Me , Myself and I

الحقيقة مهما كتبو من روايات وطلعو كتاب جدد
مافيش شيء يغلب اجاثا كريستي في روايات
اسلوبها في كتابة يخليككك تنسي يلي حولك ، وفي بداية الحجر
الصحي ، في خلال اسبوع قريت 7 روايات او قصص لها
ونتكلم الروايات بالانجليزي ومش بالعربي يعني باللغة الاصلية
وحاليا انزل في كتب اكثر في نقراهمم نيهاهااهاههاههاههااهاها

من اخر مرة حطيت تدوينه ع ان نزل في روايات ل اجاثا كريستي
ل من ساعة من توا ، كملت 3 روايات
الأربعة الكبار ، مقتل روجر اكرويد ، جثة في المكتبة
وقريتهم بترتيب هذا طبعا في اول رواية ما حاولتش نفكر
في قاتل او من هو لان كان واضح من بداية اما تانية وتالتة
حاولت نشغل دماغي معهم ونفهم اكثر سرد القصة وحاولت ما نستعجل
في استناجاتي وفكرت فيهمم وحاولت نوصل للقاتل صدقوني حاولت كل جهدي ولكن نوصل للتشابتر الاخير ناخد في كفين ع وجهي
ويصير لي احباط لان فشلت ولكن يرجع لي حماس لان
قدرة اجااثا في سرد وحبكة قصة تخلي راسك يوجع
ومرة هذه قررت نقراهم بالعربي
مزال 3 روايات تانيات نقراهم ونزل مجموعه تانية

الحقيقة نتمنى أن ما نندمش بقراري وبنحاول
بكل جهدي ان ما نفسدش الوضع ونستمر للنهاية
مرة هذه

كل يوم نكتشف ان علاقات يلي في يوم من ايامات
كنت نحسابها هي مهمه جدا بالنسبة ليا ، معاش توا
الاهتمام بها قل وان كل ما كنت نحس بيه هو نتيجة
ان علاقة هذه كانت تعطي فيا في شعور معين كنت فاقدته
في نفسي ولكن القيته في شخص تاني !!!
ومزال حا نعرف اكثر في مستقبل ومستعدة لها لان ببساطة
كوثر يلي من سنة مش نفسها توا ، افكاري ونظرتي للاشياء
تغيرت هلبا عن قبل وفخورة بها تغيير

حا تنحج وحا نوصل ل يلي نبيه ، لان ببساطة علاقتنا
قوية ومعبية حب واحترام وتفاهم