرارك هذا كان بلحظه غضب . خلاك ماتشوف شاللي قدامك .. وصفيت الحين كذا
انا : والله ماعاد فيني اتحمله .. خلاص اكثر من كذا
تسونادي : طيب وتحس انك احسن الحين ؟؟ وانت بعيد عن البوس وعن ربعك
انا : لا
تسونادي : احنا البشر .. من طبعنا اوفيا .. واي شي نرتبط فيه لو ثانيه .. نكون ممتنين له طول حياتنا .. البيت اللي تسكنه 3 ايام .. تذكره بالخير .. هذا وهو بيت
جماد .. فكيف ببشر .. من طلعت على هالدنيا وانت معاهم .. انا احسدك .. شغلك هذا خلاك انت وربعك مثل العايله .. على قولتك .. شغل فاشل .. كلو اهانات بتهزيء
بس عطاك مجموعه .. تعتبرك منهم وفيهم .. احسن من شغلي اللي حسسني لفتره طويله اني مااقدر اعامل اي احد براحه ..ولايكون لي احد اقضي معاه وقتي
انا: انتي تدرين انهم جوني ؟
تسونادي : يس .. واورو تشيماو هو اللي قايل لي انهم ظلو في طاريك طول هالايام اللي غبت فيها وكانو متفقين يجيك ساسوري وكونان .. ومن بعدها ايتاشي وتوبي
والمره الثالثه بين والبوس بكبره يجيك يطيب خاطرك
انا : البوس ؟؟

في بيت البوس الجديد

البوس : يللا حرك انت وياه
ايتاشي : يالله .. والله لو نتشغل بشركه تنظيف يابوس -__-
البوس : بس فالح تهز لي طولك .. احمد ربك مالحقك على التهزيئه
ايتاشي : وه فديتني ياقلبي علي ^^
البوس : شيلوه من قدامي لا اقوم اذبحه
ساسوري : بطل شغل حريم يا ايتاشي وتعال حمل ويانا الاغراض ماباقي شي خلاص
هيدين وتوبي ( يتضاربون بالمكانس ) : وه .. وه
توبي : شوف عرس الصعايده اللي هناك يابوس لايفوتك
كونان : والله رجولي عورتني .. لازم نخلص اليوم .. علشان مايطير العشا
البوس : عفيا على بنتي الشاطره الجميله .. خيرا قلتي
ايتاشي ( يغني ) : ولا واحد ولا ميه والف وثلاثميه ^^
ساسوري : نبي نتعشى ياعالم خلصونا
توبي ( جاي يبكي من هيدين وبين ) : شوفهم يابوس -_- !! ... عطوني كف على خد اليمين
البوس : كف على الخد اليمين ؟؟ انا بعطيك على الشمال اشوف
نانا ( تجي من فوق ) : بابا .. نسيت شطنتي ببيتنا القديم ماعليش اروح اجيبها
البوس : روحي جيبيها مع السوق ولا تتاخرين فاهمه ؟
نانا : طيب
توبي : نانا حبيبتي جيبي لي معاك اسكريم وانتي جايه
نانا : ^^
البوس ( يمط اذن توبي ) : مافي اكل لين تخلص
توبي : -_- !!
كونان : مالقيت الا البوس تشكي له ^^ ههههههههههههههههه
البوس ( يضرب كونان على راسها ) : ليه وش فيه البوس مو مالي عينك ؟؟ قومي اشتغلي اشوف
ايتاشي : طيري طيري ياعصفوره اناا مثلك حلوة صغيوره
ساسوري (يسحب ايتاشي ) : تعال بس تعال كبر البغل وصغيورة

انا وتسونادي
تسونادي : اوروتشيمارو .. تزوج يمكن كم مره .. والله مارزقه الا ببنت وحد .. لانه كان مريض .. وكل حريمه اللي قبل ماقدرو يعيشون وياه ..الاخيره كانت الوحيده
المتفهمه للوضع .. وحبت تجلس معاه .. وتكمل .. وتكون مستوره .. ناس عندهم بيت .. وعز .. وفلوس .. بس الله ابتلاهم .. بنعمه العيال .. طول عمره اوروتشيمارو
كان يتمنى الولد .. اللي يعتمد عليه .. ويسانده .. الدنيا تعطيك اشياء كثير .. وتاخذ منك يمكن شي واحد تنسيك كل الاشياء الحلوة الموجوده حولك ياديدي ..بس العاقل
اللي يعرف قيمه اللي حوله ويتمسك فيه
انا: معاك حق .. صح كلامك
تسونادي : واوروتشيمارو اكثر انسان كان مقتنع بهالكلام وعايش
انا : كيف ؟
تسونادي : تدري مره قال لي .. يوم قلت له الصبر زين .. رد علي .. قال الحمدلله .. انا كل شي عندي .. زوجه وغير بنتي نانا 7 عيال .. استغربت من كلامه
ضحك وقال لي .. ايه .. انا الله معوضني .. بالشباب اللي يشتغلون معي .. ايتاشي .. وانت .. وساسوري .. وكونان .. وبين .. وهيدن ..توبي وانكم انتم مالين عليه
حياته .. ومايقدر يستغني عن ولا واحد فيكم
انا ( دمعت عيني ) ...................................
تسونادي ( ابتسمت ) : روح ياديدي .. روح لهم .. وانسى كل اللي صار .. وكلنا كذا .. نتهاوش ونرجع .. وصدقني مازعلت عليهم الا لانك تحبهم .. وتغليهم
انا : اخاف انهم ماعادو يبوني
تسونادي : لاتخاف .. هم ينتظرونك بفارغ الصبر ^^
انا ( قمت ) : يللا ( ورحت اركض )

طلعت اركض لبيت البوس من غير احساس .. حتى نسيت اني اركب سيارتي .. كنت غلطان برده فعلي .. انا من الاكاتسوكي وعمري مااقدر اغير هالشي .. وهالشي
في دمي ..لقيت البيت مفتوح .. بس ؟ .. مالقيت احد ؟؟ ياناس ؟؟ يابوس ؟ .. ماكان فيه احد .. استندت على الجدار وانا منهار تماما .. وكان الله اخذهم كذا مره وحده
واختفو من على هالدنيا .. نص ساعه مرت وانا ادور بالبيت ومو مصدق .. البيت مافيه احد ؟ وين راحو .. اسمع صوت سيارة برا .. طلعت لها
انا ( مو قادر اشوف لان نور السيارة كان في وجهي ) : بوس ؟
نانا ( تنزل من السيارة ) : ديدي ؟؟ صح ماشفتك هناك وينك ؟؟؟
انا ( حضتنها باقوى ماعندي ) : نانا ؟ وين راح ابوك ؟؟ وين الشباب ..؟؟ ليش البيت فاضي
نانا ( مرتبكه ) : وش فيك بسم الله ؟؟ ابوي ماقال لك ؟ احنا نقلنا بيت جديد ؟ وايتاشي والشله جالسين هناك
انا : خذيني لهم
نانا : يللا اركب ^^

