Work on your self

نسيت فاعليه المدونات ... هحاول

اتكلم عن شخص اثر فيا!؟ شخصيه تركت فيا اثر سيء جدا كانت صديقه اتعرفنا صدفه كنا بنقرأ نفس الروايه على الواتباد وهي بدأت معايا محادثه اكتشفنا اننا نعيش في نفس المحافظه .. نفس المنطقه كنت اكبر منها تبادلنا الارقام واتكلمنا على الواتساب بقينا اصدقاء واتقابلنا كتير مر سنتين ووقتها قررت اكمل دراسه هنا بدأ التغيير هي انزعجت؟! قالتلي لا متكمليش السنه دي وكملي السنه الجايه بس عاندت نفسي وقويتها ودخلت اخر سنه في الثانويه كنت حرفيا بحارب بين بيت وشغل ومذاكره لوحدي وعدت السنه ومجبتش مجموع كبير بس الحمد لله كان رد فعلها؟ ليه كده انتي مكنتيش بتذاكري ولا ايه؟ عديتها وكتمت في قلبي جه وقت تنسيق الكليات وهي قالتلي انها هتدخل كليه سياحه وفنادق فرختلها من قلبي وباركتلها وانا دخلت كليه الحقوق كان رد فعلها؟ دي كليه فاشله كتمت في قلبي تاني واتعاملت عادي وقتها اكتشفت مهارتي في الارت جورنال وبدأت اجيب الخامات رد فعلها؟ انتي بتضيعي فلوسك على الفاضي روحي اعملي حاجه مفيده سكت وكتمت في قلبي بس اتغيرت مبقتش اتكلم معاها وكل كلامي بقى مختصر جدا وهي كانت حاسه بالتغيير ولما بتسأل بقول مفيش حاجه اخر مره اتكلمنا فيها قولتلها كليه الحقوق مش شبه ما انا كنت فاكره لان في ثغرات في القانون كتيره قالتلي انا قولتلك انها كليه فاشله من الاول هنا انا انفجرت قولتلها يعني هتكوني ه لو قولتلك ان كليتك كليه فاشله؟ كان رد فعلها الزعل!! قبلته عليا ومقدرتش تقبله على نفسها وقتها عرفت انها هتفضل تديني طاقه سلبيه طول الوقت هفضل في مكاني ومش هقدر اركز في اي حاجه مكلمتهاش لايام وبالصدفه لقيتها عملتلي حظر من الواتساب! زعلت فتره طويله كل ده عشان انا قررت ادافع عن دراستي واهتماماتي؟ يعني انتي مكنتيش عايزاني ابقى افضل؟ لحد دلوقتي لما بفتكرها بحس قد ايه انا كنت غبيه وساذجه اتعلمت اني مينفعش احافظ على اشخاص مش بتتمنالي الخير حتى لو كانوا الاقرب كانت شخصيه فعلا سابت فيا اثر سلبي بس علمتني درس قوي جدا

لطالما كنت شخص مهشم ، وحيد ، مريض ، لم أود أن أصبح هكذا.

مازلت أحب وجودي في هذا العالم.

- العزلةَ لَيست كَئابة ، الكَئابة هِي رؤيَة البَشر.