الذهبي| - كَاسَة شَاي أو فِنجَان قَهوَة؟ :$

@ياجْـي الـكيّـوته‍.;

فيتاااا قادمةة - أبطال الديجيتال XD
شكراً على استضافتي لهذا الموضوع الجميل للمرة الثانية على التوالي
اوريجاتو لإعطائي فرصة ثانية بدل الفائتة ، بطل خفاشنا
احم احم الفكرة رهيبة أهنئكِ أختاه اعملي لنا مواسم كتغيير الاسئلة كل فترة
وتطويرها اذا خطر ببالي اي شي بخبرك ، داعمة لك
نبدأ بأول سؤال على بركة الله - راعوا الزهايمر اللي عندي


1- امتى سجَلت بووندر؟ كيف عرفته؟
كان حدث أسطوري لساتني أتذكره لليوم
الكآبة كانت محتلة الأجواء لخبر خراب عيون العرب كامل
وبعدما الابطال ذكريات ووسام أنقذوا الموقف افتتحوا وندر
وكنت شاهدة على تأسيس نتفة نتفة ، كل قسم انفتح وكل عضو سجل
كانت بدايات جديدة حلوة كتير
أما عن تسجيلي فأنا العضوية الخامسة لأول مرة بحياتي بينحط اسمي مع الأوائل بمكان ما هههههههه
وراحت عليكي كان الزعلان اكثر من الرضيان ويتشاجروا ع ارقام العضوية
انا بدي 10 لا انا 10 لااااع السبعة الي
وين حماسهم هلأ ):


2- أكثر شي خلاك تستمر بالدخول؟
العطاء اللي هنا وشعور الراحة اللي بحسه لما ادخله
لأن تقريباً هذا أنسب مكان بقدر أعبر فيه عن كل شي سواء فكرياً او فني
وكمان للذكريات الجميلة مع كل الاصدقاء اللي هنا

3- أكثر قسم تحبه؟ السبب؟

محتارة بين المدونات والروايات والتصاميم
كلهم بحبهم لأنهم عنصر تواصل مهم مع الاعضاء
المدونات مشاعرهم ويومياتهم
روايات وتصاميم خيالهم وابداعهم
أحب كل شي يخصهم

4- أول صديق لكَ بووندر؟ كلمة في حقه؟
أول عشرطعشر صديق هههههههه
كلهم سحبناهم معنا لهنا
كلمة اممم لو بألف كتاب عنهم مارح اخلص
اجواءهم ، وجودهم ، مجرد تأملهم يبعث بالراحة
ناس تعرفت عليهم من صغري وكبرنا سوا يوم بيوم
كل رمضان كل عيد كل اختبار كل عطلة باختصار أحلى علية

5- أول موضوع لك؟ لماذا ذلك القسم بالضبط؟
في كثير بتوقع كانت مدونتي أنا والإثنا عشر صوتاً
لان المدونة القديمة بعيون اخذت مسار مختلف ولقيت تشجيع جميل عليه
فنصبت الخيمة وبديت كتابة البدايات الجديدة مع اصواتي جميعهم

6- عضو طلع عكس توقعاتك؟
سجل عندك .. فلان وفلان وفلان ووووو
خلص بلا فضايح ، المهم كانوا بيعرفوا
انهم سببوا خيبة كبيرة

7- عضو محبوب؟
كلهم محبوبين وظريفين جداً

8- عضو/ أعضاء تحس أنو لولاهم المنتدى ماله طعم؟
اللي مستمرين معنا لهذا جد المنتدى لولاهم ولا شي

9- عضو بدك تشكره؟
ذكريات إيناس حارسة الفيتاتسو
اساور وأشرقت ووسام
شكراً لوجودكم في حياتي

10- أقرب الأعضاء لك؟ كلمة في حقهم ؟ حط اسمهم كل حدا وكلماتك له ( مو أقل من أربعة لو فيه).