ركبت السيارة مع نانا .. وانا بموت واوصل هناك واشوفهم .. بس دخلت البيت .. واشوفهم متجمعين هناك .. جالسين زي كل مره .. حول بعض .. ياكلون ويضحكون
ين .. انا اكبر غبي في الدنيا .. مافي انسان مجنون بهالدنيا يفرط بهالجمعه ..
....( من وراي ) : اهلا وسهلا بالزعلانين ^^
انا ( التفت ) : هلا بوس .. انا ....
بوس : جب جب .. ماتعرف تتكلم ^^ قوم تعشى مع ربعك .. ولاتخاف لازم تشتغل مافي اكل ببلاش
انا ( دمعت عيوني من الفرحه ) : ههههههههههههههههههههههه ان شاء الله
الكل هناك ( يصفقون ) : ديدي ديدي ديدي هييييييييييييييييييييييييييييييييييييييه
ايتاشي : والله لو ان انا اللي طالع محد سئل فيني -_-
بين : اكيد فرقاك عيد اصلا ^^
الكل : ههههههههههههههههههههههههههه
انا ( جيت جلست جنب ساسوري ) : اقول ساسوري ^^
ساسوري ( يطالعني ويضحك ) : خير ؟؟ وش تبي جاي ؟
انا : وين سترتي ؟؟ اخاف بعتها واخذت فلوسها اعرفك انا
ساسوري : شدعوه بمليون هي .. الا خايسه صاحبها ديدي الحمار .. على العموم تفضل ^^
انا : ^^
وكملت باقي الليله .. في المكان اللي انتمي له .. واللي مااقدر ابعد عنه ابد لو شيسصير
منظمه الاكاتسوكي
****************************************
اشكر ساكورة الامورة وجنون على القهوه والحلى
وباقي البنات عليهم الغدى بكره

الى جميع قراء مذكرات ديدارا بدء العد التنازلي وشارفت القصه على الاانتهاء
باقي حلقتين بس

نلقاكم في الحلقه القادمه
akatsuki boy

STORY 29
(( البنت اللي سرقت قلبي .. ستيفاني ))



ملاحظه
*انا ( وجهي احمر جدا جدا ) لحد يطالعني وويسوي حركات بحواجبه .. ادري اني في وادي والحب في وادي .. بس خلاص لازم اشوف لي صرفه ولا بعنس ويفوتني
قطار الزواج
*محبات ديدارا : تكفون لاتطقوني .. ادري كل وحده بتسوي لي مشكله على البنت الموجوده بالصورة بس لزوم القصه تنتهي نهايه سعيده .. اجل انهيها بوشو ؟ زواج ايتاشي
مثلا ؟
*الصورة من عمل يد اختي .. عندها هوس مكياج وفستان لبنات الانيمي طبعا لان كلهم مايعجبونها .. فتغير فيهم .. تلبس العاري .. وتعري اللابس وهلم جرا

في احد الايام المشمسه كالعاده .. وبينما نحن في مقرنا العزيز .. اللي منسدح واللي يلعب بلاي ستيشن .. واللي يتمكيج << طبعا كونان اللي يتمكج مافي غيرها ناقصنا
بعد بين ولا هيدن ^^ ..انا غارق في هالنت ادور على معلومه عن موقع معين وطبعا وقت الغدا قرب .. وهذا يعني ان ديدي معصب وماله خلق احد << انت متى هديت
الله يعافيك

ايتاشي ( جاي من برا ) : احححححححححححح حرقت ايدي وانا اسوي الشاي على الحطب برا ... يجب الله المطر
انا ( عيوني على اللاب توب) : في اختراع اسمه فرن .. ياعنتره .. ليه قاعد تسوي على الفحم
ايتاشي : اها ؟ والله ماادري لقيت شويه حطب قلت استغله ^^
انا: وفيك شوي عقل انا متاكد .. بس استعمله يرحم والديك -_-
ايتاشي : الحين بسئلك سؤال .. ليش انت لسانك سليط كذا ؟؟... مو عاجبك احد .. من زينك من زين شعرك من زين لبسك
انا ^^ زعلت ؟
ايتاشي : لا ^^ انت حبيبي اصلا .. يجيب الله المطر
انا : الحمدلله ^^ يللا اذلف من قدامي وروح شوف الشاهي وصب لنا ^^
كونان : الحين وين البقيه .. احنا جالسين هنا من ثلاث ساعات .. والاخ ساسوري مابين ولا حتى توبي
انا : ساسوري طلع يسحب فلوس من البنك ادري انه كذاب مامعه ولاقرش .. وتوبي رايح يخطب
كونان : 0_0
انا : بسم الله امزح معاك .. اصلا من هالغبيه اللي تبغى توبي ^^
كونان : للاسف انا -__-
انا : على العموم صحي هالمنقلبين - هيدن وبين - خلينا نروح نتغدى زهقنا وحنا نستنى

وطبعا بسم الله من يسمعون الاخوان طاري غدا ماتلقى الا غبارهم .. يسبقونك لو انت في اول الدنيا وهم في اخره .. كنت بمشي معاهم .. لكني فقدت جوالي .. فقعدت
ادوره في المكتب ..وانبش في كل مكان .. عاد بطني يوصوو وشي لي ضايع -_- كارثه
........ ( ينغزني باصبعه من ورا ) : لو سمحت ؟
انا : الله ياخذ هالجوال الخايس .. وين راح .. والله مو وقته -_-
.....(يضرب كتفي من ورا ) : يااخ ؟؟ لو سمحت لو سمحت
انا : ياربي .. والله لو يطلع ساسوري اللي ماخذه لاشلع له ضروسه من محلهم
....( يضرب كتفي بقوه ) : يااااااااااااااااخ
انا ( التفت بقوه واصرخ ) : نعــــــــــــــــــــــــــــــــــــــــــــــــ ـــــم 0_0 !!
... : هاه 0_0

كان هالشخص اللي وراي بنت .. انا استحيت لاني صرخت عليها .. وتنحت يمكن 5 دقايق .. عيني بعينها ..احمر وجهها .. وانا ماعرفت شقول .. ضليت فاتح فمي
ابي .. ماادري وش ابي اعتذر .. ولا اقول لها ازعجتينا تراك .. كانت البنت جايه وشايله معاها اوراق التوظيف .. والواضح انها جايه تتوظف عندنا بشركه بوس شاورما
وطبعا .. لاتتوقعون البنت من شكل الصوره بتكون رقيقه ومؤدبه لا ^^

البنت : وجع ان شاء الله ..
انا (سويت نفسي وكاني مااستحيت ) : نــ نــ نــعم وش بغيتي اختي ؟
البنت : من غير نفس تتكلم .. وش هالشركه الخايسه
انا : لو سمحتي احترمي نفسك .. ولا اطلعي
البنت : لاتخاف ماني طالعه .. القراده اني بشتغل هنا .. قولي بس .. وين القي اوروتشيمارو ؟
انا : بوس شاورما في المكتب اللي على اليمين مكتبه ..بس مااظن يستقبلك الحين الوقت وقت غدا
البنت : خلاص ابروح له ^^
انا : ياااااااااااااا .. قلت لك مايستقبلك الحين ماتستوعبين انتي ؟
البنت : هذا مو شغلك .. روح تغدى انت ( ومشت وخلتني )
انا : 0_0 ياساتر على بنات هاليومين لاحيا ولا مستحى
البنت ( التفت علي ) : وعلى فكره ( ترمي لي جوالي ) كان جوا جيبك ههههههههههههههههه اما اهبل صحيح
انا : -_-
ونزلت اتغدى مع اصحابي
ساسوري : وينك انتا .. تتاخر بعدين تقول خلصتو الغدا وخلصتو الغدا
انا : والله تاخرت كنت ادور جوالي .. واكلم بنت شكلها بتتوظف في الشركه جديد
ايتاشي : انا ودي اقول للبوس يفتح حضانه اطفال وانا اسير مشرف عليها ^^ .. يجيب الله المطر
بين : لا يرحم والديك .. مانبي كوارث
انا : الا قصدك وش هالجيل الفاسد اللي بيطلع من وراه
توبي : اما انا ودي اشتغل بالبحر صراحه
هيدان : ههههههههههههههههههههههههههههههههه اي بحر وانت ماتعرف تسبح
انا : هههههههه ياتوبي .. وش بتشتغل بالبحر ؟ سمكه ؟ ولا سبونج بوب
ساسوري : سمكه ههههههههههههههههههههه
انا : ^^
ايتاشي : دقيقه انتو على ايش تضحكون ؟
كونان : الله ياخذك ياايتاشي .. من يومك ارسالك متاخر .. الاريل حقك خربان -_-
ساسوري (يطالع برا ) : الله من هالبنت .. والله انها قطعه .. بروح لها
كونان ( تسحبه من ثوبه ) : خلي الناس في حالها
ساسوري : دقيقه دقيقه ^^ ( ويركض على برا)
انا : يالله ياساسوري ماتتوب -_- ( شوي واسمع صوت كف ) 0_0
كل الشله ( التفت على برا ) : وش صاير ؟
انا: خليني اقوم اشوف

وطلع برا .. القى ساسوري متنح وخده احمر من الضربه .. واللي ضاربته البنت نفسها اللي قابلتها في المكتب
البنت (تصارخ): انت واحد قليل ادب وماتربيـت .. على بالك انا غبيه ولا هبله تقص علي ولا تتحرش فيني
انا ( من غير احساس وادفهاعلى الباب من غير قصد ) : انتي هي هي ؟؟ نعم داخله علينا عرض كذا تصارخين ومو عاجبك احد
البنت ( انفجعت لانو تصرفي معاها محرج ) : انت وش دخلك الحين ؟ ليه جاي تدافع عنه
انا : هذا صاحبي
البنت : مالت عليك وعلى صاحبك زين ؟؟
كونان ( جت طايره ) : اسمعي انتي يالشيفه .. لاتغلطين على ربعي احسن لج فاهمه ولالا
البنت : ياساتر .. انتي بنت انتي ؟ وععععععععععععععععععععععععععععععععع
بوس شاورما ( جاي من جوا ) : بس ياعالم بس .. صوتكم واصل اخر الحار وش فيكم
كونان : بوس .. هذي جايه تتهاوش ويانا ماتستحي
بوس شاورما ( يتنفس الصعدا ) : ديدارا وساسوري .. وش تبون لاحقين البنت لين الباب ؟؟؟ الله يهديك انت وياه وانتي ياستيفاني ... هذولا اللي بتشتغلين معاهم
حسني علاقتك وياهم علشان تمشي الامور
كونان : ووووووع اسمها خايس ( ويجيها ضرب راس من البوس ) @_@
انا : بوس .. مانبغاها ويانا احنا 7 .. ونكفي .. دور لها مكان ثاني
ستيفاني ( حز بخاطرها هالشي ) : .............................
بوس ( عصب ) : وش رايك ؟ تجي تدير الشركه بدالي مو احسن ؟؟؟ انا قلت تشتغل وياكم يعني تشتغل وياكم فاهم ولا لا ؟
انا :مانبيها يعني مانبيها
ستيفاني : شكرا يابوس على كل حال .. انا ماابي ازعجكم ..شكرا على كل حال ( وطلعت مع الباب )
كونان ( تكش عليها ) : درب يسد مايرد
ساسوري : حرام مسكينه
انا : انت جب ولا كلمه .. الحين البنت طاقتك ومفشلتك .. وتقول مسكينه
ساسوري : عادي مو اول مره
كونان : -_- انا ان جا احد يطقك مره ثانيه بطقك وياه .. مالت عليك
ايتاشي ( طالع والصحن بيده ) : هي انتم وش ساير ؟؟ ترى توبي خلص صحن العيش اللي جوا وطلب ثاني لحق ولا ماتلحق ^^
كونان وساسوري : 0_0 لااااااااااااااااااااااااا