وسام صديق رائع جداً وجوده لوحده دعم نفسي حتى لو ما قال كلمة
اتمنى يرجع قريباً قريباً
اوبيتو الزعيم والأخ والصديق الغالي بحس ببهجة كلما شفته متواجد كان معي بكل سنة بكبر فيها
ايناس حارسة الفيتاتسو الرهيبة لطيفة جداً وحبابة
ذكريات صديقي الخفاش اللي شاركني سهراتي واللي كان ينسيني كرهي لليل وظلامه ووحدته
كلما اشوف الناس كلها نامت وألاقي الليل مخيف بجتمع مع خفاشي
فاتي واشرقت ما بنسى ابداً أثرهم الجميل بحياتي
حكيم اللي رباني ههههههه لهيك طالعة قليلة ادب
سبود الله يوفقك بحياتك
سيلفر اشتقت لـ هيلر تبعها XD
لافندر أحب كل شيء فيها والكلام معها يعطي متعة وسعادة
ونوتيلا واصحاب كثار اتمنى يكونوا بخير وسعيدين بحياتهم وارجع شوفهم عن قريب

11- أول لايك إجاك من مين؟ كلمة في حق ذلك العضو؟
ما بتذكر والله كانت فترة حماسية فوضوية ما ركزت ع كل شي

12- أول لايك اعطيته لمين؟ كلمة فحقه بعد؟ xD
لأول موضوع انفتح ، اعرفوا مين << ذكيةةة XD

13- شي تحسه لو صار المنتدى يصير أحلى؟ (أكثر من حلاوته طبعا )
هممم انه يتحول لتطبيق ، وان الاعضاء يرجعوا يدخلوا ليتفاعلوا معنا
لأن اذا ما استمروا بالدخول ما نبدع بدونهم

14- عضو ودك تخنقه؟ xD
القائمة تطول بسس ذكريات عامل واسطة للكل
يمنع العنصر الشرير بداخلي من انه يظهر

15- لو بإيدك، شو الرتبة اللي بدك اياها؟ السبب؟

رتبة لوست
السبب ؟ لأنها للوست ، حاطة عيني ع ممتلكاته هنا

16- كم عمرك بحساب المنتديين؟ السابق والحالي؟

دخلت العام التاسع

17- بتجيب أولادك يسجلون مستقبلا؟ xD
أكييييييد طبعاً بسسس بعد أكثر من عشر سنين
كلما يزعجوني ارميهم هنا ، ديروا بالكم عليهم ولا تسبوا تربايتي

18- أكثر شي بدك تسويه بالمنتدى بس ما عندك وقت/كسل/مماطلة؟
نفض كامل عام وشامل لكل الأقسام بس اللاب مجنني
وتنشيط تنشيط تنشيط بس اغلب الاشياء اللي ببالي تعتمد ع وجود الكل معنا

19- اترك لي اقتِباسًا .
تنفس ، عِش حياتك ، إنك على قيد الحياة

استدعي @ايناس حارسة الفيتاتسو

@ياجْـي الـكيّـوته‍.;



*
السلام عليكم ورحمة الله وبركاته
كيفكن يا حلوين ؟ ان شاء الله تمام
إيناس إجت تحكي وتحكي وتحكي
حبيييت جدا الفكرة جدا جدا جدا < وصلت المعلومة
الله يسعدك ليليث ، ان شاء الله كتبت الاسم صح
ثانكيو فيتا على المنشن يلي ما منشنتيه هههههه
يا اختي بحب حركاتك
والله كنت ماسكة الجوال وعم انقل مسألة فيزيا XD
وبس خلصته وخلص بدي شيل الجوال من ايدي وحطه بالشاحن فجأة اجاني احساس كتير قوي ان افتح المنتدى رغم أن ما كنت ناوية افتحه والله .. تخاطر عجيب وقوي وغريب والله ... شكلك ناديتيني بقوة .. تعي ولي هههههه
ما قدرت قاوم وما حبيت يروح دوري
خلوني بلش ..
حاسة حالي بمقابلة تلفزيونية


١-*امتى سجَلت بووندر؟ كيف عرفته؟*

سجلت في وندر 2020-30-3 ، كنت عضوة من أعضاء منتدى عيون العرب من 2017 .. اشتقت لهالمكان والله ، غبت عنه فترة شهرين مدي ثلاثة ورجعت كلشي متدمر والناس مبلشة تهاجر XD
بعد ما فهمت القصة بمساعدة أصدقائي هنيك اجيت وسجلت بوندر وكانت أشبه بإنطلاقة جديدة ، كأني نقلت على بيت جديد او سافرت دولة جديدة
الحمد لله ما تشردنا XD

٢- أكثر شي خلاك تستمر بالدخول؟*

الناس يلي بالمنتدى ... عندي ناس احبها كتير هون وناس مافيني كمل يومي من دون ما حاكيها او اطمن عليها ... تسجيل الدخول صار روتين ... حتى لو غبت فترة بكون مشان الدراسة وارجع فورا