انا ماادري ليش نغزني قلبي .. على البنت اللي اسمها ستيفاني يوم طلعت ..
صح انها كانت ملسونه .. بس حسيت بانكسار في عيونها غريب ..مفروض مانطالب بفرضها وقدامها ..لاني كذا
قطعت رزقها .. وهي مااضطرت تشتغل هالشغله الصعبه الا لانها محتاجه .. رحت للبوس
بوس ( مشغول يوقع ) : خير ياديدي وش عندك ؟
انا : ممكن تعلمني على عنوان ستيفاني هذي .. احنا تمادينا معاها .. واانا ماودي اقطع رزق احد والله ضميري يأنبي
بوس : زين والله يجي منك ..خذ وروح كلمها
رحت للعنوان .. وانبسطت لاني لقيتها بالطريق للبيت .لاني استحي اطق الباب << تلايط يرحم والديك
انا ( مسكت كتفها ) : لو سمحتي ؟
ستيفاني ( التفت وعطتني بقس ) : انت وش تبي لاحقني لين هنا ها ؟؟
انا ( خشمي عورني من بقسها ) : اححححححح .. وجع الله ياخذ عدوك ..
ستيفاني : وش تبي لاحقني نعم ؟؟
انا : والله الشرهه علي اللي جاي اعتذر لك عن كلامي
ستيفاني ( مدت بوزها ولفت وجهها ) : .....................
انا : احنا اسفين يااختي بس انتي الله يهديك اخذتيها بشراع ومجداف وماخليتي شي ماقلتيه
ستيفاني : انتو نرفزتوني بعد ... وقلتو ماتبوني
انا : يبا حقك علينا .. اسفين .. والبوس مرسلني علشان اقولك تعالي اشتغلي ويانا .. بس على فكره وش بتشتغلين ويانا
ستيفاني : الم النقطه .. وش دراني عنكم .. انتم ماعطيتوني فرصه افهم شغلي
انا ( ياساتر على وقحاتها ياسارت 0_0 ) : خلاص يااختي تعالي بكره واستلمي شغلك حياك
ستيفاني : ماابي
انا : شوفي عاد تراني ماسك اعصابي عليك .. بعطيك كف بعد شوي اذا ماهجدتي
ستيفاني : خلاص بدوام عندكم بكره .. ( كانت ه بس تكابر )
انا : يللا مع السلامه
ستيفاني ( من غير نفس ) : شكرا
انا ( من غير نفس برضه ) : العفو ماسوينا شي
ستيفاني : انت وش اسمك
انا ( اتوجع من بقسها ) : اسمي ديدارا
ستيفاني : هههههههههههههههههههه هذا اسم ولا جرس باب خربان ؟؟؟
انا : ياثقل دمك .. يللا سلام .. لاتتاخرين بكره
ستيفاني : ههههههههههههههههه ان شاء الله ^^

الله يصبرنا على هالانسانه .. والله محنا ناقصين قلق يكفي هالمنتهين اللي ويانا -_-

***********************
يارب يكون البارت عجبكم
وجاري كتابه باقي البارتات اليوم


akatsuki boy

ولاشي .. مافي شي جديد .. مرت ثلاث شهور .. نفس الحال .. شطحات اليمه .. وفشل ذريع .. ومهمات مخفقه .. وانواع الدجه .. كل الفرق اللي سار
اننا زدنا واحد .. والمجانين السبعه سارو 8 ..واللي لاحظته في ستيفاني انها كانت طايره من الوناسه وهي بينا ووسطنا .. وتتحمس لاي مهمه .. وكان
شغفها بالشغل شديد << مو احنا نسحب رجولنا .. وكانت تستانس اذا هاوشها البوس ..<< مب صاحيه الحمدلله هههههههههههههههههه .. ومو بس انا
الكل كان ملاحظ هالشي و برضه .. يعني اسم اننا قاعدين نونس احد من خلال سرك الاكاتسوكي حقنا .. بس اللي كانوا ملاحظينه اكثر واكثر
الانسجام الشديد اللي كان بيني وبينها .. وكيف كانت العلاقه تكبر بيني .. وطبعا الناس اللي امثال ساسوري وايتاشي مايخلون الواحد في حاله الا يرمون
نغزات .. والايتحرشون وحالتهم حاله ... في مواقف كثيره

مثل مره كنا نطلب من مطعم ...

ستيفاني ( جالسه تتصل على المطعم ) : يللا قولو خلصوني وش تبغون من المطعم
توبي : ابي همبرجر من غير دجاج
ستيفاني : خلاص اجل اتصل على البقاله نجيب لك لوزين .. ليش نطلب لك همبرجر اجل ؟؟
ساسوري : الله يقطعك يا توبي ... خليك ساكت ... خلونا نطلب بيتزا بالله
ستيفاني : يللا بدق على بيتزا هت
بين : بالله اطلبو لي بيتزا .. بس من غير زيت زيتون ومن غير مرتديلا ومن غير الصور االاحمر ومن غير لحمه مفرومه
انا : بين ياحمار .. كان قلت لنا انك تبي خبز تميس مو بيتزا من الاول .. اطلبو شي الاوادم
ايتاشي : يازين اكل البيت والله خلوني اشوي لكم احسن
توبي : لا ياحبيبي مانبي نستنى للفجر .. خلي مشاويك لك
ايتاشي : انتم اللي بتندمون ...يللا اطلبي لنا مشاوي اجل .. يجيب الله المطر
ستيفاني ( تتصل على المطعم ) : يللا اسكتو خلوني اكلم الرجال
هيدين : لالالا تكفون ... انا مشتهي تشاينيز ..تكفون نبي تشاينيز
ساسوري : لالا وع مانبي
كونان : انا مسويه رجيم .. بس اطلبو لي خروف مشوي
ستيفاني : ههههههههههههههههههههههههههه عجبني هالرجيم باتبعه
كونان : ^^
انا : انتم ارسو على بر.. والله بنموت جوع ياناس
ستو : والله انه صادق .. خلاص انا بطلب ماك
انا : وانا معاك يللا
ساسوري وايتاشي يتغامزون( يتغامزون ) : شوف شوف مسوي فيها ثنائي هههههههههههههههه
ايتاشي (يغني) : انا وانتا ولا حد ثالثنا انا وانتا ^^
انا : ياسخفك انت وياها

ومره واحنا بالطريق لمهمه ..

ساسوري ( ماسك المنظار ) : الحين هذا بيمر وبنهجم عليه
بين (ياكل شيتوز ) : الحمدلله هالمره مابكون طعم زي ماسويتو فيني يانذل انتا وياها <<توبي هو الطعم
توبي : -_-
كونان ( تلطم ) وحسره قلبي وحسره .. ياويلي ويلاه ياويلي ويلاه .. حرام عليكم
ايتاشي : يجيب الله المطر .. تحصلين غيره ياكونان عظم الله اجرك ^^
كونان : وانا لاقيه غيره وقلت لا *_*
ايتاشي : انا اتزوجك بداله بس اسكتي ^^ ( وجاك بقس ) @_@
ساسوري : الحين راح اهجم عليهم ... نداء الى قاعده الديجيتال ساسوري قادم << مانبيك الله يعافيك اجلس مكانك
هيدان : الحين وين ديدارا
بين : هناك جالس يتهاوش مع ستوو
ايتاشي : والله اشكالهم تحفه ....
انا ( معصب ومرتفع ضغطي ) : قلت لك لاتجلسين تجادليني .. لو سمحتي فاهمه
ستوو : لاوالله ؟ ومن انت علشان امشي على كيفك
انا : لا انا اللي بمشي على كيفك ياابله انتي
ستوو : خلاص خليني اروح الحق ساسوري
انا : اهجدي الله يعافيك لاتجيبين العيد بس
ستووو ( تصرخ ) : مابييييييييييييييييييييييي
انا ( افصخ نعالي ) : والله هذي اللي بكفخها الحين ( والحقها )
ايتاشي ( يغني ) : اول مره تحب يااقلبي ^^
انا وستوو ( بصوت واحد ) : جببببببببببببببببببببببب
ايتاشي : -_- الله المطر

ومره يوم تاخرت عليهم قبل لايطلعون لمهمه ثانيه

ستيفاني ( تدور رايحه جايه وقلقانه ) : ياربي وين راح ؟؟ اتصلو عليه ليكون ساير له شي
بين ( يلعب بجواله ) : لا تخافين زي الجني يجيك الحين معصب وينافخ
ستيفاني : يابرود اعصابك يابين .. اتصلو عليه
ساسوري : هههههههههههههههه وليه ماتتصلين عليه انتي ياحظي
ستيفاني : ماعندي رصيد << افه الافلاس لحقتها من انظمت الى الاكاتسوكي
ايتاشي : خايفه عليه ؟؟ ^^
ستيفاني ( ارتبكت ) : لا والله ؟ وش دخلني علشان .. علشان اخاف عليه .. هو بس اخرنا عن المهمه
ايتاشي : علينا ؟؟ ^^ ( واخذ بقس ) @_@ يجيب الله المطر
توبي : تراك ازعجتينا يابنت الناس .. اجلسي .. خلاص بعد شوي يجي
ستيفاني :انا بفهم وش عنده علشان يتاخر ؟؟
هيدان : ماادري يمكن يستشور شعره ^^
ستيفاني : 0_0 انا بنت سار لي شهر مااستشورت شعري
ساسوري : عااااااااااااااااااااادي ياعمري .. الموازين تنقلب معانا .. الولد يطبخ والبنت تصرف على البيت ^^ ايزي
انا ( وادخل بسلامتي ) : السلام عليكم
ستيفاني : تو الناس كان تاخرت شوي بعد ؟
انا : شوفي يابنت الحلال .. ترى انا مره مالي مزاجك
ستيفاني : ايوه ايوه .. نحشني .. عنبو دارك ساعتين نستناك .. ورانا شغل يالخايس
انا : والله بكيفي اتاخر وانا حر ومالك شغل
ستيفاني : اتصل علينا علشان نروح ونخليك
توبي : ^^
انا : يللا قومو نمشي انو بقابل هالبنت بيزر عقلي
ستيفاني : 0_0 وقدامي تقولها بعد ؟
انا : ابفهم انتي من وين طلعتي لي ها ؟
ستيفاني : أنا اللي من قراده حظي جيت اشتغل وياك
توبي : ^^
ستيفاني : اووف اوفف .. بس دقيقه دقيقه ؟ توبي ؟ خير اشفيك تطالعنا وتضحك
توبي : والله شكلكم .. كانكم اثنين متزوجين سار لكم 10 سنين ^^
انا ( احمر وجهي ) : بالله ؟ وانت وكونان ليش ماتتهاوشون ؟؟ مو انتو على وشك زواج ولا مو ناويين تتزوجون ؟
توبي : الا متزوجين بس مالي خلقها اخذها على قد عقلها واقولها ان شاء الله ان شاء الله ان شاء الله ^^
كونان ( وراه ومعصبه ) : ..........................
انا وستيفاني : 0_0
توبي : ^^ وش فيكم (واخرتها بقس ) @_@
كونان : على قد عقلي ها ؟؟؟

واحنا نسوي لمقرنا تصليحات عند السباك

بين ( شايل خشبه ) : اربعه شالو الجمل ^^ والجمل ماشالهم
توبي : ^^
انا : توبي لا تجلس توسع علينا ابتسامات الله يخليك تعال شيل لك شي
كونان ( وهي تنقل الاغراض ) : ياستو ... فكري مشغول
ستيفاني : يمكن رافع السماعه هههههههههههههههههههههه ^^
كونان : كلي تبن هههههههههه مو قاعده استهبل
ساسوري : اقول ستوو .. طلع لسانك اطول من لسان بعض الناس ( ويطالعني ) ^^
انا ( اشتغل ) :بسوي نفسي ماسمعت شي
ساسوري : واحنا ماعندنا شعل الا انت ؟؟ من قال اننا نتكلم عندك .؟ ولا اللي على راسه بطحه يتحسسها ؟
بين : وين ايتاشي ؟؟
ساسوري : سؤالك وجيه .. انا اتوقع انه في البيت
ستيفاني : هو قال اني بحرس الاغراض اللي هناك
هيدان : لا بالله انسرقت كل الاغراض ( ويدف الدولاب على ستيفاني بالغلط )
كونان ( صرخت ) : هييييييييييييييي انتبهت
ستيفاني : 0_0 ( واجي ادف الدولاب عنها قبل لا يطيح عليها )
الكل : ووووووووووووووووووووووووو
انا : جب كل واحد يسكت اشوف .. وانتي يالهبله انتبهي .. تمشين وماتدرين والله قاطك
توبي : يابطل انتا ياسبايدر مان ^^
ستيفاني ( منبهره ) : ها ؟؟ ... ايه .. مالت عليك . من قالك ان مااقدر ادف الدولاب .. يعني بطل انت ووجهك .. انقلع
انا : تشوفين والله خليه يطيح على راسك تموتين يارب
ايتاشي ( جاي من البيت وجايب الباب معاه ) : سلام عليكم شباب
انا : ياحمار يااتوش ؟؟ كيف تجي وتخلي الاغراض هناك
ايتاشي ( بكل برائه ودلاخه ) : كيف بيدخل الحرامي والباب معي ها ؟؟ ^^ يجيب الله المطر بس
الكل ( تسدحو ضحك ) : ههههههههههههههههههههههههههههههههههههههههههههههه