٣- أكثر قسم تحبه؟ السبب؟*

بحب كتير أقسام بس اكتر شي قسم الروايات ، لأن أحب القراءة كتيييير وما امل منها ... وفي هون روايات كتير حلوة وتستحق المتابعة والدعم بس لو ينفضو الكسل عنهم ويكملوها < ناسية نفسها

٤- أول صديق لكَ بووندر؟ كلمة في حقه؟*

اول صديق ؟؟؟ قولو اصدقاء .. انا سجلت هون ورجعت احكي مع الكل .. يعني أصدقائي يلي كانو بعيون هنن هون كمان أصدقائي بالإضافة ان تعرفت على كتير ناس تانيين ... وكلهم بعزهم وبحبهم وبتمنى يضلو بخير

٥- أول موضوع لك؟ لماذا ذلك القسم بالضبط؟

مافي اول موضوع ... انا لما سجلت رجعت بعض المواضيع يلي كانت لي بعيون وعملت مدونة جديدة
بس ما عملت اي موضوع جديد هون
الكسل لفل مليييون... والله دراسة والله
بس ناوية هالصيفية بإذن الله < قولو يارب لازمني دعوة جماعية XD

٦- عضو طلع عكس توقعاتك؟*

مفيش والحمد لله .. وان شاء الله ما يصير بالمستقبل

٧- عضو محبوب؟*

كل الأعضاء هون ينحبو والله وكل شخص معزته ومحبته غير وبطريقة مختلفة .. لهيك بحاول دائما أتعرف على الكل وأرحب بالاعضاء الجدد

٨- عضو/ أعضاء تحس أنو لولاهم المنتدى ماله طعم؟*

كل أصدقائي... يعني الناس يلي بحبها هون ويلي بحكي معها وبسأل عنهم دائما .. هدول مافي طعم لشي بدونهم والله

٩- عضو بدك تشكره؟*

كتييير والله ... والكل ... لأن كل شخص ساعدني ومنحني شي جديد ومشاعر وذكريات حلوة كتير
بتمنى ما انساها ابدا وبتمنى الناس يلي عرفتهم يضلو معي وعلى تواصل للأبد.. فاهمين شو يعني للأبد ؟!!!
لهالدرجة انا بحبكم
حابة اشكر سارة وفلايرس ومنار ( fire) و زهراء وتوأمتي لاز وجانسو واحلام واشرقت وآدم وزمردة وأصالة وجاسم وميس و جيما وروزيتا ونوتي وآديت على دعمهم وقت امتحاناتي ... ياجيما ووسام ومنفى و سيل وصفراء وكمان سارة وسنو وميمي على مساعدتهم لي دائما لو احتجت شي .. ما قصرو معي ولا مرة
يارب ما كون نسيت حدا

١٠- أقرب الأعضاء لك؟ كلمة في حقهم ؟

بسم الله ... قائمة طويلة والله

سارة ، فيتا : انسانة جميلة ومبدعة ومعرفتها مكسب والله ومن اكتر الناس يلي بحبهم ولهم معزة كبيرة كبيرة كبيرة كتير بقلبي ، بحب احكي معها كتير كتير ، من الناس يلي ما بهون عليي زعلها وبحاول ادعمها وساندها حتى لو كان بالكلام .. ولو فيني احضنها وخفف عنها لما تزعل ما بقصر .. رح ضل وراكي وداعمتك لحتى تخلصي رواياتك وكون اول قارئة ... متحمسة قابلك والله في يومنا السعيد ومعي الحلوان هههههه

فلايرس : من افضل الناس يلي تعرفت عليهن من ايام منتدى عيون .. من الناس يلي بحب احكي معها وما امل ابدا مهما كان الموضوع صدقا .. مرح وكلامه بيضحكني كتير وبسايرني بالتفاهة وهاد اهم شي
بإختصار من الناس يلي تزرع الابتسامة بوشي ومن الاصدقاء الغاليين...حاولت اقنعه يشارك بعدي بس شو نعمل الدب دب XD مافي إلك حلوان وكل البيتزا والاكل على حسابك XD

توأمتي لاز : زهرتي الجميلة وتوأمتي اللطيفة .. انسانة روحها حلوة وجميلة لأبعد الحدود واحبها جدااا ... الكلام معها مريح جدا بطريقة ما قدرت افهمها ... بتمنى تكون صارت بصحة منيحة وبخير .. ويارب شوفها من افضل كاتبات الروايات بالمستقبل