في بيت البوس

توبي ( يقر شعر ) : كم عانينا .. وكم تعبنا في المشيي ^^
بين : اذا تعبت من المشي فيه سيكلي لو تبيه
انا : كونان من جدك انتي تتزوجين واحد مثل هذا .. خليك من زواج احسن نصيحه
كونان: ياسلام .. وبعدين من ياخذني انتا ؟؟ ولا .. ( ضحكت ضحكه شريرة ) اخاف بعض الناس يذبحونا
ستيفاني ( استحت وسوت نفسها ماتسمع ) : اااااا .. ساسوري .. وش بنسوي بعد شوي ؟؟
ساسوري : بناخذ قطيع البوؤساء هذا .. وبنروح لقريه الصحراء
ستيفاني ( معجبه بجارا ) : هذيك اللي فيها جارا
انا ( نطيت عليها ) : وجارا يعني ؟؟ من زين جارا ؟ وش اللي عاجبك فيه ها
ايتاشي : بشويش على البنت ماجالت شي ياغيران انتا ^^ يجيب الله المطر بس
هيدان : كمل توبي شعرك عجبني ^^
توبي : وانقطعت جسور المحبه بينهم ولكنني رجعت وصلحتها وه فديتني ^^
ستيفاني : اكره جنون العظمه في المكان الغلط -_-
انا : بقوه غلط بقوه -_-
بوس : ستيفاني ... حاشك عدوى الجنان اللي فيهم ؟؟ ياخساره كنت اتوقع انك اعقلهم
ستيفاني : انا جوعانه يابوس -_-
بوس : مافي اكل .. سايرة مفجوعه
انا ( جالس اكل فطيره وقسمتها بيني وبينها ) : خذي كلي ولا تلجينا
ستيفاني : لا ياديدي عليك بالعافيه
انا : كلي وعن الدلع اشوف
توبي : انا جوعان ابيها ^^
انا : انقلع مناك اشوف
ستيفاني : ههههههههههههههه ^^

ويوم نمنا في بيت ساسوري

ستيفاني : ديدي الله يخليك .. انزل تحت جيب لي ماي .. انا اخاف انزل يطلع جني ولا شي ^^
انا : ليش في جني غيرك هنا ؟؟ طيب دقيقه
توبي ( في المطبخ جالس يشخبط على الثلاجه ويكتب ) ذكريات ثلاث نفر
انا ( مسكته من قميصه ) : وشو ثلاثه نفر ؟؟ انت كم واحد ها ؟؟؟
توبي : لا اكتب بسمي وبسمك وبسم ايتاشي
انا : لاتدخلني بمصايبك الله يعافيك
ستيفاني ( تنادي من فوق ) : وش قاعد تسوي يللا انجز علينا
انا : طيب دقيقه .. يللا ارقى فوق .. والله ابو ساسوري بيبهدله لرجع ولقى البيت عفسه
ايتاشي : والله مو عارف انام من غير البيجامه الورديه حقتي -_- .. يجيب الله المطر
توبي : الله يفشلك ورديه عاد
انا : ورديه ؟؟ كانك بنك بانثر ؟؟ ههههههههههههههههههههههه الله يشفيكم يارب
ستيفاني ( وانا توني اروح لها فوق ) : وينك طولت .. كنت بقولك نسيت شنطتي تحت ممكن تجيبها لي ؟؟ ^^
انا : ليش النذاله ؟؟ تحبين تمشوريني ؟؟
ستيفاني : اي والله عاجبني طولك ^^
ساسوري ( صاحي من الازعاج ) :انتو الواحد مايعطيكم وجه تنامون في بيته .. بين وكونان وهيدان مالهم حس .. وانتم مكفين وموفين
انا : وانت وينك ؟؟ احنا محتلين البيت مو على كيفك تنام ؟؟
ساسوري : والله عاد بيتي وكيفي .. انام حتى بالحمام يللا عن الازعاج ( راح ينام وهو يحك شعره )
انا وستيفاني : هههههههههههههههههههههههههه

ويوم جا شاب وقال انه معجب بستيفاني

الشاب : اسمحي لي اعبر عن مدى اعجابي فيك
ستيفاني : طيب وبعدين << مااتجامل ابدا ^^
ساسوري : مالقيت الا هذي الهبله تعجب فيها ... انا اخبر الواحد يوم يحب .. يدور من الدنيا مو من حديقه الحيوانات ( ويجيه طبعا كف ) @_@
الشاب : تسمح لي اخذ رقمك ؟؟؟
انا ( شلته بكبره) : نعم يابوي نعم ؟؟ وين وين .. واحنا ورق جدران واقفين ؟؟
الشاب : انتم وش دخلكم .. ؟؟ انا اكلمها
ستيفاني : لو سمحت اطلع برا ^^
الشاب : انتي حلوة ادري .. بس لو تبطلين الغرور حقك
ستيفاني : ماني مبطله .. بعدين قلت لك برا واللي جوز امي بقلو ياعمي >> تأثير باب الحارة
انا ( مسكته من قميصه ) :يللا اطلع برا شوف يللا
كونان تهمس لايتاشي : شوف ^^ .. الغيره ذابحته
ايتاشي : كيف نخفي حبنا والشوق فاضح ^^
ساسوري : ايتاشي يشتغل بما يطلبه المستمعون هههههههههههههههههههههههههه
انا : الا وانت الصادق مايطلبه المحششون
بنت ( معجبه تجي من برا ) ديدي .. انا معجبه فيك حيل .. ومن زمان كان ودي اكلمك .. احبك
ستيفاني ( طارت عيونها ) : نعــــــــــــــــــــــــــــــــــــــم ( وتتعالق معاها )
انا : ^^ الحريم متخلفات
وهكذا .. وتمر الايام .. فينا احنا وقوراير الفيمتو .. كوب الفيتمو الهديه اللي يجي مع الكارتون - ستيفاني -
صدق انها مزعجه .. بس بصراحه .. تعودت عليها

*******************************
تابعونا في البارت القادم << اطري طولنا بس استنو ولا تستعجلون خلاص ماباقي شي ^^
akatsuki boy

وانا قاعد .. افكر .. شارد الذهن سرحانون في خيالي << سرحانون ها ؟ تكلم عدل قبل لا يجيك كف .. المهم انا اقول .. يعني مر وقت على هالبنت
المصروعه - ستوو - ويانا .. وانا من غير مقدمات .. عاجبتني حيل .. وودي اصارحها .. بس والله تعرفوني .. اموت لو يطلع من لساني كلمه حلوه
والبنت اصلا ماتساعد .. لانها والله ارجل مننا .. صوتها يخرع .. ودفشه حيل .. بس << احم احم ... المهم .. يعني انا وياها جالسين نكابر ونحوس
قلت انا بسبقها .. وبقولها على اللي في خاطري

كونان ( جت جلست جنبي ) : ياصاحبي وش فيك ساكت لحالك ^^
انا : زييييييييييييين جيتي والله جابك . تعالي بقولك شي
كونان : خير وش عندك ^^
انا : كوكو .. قولي .. كيف اقول لوحده احبها اني احبها
كونان : ههههههههههههههههههههههههههههههههههه والله وكبرت ياديدي ..على العموم سهله روح لستيفاني وقولها انك تحبها بكل بساطه
انا ( تخصرت ) : بكل بساطه .. ؟ وانتي وش دراك انها ستيفاني
كونان : يابابا واضح مثل عين الشمس كل الدنيا درت .. ^^
انا : من جدك 0_0 <<
كونان : ايييييييييييييييييييه امس حتى كونوهامارو يوم شفته يقول لي هذي ستيفاني الله سلطها على ديدارا الحمار احسن علشانه ظلمنا << اثرنا
فضيحه
ستيفاني ( تدخل علينا وهي تكح ) : كح كح .. شتسون هنا ياكونان انتي وهاللي معاك
انا : انا لي اسم ياحماره انتي
ستيفاني : الله والاسم الحين .. نطقه يعور الحلق .. كح كح .. يللا بخليكم واروح البلكونه
انا : اي بالله علشان الاوكسجين هنا
ستيفاني ( ترميني بعلبه الكلينكس اللي عند الباب ) : مالت عليك .. كح كح
كونان : وتعايب على البنت بعد ؟؟ شوف اسلوبك .؟؟ هذا اسلوب هذا ؟
انا : والله كذا مريح ^^ واحنا مستانسين منه .. بعدين هي بقره .. تتغدى فيني قبل لا اتعشى فيها
كونان : خليك جاد لو مره بحياتك .. اسمع .. روح لها الحين وكلمها بهدوء
انا: لا الحين اخاف 0_0
كونان : طيعيني دق الحديد وهو حار وروح لها بعد اليوم شكلها هاديه
ايتاشي : انا انا عندي لك حل جميل ^^
انا : اتحفنا فيه
ايتاشي ( يتربع ) : روح اوقف تحت قبل البلكونه .. واجلس غني زي مايسوي روميو لجوليت وقول ... هل ترون الحب سكارى مثلنا
كونان ( ماتت ضحك ) : ينصر دينك ياايتاشي ههههههههههههههههههههههههههههههههههه
انا : والله ماالسكران الا انت .. اطلع اشوف منها
ساسوري ( دخل علينا ) : انا اسمع طاري السكارى ؟؟ وش ساير ^^
انا : ياسلام سمعت طاريك وجيت تركض ..
كونان : يبي الاخ يقول لستو انه يحبها .. بس مو عارف شلون
ساسوري : رقمها .. ^^
انا : هي عندها رقمي عندها -__-
كونان : اسمع كلامي وروح قولها
توبي ( ينضم للجلسه ) : اسمع مني .. سوي زي مايقول ايتاشي .. بس لاتغني لا يجيها صمم باذنها .. احنا بنشيلك على كتافنا ..ايتاشي وانا فوقه
وساسوري وانت فوقه .. وقدم لها ورده
ايتاشي : لا والله ؟؟ ليش انا اللي تحت ؟؟ -_- تعال انت تحت
ساسوري : لا فكره خايسه اخاف يجيني شد عضلي
انا : ياناس انا اتكلم جد -_- ( واطالع هيدن اللي نايم هناك ) والخرتيت النايم هناك مايعطينا رايه ؟؟
هيدين ( يرد علي وانا نايم ) : انا اصحى بكره واقولها
انا : نوم الظالم عباده .. خليك نايم بس
ساسوري : يللا ياجماعه بروح البيت انا تبون شي
ايتاشي : فكره باللي قلته لك ^^ .. وخليك جدع .. ام كلثوم هذي مفروض يسير اسمها ام ايتاشي
انا : -_-
كونان : ها ياديدي مانت رايح البيت ؟؟
انا : وين اروح وبين ماخذ سيارتي .. بنتظر لين يجي واوصل ستيفاني البيت
كونان : بتكون هذي فرصه بعد انك تكلمها يللا مع السلامه ^^

ومشو وخلوني ... انا جوا الصاله .. وستيفاني في البلكونه .. مستغرب من هدوءها .. واسمعها تكح بشكل مستمر انا رحت اشوف

انا ( فتحت الباب ) : وش فيها تكحكح اليوم .. بردتي ^^ ؟( وانتبه لبخاخ ازرق بيدها )
ستيفاني : ككح كح .. هلا والله ... خلصتو اجتماعكم السري ..
انا : ياسخيفه .. اثرك قاعده هنا مسويه عزه نفس .. كان جلستي ويانا
ستيفاني : ههههههههههههه مالقيت الا انا .. لو بغيت نطيت عليكم وجلست كح كح
انا : ايه هذي ستوو اللي اعرفها .. بس على فكره .. ليش تاخذين بخاخ
ستيفاني ( ابتسمت ) : انا فيني ربو
انا : سلامتك يااختي ماتشوفين شر .. هذا والله من كثر الصراخ ^^
ستيفاني : ههههههههههههههه انتو ترفعون الضغط بعد شسوي ^^
انا : انتي بخير ؟؟
ستيفاني : لاتحاتيني انا بخير .......
انا : شكلك زعلانه ؟؟ وش اللي مضايقك ؟ فيه شي مزعجك غيري
ستيفاني : لا والله مافي .. انت لو توخر عني انا بخير ^^
انا : هههههههههههههههههههههههههه ملسونه
ستيفاني : امي جننتني .. فاشله وفاشله .. ادري انها شايله همي .. لاننا احنا حريم بالدنيا مالنا احد .. وتبيني ائمن نفسي والقى شغل زي الناس
انا : عادي ياماما .. كلنا عندنا نفس النماذج .. لا امي .. ولا ام زغلول اللي هي ام اتوشا .. كلهم مقهورين مننا ومايسمونا الا الفاشلين
ستيفاني : الظاهر انكم عديتوني كح كح كح هههههههههههههه يللا ياديدي انا ماشيه
انا : وين تروحين ؟؟ انا بوصلك ؟
ستيفاني : امي بتجي تاخذني .. هي قريبه .. لو تشتري لي سيارة وتريحني
انا: اووووه .. خلاص براحتك ^^ .. انتبهي على نفسك
ستيفاني : مو شغلك ^^ .. يللا مع السلامه

وراحت ستوو .. وظليت انتظر هاللي مايتمسى بين الخايس اللي مايستحي لطعني .. بس انه عطاني فكره
بين ( داخل بابتسامته الغبيه ولابس لي احمر ) : اهلا ديدي
انا : لاهلا ولامرحبا .. ليه تاخرت علي
بين : انا اسفون جدا ^^ ستوو حبيبتك ليه راحت ؟؟ مو انت توصلها
انا : لا جت امها خذتها .. بين .. قولي ؟؟ وشلون اقولها اني احبها .. رجاءا رجاءا .. من غير افكار متخلفه زي افكار ايتاشي وماادري وشو
بين ( حط ذراعه على كتفي ) : بسيطه .. ارسل لها مسج ^^ الحين .. وقولها كل اللي بخاطرك .. اذا هي تبغاك ..بتبادلك .. واذا ماتبيك ماراح ترد عليك
انا : 0_0 بين .. واخيرا قلت شي زين بالحياه .. والله انها فكرتون جميله
بين : افا عليك ^^ اجل ليش مخترعين الجوال انت وريها ولا توريها .. وان كان حبيبك عسل لاتلحسه كله
انا ( واطلع جوالي والغريب ان كان فيه رصيد يكفي لرساله من صفحتين ) : -_- مالت على حظي .. وان كان حبيبك ثور .. البس احمر _ اقصد انا الثور وبين اللي
لابس احمر
بين : خلاص اختصر كل اللي فيك بصفحتين وقول كل اللي بخاطرك .. يللا بالطريق اكتب لها ..