ميس ، ميسو : اول انسانة تعرفت عليها بعيون العرب واول شخص حكاني ورحب فيي وعرفته واكتر شي اسعدني وقت عرفتها أنها من سورية كمان ... مبدعة جدااااا جدا ... بحبها كتير والكلام معها حلو ومريح .. بتمنى ترجع لهون بنفس الارادة والطاقة يلي كانت فيها بعيون العرب لأن رح تعمل شغل كتير حلو مثل العادة

روح ، زهراء ، قطبي : جميلة الروح والكلام والمعشر .. مبدعة في رسم الابتسامة والدعم المعنوي والكلام الجميل .. بحبها كتير كتير كتير والله ... بتمنالها كل الخير والتوفيق بدراستها ويارب شوفها فرحانة بنتيجتها .. كلماتها دائما اسعدني جدا جدا .... من الناس يلي بتمنى تضل معي على تواصل دائما وابدا

أحلام ، شهاب : قلبي والانسانة الضحوكة .. احمد حلمي مثل ما بقول لها هههههه .. وكلامها جميل وما امل ابدا من الحكي معها واحبها كتير كتير
ومعرفتي لها من ضمن قائمة اجمل الأشياء يلي صارتلي ب٢٠٢٠ والله ... اشتقت لها كتيير

منار ، فاير : حبيبة قلبي وفنانتنا الجميلة .. من الناس يلي اعشق الحكي معها .. أحب طريقتها بالكلام جدااا وتشبيهاتها القاتلة والمضحكة كتير .. بحب فيها عفويتها واسلوبها... الرسمة يلي رسمتها لي ماخذا من قلبي شقفة.. يوما ما رح اخطفك نسافر لعند راوية XD .. يخليلي ياكي يارب

جانسو : فراشتي .. احبها كتير كتير ومن الناس يلي عرفتهم في مدة قصيرة وحبيتها كتير ... كنت احب احكي معها كتير على التلي .. وثقتها فيني ومشاركتها لي بأسرارها وكلامها معي براحة ما تعرف قديه معزته عندي .. مشتاقة نرجع نسهر ونتحدث لوقت طويل متل الأول

جيما ، صفاء : يا اخواتي واخواني والله هالإنسانة تنحب غصب .. جنية الأسنان البريئة XD انسانة مرحة وكلامها حلو .. ربي يوفقها ويحميها .. البريئة جدا طبعا XD

ياجي ، روز : وهل يخفى القمر .. معقول ما اذكرك ... انسانة احبها كتييييير كتير .. معزتها في قلبي كبيرة وكل شي فيها حلو .. مافي مرة طلبت منها شي ورفضته ... وجودك جميل بالحياة .. الله يسعدك بقدر السعادة يلي تمنحيني ياها

ميار : ما بعرف لو انا مقربة منها مثل ما هي مقربة من قلبي .. انسانة رائعة بكل ما للكلمة من معنى ... أحب الكلام معها ... صارلي زمان عنها والله .. افتقدتها يارب احكي معها قريب ... يارب تكون بخير وين ما كانت

شيشيكو : لينا ليموووونة معفنة .. ليمونتي المعفنة يلي طالعة ريحتها ... بكبك بالزبالة XD ... اعشق هالانسانة واحبها كتير ... تعطي جو غير لما احكي معها ... واحب طريقتها في الكلام ... اناناستك تحبك.. ما رح جبلك آيس كريم XD .. لؤي احسن منك XD ... ربي يسعدك دوم

فلور ، آديت : عزيزتي وجميلة الروح ... انسانة روحها جميلة رغم المتاعب يلي تمر فيها .. بحب الحكي معها واهتمامها الدائم وسؤالها عني ... ربي يحميها ويخليلها اولادها ويحميلها ياهم

نوتي: رفيقة الدرب والدراسة والانسانة المحبوبة والمشاكسة والمبدعة ... أحب الكلام معها ... يارب تحقق كل احلامها واشوفها في المكان يلي بيسعدها

اشرقت : اسم على مسمى .. رغم أن مافي أحاديث كتيرة بيننا بس والله لها معزة كتير كبيرة ... احب كلامها اللطيف ودعمها المعنوي .. ربي يسعدك

منتوهي : منفى انسانة خطيرة ومبدعة لدرجةةةة
الكلام معها متعة من نوع آخر... اشتقت جدا للأحاديث الطويلة معها والمليء بالقصف من الجهتين.. كانت سابقا من الفئة يلي مفكرتني لطيفة وكيوت بس اكتشفت جانبي الثاني والصدمة كانت كبيرة هههههه