وفي السيارة
بين ( يسوق بسرعه ) ها ارسلت لها
انا ( اكتب وامسح ماني عارف شقول ) .. وانا شلون اكتب وانت تسوق السيارة كذا .. بشويش والله لو صدمت بموتك
بين : يللا علشان نوصل البيت وراي مباره
انا ( اصارخ ) : علشان مبارتك نموت حنا ؟ ( وكتبت اخيرا وارسلت المسج بس ) 0_0 لااااااااااااااااااااااااااااااااااا
بين : وش فيك ...
انا : الجوال طفى .. لا لا لا -_-
بين : انت ارسلت المسج
انا : ماادري والله .. الله يقطع العدو .. كتب يتم الارسال ... بس فصل علي .. ياربي ياربي وش هالوهقه
بين : خلاص يمكن مافيه بطاريه ..
انا : انا متاكد ان البطاريه فل ياعالم والله فل
بين ( وصل عند باب بيته ) والله ماادري عنك .. ييلا بنزل بيتي .. بكره قولي اذا اشتغل ولالا
انا : ان شاء الله يللا تصبح على خير
ورحت .. البيت .. ومن سوء الحظ ان الجوال من جد خرب وماعاد اشتغل .. يعني المسج ماوصل ..بس اللي سار .. ان المسج وصل الشبكه .. لكن ماارسل بالوقت نفسه

الصبح بالدوام
انا : -_-
بين : صباح الخير ياولد .. ها طمني
انا : مااشتغل الجوال .. ماتشوفني جاي اول واحد .. اخاف البوس يتصل واتبهذل
بين : ياابني ماعليك .. بنشوف لك دبره ترسل لها
انا : بس الكلام تبخر -_-
هيدين : وش عندهم ؟؟؟ ديدارا مايطيق بين ولا يحب يقعد وياه ؟ وش عندكم اليوم
بين : انت توك تصحى ؟؟ مسوي سبات شتوي
ستيفاني : صباح الخير ياقوم
انا : 0_0
ساسوري : اهلا وسهلا بالمزعجه .. ^^
ستيفاني : اهلا بالجني .. ديدي ؟؟ شلونك شخبارك
ايتاشي : الله اكبر .. احنا 7 هنا ماتسلمين الا على ديدي ^^ ؟
ستيفاني : انتم بخير مايحتاج اسئل عنكم .. ديدي شكله مانام من امس
بين : ياناس الشبكه سيئه اليوم .. خدمتي ببرشلونه
انا : -__- ستووو خليني بحالي
بوس شاورما : انتم ياحوش .. انا بقعد اجتماع بخصوص المهمه جايه ( ويناديه واحد من الموظفين ) دقيقه شوي وراجع لك
كونان : روحه بلا رده ان شاء الله ^^
ستيفاني : ان شاءالله يموت ونورث الشركه ( ويرن جوالها رنه مسج ) : نشوف من راسل لي مسج على هالصبح
انا : 0_0 اوبس
بين : شكل هذا مسجك
ستيفاني ظلت تقرى المسج .. وسكتت بشكل غريب .. و الكل يطالعها .. انا ارتفعت حرارتي .. المسج جاها متاخر .. بس ليش الحين ؟؟ وقدام هذولي .. سكرت الجوال
وابتسمت وطلعت من المكتب
ايتاشي: وش فيها هذي ليكون احد من اهلها مات ؟؟
كونان : ديدي .. انت مرسل لها شي ؟؟
ديدي : انا ؟ وشو ؟ ماسويت شي انا ؟؟
مرت ربع ساعه .. لا البوس جا .. ولا ستيفاني جات .. بلى بلى جت ..
ستيفاني ( كانها تمسح دموعها ) :ماعليش تاخرت
الكل يطالها : 0_0
ستيفاني : وش فيكم تطالعوني اول مره تشوفوني ولا ايش
انا ( مو قادر اشيل رجولي ) : -__-
ساسوري : اقول ستوو ( ويطالعني ويضحك ) خير عسى ماشر .. وش هالمسج اللي قلبك وخلاك مو على بعضك
ستيفاني ( ضحكت وقامت تطالعني ) :واحد .. جباااااااااااااااااااااان حيل ^^ ..قاعد يقولي ..
انا : -__- ولييييه
ستيفاني : ههههههههههههههههههه مو شغلكم السالفه بيني وبينه
ايتاشي : احنا ربعك .. اقري لنا المسج بالله ^^ << مااحب اللقافه
ستيفاني : ههههههههههههههههههههههههههههههههه ... ^^ لا يعني لا
هيدين : ياناس وش اللي اخر البوس
ستيفاني : انا عرفت بالصدفه وش عند البوس وعلى فكره هو خبر حلو .. اذا ماعرفتو .. بتعشوني ^^
انا ( من غير قصد ) : البوس بيسافر ؟؟
ستيفاني : 0_0 وش دراك ؟؟
انا : (زال التوتر ) ههههههههههههههههه خلاص مافي عشا
ستيفاني : حسافه ( وتسمع البوس يناديها ) اروح اشوف وش يبغى عن اذنكم
بين : مبرووك ^^
انا: اخيرا اشوى ههههههههههههههههههههه الحمدلله انها تعاملت مع الموضوع طيبي
ايتاشي : يعني انتو رسمي حبيبين الحين ^^ بس حسافه ماغنيت لها هل ترون الحب سكارى
كونان : يااااااااااااااااااااااي وناسه ديدي الغبي يطلع منه كذا .. الا على فكره .. وش ارسلت لها ؟؟
انا : صدقوني ولا شي ^^

كل اللي ارسلته لها كانت كلمه وحده .. احبك .. ومن غير اي لف ولا دوران .. قلت هالشي يكفي .. مايحتاج اكتب قصيده .. وبالذات لبنت مثلها .. لان اللي بيني وبينها
كبر من غير كلام .. ومايحتاج كلام كثير علشان يبين .. وبعد ماطلعت ستيفاني في المكتب ..ارسلت لي مسج .. ردت علي فيه
(( .. وانا بعد احبك ))