ريد مون: لطيفة لطيفة لطيفة وكيوووت ... الحكي معها مريح ومجنون وممتع ... اشتقت لهبلها وكلامها والله

اساور: الانسانة يلي نستني بس انا ما نسيتها ... كنا كتير مقربين بعيون العرب .. لما اجينا لوندر حسيتها تغيرت... مدري كيف لازم أشرح.. قبل كانت مرحة وتحكي أكثر... احبك والله واحب الحديث معك واتمنى نرجع نتواصل مثل ما كنا سابقا .. ربي يسعدك ويحميك


١١- أول لايك إجاك من مين؟ كلمة في حق ذلك العضو؟*

رجعت مشان شوف مين ... طلعت جدتكم وحبيبتي جيما.. صفاء .. جنية الأسنان البريئة XD كانت لايك لطلب تصميم ملف صممتلي ياه .. هو نفسه يلي مركبته هلق
( ربي يسعدك ويحميكي ويخليكي بخير دائما )
وبعدها كانت ضحى وبعدها فلايرس

١٢- أول لايك اعطيته لمين؟ كلمة فحقه بعد؟

اول لايك كان للخطير والخنفوشاري وسام
كان لايك لمدونته الجميلة .. ( انت انسان رائع ومحبوب بتمنى لك كل الخير وايام تعوض كتير شغلات سيئة واماني كتير تتحقق لك ولقاء بكل الاحبة ويكتبلك الله طريق يرضيك ويسعدك وترجع قريب لهون )

١٣- شي تحسه لو صار المنتدى يصير أحلى؟

يصير متل تطبيق متل ما قالت سارة ويرجع متل ما كنتو عاملينه إرسال مباشر .. يعني ما تتحمل الصفحة مع كل كلمة وكل خطوة ..


١٤- عضو ودك تخنقه؟

هههههههههه .. حسب الشغلة يلي بيعملها كل شخص
الكل تقريبا اجاني رغبة اخنقه ههههههه في فترات معينة .. خصوصي يلي بقولو ناوي يعتزل او كان بده يعتزل ... يستفزني كتير XD يلي عرفني ممنوع يتركني .. لعنة أبدية XD

١٥- لو بإيدك، شو الرتبة اللي بدك اياها؟ السبب؟*

الإدارة.. بس طبعا عن استحقاق مو لعب
بس لو تعطوني ياها عن لعب ما عندي مشكلة XD
بحب اللون الاحمر والسلطة والقيادة وهيك أمور
في الخير في الخير XD

١٦- كم عمرك بحساب المنتديين؟ السابق والحالي؟*
٥ سنين او ٦ تقريبا ... يعني روضة XD

١٧- بتجيب أولادك يسجلون مستقبلا؟

هههههههههههه متت ... ما بعرف صراحة
حسب تصرفاتهم وتربايتهم XD
اما شو ترباية خلينا ساكتين XDDDDD
مجرد التخيل ان رح نورث المنتدى ويصيرو اولادنا هون كمان شي بضحك وغريب .. قرود ومجانين مافي كلام

١٨- أكثر شي بدك تسويه بالمنتدى بس ما عندك وقت/كسل/مماطلة؟

إن اعمل مواضيع ... بالتحديد في قسم الانمي
حابة التميز بهاد القسم اولا بس شوي كسل على شوي مماطلة على دراسة وشوي ظروف كوكتيل خارق يمنعني

١٩- اترك لي اقتِباسًا*
~~~
قالت..
‏نلتقي بأرواح لم نعرف ملامحها ونحب كلمات دون النظر الى من يكتبها ونبكي مع عيون لم تبصر عيوننا
ويبقى حب الروح أسمى ماعرفناه.
~~~
الطَّيّبُون يَغرسُون الجمال في قاعِ الرُّوح لا إراديًّا..

.
.
.
كتير في ناس لسة ما ذكرتهم لانهم كانو أصدقائي من عيون العرب واعتزلو من زمان .. تركوا المنتدى .. بس لهلق متأملة يشوفو رسائلي ويرجعو .. منهم هدى وملاك
.. يارب تكونو بخير وين ما كنتو
.
.
.
بشكرك كتير على الموضوع والفكرة الجميلة
كل فترة نوعي الاسئلة وبساعدك لو احتجتي وبقترح عليكي لو تذكرت شي مفيد
يارب ما كون نسيت حدا
دمتم بخير

امنشن منار من بعدي ...